[..أجمل ماقرأت لهُم..]

[أريج الرياض]

الَسلآم عليكُم ورحمَة الله وبركَاتُه..!
،


صبَاحكُم../مسَاكُم شعِر:11owers:




يَزخَر قسْم الشعِر بمُبدعِيَه..تسلَّل حرُوفهُم الَى قلُوبنَا بصِدق


وتحتَل مسَاحَات من ذوَائقنَآ..كثِيرآ مانَقرَأ لهُم مايستحِق التخِلِيد


هُنَا سـ ندوِّن أجمَل ماقرَأنَا[لشَعرَاء وشَاعرَات غرَابِيلْ] مِن قصَائِد


وابيَات تستحِق ان تُنقَش على جُدرَان الذَاكرَهـ...!




شَاركُونَا فلآ يكُون التألّق الا بكُم..~


دُمتم بـ أطيب حَال.
:6:

[سامي العطاوي]

أرِيج الرِيآض

يعطيك العآفيه على الفكرِه الرِآئعه لآهنتي

لي عوِده بإذن الله

[ناصر أحمد الخريش]

تميز بالفكرة كما هو حضورك المميز بكل شي
هنا يكمن دور الاشراف على منتدى بحجم غرابيل
لله درك ولي عودة قريبة دمتي بخير

[ليــن القســا]

مساؤك باقات من الورد العبقة بالسعد والعافية عزيزتي ..
عطاءرائع ..ومتصفح سيحاكي الغمام ..

لعلي أورد ..آخر أبيات استباحت الوجدان هذا الصباح للشاعر الحاضر الغائب ( محمد السالم )

يقول شاعرها :




تجمح " العبـرة " بصـدري ولا تلقـى طلـوع
مثل " دمعي " كل مـا قلـت لـه ينـزل صعـد
تشتعل " نار " المواجع وانا صدري " شمـوع "
مالهـا فـي لاهـب النـار والضيقـة جـلـد

[أريج الرياض]

مسَائكُم ورُود ودَهن عُود
شَاكرَه جدآ لجمَال التوآصِل..،



للشَاعِر الرآئِع:محمَّد بن صخِيبرْ


الضيقة اللي كضّت الصدر الرحيب .. وملّها=متخالط ٍ فيها ملامح حسنتي مع سيّتي

ماتهمّني .. ألاّ ليامنّي ذكرت إن غّلها=إليا طلعت في شاربي .. وليا نزلت بلحيّتي *

أكنّها .. وأدرى عليها .. وأحتويها .. علّها=تنزاح .. والا أقل شي ماتستلذ بكيّّّتي

على كثر ماأدرى زعلها .. واحتمل .. وأشتلّها=ماكنّي ألا حسبة أخوها .. وهي وخيّتي

ليت الظروف شعوب والضيقة دوَل وأحتلها=حتى أتقلّد منصب الراعي .. وهي رعيّتي

آمر عليها .. وآتحاشى ذلّها .. وأذلها=أما كذا .. والا بلاش أتعب بطرد أمنيّتي

الشَجْرة اللي لاثمر .. ولايظلل ظلها=أمرّها مرّ الكرام .. ولاحسبت لفيّتي

مشاكل ٍ تجتاحني .. وأحيلها .. وأحلها=أخير من كف العذول .. اللي تمنى جيّتي

كان الوجية اللي تبسّم لي تغير دلها=عن ثورة جنون القوافي ياحروفي بـيّـــتي

ماني بملزوم ٍ على حد السيوف .. وسلّها=دام الكفوف اللي تخامسني .. تحب آذيّتي

أرفا خمال الهرج .. والزلة تروح بحلها=لويلتوي فيني غراب البين ماألوي نيّتي

أطوي مسافات الزمن .. ساعة زمن .. وآفلها=في عالم المجهول .. ترنيمي .. وعزف أغنيّتي

علّ الدروب اليابسة .. نوّ الحقوق يبلها=تثمر منابتها وصل .. وأعدّها ماريّتي

امّا سقيت الروح من عِدّ الروى .. وأعلّها=والا عساي أموت .. ماحيّ ٍ عرف ماهيّتي

[نـــادر]

اشواق

الله يعطيكِ العافية


وحبيت انقل لكم كم شطر اعجبني من قصيدة الاخلاق للشاعر فراج العتيبي



يميز القصايد لمسة الشعر واسلوبـه
مثل مايميز الرجل عن غيره اخلاقه

وعمر الفتى لاشارف وقرب غروبه
وهو ماجعل روحه للاخلاق كالباقـه
خساره من اول بسمه بيوم فرحو به
الى آخر دمـوع المحبيـن بفراقـه

[ناصر أحمد الخريش]

حافظ جميل الشاعر العذب يقول
يوم مقياس الرجال يحدده ميزان مالي## مالت الكفة مع اللي يدهن سيور المكينه
بيت جميل ورائع صح الله لسانه وصحت قلوب الجميع.

[أريج الرياض]

للعذَب:الحسَن آل منصُور

اقتباس:
المشاركة الأصلية كتبت بواسطة الحسن ال منصور

إنْ خذاك الجفا مني فلا تردعه=مايرد الكريم إلا خبيث الطباع
عندك افجوج ربي والجهات أربعه=أبعد بكل ماتقدر بدون إنقطاع
إرحل اب/قاربك عني بدون أشرعه=وإنْ نشدك البحر عني فقل ضاع ضاع
مابقى لك كلام اتقول لجل أسمعه=ومابقى لي خفوق يذل وآنا شجاع
مايبوح بشقا نفسه سوى مدمعه=وإنْ سُئِل عن سبب دمعه يقول الصراع
الصراع إنْ قدر ظلم الزمن يمنعه=لو فِقَدْه القوي عن غيبته ما أستطاع
معْ غيابك تبعثر حلم لو أجمعه=مابقى ف/الزمن للناس غير الضياع
إلبس إل/واقعك شيلات وألا أقنعه=لايمل الزمن مما يخبي القناع
ولا تسائل عن القسوه عُقُب معمعه=ولا تسائل عن الفرحه عُقُب ما يلاع
كلنا ما نْعَرْف الضيق لولا السعه=وكلنا ما نْعَرْف الدمع لولا الوداع

[محمد بن ضاوي]

والله اني كل ما طالعت وجهي في المرايه=قلت يا وجهي تبسم قال يا ناصر فراق



للشاعر / ناصر مطلق البقمي







كل ماغنيت قلتو لي في من=ليتكم مره سألتوني لما


للشاعر / منصور الحربي (مغترب)








أروح من واقع حياتي للأحلام = لعلي انسى ضيم واقع حياتي
أطرد سراب أحلام في جرهد أوهام = وانا ظما الواقع يجرّح لهاتي
أزرع بذور آمال في تربة آلام = وأحاول اجمع في نتاجي نجاتي
أخاف يصدر يأسي أحكام الأعدام = على طموحاتي واسبب مماتي
قتل الطموح اجرام ما مثله اجرام = وأدهى وأمر أقتل طموحي بذاتي
أعيش مع نفسي صراعات وخصام = والظرف لـ أشعال الفتيله مواتي
لو ينثني عزمي تخليني حطام = تجعل وجودي شي من ذكرياتي
لكني آخذ من تحديها الألهام = وأرسم طريقي بـ أتجاه امنياتي
وأحوّل احباطي عزيمة للاقدام = وألملم آمال البقا من شتاتي
أسبح بحلمي في بحر سود الأيام = واصارع التيار والموج عاتي
أقوم بأدواري لو الحظ ما قام = مازعزت خيبات حظي ثباتي
ماني على نفسي مع الوقت لوام = ردي على نكبات وقتي سكاتي
الهم يرصدني على الدرب قدام = وأمشي وأقول ان الفرج معك ياتي
ممشاي لو تحفى من المشي الأقدام= أخير لي من وقفتي وألتفاتي



الشاعر / احمد مناحي



كنت أحسب إن الحب تقدير وإيثـار

وكنت أحسب إن الحب مثلي يجودي

وكنت احفظ العشرة وكنت أكتم أسرار

حتى حـدودي مـا تعـدى حـدودي

الحب عندك لو حسبتـه بالأصفـار

والحب عندي لـو حسبتـه يـزودي

محتار !! ؟ تستاهل تجي اليوم محتار

بهديك أنا من بعد حبـي,, صـدودي

لا تحسب أني بعـد فرقـاك بنهـار

اشتـد مـن زود المعانـاة عـودي

والله ما أبقى لو تحاصرنـي أسـوار

حررت أنا مـن زود ظلمـك قيـودي

وش تنفعك عشرة عصافير لا طـار

عصفورك اللي فـي يدينـك ودودي





للشاعره / امل عبدالعزيز











ثلاث سنين مـا دق الخفـوق لغيـر نظراتـك=وأنا اللي كنت أشيلك في عيوني لي ثلاث سنين
طعنتيني وكنت أحسب تجيني اليـوم فزعاتـك=وأنا ماكنت أحسب إنك حبيبة راعيـة وجهيـن
تقولين الهوى لأجلك واشوف الكذب في ذاتـك=غرامك بس قدامي وإلا من رحت أنـا تنسيـن
تركتك واعرفـي إن الخفـوق يعـاف كلماتـك=تركتك واتركيني ما أحب ألعب علـى الحبليـن
أحبك مـن زمـانٍ فـات لكـنّ الزمـن فاتـك=ومات الحب في قلبٍ على درب الهوى مسكيـن
وزان الوقت في فرقاك ,, حانت لحظة سكاتـك=وأنا ما عاد أتحمل زمانٍ فـي وجـودك شيـن
هدمتي حبنـا بيديـك مـن كذبـك وغلطاتـك=هدمتي الحب في لحظة مثل فعل المطر بالطيـن
عطيتك من دروس العشق نبضة فـي بداياتـك=عطيتك كل نبضاتي ولا كنـت اعتبرهـا ديـن
توقعت البشر تكذب وأقـول الصـدق فِشفاتـك=وصار الصدق في غيرك وصرتي أكذب الغاليين
وإذا كنتـي تشوفينـي أمـوت بكثـر طعناتـك=تعالي ,, هي شجار التين تسأل عن سقوط التين
تبين اليوم اجمع لك زهـور الحـب وشتاتـك=هبوب القلب لزهورك ترى عكس الذي تبغيـن
وإذا كانت ثـلاث ايـام هـي سبـة معاناتـك=أجل شوفي معاناتي مـع حبـك ثـلاث سنيـن







الشاعر / ابو عبدالرحمن












وبإذن الله اذا صار لي دخول ثاني راح اختار ايضا



شكرا اريج على هالموضوع

[سامي العطاوي]

من شهر عانق الدمعه كفوف اليديـن

وإحضنت عيني الذكرى ومعها السهر

حالي اللي سألتوا عَنْـه يَمْ/سافريـن

حالي اليوم مثل الحـال قَبْـل الشهـر

كيف أسوي ملاذ القلـب يَمْ/هاجريـن

أقفت إب/قلب من عاند زمانـه دهـر

قَبْل أعَرْفِه أنـا والشعـر متفاهميـن

أكتبه من غرور وينحـدر مـن نهـر

ومن عرفته كتبت الشعر وآنا حزيـن

أكتب البيت من دمعه وحـزن وقهـر

كنت أسج إب/خفوقي كل ماضاق ليـن

ماعرفت الهموم اللـي تشـل الظهـر

كل ماشفـت بستـان المحبـه بعيـن

قامت العين لخـرى تستحـث الزهـر

وردتـي ماتشابـه فـل أو ياسميـن

وردتي من لقاها ف/الخفـوق أنبهـر

سقت حب وغرام وسقت شوق وونين

وسقت دمعي وقلبي في لقاهـا مهـر

أكفهـر الغـرام اللـي بحبـه يدِيـن

وأكفهر الزمان ووجههـا مـا أكفهـر

سر تحت الضلوع وبحت به ف/الحنين

صارت أسرار قلبي في غيابـه جهـر

ما أبغي الناس تدعيني بشاعر دفيـن

أشتهر حبه إل " نوره " وهو ما أشتهر


للمتألق دآئما / الحسن ال منصوِرِ

[مشعل الثبيتي]

الله عليك أختي اريج ,,



دائماً مواضيعك مميزهـ وأفكارك رااائعه ,,




تحياتي لك أختي ..




وبأذن الله لي عوده ..





أخوك




م ش ع ل @@

[مذكر الروقي]

الله عليك يااريج

طرح راقي

وفكره جيده

سلمتي

[أريج الرياض]

للعَذبَه:دمع الغزَآل
ألا ياساحلي قلي ترا ما للجـروح إحسـاس
أبي تجمع خساراتي وترميهـا علـى ارباحـي
تذكر يابحر مره رسمتـك داخـل الكـراس
طلع طعم الحبر مالح وثور باقـي اجراحـي
.،’
للجمِيلَه:لِين القسَا
لا واعذاب اللي تخيّل ولا ذاق
شاف السراب ويحسب إنه جوابه
يومه وصل آخر متاهات الاغراق
نوى الرجوع وخان دربه صوابه
ماعاد باقي غير نزف بالاوراق
شعر(ن ) يعزي خافقي في مصابه
.،’

للأنِيقَه:أمَاسِي


عـَرايـِس مـُهمله بـِخـْزانتي ناحت
وطـِفله بالضماير خـاب مـَظـنـونه
شُموس الحـَظّ بالتـّطمـين ما لاحـَت
واماني الـرّوح بـالكـِتمان مسْجـونه
....
قـُلـُوب اتـْموت مستوره وما بـاحت
تـِذوق المـُرّ والحـِرمـان ماعـونه

على كـِثـْر الجـِفا والظـّيم ماصاحت
ومابـان العـَـنا لو عـاث بـِعـيونه

يـِشَـيّمها الرّضا واحـساس به راحت
دبـيبَ الوقـْت يـَدفـِنها على هـونه
.،’
للشفَّافَه:رعشَة هدَب
حلمي أحب إنسـان مضمونـه إنسـان
ماهو من اللي يلدغـك ثـم يسـري ..
.،’

للفَاتِنَه:أنِين الذكريَاتْ
بكيتـ(ـني) حب.. يرجيـ طيب مثواكمـ
دمعٍ يندّي التراب الي يكفّنكمـ

أحبّكمـ من صميمـ القلب.. لرضاكمـ
وأشتاقكمـ من وريدي لين أماكنكمـ
.،’

[احمدسبيتان]

المتألقه اريج الرياض موضوعك جميل واعجبني كثيرا"

كذالك الذائقات الشعريه الموجوده فهي تدل على فكر الشاعر

وصدق احساسه فالقراءه لذالك انا لا ازيد عن زملائي

فأنا لو اردت ان اختار مايعجبني لاخترت مما اختاروه هم

ولكن ربما يكون لي هنا عوده قريبه اذا لم يسبقني احد بالأختيار


شكرا" يا اريج الرياض على الجهود الملحوظه والمواضيع الشيقه والراقيه

[سعيد جزاء السميري]

كلمات المبدعه أريج الرياض



ماعـاد باقـي بالبشـر ذرة احسـاس



راحت مفاهيـم المحبـه عشـا طيـر



الناس ماعـادت كمـا سالـف النـاس



والخير يصبح بس ماهو علـى خيـر



يامـن يعلمنـي علـى سكـة انعـاس



وارتاح من حزنٍ بـدر منْـه تقصيـر



من ينتشلني مـن محطـات الإفـلاس



قفر السهـر ياللـي تحـوز المشاويـر



قلبـي يسـج يـدور لهمـه اونــاس



واللـيـل مايرحم..ولافـيـه تقـديـر



وحشة ظلام ..ورجفة ايدين ..وانفـاس



كن المسا منـدوب ..سـود المقاديـر



لجةْ همومـه بالحشا...لجـة اجـراس



منها الضلوع شوي من صدري تطيـر



حملٍ يجنبني ..وحمـلٍ علـى الـراس



مـدري ســواة الياس..ولاتدابـيـر



دمعـي قلـم وخـدود الأيـام كـراس



شقّت علـى وجـه الزمـان التعابيـر



عادي صغيره ..لاكن الوقْت له بـاس



احيان تلقى الشيب ..في قبلـة صغيـر



دنيا ولو يصفى بهـا طيـب مجـلاس



ياتيك من عقـب الصفا..وجـه تكديـر



باب الفرح موصود..بجيـوش حـرّاس



ولا الحزن..لو صحت به..قال لك خير!



ماجور ياقلـبٍ غـدى شربـة الكـاس



ماكـنّ بـاقـي للسـعـاده مسايـيـر



غصن الغلا..مهجور في غمرة ايبـاس



مايل ولا مال الوفا..عسعـس الضيـر



اوّاه ياحبّ..انغصب..لـمّ الأنـجـاس



الله يردّك..للـسـمـا والعصـافـيـر



اتعـود مثْـل اوّل..لـلأرواح نبـراس



فـوق الحدود..وفـوق كـل المعاييـر



ان حبّ قلب..ايهـزّ عـرش التلبّـاس



وان مات حبّ..يطيح عـزم المغاويـر



أكبر فخر في قولـة انسـان حسـاس



بيـض المشاعر..تحتويهـا التباشيـر



ان ماسهرنا شوق..ودموعنـا المـاس



ولا بـلاش امـن العنا..والتسـاريـر



ان عاد مجد الحبّ..عشنا بـلا قيـاس



وان راح..رحنـا والبقـا للمعـاذيـر



اما تصير الناس..فـي خانـة النـاس



ولا..هلا..بالموت..لـو كـان تعزيـر

[منيف مفرح العتيبي]

يعطيك العافيه يا اريج ون شاء الله لي عوده دمتي ب هكذا تميز

[أريج الرياض]

شَاكرَه لجَمال تواصلكُم
أنتظِر مُشاركَاتكُم بشَوق
فلا يكُون للتميّز عنوآن الا بكُم :6:





للمتألِّق..العذب:سرّاي..عبد� �لله الحَربِي








المكان اللي به الذكرى ملت كل الزوايا =كل شبرن فيه يسأل ليه جياتي لحالي
ليه وجهي ممتلي من وحشة الوحدة شظايا =وينها بسمة شفاه(ن) نورت ذيك الليالي
ابتسمت .. وباقي(ن) للدمع في وجهي بقايا=وإعترفت,, ان الفرآق اللي برآ بالشوق حالي
صاحبي من يوم ضمت روحه يدين المنايا =مادريتي يالزوايا في غيابه وش جرالي
صرت اشوفه واقف(ن) مابين وجهي والمرايا=كن زوله يوم مات بواقعي عاش بخيالي
رآح قبل يشوف وش كبر الغلا بين الحنايا=راح قبل آقول له إن الزعل ماهو فبالي
مابقى غير القصيد اللي فضح عقبه خفايا =ولا بقت غير الدموع اللي روّت منها رمالي
صح بوح الحزن ولسان المشاعر والنوايا=دام شعري اصدق لسان(ن) نطق حزني بدالي
يالمكان اللي بك الذكرى ملت كل الزوايا=احسب حسابك خلآص الحين جياتي لحالي

[محمد بن صخيبر]

لشاعرتنا المميزة والمبدعة أريج الرياض



آتنفَّس ضِيق..واتْشبَّع همُوم=وافتح ازرَار الجوَارح كلّها
اطلعِي..ياعبرة القَلب الكتُوم=شجْرة العزَّه..تقَاصر ظلِّها
كَم سدِيدِه تَاهت بعَتم السلُوم=وكَم جريحه تموت ضِيم بغلَّها
آه لاشفت السمَا..تنجب غيُوم=وآتحَالاهَا ..ولا أبتلَّها
حالتِي يوم الأمانِي ماتدُوم=فالهَا مايسعدّ اللي شلَّها
كنِّ حزْن الوقت..في صدري رحُوم=سكّر درُوب الهوا واحتلَّها
حاجتِي لَو كَان تدفَعها العزُوم=ماذخَرت الجهْد..واسأَل من لهَا!
داخلِي طفلَه فلا تقدَر تقُوم=وهي تحسّ النَاس إخوانٍ لها
ليت لِي قلبٍ على القسوَه جزُوم=مايحرّ العِين غير لخلَّها
من يسلفنِي جفَا وقت اللزُوم=يمكِن ارتَحت..ورضِيت بـ قلَّها
دِيرتِي..هِي مَضرب الأمّ الرؤُوم=احضنَت طفْلٍ غريب وعلَّها!
يايبه..يكفِيك عن طُول العلوم=شف عنَاوين الصحف..أو خلَّها...!

[فخر أهلها]

يعطيك الف عافيه يااريج

متصفح ملئ بالعذوبه

فكره جميله وتجاوب اجمل من الاعضاء

الف لاهنتي

وان شاء الله يسمح الوقت ويكون لي عوده

[محمد بن ضاوي]

يادار أنا بأسألـك ويـن المهاجـر

اللي على الفرقا طواريـه عجلـه

يا ليتني دون السفر صرت حاجر

وإلا مشينا الدرب رجلي ورجلـه

ما ملت دموعي ربوع المحاجـر

واستنزلت من بعد ماهي بخجلـه

أحسها من فـوق خـدي خناجـر

وأدعي عسى ماراود الدمع نجلـه

الوصل مذنب لكن البعـد فاجـر

ومشاعر اللي يرجي الوصل وجله

وشلون هو بأسهم عذابـي يتاجـر

هذا وأنا اللي مرخص العمر لأجله

من يم ربي كل مـا يبعـد آجـر

ومن يم قلبي ويله وطـيَ سجلـه

يا شوق من لقياي كنـك تضاجـر

وحيَنت لك ذود(ن) من العام هجله

عشبك صفقه البعد لوهو مشاجـر

أمطر عليه بوصلك العذب واجلـه

ما شوه الساعـد بريـق البناجـر

ولامات من زود الظما جار دجله

أغلى قصيدي لأجل عينك تشاجـر

ما فاز به غيـرك ولا ينتهـج لـه

للمهـد خـاط وللتوابيـت ناجـر

يولد به العاشق ويلقـا بـه أجلـه

ليت الشفاء بنبعه مثل عين هاجـر

دامه خليلي وأصدق الوجد نجلـه

وياليت سري تحت حكم الحناجـر

لكن دموعي تستبيـح الفـرج لـه






للشاعر / احمد بن ناحل



,
,
,
,


التعـب للفاهـم الحـر والدنـيـا خـبـاوي

والبليـد ايعيـش وايمـوت بالدنيـا بلـيـد

كـل ماقرّبـت للنورشفـت إنـي عـمـاوي

وكل ماحـس بوجـودي أحـس انـي فقيـد

وكـل مابرّقـت بالنـاس هنّيـت الـخـلاوي

وكـل ماعانـدت عقلـي متاهـاتـي تـزيـد

المناوي بعـض الأحيـان ياعسـر المنـاوي

مـن مجـرد كسـرة الخبـز للعقـد الفريـد

اخطبوا فينا ونمنـا علـى حسـن القـراوي

واقتنعنـا بالقناعـة بفتـوى كــل سـيـد

أكرمونـا بالبقـايـا وزدنـاهـم دعــاوي

والعطـش بكفوفنـا صـار شيطـانٍ مـريـد

الفكر جسـر التعاسـة وعنـوان الشقـاوي

اسألوا من فكـره أضنـاه فـي وقـتٍ عنيـد

لاتفكـر لاتفكـر... تعيـش بـلا بــلاوي

آفـة العقـل التفاكيـر والجـاهـل سعـيـد

عرش كسرى والممالك اجل وش هي تساوي

دامها دِفْنَت مع الوقـت فـي صحـرا جريـد

وش نبي مدري اش نبي لين صار العود ذاوي

من هو اللي بس فينا عرف وش هـو يريـد

ياطريقي انت غربـة وانـا عايـش جـلاوي

والظـلام اللـي بعينـي ابـد ماهـو جديـد

مظلمة والرجل تشكي مـن غيـاب المخـاوي

ياخويي وين طـوّح ... بـك الـدرب البعيـد

كل ماأرسلت لك صوت ينكس لـي صـداوي

الجبـل أشفـق عليّـه ولكـن وش يفيـد ؟!

آه ياكثـر الصناديـد وأصحـاب النـخـاوي

في نهارٍ .... الرخا فيه هـو بيـت القصيـد

وآه ياشـح الرجاجيـل وكفـوف الـنـداوي

لاتحيـزم كـل حــرٍّ بمحـزمـه الشـديـد

فلسفـة تعقيـد مـدري خرافـات وحـزاوي

والخرافـة بعـض الأحيـان مصدرهـا أكيـد

وحي شاعر يطرد الليـل مفـزوعٍ ضمـاوي

يكتشف في آخـر الـدرب إنـه هـو طريـد

تقنب ذيـابٍ تحوفـه وهـو طخّـه سمـاوي

كنّها لامن رماهـا دعـت هـل مـن مزيـد

والسلاح من الذخيـرة يكـاد يكـون خـاوي

مابقـى ياكـود طلقـة تحـيـد أوماتحـيـد

ياأخي ياتعـب الأفكـار يامقسـى الرجـاوي

ليتني أقـدر ( أطنِّـش ) مثـل كـل العبيـد

ياأخـي انـس الحكايـة وخلـك بالغـنـاوي

كـان ودك راحـة البـال والعيـش الرغيـد

اشطب التاريخ واحـذر تصـدِّق قـول راوي

مالـك ومـال النياشيـن والمـجـد التلـيـد

عش مثل ماعاش بصري قضى عمره هواوي

بين حلـوات العـذارى قضـى عمـرٍ مديـد

وإن غلبك الطبع مثلي تـرى مالـك مـداوي

غير تصبر والصبـر مـر ... لكنـه حميـد



للشاعر / حمدان بن سالم


,
,
,
,






ياعشـقـي الاول التـالـي

من دونـك الليـل ياطولـه

ياخذك غيري وانا لحالـي؟

لاحال من عامنا حولـه..!

واليا اختلف وضعك الحالي

وشوله الحـب؟! وشولـه؟

ما ارضى على الغير بافعالي

بالعز لي صولـة وجولـة

الطيب لـي كاسبـه خالـي

وابـوي نوماسـي افعولـه

يااما عيالـك هـم عيالـي

والا الوصل صعباً وصولة

دام الزمـن بيننـا حـالـي

مافـاد لـو قلـت محلولـة

خسـرت انـا كـل آمالـي

ماشفتهـا منـك مقتـولـة

وش فيك تبكي على حالـي

تبغانـي انسـاك بسْهولـة

الله يوفـقـك يالـغـالـي

هـذا الـذي أقـدر آقولـه






للشاعر / فايز ماجد

,
,
,
,


ما كل شاعـر يلحـق أبياتـه إطـراء

وما كل من يكتب توقّف لـه صفـوف

ومـا هـوب كـل النقـد ينقـال بنّـاء

النقد لاجـل النقـد لا شـك مكشـوف

الشعر في نقـده مثـل كـل الأشيـاء

بعضه يجي مرغوب وأحيان معيـوف

ويبقى اختلاف الراي فـي نقـد الأداء

واقع طبيعي وأمـر عـادي ومألـوف

قـال المثـل : لـو اختلفنـا فـالآراء

يبقى احترام الراي ما يلحقه " أوووف "

وإن كان به شاعر مـن النقـد مستـاء

لا عاد ينشر شعر ما هوب مكلـوف !!

لا صار يبحث عن " فلاشات الأضواء "

وينشر عشان يقال شاعـر ومعـروف

لابـد يـبـدع لأن للشـعـر قــرّاء

ويكتب قصيدٍ يلهـب قلـوب وكفـوف

ويحط له في ساحة الشعر " إمضـاء "

عشان كـل النـاس تقـراه وتشـوف

الشعـر غيـر ولا يشابـه للإنـشـاء

ما هو وزن أو قاف أو صفة حـروف

الشعـر كانـه مـا تغلغـل فالأحشـاء

يبقى كلام إن كان ما حـرّك الجـوف

يعني لو أنّه درس في " علم الأحيـاء "

يحتار فيه اللي علـى العلـم ملهـوف

و " تصفيقة الجمهور " لكبار الأسمـاء

لنهم عطوا للشعر ما مـرّوا ضيـوف

ومن خلقت الدنيـا والإنسـان خطّـاء

والغافل اللـي كـل غلطاتـه تطـوف

أحيان تلقى من ورى شعـرك إطـراء

وأحيان ما تاقف علشانـك صفـوف!!



للشاعر / مفرح بن مناحي




,,,,,,,,,,,,,,,,,,,,,,,,,,,,,,,,,,,,,



اكتفي بهذا القدر اليوم وبإذن الله لي عوده مع المبدعين

[أريج الرياض]

اثرِيت الموضُوع بحضُورك الجمِيل يامحمّد
ذائِقَه رفِيعَه واختَيارَات متميّزَه

بإنتظَار عودتِك بالتأكِيد
شُكرآ لك ولكُل من مرُوا هنَا
:6:

[sمن الناس]

موضوع يستحق الأشاده


لاشك أن القصائد الجميله كثيره والأبيات الأجمل أكثر



متابع بصمت..ربما

[محمد بن ضاوي]

دفعني ظلام الوقت والبـارق اللـي لاح

لعلـه ينورلـي طريـقـي بمسـرايـه

بديـت اتفقـد واقعـي والظـلام انـزاح

عن الكون لكـن داخلـي مالـه نهايـه

شيكت الظلام اللي دخل خافـي واجتـاح

بقايـا الامـل لكـن علـى الله مشكايـه

متى تنجلي ياهم مـن داخلـي وارتـاح

وتصبح ترفرف داخلـي للفـرح رايـه

رسمت العداء بيني وبين اصغر الافـراح

وصبرت وصبرت وجيت كلي من اقصايه

عطيت الزمن لكن يدين الزمان شحـاح

قتل فرحتـي واغتـال حلمـي بدنيايـه

وضعلي على مبدا طريق النجاح اشبـاح

وعزلني وغربنـي لوحـدي وانـا تايـه

بعد تهت ياباب الامل لـو معـي مفتـاح

تموت الوسيله كـل مـا ماتـت الغايـه

ولا يازمن يكفي من الماضي اللـي راح

معاد احتمل طعنه مـن ايامـي الجايـه

مصيبه جنيت الشوك وانا اغرس التفـاح

حكاية زمـن لـو الزمـن كلـه حكايـه

مناخ الزمان اللي بشتى الهمـوم اجتـاح

وسط خافقـي ماغّيـر اصلـي ومبدايـه


للشاعر / خلف الروقي

,
,
,
,



الشعر بوح احساس ماهو بالاسماء
اللي ترددها الصحف والمجلات

ميراث من موتى تورثّه الاحياء
ولازال يحيي ذكر مجموعة اموات

الشعر كم فرّق وكم ولّف اعداء
ماله حدود ولا مكان ومسافات

واذا ملكت الشعر مع فن الالقاء
كسبت جمهور ومديح وإشادات

بعض القصايد تغري الشاعر اغراء
وتغنيه عن كثر السهر والكتابات

ان مالقيت انسان يحسن للاصغاء
وذوقه رفيع ويمتلك فن الانصات

ماهو بشرط انك تحصّل لك اطراء
بعض المديح يغث في بعض الاوقات

وان كان ماجا رد من بعض الاعضاء
عشان ماتملك مكان وعلاقات

منته بملزومٍ بتلطيف الاجواء
وبذل الجهود وفتح كل المسارات

واتنزّل ابياتك على خط الاهداء
مبسوط كنك ماطمعت انها جات

وتحاول انك تندرج تحت الاضواء
وشحذ الهمم للرد بشتى العبارات

اكتب وطلّع مابجوفك من اشياء
باحساسك انت ولا تلفت للاصوات

ماهو بعيب انك تعرّض للاخطاء
الكل يخطي جـل رب السموات


للشاعر / سامي العطاوي

,
,
,
,




اثرِيت الموضُوع بحضُورك الجمِيل يامحمّد
ذائِقَه رفِيعَه واختَيارَات متميّزَه

بإنتظَار عودتِك بالتأكِيد
شُكرآ لك ولكُل من مرُوا هنَا



تسلمين يا أريج

انتي اللي اثريتي القسم بموضوعك وبانتظار مشاركتك ومشاركة جميع زملائنا

[مشعل القيصومة]

سلام عليكم ورحمت الله وبراكته.............



يسلموووووووو علي القصيده اراعه ذوووووق ..........

[عبودى]

طرح بمنتهى الروعهـ
سلمت يدآكـ على هذآ الإبدآع
لاعدمنـآ هذا التميز
يعطيكـ ربي العآفيهـ
بـ نتضار كل جديدك
لبى قلوبكم على هالطله أنا أفداكم
موضوع في قمه .. آلروعه وآلجمآل
مشكوره ومآقصرتي .. آختي آلكريمه
عآلطرح آلرآئع وآلجميل
لكي خآلص .. آحترآمي .. وتقديري ..
منورة يافديت قلبك