سلام ياهل العرف والمنطق الزين ,,,

[حاول تفتكرني]

سلام ياهل العرف والمنطق الزين = من هاجسن في السوق بايع وشاري

نبغى ندير السالفة بالقواانين = واعجل ترا قدامك الليل ساري

[100%]

يامرحبا ترحيب مره وثنتين = اعداد ماهبت هبوب الذواري

ابك السوالف حطها بين قوسين = وابشر بعزك كان تقدر تباري

[حاول تفتكرني]

دام البقا خمسين من فوق خمسين = والعلم مابين الكتب والمقاري

هذي السنه ياكبر روس الشياطين = ماعاد يكفي رميها بالجماري

[مشعل الثبيتي]

ههههههههههههههههههههههههه هههههه الله اكبر الله اكبر ..


صحة السنتكم وماشاء الله عليكم ...



واصلوا لاهنتوا ..



اخوكم



م ش ع ل ..

[100%]

دام الرسايل ما عليها عناوين = وصويحبي جيد ولاهو مهاري

لابد ابا لزه على الصامله لين = يعلن على روس الجميع انتصاري

[100%]

ياهلا يامشعل

الابداع طال عمرك طلتك ولا يهون زميلي الشاعر

تحيااتي

[حاول تفتكرني]

ابك انت وينك سارح وضاوي منين = الله يعوض من يحفي السماري

مالله حداك الله يهديك للشين = مايعترض للسيف راع الشباري

[حاول تفتكرني]

ارحب ياامشعل والله لايهينك

[مشعل الثبيتي]

الله انه يبيض وجيهكم ..



محاوره كاااااااااااااايفه ,., ومتااابع بقوه ,,




واصلوا الله يعطيكم العافيه ..

[شاعر الخبرة]

اقتباس:
المشاركة الأصلية كتبت بواسطة حاول تفتكرني http://vb.g111g.com/elsa3a_g111g/buttons/viewpost.gif (http://vb.g111g.com/showthread.php?p=2709353#post2709353)



مالله حداك الله يهديك للشين = مايعترض للسيف راع الشباري






صحت الالسن محاورة قوية جدا

الصدر ضعيف جدا والعجز راااااااااااااااااااااااا ااااااااااااااااااائع جدا

متااااااااااااااااااااااا ااااااااابع للابداع

[100%]

انا الحشيم اللي يعز الحشيمين = ولي وسم فرقاب الخصوم ومواري

وآنته يسار الدرب وآنا من يمين = وشتان بين الميمنه واليساري

[حاول تفتكرني]

الا انت مثل اللي قضى الدين بالدين = ولاعاد الك عمن من اليوم غاري

نعطيك كاش ولانحاسبك بعدين = وانا ادري انك يوم جيت انتحاري

[حاول تفتكرني]

شاعر الخبرة حياك الله لاهنت وجهة نظر احترمها واحترم صاحبها موفق خير

[мαηѕoя]

:






الله الله


وآصلو لآإ هنتو

[100%]

انا ليا حولت مثل الشياهين = ياكم تعشت من صدور الحباري

وان جيت يالزيزوم اعدل الموازين = والعب بكل اعداي لعب الاتاري

[100%]

الف شكر للجميع على المتابعه

لكم كل احترامي

[حاول تفتكرني]

اللي يميز في الطبيعه لهالحين = يبني على بطن المسيلة كباري
يانكبة اليابان من مصنع الصين = يدري الزبون وشاهد البيع داري

[100%]

اللي بنا بيته وشيده من طين = لايامن صدوف الدهر والجواري

وحنا خطفنا الحكم من جون ماكين = حتى سرا ماله مع الناس طاري

[حاول تفتكرني]

اثر المسيح اللي يقولون ابو عين = دجال مير االحكم فالناس جاري

الغطرسه ماسرت الثعل بوتين = سلط عليه العازمي والمطاري

[100%]

مانيب من يرقا المنيفات ويلين = وابليس يفرق عن مساره مساري

وليا بغيت المنطق الزين ياحسين = ماني من علوم السناعيس عاري

[100%]

اخوي تشرفت باللعب معك اشكركـ واتمنى لك التوفيق

اشكر كل من شاركنا هذه الملعبه تحياتي لكم

اخـــوكم : 100%

[حاول تفتكرني]

بيض الله وجهك وافي والشرف لي يالامير

دمت في رعاية الله