العــالم بإحســاسي تهنيني !!

[أبيات خجلى]

أبشكي يا ظمير الحس عدوي داخلي محتل
من بد البشر سهمي تكون مني وفيني

من بين البشر أصرخ من أعماقي إبتعد وإرحل
يا إحساسي وسبب موتي متى تهدأ براكيني

للناس إنخلق نعمة وأنا إحساسي وحش مثقل
أجي أشهق يعاندني ويخالطني ابشراييني

أبتنهد بلا صوته على وقع الألم ينزل
كتم أنفاسي من فيضه جرحني وكان سكيني

وحش كاسر على صدري أنا ياعالمي أحمل
ضعيفة ويغرس أنيابه سهام تنادي حسيني

صعب أشعر وأنا ميتة .. وماحولي سوى العلل
صعب أقتات من جوفي جفاف وتغرق سنيني

أنا يا حس ما أملك عشان أعطي إذا تسأل
ولا عندي سوى موتي إذا تبغاه ناديني

أنا ياحس من صغري حلم يكبر وأنا أذبل
بلا حب أرتمي وأنت على اللاشي بترميني

أنا من جربت تكتب عشق وأنفاسها تنهل
كتبت وداخلي يصرخ .. كذب ماخطت إيديني

عواصف مالها مرسى تدمرني وتتأمل
شعوري اللاجئ ابحرف المعاناة اللي تنهيني

يا إحساسي ولا بيدي لهالأوضاع تتبدل
سنين العمر تتوالى وحلمي مات في عيني

أنا المظلومة ياقلبي وعشانك جيت أتوسل
يخف النبض من صدري وإذا تسمح تخليني

دقات الألم تذبح إذا أشهقها أتزلزل
عدوي إحساسي والعالم بإحساسي تهنيني

[بيان الغنامي]

صح لسانك اختي الكريمه

قصيده جميله واحساااس راائع
اتمنى لك التوفيق
تقبلي مروري

[أبوعبدالرحمن]

صح لسانك اختي


وسلمت اناملك


تحيتي لك

[كاسب العز]

صح لسانك وفكرك


ابدعتِ

[سامي العطاوي]

أبيآت خجلى

صح لسآنك لآهنتي

لكن القصيده تحتآج لإعآدة وِزِن

إعذريني على النقل