لاتلحق الغايب ملام ومشاريه

[*مبارك العتيبي*]

الناس قد قالوا يقول الخلاوي=بيت المعرفه شامخاتً مبانيه

والوقت مابه مستريح وغناوي=مابه غني إلا اللي الله مغنيه

وأحذر من الراي العقيم العماوي=ومافات عنك وراح لاعاد ترجيه

واحذر من الدنيا تراها بلاوي=وأحذر ترى راع الردى‘ مايخليه

ولاتاخذ الدنيا بكثر الهقاوي=كم واحد/ن وقته يغير هقاويه

ولاتعترض سيل المسيل النحاوي=ولاتلحق الغايب ملام ومشاريه

وخلك ورى الهقوه بعيد الحراوي=ومن لارضي لابد الأيام ترضيه

وترى الردى‘ مثل الشعيب السناوي=اللي يمره مايلد النظر فيه

والناس تنوي مثل منته بناوي=اللي نويته مثلك الناس تنويه

ولايثبت الغصن الليان الهواوي=لابد صلفات العواصيف تثنيه