لا ياحمام..

[*مبارك العتيبي*]

لاياحمام/ن طواريقة يجاذبها = تومي به الريح فوق الغصن وينوحي

يبغا يسلي بها نفسة ويطربها= مدري جرالة من الايام ساموحي

وانا من اللي بنفسي قمت اجاوبها = اسلي النفس وألا القلب مجروحي

مرت به ايام قبلة كنت امر أبها = ماشيتها بس مدري ويش مصلوحي

بغيت فيها وحثت بي ركايبها = محدن نفعني وانا مجديت عن روحي

جاريتها لين ورتني عجايبها = وان جيت ابا اقول من يسمع ومن يوحي

والناس ماكل شيء فيك يعجبها =والباب ماهوب طول الوقت مفتوحي