ازريت انام

[محمد الجبريني]

الحال زفت وصحتي حيل سيه=(ازريت أنام) بليلتي ربع ساعه
انعس ثلاث اربع دقايق وهيه =والبطن لاوقع به الزاد زاعه
شبت صخونت لفلونزاعليه =والراس عورني بكثرة صداعه
والظاهر انها صخونةٍ خنزريه=والضغط طالع نازل(ن)بارتفاعه
والا انها الحما التي مالطيه =ياجعلها تملط خبيث الخناعه
معاد منها أرقى شداد المـــــطيه =الروح منها اوشك على أمر انتزاعه
وحرارتي يمكن تعدت الــــ 100ـــ ــــميه =وعند الدكاتر مالقيت ال سناعه
صفو عليه ذا الاطبا سريه=ومن هو تحير بي عطاني خناعه
وأكبر طبيبٍ فيهم احتار فيه=ومن علتي صابه هواس وصراعه
مغير خذ لحبوب ذي وهذيه =وتحليل زودٍ فوق ذالك وشاعه
واهم شي مرش على الصيدليه =واخذا الدواء الغالي بسعر ارتفاعه
وأكل الحبوب تطيب بعد شويه=ودكاترة هلسٍ ونصب ولكاعه
ولاتخلي منها لو بليه =حتى كراتين الدوى ياجماعه
اثر الاطبا كلهم خربطيه =ماعندهم فى الطب لادنا براعه
من بعدهم جتني طبيبه جريه=دكتورةٍ فيها الحلا والدلاعه
ترفه ومزيونه بعد. وبدويه =وتكرم عن وجيه الردى والضفاعه
وتفحصت جسمي خليه خليه =قالت سلامات العشق ياجياعه
صحتك والله مابها لو بليه = والعشق قد من الله الاستطاعه
قلت المحبه في ماهي صريه =والحب مايبنا على اصل الخداعه
وسد الرموش اسيوف تذبح خفيه=لو كل رمشِ عنه يسدل قناعه
وقلبي خضر دقات نبظه بطيه =والعمر قفا ماطعمنا متاعه
جمر وحمر ما عين له خويه =تشفق عليه من القسا والظياعه
ومن حطت أيديها وربي عليه =طاب المرض منها وبريت وجاعه
والطب منه الخلق راحو ضحيه =ياناس سار أكبر تجارة صناعه
والطب يبغاله كوادر شفيه =والا مصير أمانته لضياعه
دكاترٍ جونا تقل سمكريه =رحنا على يديهم عشا ل الضباعه
معاد تنفع وضعنا أقوى شكيه=غصب علينا نقول سمعٍ وطاعه
عقب رمضان وقبل عيد الضحيه =رحنا ضحية عهد فقد المناعه
خوفو من الخلاق رب البريه =سامع دبيب النمل وسط الصداعه
وش خانت الراعي بليا رعيه =يعيش في عصر الهوء على الظياعه
والجايده ماتوضع بشق نيه =وبعض البشر فكره بمهد الرضاعه
يالله ياربي عليك العشيه =كل يفسر بالرخا عن ذراعه
وان جات حزات الفعول القويه=يمكن نروح اول ضحايا الطماعه
شكل لعرب لن تترك الجاهليه =لو اليهود تموت كلها مجاعه
أليا متى ما ننبذ العنصريه = ونسجد لرب الكون ذل وخراعه
عزالله انا عالمٍ فوضويه = وان ماحمانا الله مامن سباعه
الحال كاسد والروابع قديه = وش ذا الجفا والخبث وش ذا القطاعه
ما ناخذ الصدقه ونرضا الهديه =ورحنا طعام الضاريات السباعه
يالله ياربي عليك العشيه =غرقان غالبنا جهل لا نخاعه
يامطلع فى البينه والخفيه =ترحم فوادٍ كايد الوقت لاعه
البال حاير والهواجس .. ضميه =يالله بغيثٍ من فرجك ابرجاعه
يبرق ويرعد فوق دارٍ سنيه =ويبلغ ثلاث أمتار سيل أرتفاعه
سيله يحدر من مدارج كليه = يفيض لضوه مع متون الرياعه
ويسقي خليص وحرة المحسنيه =وقديد ويعم الدير والتلاعه
ويشمل مطره ال كل دار ونحيه = وينشر خبره بذا الصحف والاذاعه
ولا يجينا شر منه .. واذيه =رحمه وسقيا لدبش والزرااعه
وارتاح واسلا.. هم ذ ا لعسكريه =وافضي لبوح الشعر دون انقطاعه
وانظم بدايت ذي في تال ذيه = جزل القصيد اللي يليق استماعه
والله لصوغ الكايفات المليه =اللي على جزل القصايد طلاعه
اللي تمر الفكر صبح وعشيه =وتثور تال الليل سرع السراعه
تسبق بفكري طلقت البندقيه =من هاجس بالشعر شرس ابطباعه
واخطر بثورتها من المدفعيه =يهلك وحمها من سلمها فجاعه
أسلى على فج الخبوت الخليه =مطرى علي الخوف والا الرعاعه
قومة بليس الظهر على خويه =لمسو عباد الله بليله هجاعه
ياربنا دبرتك فينا القويه =لاجا نهارٍ فيه لوعه ورااعه
يا واهبٍ فينا الكنوز الغنيه=أرضاك عنا أطيب كنوز القناعه
لاقالو أن أفلان جته المنيه =دنيا دنيه خاتمتها لقاعه
ولعاد به هيل(ن) ولا شاذليه =يالله بنور(ن) منك يشعق شعاعه
ودودٍ يجلجل في العظام القويه = ينخر عضامه نخر كيف انطباعه
وقبر(ن) توسع صاحبه واهنيه=مستر لا الرحمن بزهد ضراعه
وقبرٍ تلهب فيه نارٍ لضيه= نارٍ محد يبصر لها بعد قاعه
يارب عفوك مع وجيه (ن) تقيه =ماغرة بدنيا الهوى من الوداعه
وختامها مني سلام وتحيه =لهل الوفا والجود وأهل الشجاعه