المساعد الشخصي الرقمي

مشاهدة النسخة كاملة : محاورة بين سهم المنايا ومحمد السبيعي " الحقوق خاصة لعشق ليل "



أبوعبدالرحمن
28-07-2004, 01:32 AM
في يوم الخميس لبى دعوتي إلى جدة كلٍ من الشاعرين
محمد السبيعي ، و سهم المنايا ، وقد أتيا عن طريق الجو
على الرحلة رقم sv 1089
وعند جلوسهما في الأماكن المخصصة لهما كان سهم هو القريب
من الشباك، وابوتركي قريب من الممر .
وبعد لحظات من اقلاع الطائرة التفت ابو تركي يتفقد الرعية :biggrin:
فوجد الكراسي اللي عن يمينه ما فيها الا راكب واحد فقط (<<< قال له يموه)
لكن الراكبة كانت تبكي وحزينة ، وهنا سنكتشف مدى شجاعة شاعرينا
في المساعدة ، وكان الباديء هو ابو تركي نظراً لقربه من الحدث :غمزه:
الآن اترككم مع ماجرى :برافو:

أبو تركي :

يا مفرح بنشدك عن غزالٍ مستصيب=ويش رايك تسأله
إسأله ليش المحاجر بها دمعٍ صبيب=وحزنها لا تجهله

سهم المنايا :

يامحمد عن يمينك ترى حسن عجيب=لكن ابشر وازهله
دمعها وده بذيبٍ يكفه وأنت ذيب=ذاك حل المشكلة


أبو تركي :

هي تبي طبيب وأنته لحالتها طبيب=( الغزال مكحلة) ؟
روح وانشدها ترى فزعتك ما هيب عيب= وكل ما تسمع قله


سهم المنايا :

كيف ابنشدها واشوفك من الزينة قريب= والسلام توصله
قل لها ودموعها كانها سبة حبيب= ماتصير تبدله ؟!


ابو تركي :

أنت توك في شبابك وأنا بسن المشيب= تدري كيف تحلحله
أشهد ان الحزن في عيونها شكله غريب=لعنبو من زعله


سهم المنايا :

ياصويب الريم حقك علينا يا صويب= والله انها مذهلة
الغزال اللي بجنبك ترى لك تستجيب=وانت أقرب من هله


ابو تركي :

بينتهي المشوار والشمس قربت للمغيب=والنوايا مهملة
لاتقول ان ما لنا يا بو عبدالله نصيب=ثم تزيد المعضلة




المصدر :

التذكرة التي كتبت عليها المحاورة الشعرية ولا تزال لدي :biggrin:

لو انكر أحد منهم المحاورة نزلت لكم صورة " بالسكنر " للتذكرة

مبارك الدوسري
28-07-2004, 04:40 AM
اهم شي الصوره تكفى هههههههههههههاي




كلاهما رائعين


لاهنتو يالذيابه



كل التقدير لكما


ولمن قدم لنا هذه المحاوره العذبه

الأميرة الناعمة
28-07-2004, 06:51 AM
:سوسي:

شكلهم رايحين وطي معاها :هاها:

بصراحة محاورة رائعة من شاعرين اروع

صح لسانكم وسلمت يمينكم

:ندو:

:سوسي:

محمد الاسمري
28-07-2004, 06:05 PM
الله الله

رائعين رائعين

وأعتقد لو وصلتو المحاورة لها .. كانت زانت العلوم ..


بحق ابدعتم ..

ما شاء الله عليكم

والفضل لله ثم لأخوي سعد .. جاب الخبر .. موثق ..


لكم كل الود والتقدير

زابن الدوسري
28-07-2004, 07:43 PM
صححححححح لساااااان الشاعرين

محاوره قمه في معنااااهااا بس ياليتكم عرفتو المصيبه

على شان نشوف الصوره

لكم تحيااااااتي وتقديري،،،،


الوااااااااثق،،،،،،،

عثمان العبدالله
29-07-2004, 03:00 PM
جميلة هذه المحاورة من شاعرين كبيرين ، كل منهما يحاول الإبتعاد عن مهمة الحديث مع الفتاة الحزينة
التي لو سمعت هذه الأبيات لانقشع حزنها .
كل الشكر والتقدير على امتاهنا بها
تحياتي الطيبة

Help
30-07-2004, 08:05 PM
http://abnal3z.********************************************/Help.gif
محمد السبيعي



سهم المنايا

ماقصرتم والله ...واكيد انها كانت رحله ممتعه
صح الله لسان الشعار


والله لايهينك ياعشق عالنقل الطيب


اخوك الذي لم تلده أمك

Help

http://abnal3z.********************************************/Help.gif

محمد السبيعي
31-07-2004, 09:45 PM
]



[B]المصدر :

التذكرة التي كتبت عليها المحاورة الشعرية ولا تزال لدي :biggrin:

لو انكر أحد منهم المحاورة نزلت لكم صورة " بالسكنر " للتذكرة


أنا أقول التذاكر وين راحت ، :برافو:
والمحاورة ما اذكر منها الا القليل
واثر الأصل عندك !!!!!
مشكور يا بو عبدالرحمن ، والحمد لله انك ما اخذت كرت صعود الطائرة
:احم:

مفرح بن مناحي
02-08-2004, 04:09 AM
والله إنك صادق يا أبو تركي

المشكلة إنها تذكرتي ****************************************************************� �****************************************************************� ��**************************************************************** ************************...

على العموم مشكور يا عشق ..

وأشكر كل من مرّ هنا ...

تحياتي

سهم المنايا

همس البدر
03-08-2004, 02:09 AM
محاورة رائعة من شاعرين اروع

صح لسانكم وسلمت يمينكم

والمبدع دائماً مبدع

سود العيون
03-08-2004, 09:15 AM
محاورة ، راقية ، إبداع من قلبين نبضهما دافىء

صح قلبهما ، سهم المنايا ، وأبــو تركي

لقد قرأت هنا ، حتى قلت هل من مزيد !!!

على كلن ؟

ننتظر كل جديد من عملاقين نكن لهم كل إحترام

والف شكر ، للرائع عشق ليل على تقديم ما يسرنا دائما

للجميع أرق تحية

سووووود العيون ـ ـ ــ

عبدالله بن راجس
05-08-2004, 12:00 AM
عشق ليل


انا سويت مداخله عشانك والا أنا زعلان على مفرح ومحمد 00



لانهم جو لجده وعارفين اني في جده ولا كلموني 00 الله لنا




تكفى ماعندك عليهم شي عشان يزين القصيد



انتضر المعلومات


تحياتي

غرب
11-08-2004, 03:13 PM
المحاورة جداً راقية وممتعه
بس الزبدة وش اللي حصل
أكيد ان سهم المنايا عوَد يم الرياض في نفس الطيارة على باله بتطووووووول الرحلة
بس بصراحة ياليت الرحلة كانت يم ((لوس انجلوس على شان تطول المحاورة ))
وانا مستعد ((((((اقص)))))



















على بالكم اني بقول بقص التذاكر على حسابي
لاوالله أ نا قصدي ابقص لكم القصة كاملة وبالصور بس التذاكر عليهم ((((( وطبعاً )))) تذكرتي عليهم بعد والسكن والأكل والتمشيه عليهم بعد بس انا مستعد اصير ((( الدليله))) لهم مع اني ما عمري طلعت برى السعودية



هاه يالربع أنا قصرت وين بيلقون مثل هالعرض
فكروا في الموضوع وردو لي خبر
بس ترى المهله ثلاث ايام ولا ترى بهوَن




غرب

أمل عبدالعزيز
27-08-2004, 05:10 AM
بصراحة محاورة أكثر من رائعة .......

يعنى هالشعَّار فى المنتدى محد يقعد يمهم في أى رحلة الله يستر بس

وماقصرت ياسعد بالسرد لها.......

صح قلوبهم ملايين .........

أبوعبدالرحمن
20-01-2005, 10:47 AM
كل من مر من هنا


اشكر لكم تصفحكم وانتمنى ان يكون نقلي قد حاز على اعجابكم