سلام الله عليكم يا عرب والنفس مشتاقه ....

[بندر ال ناصر]

الطارف سديد ,,




سلام الله عليكم يا عرب والنفس مشتاقه=وراية شعرنا تبقى على الاكتاف خفاقه
مدام الناس بين الناس كلاً محسن اخلاقه=عسى الله لا يغير نعمته والحمد يبقيها



زين القصايد قبل وقت الطعام=لا شبعة العالم تضيع السلوم
بعض الخلايق غارقه في الحرام=والكل يفتي بالفقه والعلوم

[لذيــــــــــذ]

صح لسانك ... استاذ بندر ..
وننتظر قبيلك ...

تحيتي ...

[حليمه بولند@]

صح لسانك اخوووووووووووووي

[بندر ال ناصر]

هلابكم جميع صحت ابدانكم
والقبيل مابه قبيل ,,,

الجايات أكثر ان شاء الله ..

[حنونه]

صح لساااانك


لا كلام يفيك حقك من الأعجاب في قلمك
مبدع دائمآ

عافاك ربي

[نجم العتيبــــــي]

صح لسانك يابندر ونتظر قبيلك

[سـامـيـه]

صح لسانك يابندر
وفي الأنتظاااااار
كل التقدير

[بخيت محمد الدوسري]

صح لسانك
والصوم اثر على الشعار (وين القبيل)

[النااايفة]

بيض الله وجهك

[عبدالعزيز نايف]

الطارف سديد ,,




سلام الله عليكم يا عرب والنفس مشتاقه=وراية شعرنا تبقى على الاكتاف خفاقه
مدام الناس بين الناس كلاً محسن اخلاقه=عسى الله لا يغير نعمته والحمد يبقيها



زين القصايد قبل وقت الطعام=لا شبعة العالم تضيع السلوم
بعض الخلايق غارقه في الحرام=والكل يفتي بالفقه والعلوم


هلا يامرحبا ترحيبة المشتاق للمشتاق = تفضل ياعميلي والعلم فوق الجبل خفاق
واذا كانت على الاخلاق تبشر باطيب الاخلاق = عسى الله لايغير نعمته والحمد يبقيها




أقلط على المفرود عقب اليدام = انا اخبرك من اكلات اللحوم
لاتظلم الماموم رح للامام = خله على بعض الفتاوي يقوم

[بندر ال ناصر]

ما ابطى من جا يا اخوي عبدالعزيز ,,



انا لا شفت لي شاعر يقزالدرب ويخاطر=عرفت انه يبي يكتب كلام ٍ يشرح الخاطر
ولو ماهو بيـتـشطر ولو ماني بعد شاطر=عسى الله لا يغير نعــمته والحمد يــبـقيها


بعض الكلام يجرنا للكلام=وحنا غدينا بين فرس وروم
نبغى نكمل شهرنا بالصيام=يا صاحبي ليتك معانا تصوم

[بندر ال ناصر]

تسلمون جميع على الدعم المعنوي ..
اشكر تشريفكم للمتصفح وصحت ابدانكم ..