وافي

[*مبارك العتيبي*]

دنياك فيها ميل وأقفاي وأقبال=ووقتك عن النكبات ماهوب صافي

والناس من حالاً تبدل إلى حال=واليوم مايخفى على الناس خافي

وإلى أرتكيت أرتك على راس رجال=وأترك هراميس الرجال الضعافي

ماهوب راعي حيلتن فيك يحتال=ولاهوب راعي نفعتن ماتشافي

راعي جميل وللمواجيب جمال=لو الحمول ثقال عنده خفافي

ماله مع اللي ينقص الوزن منزال=وافي وكل اللي يجي منه وافي

وعلى الخطا ياشين صبرك إلى طال=يوجعك بعض الشي وأنت متعافي

والرفقه اللي مالها وزن وظلال=مثل السحاب اللي خياله مقافي