يوميــــــاااات مـــــــقـــرود!!

[محمد عبدالعزيز]

بسم الله الرحمن الرحيم

السلام...

سأروي لكم ما يحدث لهذا المقرود في يوم وااااحد فقط

في يوم صباح جميل ..اصبح المقرود وهو يتنشق الهواء المنعش في هذا الصباح الذي غطته كربونات السياارات والمصانع ..ويطرب مسامعه اصوات الغربان

خرج من منزله الصغير ..وجاء ليركب سيارته كي يذهب الى عمله...

تفااجاء .ان الكفر الاماامي قد (بنشر)
واستعان بالله وقام بتغيره في وقت وجيز <<----خبره

فاااائد السياااره ..اووووووووف مقدر احتسي بالغاله العربيه خلونا على العاميه

المهم عقب ما ماصلح كفره المنسم زي مخي ركب سيارته ومشى شوي وقف عند الاشاره ..الا ذاك البزر الي معه سيكل طااااير ويقطع الاشاره هالبزر ..قال المقرود عما ذا سيكل ولا دباااب سوزوكي
ما بعد كمل الكلمه هالمقرود الا والبزر محط من فوق السيكل ..
المقرود حس بغلطته قام وقطع الاشاره عشان يسعف البزر ...
قبل لا..ياصل المقرود البزر قام البزر وكمل مشيه ...وفي نفس اللحظه طبت عليه الدوريه
وقفته بتهمتة قطع الاشاره...دار بينهم هذا الحواااار..

العسكري..الرخصه والاستماره..
المقرود...لحظه!!!
المقرود...اوف مالقيت الا الاستماره..
العسكري ...طيب اثبااتك ؟؟
المقرود اوف..اثبااتي موزيه ابوي يخاف اني اضيعه!!
العسكري ...انزل من السياره ..قبل لا انزلك بركبه ؟؟
المقرود ..طيب خلاص يابن الحلال اخر مره
العسكري..وش دراك اني ابن حلال تعرفني شري هالعسكري
المقرود ..الوجه وجه رجال طيب ولحيتك غنمه!!
العسكري....انا غنمه!!!
المقرود..لا اقصد غانمه!!
العسكري ...اقول انزل بطيب قبل لا احشد عليك قوات الامن الخاصه كلهم
المقرود ...خلاص بنزل...

نزل المقرود وركب في الجيب حق الشرطه...ودز به الشرطي الى مرور النااصريه في الرياااض؟؟؟
وداه العسكري الى الظاابط...ودخل المقرود على الضااابط .....
وفجاءه لقى المقرود واحد جالس عند الظابط بنجمتين يعني عقيد وصار يعرفه معرفه زينه هالمقرود
قال المقرود عز الله الي خلصنا
ودار حوار بينه وبين خويه العقيد...
المقرود.هلا ببو فلان
العقيد...هلا مقرود عسى ماشر
المقرود ..والله السالفه كذا وكذا
العقيد..ودي اخدمك بس انا جاي اخلص شغل وبمشي مالي دخل في المرور
المقرود...

طيب ...مشكور يا بو فلان..

الضاابط ...قاله ليه قطعت الاشاره؟؟؟
المقرود...والله اني شفت بزر طاح من سيكله ..بوسط الشاره رحت ابي اسعفه ..قام البزر وانحاش..وجاء هالعسكري الطيب (ايه هين طيب)
واتهمني بقطع الاشااره...
الضابط..ولا عندك لا رخصه ولا اثبات ...من انت؟؟؟؟؟
المقرود..انا مقرود يوم جابته امه صار في الديره حرووب وتفجيرات
الضابط..انا مشبه عليك شكلك من الي يفحطون في هالصبجيه؟؟
المقرود...لا والله اني رايح لشغلي ولا لي في التفحيط؟؟
الظابط..ياعسكري وده للحجز ؟؟؟

اخذ المقرود المسكين الى الحجز ....وبعد 12 ساعه اتى مديره في العمل ليكفله.
المدير...سلام عليكم
الظابط ..نعم اي خدمه
المدير..ياخوي رد السلام
الظابط..كيفي ضابط ارد ولا ما ارد؟؟
المدير..والله الوجه الودر..
المدير مره ثانيه..عندكم واحد مقرود فيذا نبي نكفله ؟؟؟
الظابط ..من حظرتك؟؟؟؟
المدير..انا مديره في العمل
الظابط...معك رخصه ولا استماره
المدير..الحين لا ...
الظابط..ياعسكري صفه جنب خويه؟؟
المدير ..ياحظر البيه البااش مهندس الظاابط.انا ما اعرفه ولا لي اي علاقه به الله يلعن اليوم الي توظف فيه عندي..مع السلامه
الظابط...الله يسلمك....

وقعد بها المقرود الين كمل 15 ساعه بالحجز....
طلع المقرود من الحجز ,...بكفاله عمه عشان عمه له منصب كبير بيااع بسوق الخضره

طلع المقرود ..وراح لببيت يبي ينام ..ويرتاح....وهو منسدح عل الفراش ومشغل المكيف ..والجو بغرفته بارد تقول كنها ثلاجة المنجم

انقطع الكهرب...وطفى المكيف والانوار؟؟؟؟؟
مسكين اشلون ينام في هذا الحر؟؟؟؟
قام واتصل على شركة الكهرب...

الو..شركة الكهرب..
ايه شركة الكهرب..
المقرود..والله الكهرب عندنا انقطع ليه؟؟
شركة الكهرب..انت نصاب لو انه مقطوع الكهرب عندكم اشلون تكلمنا ؟؟؟
المقرود..انا متصل بشركة الكهرب ولا الهاتف؟؟
شركة الكهرب..ايه صح معليش اصلاً انا كنت موظف بالهاتف
المقرود.ايه ماعلينا ..متي يشتغل الكهرب عندنا
شركة الكهرب..وين ساكن؟؟
المقرود..في السويدي الشمالي ؟؟؟
شركة الكهرب..في السويدي وجاي تشتكي ..طس بس يالله انقلع مسوي فيها انه ساكن في المرسلات ولا السليمانيه

طخ طوط طوط طوط....
مسكين..هالمقرود حتى شركة الكهرب ما عطوه وجه....
قال المقرود مالي الا السطح انام فيه.
خذ فراشه.... .هالمقرود ورقى السطح..طبعاً بعد ما استااذن من الشغاااله حقتهم ؟؟؟؟
وفرش ...وحط راسه وناام وهالسموم الي تلفح وجه
وفجاءه..

مالفى الا السطح حقه مدااهم...من رجال الهيئه؟؟
قام وفتح عينه الا الشباااب مداهمين البيت...كله
المقرود...خير انشاء الله وش جابكم في بيتي ؟؟
رجل الهيئه..جانا بلاغ من جارك الي عنك شرق ..انك تطلطل عليهم وعلى بناتهم؟؟؟؟؟
المقرود..جاري الي جنبي هذا ؟؟؟
الهيئه..ايه
المقرود...هذولا ماهم سعودين هذولا اصلهم من افريقياء...وبيني وبينك انا مقدر افرق بين عيالهم وبناتهم ...مره طقيت الباب عليهم..
طلعت لي امهم ..قلت لها ...انت الحين ليه توقف سيارتك عند باااابي؟؟؟؟
يعني مااقدر افرق بينهم...
رجل الهيئه....انا ماعندي تفاهم خذ لك كم من بوقس وكف واركب وهناك نتفاهم....

شالو هالمقرود الي الهيئه ....
طبعاً خلوه يوقع على اي شي يبونه لو بغو اتهموه بأنه من اعضاء تنظيم القاعده...عادي محد يمهم ؟؟؟؟

طلع المقرود وهو يبكي وويصاارخ ويقول ..

انا ليه حياتي كذا كله قراده في قراده..وقام يغني؟؟؟

حيااتي كلها هم وقرداه ..وغيري عايش عيشة سعاده

راح لجسر المعلق ...بوادي لبن؟؟؟
وناوي ينتحر..خلاص ضاقت به الدنيا ....

وقف فوق الجسر..ويوم وذب نفسه ؟؟؟؟
ويتعلق ثوبه بطرف السيااج ولا يطيح
ويرجع ثانيه .يبي ينتحر مسكوه الناس..ودوه الى المستشفى والمستشفى حولوه الى مستشفى الطب النفسي؟؟؟؟
....الله اكبر عليه ماقد شفتو مقرود زي هالمقرود؟؟؟؟؟

وتحياتي ...لكم

[م.عبدالله]

the story of my life

[مخاوف قلب]

ههههههههههههههههههههههههه هههههههههههه

بسم الله عليكم


نويصب وبرطم عسى ماشر ؟


ههههههههههههههههههههههههه ههههههههههههههههههه




سداح علمنا هو برطم ولا نصاب المقرود ههههههههههههههههههههههه



صي يووو

[محمد عبدالعزيز]

النصاب


the story of my life

الامبرطور


Thats it

8
8
8
8
8
وش عند الخواجات ..؟؟؟؟ :مدري:

مخاوف قلب


سداح علمنا هو برطم ولا نصاب المقرود

والله يا اختي ... كلنا مقرودين <<<<<<<< عشان محد يزعل :wink:

[سود العيون]

شو يعني مقرووود ؟ !!!! :تصفير:


بس قصة حلووووووووة :هاها:

كلها قراااادة :تصفير:


تحيتي لك " ابو السدح " :هاها:


سووووود العيون ـ ـ ــ

[محمد عبدالعزيز]

سود العيون


شو يعني مقرووود ؟ !!!!

مقرود هي اكله (( قرويه)) في نجد وتشتهر بكثرة الملح والشطه الحاره ...وووووووووو


اقول ترى القراده هي انك قاعد تفسر شي ما تعرف وش هو :مدري:

[المستشار]

غز الله انه مقرود
شيطون

[سود العيون]

يسلمو أبو السدح

دوبني فهمت معنى قرادة

كنت مفكره = جرادة هيدي إللي تطير :هاها:


يسلمو على التوضيح

ما قصرت


يلا سي يو

سووووووووود العيون ـ ـ ــ