مع التحية لعياد

[محمد السحيل]

بسم الله الرحمن الرحيم

اخواني اعضاء وادارة هذا الصرح الشامخ يسعدني ويشرفني العوده بعد هذا الغياب


ان كان عياد يبغى اللعب طرباني=لا يطلب فلان والا يطلب فلاني
ما يشعم النار غير مزبن الجاني=هذي حقيقه ولا احد ٍ يجحد الواقع


@@@@@@


تعال يا صاحبي عياد طال الغياب= والساعه الي لفت بك من حساب العياد
الله يجيرك من الدنيا وسو العقاب=وان كان طيب هذا شفي وكل المراد

[لذيــــــــــذ]

صح لسانك يالسحيل ...
وهلا بك ... وعوداً حميداً ...
وننتظر المبدع عياد ...

تحيتي ...

[عياد العتيبي]

يامرحبا يامحمد السحيل حللت اهلن ووطأت سهلان




خلووووووووها



يامرحبا ياعميل الخير يا محمد=يالشاعر اللي على الشعار متعمد
النار شعله وجمر وتالي ترمد=هاذي حقيقه ولا احدن ينكر الواقع


يامرحبا يالسحيل اعداد وبل السحاب=من هاجس اللي على لقياك عد العتاد
من يامن الوقت دام الوقت شلفا ذياب=اما يجيه الصباح الكدر ولا هجاد

[(رهف العتيبي)]

الله الله الله

شعراء كبار و لعب راقي


متاااااااااااااااااابعه

[حليمه بولند@]

صح لسسان الشعاااااار

[مشعل الثبيتي]

صحة السنتكم ,,


مرحبا لك يالسحيل بعد طول الغياااب ,,



ولاهنتو على الطاروق الرائع ,,




أخوكم



مشعل @@

[عياد العتيبي]

اخوي لذيذ

حياك الله

[عياد العتيبي]

طقم حياك لله

هذا من ذوقك

شاكر مرورك

[عياد العتيبي]

حليمه

صح بدنك

[عياد العتيبي]

حياك الله اخوي مشعل

صح بدنك الله يحييك

[محمد السحيل]

من يشعم النار يا حيه ويا طيبه=سواة حر ٍ تعشا من مخاليبه
والنهر يجري ولا حسب دغاليبه=هذي حقيقه ولا احد ٍ ينكر الواقع



@@@@



دام البقا عد ماخيل عذوق الرباب=ومن لا توكد نبا ننبيه علم الوكاد

الله يستر على العالم بضاف الثياب=وهذا مقدر يا ابو غازي لكل العباد

[محمد السحيل]

صحت ابدانكم

ولاهنتوا على المرور

[كاسب العز]

صح السنتكم جميع متابعين

[عياد العتيبي]

الله الله



لا دندنت طبلة الحراب دندنا=ناخذ على الخيل درع وسيفن محنا
يبلش بنا واحدن فالوقت يجهلنا=هاذي حقيقه ولا احدن ينكر الواقع


@@@@@@



ياصاحبي يامحمد ياعزيز الجناب=الناس تبغا السلامه وانت تبغا الجهاد
الحيه اللي تشيل السم في راس ناب=ما تونس الجوع دام الارض فيها جراد

[عياد العتيبي]

كاسب العز

حياك الله

[لذيــــــــــذ]

السحيل ... عياد ...
متألقين وممتعين ...
صحت ألسنتكم ... ولا هنتوا ...

تحيتي ...

[نجم العتيبــــــي]

(( الخافي يبين؟؟))

السحيل @ عياد العتيبي

صحت السنتكم