سلطان الضيط
20-07-2010, 11:11 PM
السلام عليكم ورحمة الله وبركاته ،
قصيدة بسيطه ومتواضعه من باب التواصل لـ النجديون
ارجوا العذر وقبولها ،
الله من عينن سهيره بليلها = تسهر مع نجوم السماء وتحكيلها
تسهر على ذكرى وليفن هجرها = من بعد عنها غاب وانكر جميلها
وانا الذي تعبتها لأجل عينها = ومن عقبها والعين هذا حصيلها
عذرن على كل العذارى تفوقت = ياكن قلبي صفحتن تنطويلها
احتار فيها كل ماجيت اوصف = قلبي على الجمره غلا ينشويلها
اليا اقبلت كن القمر في جبينها = وان ادبرت يستر ضهرها جديلها
والخصر ناحل ورقبتها طويله = والردف يرفع عن كعبها شليلها
الريم لا منه حضر غار منها = ماتنتمي للزين هو ينتميلها
خيول حبه وسط صدري مربطه = في كل يوم اسمع بصدري صهيلها
وراسي ماعودته على الانحنايه = لكن من حب وولا ينحنيلها
وانا ادعي الله كل ماجيت اصلي = انه يطمني عليها واجيلها
يا جعلها تسمع كلامي وترجع = حتى طيور الحزن تخلي سبيلها
قصيدة بسيطه ومتواضعه من باب التواصل لـ النجديون
ارجوا العذر وقبولها ،
الله من عينن سهيره بليلها = تسهر مع نجوم السماء وتحكيلها
تسهر على ذكرى وليفن هجرها = من بعد عنها غاب وانكر جميلها
وانا الذي تعبتها لأجل عينها = ومن عقبها والعين هذا حصيلها
عذرن على كل العذارى تفوقت = ياكن قلبي صفحتن تنطويلها
احتار فيها كل ماجيت اوصف = قلبي على الجمره غلا ينشويلها
اليا اقبلت كن القمر في جبينها = وان ادبرت يستر ضهرها جديلها
والخصر ناحل ورقبتها طويله = والردف يرفع عن كعبها شليلها
الريم لا منه حضر غار منها = ماتنتمي للزين هو ينتميلها
خيول حبه وسط صدري مربطه = في كل يوم اسمع بصدري صهيلها
وراسي ماعودته على الانحنايه = لكن من حب وولا ينحنيلها
وانا ادعي الله كل ماجيت اصلي = انه يطمني عليها واجيلها
يا جعلها تسمع كلامي وترجع = حتى طيور الحزن تخلي سبيلها