المساعد الشخصي الرقمي

مشاهدة النسخة كاملة : والله لو انك شوك سدره كليتك



عجيز حارتنا
29-10-2010, 08:56 AM
عقبال ياماخذ فؤادي مية عام
ضيعتني منك و أنا ما أهتديتك

لا ما نسيتك كيف بانساك ما دام
ذكرى الفراق تهزني لو نسيتك

حبك قدر وأنا على دين الاسلام
مكتوب في وجه الجبين ورضيتك

لك في الضمير الود والحشمه أتوام
ولي في ضميرك مثل ما أنا بغيتك

ولك منزل في نايف القلب وخيام
وذود الغلا ترعاه ولا شكيتك

يفطر عليك القلب وإن فارقك صام
والله لو إنك شوك سدره كليتك

القلب طير لادعي للهوى حام
وإلا أنت وكره من كثر ماهويتك

كن العيون من النظر عقبك أيتام
وكني ماريت إلا أنت من يوم ريتك

وكنك معي وأنا فقدتك من أعوام
مع الخيال ألقاك كني لقيتك

من صعب وصلك ما تهنيتك أحلام
إلا جابتك فزيت شوق ومحيتك

يعني وصالك صعب وأهدافي أوهام
يعني زرعتك للقدر ما جنيتك

صبرك يقولون العرب كل الأيام
يوم عليك ويوم لاجاك جيتك

ويا قلب ياللي ورثك جروح وآلام
بليتني ماهوب أنا اللي بليتك

ولعتني من عادني في الهوى خام
وأسرفت بي وأنا خطامك عطيتك

طعتك وزبدة طاعتك هم وهيام
ما الله كتب لي وأستخرت وعصيتك

لو للقلوب أسواق بايع وسوام
لا أبدلك وإن جيتني ماشريتك

وإلا أنت ياللي جيش عينيك مقدام
.لا أقنعت منك والرجا ما رجيتك

كني سجين بين..إفراج ..وإعدام
وكنك سجن وأنا بنفسي بنيتك

تنبيك عن حالي محاصيل الإلهام
وتخبرك نظراتي نهار إلتقيتك

عقب الوصال اللي على عين من لام
قدهو يكفيني عن الوصل صيتك

وقدني إلى مريت بالشارع العام
لديت من ما في الضمير ودعيتك

أدري إن صوتي ماقطع عشرة أقدام
وأدري بي أعود إلى من نصيتك

ياشينها يا محني راس الابهام
ماقدر على شوفك وأنا عند بيتك

الأعمار ما تضمن وأنا أخاف الأحكام
أرثيك أخاف أودعك ما رثيتك











الشاعر : محمد بن فطيس

أنـ الذكريات ـين
29-10-2010, 01:48 PM
هلا بكـ (عجيّز حارتنا )..


سعداء بانضمامكـ إلى غرابيل..


،،

نقل رااائع..

وذائقة فذّة..

أشبعتنا جمال..


صح لسان قايلها.. وسلمت يمنى ناقلتها..




تحيتيـ

( وجـه القمر )
29-10-2010, 09:26 PM
نص رااائع

صح لسان الشاعر

وسلمت يمين الناقل

عجيز

ياهلا بيكي معانا

ويسلمو عالاختيار الذوق

عجيز حارتنا
30-10-2010, 05:34 AM
:Lopez...p:وه بس

يالبى روحتس انين الذكريات

والله انك سراج المنتدى

لروحك ورد

عجيز حارتنا
30-10-2010, 05:35 AM
ياجعل يدوياتك للسلامة

مير مالقيت لي قهيوه في ذا المنتدى مااارحب فيني الا بتيواتي

يارب ترزقهن




شكرا لك

لذيــــــــــذ
30-10-2010, 12:15 PM
نص فااااخر للعذب ابن فطيس ...
وذائقه عذبه ...
عجيز حارتنا ...
يسلموووووو ... ومنورتنا ...

تحيتي ...

كاسب العز
30-10-2010, 02:43 PM
اختيار رائع بارك الله فيك

لك مني أجمل تحية

تقبل مرورى

كاسب العز

عجيز حارتنا
01-11-2010, 02:14 PM
اقتباس:
المشاركة الأصلية كتبت بواسطة لذيــــــــــذ http://vb.g111g.com/elsa3a_g111g/buttons/viewpost.gif (http://vb.g111g.com/showthread.php?p=2712570#post2712570)


نص فااااخر للعذب ابن فطيس ...
وذائقه عذبه ...
عجيز حارتنا ...
يسلموووووو ... ومنورتنا ...



تحيتي ...



نورك يالذيذ

لروحك ورده

عجيز حارتنا
01-11-2010, 02:16 PM
اقتباس:
المشاركة الأصلية كتبت بواسطة كاسب العز http://vb.g111g.com/elsa3a_g111g/buttons/viewpost.gif (http://vb.g111g.com/showthread.php?p=2712674#post2712674)
اختيار رائع بارك الله فيك

لك مني أجمل تحية

تقبل مرورى

كاسب العز



اهلا بكاسب العز

لروحك ورده

شمــوخ الأصآآيــل
02-11-2010, 08:55 PM
اختيآإر ذووووق ..
يسلمووو


لاحرمنآإك .~

عجيز حارتنا
05-11-2010, 11:22 PM
انتي الذوق يابعدي

القرش22
29-12-2010, 08:05 PM
صح السان شاعرها وناقلها
يعطيك العافيه ع لابيات الرائعه