مافيه شياً بيدنا..!!

[*مبارك العتيبي*]

حمام ياللي طوح الصوت تطويح=على طويل الغصن ..والغصن لدنا

أن كان ماعندك على النوح تصريح=الله عليك أنك تغادر بلدنا

وأن كان فيك جروح غيرك مجاريح=لكنّ لاتقعد مثل ماقعدنا

لمحت للي يفهم العلم تلميح=غرتك دنيانا وغرك عددنا

وأن طعتني خلك بعيد المصابيح=حنا ترى مافيه شياً بيدنا

روّح ترانا في زمان ..المراويح=والمشكله فااشرق الأوسط ولدنا..!!

وحنا على الدنيا.ترانا مشافيح=فيها سعادتنا وفيها سعدنا

[سامي العطاوي]

الله الله يامبارك

صح لسانك ملايين ولا يكفون

وبيض الله وجهك

مبدع يامبارك لاهنت

[بندر النايف]

شاعرنا مبارك

قصيدة جزلة جداً ورائعه


وحياك الله وحيالله شعركـ الجزل ,,

صح إلسانك وعلا الله شانك .

[أبوعبدالرحمن]

جزل يا مبارك


صح قلبك وكلك


وسلمت اناملك


تحيتي لك

[سـامـيـه]

مبارك العتيبي
صح لسانك ودام حرفك
ابداع وامتاع
والله يسعدك دنيا وآخره
تقديري لك

[محمد بن ضاوي]

الله ,, الله ,, الله



عز الله انك كتبت قصيده يامبارك


من اجمل ما قرأت وتستاهل التقييم

والف صح لسانك ولاهنت

[كاسب العز]

صح لسانك وقلبك


لاهنت

:6:

[أريج الرياض]

ياسَلآم علِيك يامبَارك
قصِيدَه من ذهَب
تحوِي الكثِير من المعَانِي والحكَم
تلزَم القرَاءَه اكثِر من مرّه لجمَالها وقيمتهَا
مُذهل ورآئِع
الفِين صح قلبِك وفكرِك
ودُمت بـ فرَح.
:6:

[ليــن القســا]

رائعة بإطار من عذب القوافي ..وعمق الصور ..وجمالية السبك ..
لاعدمنا جديدك شاعرنا ..

[*مبارك العتيبي*]

http://www.gnanim.com/vb/clear.gifحنا عرب واخوان بالاسم والديـــــن
والأ القلوب مشتته ماجتمعنــا
رحنا لصفحات الجرايد عناوـــــــــين
والخوف نزل عزنا مارفعنـــــــــا
نسمع ضجيج أطفالنا فى فلسطين
نسمع ولاكنا بشيًا سمعنـــــــا
اما تجالدنا سوات الكـــراويـــــــــن
والا نسب وسبنا مانفعنــــــــــا
وأموالنأ توخذ منول وهلحـــيـــــــن
وحنا نبات بجوعنا ماشبعنـــــــا
تقسمونا الغرب قسم الشياطــين
من وين ماقالو سمعنا وطعنــــا
ندفع لهم ثرواتنا بالملايـــــــــــــن
ندفع ولا يشفع لنا اللى دفعنــا
خمسين عاماً كلها قدم ماشيـن
ياليتنا لو ربع خطوة رجعنـــــــــا
لكن صايبنا عمى الفكر والعيــــن
والى أجتمعنا بالمشاكل طلعـنا
فينا اهل الدنياء وفينا اهل الديـن
واهل العدالة ضيعونا وضعــنـــــا
مافيه لاوحده ولا فيه ثــنـــتــيــن
تقطعت عرؤ الدلي وانقطعـنـــــا
وهم يصنعون ألنا سلاح بحديــــن
وحنا لهم طول الدهر وش صنعنا

[نـــادر]

الله الله يامبارك


صح لسانك وكلك

[احمدسبيتان]

صح لسانك قصيده جميله فالك التوفيق