عــــفوكــ !! يارحـــــيم "

[عبدالله الرياحي]

جــديـــد × جــديــد








الايـاالله يامعـبـود الا يـاحـي ياقـيـوم
الا ياعالـم الأسـرار الا يــاالله يـاوالـي





الا يامنـزل القـرأن الا ياعالـم المكـتـوم
الا ياالواحـد الخـلاق الا ياعالـم بحـالـي





انا عبدك ولاني من خطاء الدنيا ابد معصـوم
ذنوبـي ياإلهـي كاسيتنـي والعمـر بالـي





طلبتك ياكريم الوجه ياغالب جيـوش الـروم
طلبتك عفوك انت اللي عليم بكـل ماجالـي





قبل يوم الوداع وقبل شمسي تـدرق بغيـوم
وقبل القبر يحفرلي وقبـل النعـش ينشالـي





وقبل حسابك المعهود وقبل يقاللـي مرحـوم
وقبل دموع خلق الله على الخديـن تنسالـي





تجاوز عن خطاي اللي خطيته والخطاء معلوم
دخيلك رحمتك في يـوم ماتنفعنـي اعمالـي

[سامي العطاوي]

اللهم آمين

الله يرِحمنا برِحمته

عبدالله الرِيآحي

صح لسآنك ملآيين وِلآيكفوِن

وِبيض الله وِجهك

لآهنت

[أبوعبدالرحمن]

جزل يا عبدالله


صح قلبك وكلك


وسلمت اناملك


تحيتي لك

[كاسب العز]

صح لسانك وقلبك


لاهنت

[محمد بن ضاوي]

تجاوز عن خطاي اللي خطيته والخطاء معلوم
دخيلك رحمتك في يـوم ماتنفعنـي اعمالـي
,
,

آمين .. آمين يارب
اللهم اغفر لنا ووالدينا وجميع المسلمين



الف صح لسانك يالرياحي ولاهنت على هالرائعه

[احمدسبيتان]

صح لسانك ابدعت وفالك التوفيق

[عبدالله الرياحي]

اشكر كل من مر من هنا

وجودكم اثلج صدري احبتي

لاهنتوا جميعاً

عبدالله الرياحي

[صهيل الصمت]

امين يارب



سلم قلبك


ارق تحية

[ليــن القســا]

اللهم آمين ..تقبل الله منا ومنك صالح الدعاء ..
مقطوعتك ندية بحس النقاء ..
لاعدمنا جديدك شاعرنا ..

[عبدالله الرياحي]

اشكركم جميعاً على تواجدكم احبتي والله لايهينكم

والله يقدرني على تقديم مايرضي ذائقتكم

تواجدكم ومروركم اثلج صدري