لمـــعة ســــرابـــــــ

[ليــن القســا]

صباحكم عابق بالسعد والرضا ..


متواضعة .. أتمنى أن تسمو لمستوى الذائقــــة ..





جيته من أقصى ماتكّون بالاعماق= مدري ولــه ولاوفــا مادرا به
مشتاقه الخطوه لدربه والاشفاق= تسرع تبي تلقاه حضرة جنابه
تغرد أحلامي على غصون الأشواق= وتصفق اكفوف المحاني صبابه
حتى وصلته وانثنى عنده الساق= وتبدلت ضيقة خفوقي ..رحابه
بدا يسولف لي عن اجروح الافراق= وش سوت اركاب الحنين بغيابه
آخايل ادموعه على الخد تنساق =تجري كما يجري هميل السحابه
بغى يرده لكن الوجد حراق = بين الحنايا ماترده مهابه
يقول فرقى الولف ماهوب ينطاق= واثره يوجه يم غيري خطابه
من ( بنت قلبه ) يشتكي لي والارهاق =وأنا اشتكي قلب يحبه شقا به
يالوعة اللي جاه مسرع ومشتاق= واقفى يجر خطاه جرحه سطا به
لا واعذاب اللي تخيّل ولا ذاق= شاف السراب ويحسب إنه جوابه
يومه وصل آخر متاهات الاغراق =نوى الرجوع وخان دربه صوابه
ماعاد باقي غير نزف بالاوراق= شعر(ن ) يعزي خافقي في مصابه







وســـلامتـــكــم