بين الحقيقة والخيال

[أبوعبدالرحمن]

بين الحقيقة والخيال

حلم روح .... وروح حلم

ينتحر تحت الجدال

[أبوعبدالرحمن]

يا ظالمه يا ظالمه
ياللي بجرحي عالمه
إن جيت ابشرح لك عناي

لا شك منتي فاهمه



كل السوالف مبهمه
ودروب حبك مظلمه
والحال ربي يعلمه

همي بقلبي كاتمه



لا صارت القصة كذا
ما عاد ابي هذا وذا
وش فايدة حبك إذا

أموت وانتي سالمه



لو جيت ابحسبها لقيت
إني كتبتك ( ألف بيت )
ما بين ( لو ) وبين ( ليت )

سهرت وانتي نايمه




قلتي لي ( احسن ) نفترق
قبل المشاعر تحترق
وانا اللي اول استرق

لحظات اظنّك هايمه



انتي خذيتي الحب مزح
وانا خذيت الحب جرح
دامك هدمتي كل صرح

فالحل ( ضربه حاسمه )



الحين في عيوني تساوى
لو نفترق وإلا نتخاوى !!
والحب لا منّه تهاوى

فرقاه حاجة لازمه



العشق في ( علم النحو )
( فاعل ) ويمحينا محو
والجو لو إنه صحو

دنياك دايم غايمه



تلغين إحساس الحبيب
اللي على جروحك طبيب
كلمات يفهمها اللبيب

يا هوه شكلك واهمه



لا تحسبين الحب حرب
إن جيت شرق ألقاك غرب
وإذا ( قسمت ) ألقاك ( ضرب )

وفي ( الضرب ) اشوفك ( قاسمه )



حبيت اعلمك الوضوح
وانتي نويتي لي الجروح
لو كنت في ظلمك ببوح

ثلثه يهزّ العاصمه



الله الله في خصامك
والعتب داخل كلامك
والا انا ما اسأل علامك

واثق بأنك لايمه



لو قلت اسامح ما يسامح
خافقٍ قبل امس جامح
لا الخيال ولا الملامح

ولا قصايد حالمه



ولا العذر وإلا ظروفك
أو صدى نبرات خوفك
حلفتي إني ما اشوفك

وش فيك منتي عازمه ؟!!



بكرة تجين او بعد بكرة
تطرين حب ٍ مات ذكره
وانا اللي لا عزّمت أكره

اكره ولوّك نادمه




ما عاد ينفعك الندم
تحيين حي من العدم
او تعمرين اللي انهدم

وقلوبنا متخاصمه




حبك يسّمى ( مهزله )
لا بد قلبي يعزله
كنتي على ارفع منزله

والحكم عاف حاكمه


والحكم عاف حاكمه


والحكم عاف حاكمه

[أبوعبدالرحمن]

.


في غيابك


في غيابك



في غيابك




في غيابك كل شيء ٍ يحتريك
............... القصيد ,, وليلنا الساهر ,, وأنا

في غيابك ما لقى قلبي شريك
............... لين سموّ خافقي ( قلب العنا )

في غيابك ,, نفتقد لمسة يديك
............... ما وحشنا خافقك ,, ( الله لنا )

في غيابك كلنا قلنا نبيك
............... أنت شفت البعد وش سوّى بنا ؟!!

كلنا يا آسري منك وإليك
............... ما لنا عن ضحكة شفاتك غنى

أنت ما تشتاق للأيام ذيك ؟
............... يوم كل أيامنا فرح وهنا

أنت تامر يا بعد عمري واجيك
............... شفت قلبي لو تأشّر له ,, دنا

قلبي اللي من كثر خوفه عليك
............... لو يشوف الدمع في عينك ,, فنى

والله انك داخل عيوني مليك
............... وسط قلبي منزلك عالي هنا :icon26: (http://www.g111g.com/vb/t172396.html)

في غيابك كان ما أثرّت فيك
............... شف خفوقي من غيابك وش جنا

الحزن في كل شيء ٍ يحتريك
............... القصيد ,, وليلنا الساهر ,, وأنا

[أبوعبدالرحمن]

أببدع في القصيد

اللي يكدّر راعي الفله

وأبكتب في القوافي

اللي تزيح الهم عن صدري

وأبكسر حاجز ( الروتين )

وأنتي مثل خلق الله

محيتك من خفوقي

قبل انا ما امحيك من فكري






أببدع في القصيد اللي يكدّر راعي الفله=وأبكتب في القوافي اللي تزيح الهم عن صدري

وأبكسر حاجز ( الروتين ) وأنتي مثل خلق الله =محيتك من خفوقي قبل انا ما امحيك من فكري

أنا قلبٍ وقف نبضه وحزن وروح معتله =ولا عادت تناسبني عبارة (( يا بعد عمري ))

وأنا في الحب لي ملة ولك أنتي مية مله =ولك كذبك ولك غدرك ,, وأنا مالي سوى شعري

ترى بعض الغلا ينعاف لا من خالطه ذله =درست إني أعز النفس وأرقى فوق من صغري

أسوق الرجل للعليا ,, ودرب الذل ما أدله = وابيع أغلى محبيني ولكن ما نقص قدري

ترى ما كنت أحبك موت ابي تصفيقة الشله =ولا هوب الطموح إن الجميع بحبنا يدري

عرفت إني ( خوي الصمت ) لو زادت بي العله =سكوتي عن تفاهاتك حشيمة حبنا العذري

تمنيت الغلا بعضه وانا ما ابي الغلا كله =على لسانك تكسّر كل حلمٍ والجفا يطري

غموضك شئ ذابحني عجزت ايام عن حله =وإذا كنتي تلوميني على هالصمت ,, من عذري !!

وأنا دايم إلا مني بغيت الشئ اوصله =واشوفك كل ما قربت يمك زدتي في هجري

ما عاد ابغى دفا شمسك وقلبك ما ابي ظله =وما عاد ابغى تحبيني وحرفك يرفضه سطري

سمعت إن العرب قالوا (عدوك وش تبي خله) =وانا كلي ترى ضدك (خفوقي وحرفي وحبري)

وسمعت ( إن الخليل إليا تضايق راحته خله ) =وأنا عكس الخلايق يفرح الخلان في كسري

صبرت أيام ,, إلا شهور ,, ألمّ الجرح وأفلّه =ولو إن الصبر ينطق تعجّب من كثر صبري

حرام إني ما عاد اشتاق لك لو كنت متولّه=خذيتي قبل احساسي ,,, تعالي جربّي نذري

وأنا لو كنت أبنوي لك زعل وأدوّر الزله =لك الله كان فارقتك قبل أهواك من بدري


حرام إني ما عاد اشتاق لك

لو كنت متولّه

خذيتي قبل احساسي ,,,

تعالي جربّي نذري

[أبوعبدالرحمن]

الظاهر إني كل ما جيت أسامحك = تخطي علي .. وأقول يا الله ومسموح
الضحكة اللي ترتسم في ملامحك = شفها ارسمت في قلب من حبّك جروح

[أبوعبدالرحمن]

أسج عنّك .. وأتذكر كلامك = يومك تقول إن الوعد ( يوم الاثنين )
وأخبرك دايم ما تخون التزامك = لكن وعدك اليوم له فوق شهرين
آسف .. وخلك وسط سكة ظلامك = وأنا بدوّر في سماء الحب وافيين

[أبوعبدالرحمن]

الناس تشكي من عنا الفقر والجوع
وأنا أبشكي جوع قلبي وعيني

قلبي شكى فرقاك له يمكن أسبوع
أحس أنا ما كنّ قلبي يبيني

وعيني خيالك وسطها دوم مطبوع
أرجوك خاف الله .. سحبّت فيني

[أبوعبدالرحمن]

جديدي هنا اولا


تدري وش أحسن شيء راكب لك تمام = إنك تقمص دور أهل القاهره
وتصوّر أحلى فيلم مع عادل إمام = وتصير في وسط المسارح ظاهره
يا انت تضبط دور ( من عانى ) تمااااام = حتى عيونك فالمدامع ماهره
ما اقول إلا أبدعت فعلاً .. للأمام=رح ريّح عيونك .. وعيني ساهره
أتقنت دورك زين .. واصل .. يا سلام = قلبي وهو مقهور .. ينصف قاهره
مشيت خلفك .. وأنت بارع بالكلام= غشيتني بإحساس يخدع ظاهره
رسمت لي أحلام .. في درب الهيام = وخليت كل أيام عمري زاهره
فجأة طلع من حولي العالم ظلام = حطمت صورة في عيوني باهره
ما قلت لك تنفع مع عادل إمام = جرّب وشف وشلون تصبح ظاهره !

[أبوعبدالرحمن]

أنتي ...


وحبك....


والزمن...


والسوالف ...


والناس..


واحساسي..


وصدقي..


وطيبي..






أنتي وحبك والزمن والسوالف = والناس واحساسي وصدقي وطيبي


صرتوا على الخفّاق "قوة تحالف" = وأنا سكوتي عنك هو كل عيبي


ما عاد بينك والمشاعر توالف = وما عاد ينفع لو تقولي " حبيبي "


قلبٍ عطاك العهد والحين تالف = وأنتي نقضتي العهد والله حسيبي


قد قلت أنا ما أنقض العهد حالف = بعيد وإلا من ديارك قريبي


واليوم حبي صار في وقت سالف = وأكبر دليل الشيب قبل المشيبي


قال المثل : ( تعرف إذا إنك مخالف ) = والصدق خالفتي ,, وهذا نصيبي


حبٍ يذل النفس لا شك ذالف = وقلبٍ غشاه الكذب ما هو صحيبي


والله ما اكلّف على القلب كالف = والجرح ماهو بالسهولة يطيبي


ليت الزمن ينسى جميع السوالف = واعيش بأحساسي وصدقي وطيبي




واعيش بأحساسي وصدقي وطيبي


واعيش بأحساسي وصدقي وطيبي


واعيش بأحساسي وصدقي وطيبي

[أبوعبدالرحمن]

طعنتيني

وكنت أحسب تجيني اليوم فزعاتك

وأنا ماكنت أحسب إنك حبيبة

راعية وجهين

تقولين الهوى لأجلك

واشوف الكذب في ذاتك

غرامك بس قدامي

وإلا من رحت أنا تنسين

تركتك ,,, واعرفي...

إن الخفوق يعاف كلماتك

تركتك ... واتركيني ...

ما أحب ألعب على الحبلين

حبيبٍ كان يفرح لك

على مزحك وضحكاتك

هو اللي اليوم

يفرح لك إلا من ناظرك تبكين

خذيني جرح ما يرحم

مناديلك ودمعاتك

وعطيني عهد ما اشوفك

بعد ما اودعك هالحين

أحبك من زمانٍ فات

لكنّ الزمن فاتك

ومات الحب في قلبٍ

على درب الهوى مسكين

وزان الوقت في فرقاك ,,

حانت لحظة سكاتك

وأنا ما عاد أتحمل

زمانٍ في وجودك شين

هدمتي حبنا بيديك

من كذبك وغلطاتك

هدمتي الحب في لحظة

مثل فعل المطر بالطين

عطيتك من دروس العشق

نبضة في بداياتك

عطيتك كل نبضاتي

ولا كنت اعتبرها دين

توقعت البشر تكذب

وأقول الصدق فِشفاتك

وصار الصدق في غيرك

وصرتي أكذب الغاليين

تبين اليوم اجمع لك زهور الحب

وشتاتك

هبوب القلب لزهورك

ترى عكس الذي تبغين



طعنتيني وكنت أحسب تجيني اليوم فزعاتك = وأنا ماكنت أحسب إنك حبيبة راعية وجهين
تقولين الهوى لأجلك واشوف الكذب في ذاتك = غرامك بس قدامي وإلا من رحت أنا تنسين
تركتك واعرفي إن الخفوق يعاف كلماتك =تركتك واتركيني ما أحب ألعب على الحبلين
حبيبٍ كان يفرح لك على مزحك وضحكاتك=هو اللي اليوم يفرح لك إلا من ناظرك تبكين
خذيني جرح ما يرحم مناديلك ودمعاتك=وعطيني عهد ما اشوفك بعد ما اودعك هالحين
أحبك من زمانٍ فات لكنّ الزمن فاتك=ومات الحب في قلبٍ على درب الهوى مسكين
وزان الوقت في فرقاك ,, حانت لحظة سكاتك=وأنا ما عاد أتحمل زمانٍ في وجودك شين
هدمتي حبنا بيديك من كذبك وغلطاتك=هدمتي الحب في لحظة مثل فعل المطر بالطين
عطيتك من دروس العشق نبضة في بداياتك=عطيتك كل نبضاتي ولا كنت اعتبرها دين
توقعت البشر تكذب وأقول الصدق فِشفاتك =وصار الصدق في غيرك وصرتي أكذب الغاليين
تبين اليوم اجمع لك زهور الحب وشتاتك = هبوب القلب لزهورك ترى عكس الذي تبغين

[أبوعبدالرحمن]

قبر ( حبي وحبك ) ..

شف مكانه هناك

ما بقى له وريث ..

وما بكى له حفيد




عظم الله أجرك وأحسن الله عزاك = مات نبض المشاعر والعوض بالقصيد
قبر ( حبي وحبك ) .. شف مكانه هناك = ما بقى له وريث .. وما بكى له حفيد
ضاع عمري وانا اللي في رجاوي لقاك = قلت ابنعي فراقك وابتدي من جديد
أيه اببعد ما دام القرب منّك هلاك = ما عليّه خطر لو عشت عمري وحيد
كنت اداري جروحي .. واتلمّس رضاك = وأنت تفرح بجرحي .. عندك الجرح عيد
كنت ذايب معك وأجيب عذر لجفاك = وأنت قلبك مع الأشواق كنه حديد
تطلب اللي تبي واقول فالحال جاك = في عيوني وقلبي فاتح ن لك رصيد
شفت نفسك علي وأنا اتنفّس هواك = كل ماجيت يمّك شفت هجرك يزيد
بترك أحلامي اللي عشت فيها معاك = وارسل الهمّ في صندوق ساعي البريد
لو ذبحني الوله والله ما امشي وراك =يفتح الله علينا والكلام الأكيد
قالت الناس قبلي : (( خل ماك فسماك ))= ما به جروح تذبح .. مثل جرح الوريد
انتهينا وهذي هي نهاية قساك= من نتيجة عنادك .. صار راسي عنيد
لا تفكّر تدوّر في خفوقي غلاك = ولا تحاول تبادلني الغلا من بعيد
ولا تحاول تجيني تعتذر عن خطاك = أنت عذبت روحي والعذر ما يفيد

[أبوعبدالرحمن]

تعبت والله تعبت ..


وزادت أشواقي




يا ليل خبّر حبيبي ما جرى ليّه = تعبت والله تعبت .. وزادت أشواقي
زودٍ على جرح قلبي ما بقى فيّه=ضلعٍ يقاوم لهيبٍ ينوي إحراقي
الناس تخطي وأنا اللي طيب النيّه=وما قصّر الخل يسلم ,, كمّل الباقي
سمعت بأن القلوب الخضر مبليّه=والله بلاني وضاعت كل آفاقي
يا دولةٍ في حقوق الحب نازيّه=ما أبي من الأرض ألا الحبر وأرواقي
أوراقي اللي كتبت اليوم بيديّه=تبعثرت والسبب من سيد عشّاقي
أفكاره العوج في الأحباب سطحية=مانيب سطحي ولكن في الهوى راقي
سقى خفوقي عذابه وأكثر شويّه=وأنا أتحمّل عذابه دامه الساقي
لا شك منه الخطأ مليون بالميّه=وألا أنا أدمح الزلات في أعماقي
يا ليل وش عاد باقي ما جرى ليّه=ودي أنا ارتاح وأنسى الهم وأشواقي

[أبوعبدالرحمن]

من غبت وأنا بين الأوراق هايم=أكتب قصيدي وامسحه وأنت ما جيت
في بحر شعري شفني اليوم عايم=أما كتبت البيت وألا أمسح البيت
يا ملهم حروف الأحاسيس دايم=عوّد تراني من شقا البعد مليت
كانك على فراش المسرّات نايم=أنا أتقلب بالسهر ما تهنيت
ياما تحملت الأمور العظايم=كله علشانك وياما تعنيت
ياما فرح من حزني ألفين لايم=وياما رفيقٍ من عنا القلب بكيّت
الجو من غيرك ترى جو غايم=غيابك اللي شتت الفكر تشتيت
كلٍ يذوق الحب والقلب صايم=كلٍ يعيش إلا أنا حسبة الميت
جروحي اللي وسط روحي قدايم=جدّدتها من غبت عني وقفــّيت
لا مرّت الوجه الكئيب النسايم=من دون ما أشعر في وصوفك تغنيّت
يا شايمٍ في وسط قلبي وشايم=على جميع الناس يا ليت يا ليت
ارجع ترى ما عاد فيني عزايم=على فراقك شفني اليوم جرّيت
لحنٍ يهز قلوب بيض الحمايم=وأفصحت أنا الخافي عن الناس وأبديت
وأعيش أنا لحالي مع الشعر هايم=ما أغير أسلي بالشعر وحدة البيت

[أبوعبدالرحمن]

راحت عليك وشاف قلبي بدالك // آسف ،، وخذ راحتك ،، والله يعينك
قررت أسوي فالغرام اعتزالك // وانهي علاقة حب بيني وبينك
تعبت أسامح واتحرى وصالك // وتعبت أدور عنك واقول وينك
ياما جرحت وقلت جرحي حلالك // تخطي واقبل من غلاتك يدينك
وإن كنت تحسبني بلياك هالك // نسيت أنا من زود صدك ،، حنينك
جرب تعيش أيام عمرك لحالك // في وحدتك وشلون تحسب سنينك
أنا لقيت إنسان ثاني بدالك // آسف ،، ما عاد أبغاك ،، والله يعينك

[أبوعبدالرحمن]

قالوا عسى عيدك سعيد = قلت اتركوا هالتهاني
نسيت انا فرحة العيد = مدام عيدي نساني
وين الوعد والمواعيد = وين الهوى والتفاني ؟!!
غطت حياتي على الغيد = ما غيرها حب ثاني
بنت الرجال الأجاويد = ما قدرت لي حناني
زادت حياتي تناكيد = يا ليتها في مكاني
تزيدني هجر وأزيد = حبي وعظيم امتناني
كنّي مثل قاطع البيد = وحيد تالي زماني
الحزن فيني تجاعيد = والسعد فيني ثواني
ليت الحزن جاء مفاريد = ماكنت أنا الحين اعاني
العيد يا كيفه العيد = مدام عيدي نساني

[أبوعبدالرحمن]

آه يا لبيه يا الوجه الطفولي =مجتمع فيه الحلاوة والبراءه
وجه واحد بس فيه وصفه شمولي =ابتدائي ما وصل سن الكفاءه
في وصالك عدّني ( واحد وصولي )= كل غايته تبرر لانتماءه
وأنت عندي لو يغيب النور حولي=نور وجهك عوّض غياب الإضاءه
وصف زينك شئ ما يوصله قولي =لو أبمدح يعتبر مدحي إساءه

[أبوعبدالرحمن]

يادنيتي مجروح من وين ما روح =ماراحت جروحي والايام راحت

ياليت لي نفس ( ن ) اذا ضاقت تبوح=كان من هم الليالي استراحت

كلما خفيت جروح تظهر لي جروح=بوسط صدري علة الهم فاحت

وانا اكبر من الجرح ما اقول مجروح=نفسي العزيزة اكبر من جروح ناحت

اوقف بوجه الوقت كني جبل نوح=ما اطيح لو روحي مع الوقت طاحت

قلب الاسد ماهو مخلوق للنوح=تعمى عيونه كان في يوم صاحت

صوت الحزن من كثرة النوح مبحوح=يشكي الجروح الي مع الوقت لاحت

وانا لجرحك يا زمن قلت مسموح=ان اقبلت دنياي وان كان شاحت

ولو كل صدر اصبح كتاب مفتوح=ان كان كل الناس بالهم باحت

والروح بعض احيان ترخص لاجل روح=لكنها لو باحت بسر راحت

[أبوعبدالرحمن]

البارحـه ربـي كتـب لـي ومريـت
...... درب ٍ عليه بـروق الاحبـاب لاحـت
جيت المكـان اللـي جمعنـا وخفيـت
...... وقامت جروحـي للجـوارح وصاحـت
يا ليتنـي فـي لفـة الـدرب زليـت
...... كان العيون مـن الدمـوع استراحـت
حارت دموعي في عيونـي وصديـت
...... وارمشت ابيهـا ماتبيّـن... وطاحـت
وعقبه برق فالعيـن بـراق واسقيـت
...... خـدي ووناتـي بصـدري تـلاحـت
وانا احسب اني فـي فراقـه تعافيـت
...... وان عبرتي من مدخل الـزاد زاحـت
اللي يحسب اني على البعـد سجيـت
...... والا ان عيونـي للرقـاد استبـاحـت
ياليتنـي مـن قبـل لا احبـه اقفيـت
...... والا ان دروبي عـن دروبـه تناحـت
اهون علـي مـن البكـا والتناهيـت
...... واشلا من سدود ٍ على النـاس باحـت
عرفت كيف الحي يفرق عـن الميـت
...... وعرفت قيمـة نعمتـي يـوم راحـت
قولوا له انـي عقـب بعـده تدانيـت
...... ورجلي عن دروب المعافيـن شاحـت

[أبوعبدالرحمن]

غنيت ليله كل حزني طربها
مرات أهيجنها ومرات مسحوب

وجمعت في نبرات صوتي عتبها
وعن غلطتي أستسمح اليوم وأتوب



محدن على أيديكي النواعم (http://www.7be.com/vb/t39892.html)ضربها
ومنت بعلى (http://www.7be.com/vb/t39892.html)كل الذي (http://www.7be.com/vb/t39892.html)صار مغصوب

محدن تيقن بك ولاأحدن حسبها
تبي تسكتني ألى قلت مكتوب




مانعترض لكنك أنته سببها
ممنوعك الي تزعمه صار مرغوب

بصيرتك مدري وش الي حجبها
ضاقتبك دروب وضيعتها دروب



النار في جسمي توهج لهبها
خطرآ علي عظام جسمي لها تذوب

كاسات مرك قلبي الي شربها
ماعتدت أذوق المر من يد محبوب



مدري وش الي في حياتك قلبها
تبي الصراحة أنت قتال القلوب

فاتت واشوف أنه تزايد كربها
عسى الفرج ياتي وينحل مكروب



ماغيرك أحدن تل روحي وجلبها
ثم بعتها برخيص من غير متعوب

في سوق حبك لين رسم خصبها
وتركتني حيآ مع الناس مصلوب



ودفنت روحك يوم ورَق شببها
وأصبحت وحدك وأنت بي دوم مصحوب

أسرجت خيلي ثم غيري ركبها
خيالها ماله على الخيل من صوب



طارت بها ريح العواتي هببها
في ليلهً لاسلم فيها ولا حروب

أخترت من سوء الخلايق عربها
دامك تخيرته فأنا منك مسحوب



نفسآ حرمها الله ونفسآ وهبها
هذا له طلابه وهذاك مطلوب

ألا جروحي زاد فيها عطبها
بغيت أنا الفكه وعودت منشوب



الياس فيني هز نفسي وغلبها
وأنا الي معلق بقلبه ومقضوب

نفسي ولو عافت.. قدرًها غصبها
ترضى بواقعها ولو كان مزروب



ضوي طفت عقبك ورمد حطبها
حرام عقبك لا و لا عود مشبوب

حتى معاميلي على الجال كبها
جنبت خلق الله كما حال مجروب



حالي بك أصلح حال وأجمل وئمها
حالي بدونك من عوافيه منهوب

صدك خطف ضحكات عيني وسلبها
ولا ترا وصلك يرد الفرح نوب

[أبوعبدالرحمن]

لي في حكاية حبنا وجهة نظر =بقولها وأرجوك لا تزعل علي
قلبي مع الأشواق ما عاده خضر=وما عادني ذاك الحبيب الأولي
بتقول لي هالحين ما عندك نظر=وفّر كلام اللوم واسمع ما يلي
تعبت أشوف الحب فيني يحتضر=وأبغى أعيش العمر والخافق خلي
مانيب لك ذاك الحبيب المنتظر=ومنتب بعد أغلى عليّه من هلي !!
قررت أسوي للهوى فيني حظر=وأنّي أغنّي : ( يا بلادي واصلي )
ما عاد يفرق غاب طيفك أو حضر=ذبحت لي من بعد نسيانك طلي !!

[أبوعبدالرحمن]

جديدي هنا
موقف احتاج إلى قصيدة وتوثيق


قلبي اللي صار حقلٍ للتجارب = والنتايج للأسف تطلع مخيفه
كنّي اللي راكبٍ له فوق قارب = وسط بحرٍ دايم أمواجه عنيفه
ورغم هذا دايم أسدد وأقارب = وأدري إن بعض البشر ما هي نظيفه
وصرت لا من ذقت طعنة من محارب = أتسامى وتكسر الأيام سيفه
ما شكيت الهم لطوال الشوارب = لأن نفسي في شكاويها عفيفه
همي اللي حابسه ماهوب هارب = كتمه في صدر من يفخر بضيفه
أتذكر فالمصايب سد مارب = كيف طاح وطيحته ماهي خفيفه
كل واحد في حياته له مشارب = وين من هو يسلك الدرب الشريفه ؟
المصالح وإن حصل فيها تضارب = الوليف يدوس في دربه وليفه
حاجتين تشوف فيهن العقارب = داخل الساعات والنفس الضعيفه
والنفوس إليا حصل فيها تقارب = يطلعون أهل السواليف السخيفه
ويصبح المضروب بين الناس ضارب = ما شفع له لا بكاه ولا نزيفه
والنتايج مستمرة في التجارب = وليتها ما عاد تطلع لي مخيفه

[أبوعبدالرحمن]

تبسمي وانسي همومك وروقي // احلى ابتسامة شفتها في محياك
من واجبك فالحب وأبسط حقوقي // ما تحرمين العين من بسمة شفاك
أسهل طريق يدخلك في خفوقي // نظرة غلا مع ضحكة" من ثناياك
ما أحس أنا بالدم داخل عروقي // إلا بشوفة ضحكتك يوم تزهاك
حلاك غير انه يناسب لذوقي // أسلوبك الجذاب في العين حلاك
والله لو هموم الأيام فوقي /// تبسمي ............ الهم يفداك
أنا أوعدك ما ينقطع يوم شوقي // وأنتي أوعدي قلبي بالأشواق لا جاك

[أبوعبدالرحمن]

أغليك لو الحب ماهوب ظاهر / لو كان ما قلته من الراس للراس
الحب ما هو بالحكي والمظاهر / وماله بعد بين المخاليق مقياس
الحب يبغى إنسان صادق وماهر / ويصبر سواة الزير في غياب جّساس
الحب غيث يخلي القلب زاهر / خص ليامن صار في قلب حسّاس
واليوم أبعلنها صريحة وأجاهر / يا ماكلة جوّ المشاعر على الناس
والله لو حطوا على الخط ساهر / يبطي فلاشه عظم ما صاد الإحساس
ووالله لو حطوا علينا المجاهر / نموت ما نشكي من الحب الإفلاس
بثور لاجلك واعترض وأتظاهر / لو كان في وسط الميادين حرّاس
لأني أحبك حب عذري وطاهر / صرتي بوسط الدم وبوسط الأنفاس
بنكتب أنا ويّاك تاريخ باهر / محفوظ وسط القلب ما هو بفرطاس

[أبوعبدالرحمن]

يعني عشانك ذرب منطق ومزيون=وما فيه من جيلك ينافس جمالك
تذبح خفوقي يا أجمل الناس بالهون=وأنا الذي عليّت حبك لحالك
مطعون لا من جيت وأن رحت مطعون=هالك معك وأن غبت لا شك هالك
عمري بدونك لا طعم حلو لا لون= ولا جيتني عذّب خفوقي دلالك
والمشكلة تامر وأنا اجيك ممنون=القلب بيتك والمشاعر عيالك
انا حلالك قلب وضلوع وعيون=يعني أنا يا بعد عمري حلالك

[أبوعبدالرحمن]

تصدق أني يوم أناديك ... ما ابيك ؟
.................. كنت ابجرب بس نبرات صوتي

أول وانا من قلب واحساس اناديك
.................. واليوم أبرك من كلامي سكوتي

مانيب متولع ولا ميتٍ فيك
.................. من بعد ما حبك شرابي وقوتي

ومن بعد ماكان الشعر منك واليك
.................. اليوم والله ما تطيقك بيوتي

تعبت أعاني من زماني وأعانيك
.................. بررت لك واحرقت اخر كروتي

شفني أردد كل ما حل طاريك
.................. يا ذكريات الأمس بالله موتي

بالله موتي


بالله موتي