المساعد الشخصي الرقمي

مشاهدة النسخة كاملة : ألاياحمام الورق


رشيد الذيابي
08-10-2010, 10:58 PM
ألا يا بروق البارق اللي سرى ساريه=من المزنة اللي تو هلت مخايلها
سحاباً من الوسمي عيوني تناضر فيه=وانا افرح ليا شفت البروق وتشاعلها
على الديرة اللي حبها فالحشاء طاويه=على نجد وعشق نجد وعشق منازلها
رشيد الذيابي يبدع القاف ويغنيه=ويختار من زينات الامثال وأجزلها
يغني بطرقاً ينعش اللي يبى يوحيه=وجزل المعاني في ضميره يحللها
ألا ياحمام الورق ياللي تغرد ليه=بلاك الطرب والا لحوناً تمثلها
ليا صار مابه شي في خاطرك تشكيه=يحق ألك تطرب والحبايب تراسلها
ألا ياحمام الورق كلاً على مافيه=هموماً من احداث الليال ومشاكلها
محمد بن ضاوي
09-10-2010, 02:04 AM
رشيد الذيابي ,,,

عزالله انك غنيت واطربت

والف صح لسانك ولاهنت


هذي اول مره اقرا لك ولكن باذن الله راح اتابع جديدك
مشعل الثبيتي
09-10-2010, 02:30 AM
صح الله لسانك ,,


عز الله انها وااافيه ,,



تحياتي لك


أخوك


مشعل @@
سامي العطاوي
09-10-2010, 03:41 AM
رشيد الذيابي

ياهلا ومرحبا وحياك الله بين اهلك وأخوانك

سعيدين بانضمامك لكوكبة غرابيل

وصح لسآنك ملايين ولا يكفون

وبيض الله وجهك على هالرائعه

مصافحه اولى رائعه بانتظار القادم
احمدسبيتان
09-10-2010, 06:48 AM
صح لسانك يارشيد الذيابي

شاعر جميل

الله يوفقك
بندر النايف
09-10-2010, 02:51 PM
رشيد الذيابي

يا هلا والله بك ومرحبا يالشاعر الجزل

وحيا الله تواجدك بيننا ومصافحتك الأولى التي أطربتني كثيراً ,,

وسوف تجعلنا نتابعك بشغف ,.

صح إلسانك مدد بلا عدد


وإن شاء الله يطيب لك المقام بيننا كما طاب لنا حرفك الأول ,.

دمت بود ..

...
كاسب العز
09-10-2010, 10:06 PM
صح لسانك وقلبك

لاهنت
ليــن القســا
09-10-2010, 10:39 PM
مرحبا بك في أول هطول لك بيننا
ومرحبا بما نثرت من عذب الأبيات ..
سلمت ودمت للرائع أخي ..
أبوعبدالرحمن
10-10-2010, 07:41 AM
جزل يا رشيد


صح قلبك وكلك

وسلمت اناملك

تحيتي لك
دمع الغزال
10-10-2010, 08:07 AM
"

صح السانك وعلا شانك

حضور رائع وننتظر قادمك بشغف

كن بخير
"
رشيد الذيابي
10-10-2010, 08:44 PM
لكم تحياتي واشكركم على المرور الجميل
أريج الرياض
10-10-2010, 10:24 PM
حيّ الشعر واهله يارشيد
عز الله انه حضُور اول وافي
ابداع يفوق الوصف
وحرُوف تنساب عذوبه وجمآل
كتبت وامتعت واطربت
صح لسآنك مدد بلا عدد
ودُمت بهالتألق واكثر.
:6:
ناصر أحمد الخريش
13-10-2010, 04:23 AM
صح الله لسانك وبيض الله وجهك
قصيدة جميلة وطرق اجمل
ابدعت ابدعت
العجز الثالث يحتاج للنظر