العيون~~ اليتاما

[ناصر أحمد الخريش]

السلام عليكم ورحمة الله وبركاته
عودة للتواصل من جديد بهذه القصيدة المتواضعة واتمنى ان ترضي ذائقتكم جميعا.


سلام يادرب المحبة سلاما=ماعاد بيني وبين خوتك أنساب
ومابي تزود يانديمي الملاما=مايفيد في حالي ولا حالك عتاب
( ولي ونتن من سمعها مايناما=كني صويبن بين الأضلاع " منصاب")
تسعة سنين وفوقها راح عاما=والدمع من عيني على الخد ينساب
وش فائدة دمعي ليامن تهاما=مدام تاليها على خبرك اغياب
وش فايدة ذكرى العيون اليتاما=لاصار ذكراها تحت طين وتراب
ولهتزت الذكرى بطرف اللثاما=هزت أحاسيسي وأنا عادني شاب
يوم أني أشبع وصل حل وحراما=يوم أنه به للوصل عذرن وأسباب
واليوم مابه عذر غير الهياما=من عقب ماقلبي عن مواصلك تاب
مدام صار بصفو جوك عساما=ومدامها ماتت مواثيق الأحباب
ماعاد بيني وبينك أيت كلاما=مدام صرت بحسبتك حسب الأجناب
بدفن مواثيقك براس العداما=في وسط قبرن ماعلى لاحده تراب
قبرن ملاه النور مابه ظلاما=ياكون وحشة ظلمة أرواح الأغراب
وياليتني للقبر صاحب لزاما=أهون ولا شوفك ورى غدف وحجاب
وغيري يشوفك ياشبيه التماما=وقلبي من الحسرة على شوفتك ذاب
عشرة سنين وصرتي فيها مداما=وعشرة سنين وخاطري تو ما طاب
وليت ياعهد الرخا والنداما=إن كان مات القلب في غير ماشاب
واللي يشيب مايبي الا السلاما=وسلامتك عندي ترى مالها احساب
الله يحللها صغار وجساما=اجروحك اللي صدر قلبي لها احجاب
ولوقلت ماقلته يادرب الغراما=مانيب قاوي الصد يادرب الاحباب
وخوتك تلزم يارفيع المقاما=ولوكان نور العين عن دربنا غاب
يكفيني ويكفيك قصر الكلاما=في موقف الاحراج تبيين الاسباب
لي ونتن من سمعها مايناما=شطرا يناسبني وقاله ابو عقاب
وان كان جاني من بعدها ملاما=آبتحمل لومن وصد وعتاب
وصلاة ربي ختمها والسلاما=على نبي الله وآله والأصحاب
وسلااااامتكم. {ارجو التنسيق وشكرا}

[مرضي العتيبي]

ناصر أحمد الخريش ..~

صــح لــسـآآآآنــك مــلــيووون ولا يكفون ..~

سلمت وسلم قلبك وروحك وبنانك ..~

نص مترف بالجزاله ..~

أغرقتني شعراٌ اليوم وأشبعتني أحاسيس ومشاعر ..~

لا هنت وسلمت مليون ولا هنت ..~

واليوم مابه عذر غير الهياما = من عقب ماقلبي عن مواصلك تاب
مدام صار بصفو جوك عساما = ومدامها ماتت مواثيق الأحباب
ماعاد بيني وبينك أيت كلاما = مدام صرت بحسبتك حسب الأجناب
بدفن مواثيقك براس العداما = في وسط قبرن ماعلى لاحده تراب
قبرن ملاه النور مابه ظلاما = ياكون وحشة ظلمة أرواح الأغراب


صــح لــسآآآآآنــكــ مرره أخرى ..~

تقبل تحيتي وتقديري ..~

باقة ورد لروحك الطيبه .. ~ :4:

[الجازي المري]

صح لســــــــــانك
لن اقول مبدع كعادتك---ولكن--
لطالما سمعت مقولة (ماينبع من القلب يصل الى القلب)
أدركت معناها بعد هذة القصيدة

[سامي العطاوي]

عليه الصلآة وِالسـلآم

يآهـلآ وِالله يآبوِأحمد

من طوِل الغيبآت جآب الغنآيم

صح لسآنك لين ترِضى وِبيض الله وِجهك لآهنت

وِشهآدتي فيك مجرِوِحه وِتعرفها زِين لآعدمتك

[بندر النايف]

يا هلا والله يا ناصر

ومرحبا بالشعر وأهله ,,

قصيدة من أروع ما قرأت اليوم

أحسنت وكل عام وأنت طيب وسلامة


وصح إلسانك ,.

..

وذكرتني قصيدة بن عدوان إلبارحة يوم الخلايق نياما ,.

روعه أنت وقصيدك ,.

دمت بود ,..
.

[عبدالرحمن الصقري]

اخي ناصــر صح لسانك روعه الابيات

ولكن ارى ان الابيات وجهتها وبنيتها بالبدايه على درب المحبه وهو لب القصيده بالاخير مزجت بالمحبوب

اكرر صح لسانك ووفقك الله

تقبل تحيااتي

[محمد بن ضاوي]

عشرة سنين وصرتـي فيهـا مدامـا

وعشرة سنين وخاطري تو ما طـاب
,
,
يا سلام ياناصر



ناصر الخريش ,,,

صح لسانك ولاهنت

قصيده جميله ولكن عندي تحفظ على هالبيت :


يوم أني أشبع وصل حـل وحرامـا
يوم أنه به للوصل عـذرن وأسبـاب

[كاسب العز]

ناصر


صح لسانك وقلبك

لاهنت

[بيان الغنامي]

قصيده رااائعه كروعت صاحبها

صح اللسانك وبيض الله وجهك
مدد بلا عدد

تقبل مروري اخوك
بيان الغنامي

[أبوعبدالرحمن]

جزل يا ناصر


لله درك

وصح قلبك وكلك


تحيتي لك

[ناصر أحمد الخريش]

أخوي مرضي العتيبي نورت المتصفح
تواجدك شرف كبير وثناؤك أكبر
أتمني أن أكون عند حسن ظن الجميع
ومجددا صح الله بدنك وسلم راسك

[ناصر أحمد الخريش]

أختي الجازي المري اهلا بك نورت المتصفح
وصح الله بدنك والابداع هو حضورك الراقي

[ناصر أحمد الخريش]

يالبى قلبك ياابو رغد بعد راسي والله
والله ياحضورك بس في المتصفح بحد ذاته اكبر شرف
لو بدون تعليق وش عاد لو كان حضور بهذا المنال فديتك
وصح الله بدنك يالغالي ولاهنت.

[غـــربة الــروح]

( ولي ونتـن مـن سمعهـا ماينامـا
كني صويبن بين الأضلاع " منصاب")

ونة كل محزون يا ناصر

تخرج لا شعوريا وكأنه مطعون من شدة ما يشعر به


صح لسانك مليون

كالعادة مبدع

[سـامـيـه]

نص شعري رائع
من شاعر متمكن
تسلم ياناصر
ويسلم فكرك

[ليــن القســا]

عذبة تسمو بصدق الشعور ..
تنساب بتلقائية العطاء والوفاء بمداد من عميق الصور .
سلمت ودمت شاعرنا تنثر العذب بمداد الأمل والسعد دوما ..

[ناصر أحمد الخريش]

ارحب ارحب ياأخوي بندر الناايف نورت المتصفح
لا خلا ولا عدم فديتك
صح الله بدنك طال عمرك وبيض الله وجهك
حضورك مميز كتميزك في المنتدى
وعلى طارئ ذكرتك بيت ابن عدوان أنا مابدعت القاف الا بعد هالبيت
اللي ذكرت عموما استلم ياطويل العمر

ولي ونتن من سمعها مايناماااا@@@شطرن يناسبني وشاعره ابو عقاب.

[الحسن ال منصور]

صح لسانك ياناصر



وأنا أختلف مع أخوي عبدالرحمن الصقري


لأن المحبه والحبيب شيء واحد ولا يمكن لأي شخص فصلهما



لذلك عندما تتحدث عن أحدهما ستجد الآخر معه لا محاله



لذلك هما لا يحتاجان لأداة ربط لكونهما الجسد والروح لشخصين يجمعهما الحب



مبدع ياناصر


وعندما تجد الإتفاق والإختلاف حول النص فثق أنك تكتب الشعر الحقيقي




تحياتي



.




.


.

[ناصر أحمد الخريش]

مرحبا يالصقري وجودك شرف المتصفح
وصح الله بدنك يااخوي وبيض الله وجهك وجهة نظر واحترمها
لاخلا ولا عدم من تواجدك.

[ناصر أحمد الخريش]

مرحبا بك ياكاسب العز هلا وغلا نورت المتصفح

وصح الله بدنك وبيض الله وجهك وجودك شرف لاهنت.

[ناصر أحمد الخريش]

ارحب ياابو ضاوي وصح الله بدنك
وبيض الله وجهك. حضور نور المتفح واعتز برايك
كثير ولا مانع من التحفظ وجهة نظرك ونحترمها
ولو كنت ارى ان عجز البيت جب توبة صدره
بمعنى برر القصد من لفظة التحفظ لديك.
عموما بدون مجاملة وجودك شرف ورأيك محترم

[ناصر أحمد الخريش]

هلا وغلا ياأخوي بيان الغنامي نورت المتصفح
لا خلا ولا عدم
وصح الله بدنك ووجهك ابيض طال عمرك
حضورك نوماس للقصيدة وفخر لشاعرها.

[ناصر أحمد الخريش]

صح الله بدنك وبيض الله وجهك ياابو عبدالرحمن
نورت المتصفح بحضورك والجزالة منك نعلمها.

[ناصر أحمد الخريش]

مرحبا يااختي غربة الروح وهلابك تواجدك شرف المتصفح
وزاد من نوره والابداع مستمدمن إبداع تواجدك
صح الله بدنك ولاهنتي

[ناصر أحمد الخريش]

هلا وغلا أختي لين القسا شرفتي المتصفح بحضورك الجميل
شاكر ومقدر لك تواجدك ولا خلا ولاعدم من تواجدك.

[ناصر أحمد الخريش]

هلا وغلا أختي المراقبة سامية
وجودك نور المتصفح لاهنتي
والله يسلم راسك ويديم عزك

[ناصر أحمد الخريش]

ارحب يالحسن ال منصور يالله حيه
نورت المتصفح بتواجدك طال عمرك
وصح الله بدنك وبيض الله وجهك
ولو اختلفت مع غيري أنا متفق معك
في كل الأحوال ونحن منكم نتعلم
عموما مجددا وجودك شرفني.

[صهيل الصمت]

صح لسانك ملايين




ارق التحايا

[منصور الدرين]

صح لسااااااااااانك

[ناصر أحمد الخريش]

أختي صهيل الصمت اهلابك في المتصفح
وصح الله بدنك ولاهنتي دمتي بخير.