مرثيتي بالشيخ / منوخ حمود الشامان

[عبدالعزيز عبيد العدواني]

من عيون الصغار لصرخة الانثى لحس رجال = من الشملي لعرعر للقصيم اليا الرياض جموع

تجمهر من صميم القلب يوم اختلفت الاحوال = صحيح او كذب واهوال وخناجر واسلحه ودروع

ركز رمح اليقين بخاصرة ربعي وقام وقال = عزاكم بالفقيد النادر صياح وحزن ودموع

غدا ركن(ن) من اركان القبيله مع غدو اجيال = نحى عنه السحاب بداخلي وامطر نزول طلوع

بكت حتى الشوارع واظلمت واخفت وراها ازوال = تحسر يوم تذكر مزحه وجده وزين طبوع

يابو راكان والله ما خبرت أحد(ن) بقلبه شال = عليك الا عليك الكل يثني والحيا متبوع

فقدك الوقت والكلمه فقدك الصدق والآمال = فقدك اللي غلاك بداخله مبطي وهو مطبوع

سأل عنك رمضان وجاوبه شعبان عن شوال = وقال انك رحلت وباقي(ن) دونه خطاة اسبوع

فقدتك إيه انا والله فقدتك والخبر زلزال = عجز عنه الكلام وجا كذا صدمة خبر مجموع

تجمع وافترق واقبل وصد وصال معه وجال = توزع في قلوب المبغضه والصادقه ينبوع

تطهر من صفاه اللي على كبده جبل ورمال = تعطر من عبيره مستحق ومكره وممنوع

غريب وعاش ماهزه كلام مخادع ومحتال = عزيز وعند من يفهم شعوره منبره مسموع

ترك نجمه وتاج وتوج افعاله وطال وطال = ذخر وقته لربعه واحتزم فوق الضلوع ضلوع

ويوم انه نزح خلى مكانه مستريح البال = وطى ذيل الفتيله صمت لا ضايق ولا مفجوع

بغينا لكن القدره تبي والعز له تمثال = قدر هذا قدر لازم نجاريه برضا وقنوع

بمان الله يا منوخ عسى من نزل الانفال = يجيرك يقبلك ويبدل السيه بطول خشوع

[سامي العطاوي]

الله يرحمه ويسكنه الجنه

وصح لسانك ولاهنت

[بيان الغنامي]

الله يرحمه واموات المسلمين
تقبل مروري

[كاسب العز]

الله يغفر له ويرحمه

صح لسانك وقلبك

لاهنت

[أبوعبدالرحمن]

رحمه الله واسكنه فسيح جناته

صح قلبك وكلك

تحيتي لك

[مطلق الحمدي الجهني]

رحمه الله رحمه واسعه وأدخله فسيح جنانه
ورحم جميع أموات المسلمين

وصح لسانك
وعظّم الله أجرك في فقيدك
وتحياتي لك

[ناصر أحمد الخريش]

الله يسكنه ويسكن أمواات المسلمين الجنة وصح لسانك وبيض الله وجهك.