يهمني راي الشعراء 00

[شاعر المشاعر]

السلام عليكم ورحمة الله وبركاته
اخواني الشعراء يهمني رايكم في الابيات من جميع النواحي ولكم جزيل الشكر


مره احب الزين ومره اعــــــاديه
ومرات يحرجني ببسمة شفــــــاته


اتذكره لحظات وارجع اجــــازيه
كم عهد يقطع لي بغالي حيــــاته


الله عليه انسان كم كنت انا اغليه
واليوم عذبني بلبسه عبـــــــــاته


واقفى ولا سلم وتممت اناديـــــه
لكن بلا جدوى تلحف غطـــــاته


ياهيه يامزيون ياحب ياهيــــــــه
هذه لعوب الحب وهذه سواتــــه


ياقلب لا ترجع ليا جاك طـــاريه
ياقلب خذ درسك من اهله وهاتـه

[الممرض]

يسلام يسلام .. وافيه .. ماشاء الله عليك

نصيحتي لك يالامير .. وطبعا ماهي ملاحظه على قصيدتك ولاشئ لا اقصد نصيحه تطويريه فقط في الايام المقبله ..

وهي انك لاتسمع للاي شاعر .. للان فيه بعض الشعراء تقليدي بحت مايجيب في قصايده شئ جديد .. هذا الشئ والشئ الثانيه مايستخدم اسالييب واسلحة شعر النظم ..

حاول تقرا فالنقد كثير .. للانك تكتشف اخطاء غيرك وتتجنبها ..

لشعر اساليبه تزيد من جماله .. مثل اسلوب التشويق واسلوب مغالطة بعض المسلمات كما فعل خلف المشعان .. يوم قال الشجاعه تغلب الكثره ... ودلل على قوله فهو كسر احدا المسلمات عند الناس وهو ان الكثره تغلب الشجاعه .. اذا هذا هو اسلوب مغالطة المسلمات بدليل قاطع .. وهناك اساليب كثيره تزيد من الشعر جمالا .. لكن الاهم هو ان تنظف سمعك عن سماع بعض الشعراء .. وشكرا ..