اقرب شاعر ولاليت تكون مباشره

[نجم العتيبــــــي]

بعد طول الغياب اتيت لاأصارع الذئاب
السلام عليكم ورحمة الله وبركاته اخواني واخوتي في منتديات غرابيل اسعد الله اوقاتكم بالخير والمسرات بعد طول غيابي وظروفي الخاصه التي امنعتني من دخول هذا الصرح الكبير اتيت مجدداً لقسم المحاوره الشعريه الذي بقيت فيه عدة ايام لاتنسئ



سلام ردية وفا تسوئ ملايين النقود= من هاجساً لامن بغئ يأتي علئ وقت الطلب
الليل والميدان نارً قدحها برأس الزنود= والجاهل اللي مايعرف النار يقرب للهب

[مشعل الثبيتي]

مرحبا بك بعد طول الغياااب ,, وأنا أخوك ,,


صح الله لسانك ..



وننتظر قبيلك :


لـيكتمل الابـدآع ..



تحياتي لك ..





أخوك




مشعل @@

[نجم العتيبــــــي]

الله يسلمك ويعافيك يامشعـــــــــــــــل

ليتك والله بنطت علئ شان امسك الخط السريع هههههههههههههههههههههههه

[كاسب العز]

صح لسانك وقلبك نجم

[نجم العتيبــــــي]

كاسب العز صح بدنك يالامير

[لذيــــــــــذ]

صح لسانك يا نجم ... جزل ...
والله يعين قبيلك ...
تحيتي ...

[نجم العتيبــــــي]

صح لسانك يا نجم ... جزل ...
والله يعين قبيلك ...

تحيتي ...



صح بدنك يالذيذ واشكرك بعنف علئ المرور

[(رهف العتيبي)]

نجم العتيبي

صح لسانك يا نجم

وافق الإسم المسمى

[نجم العتيبــــــي]

نجم العتيبي

صح لسانك يا نجم

وافق الإسم المسمى



طقم صحون صح بدنك 12 مره

[هداج 88]

صح لسانك يا نجم . واستلم والله يجيب العواقب سليمة ههههههههههههههههه

يامرحبا بك يانجم وأرقى على القمة سنود
أبشر بشعرٍ يذهلك صرفه كما صرف الذهب
الظاهر إنك يا نجم حاشي من الرجة هبود
تبى تحرش بالزمل وأنته على حد الركب

[حليمه بولند@]

صح لسان الشاعرين

[نجم العتيبــــــي]

ههههههه استلم اسلتم

دام البقا ياصاحبي لاعلك دايم بالوجود= لاكن من فوقك علامه ماوضح فيها السبب
الفارس اللي طعنته مضربها وسط الكبود= ابا انصحك لاتقربه الا معك سيفاً حدب

[نجم العتيبــــــي]

صح بدنك ياحليمه

[هداج 88]

شفته على جنب الطريق يضحك من نفض الجعود
والظاهر إنه ينفضه يا صاحبي سبت عطب
والفارس اللي تذكره ما ظنتي يقدر يذود
يا خاف من صوبي تجيه الصاعقة معه شهب

[مشعل الثبيتي]

............................ الله يستر .............................

[نجم العتيبــــــي]

انت موظف ياوسيع العرف في بند البنود= لاكن واظب بالعمل لاتعامل الناس بغضب
دنياك هاذي وينها في الصادرات والا الورود= راحت حياتك وانت تتبع من عرب اليا عرب

[هداج 88]

وأنته موظف يانحيل الجنب مع شلة زيود
مشغول معهم يالعتيبي عند سيسان وعتب
ودنايي هذي عامرة والناس من حولي شهود
وأنته تعاني يانجم من موس يحلق لك شنب

[المعترض]

ياسلا م صحت السنتكم جميع ابداااااااااع ابدااااااع

[هداج 88]

ياسلا م صحت السنتكم جميع ابداااااااااع ابدااااااع

صح بدنك يالغالي والأكثر إبداع تواجدك

[نجم العتيبــــــي]

حنا عيال شيوخ ياهداج معربة الجدود= ماني من اللي لانشدته يبتلش ماله نسب
ماانته معي بالدرب لاكن خلك مهتم بالردود= وابك استفد من شاعر الشعار لامنه لعب

[نجم العتيبــــــي]

ياسلا م صحت السنتكم جميع ابداااااااااع ابدااااااع


حياك الله يالمعترض وصح بدنك تنتهي صلاحيتها عام 1432

[مشعل الثبيتي]

الله اكبر الله اكبر الله اكبر الله اكبر ..


سلام يانجم .. ولايهون هداااج ..


أسر ياليل ....

[هداج 88]

اعتيبة الهيلا ترى فيهم صناديد وأسود

ونجم العتيبي منهم لكن كاسيه الجرب

وأنا على الطالة جري وأنته مصفد بالقيود

وفعلي على اللي مثلكم يغني عن أنساب ولقب

[ابراهيم الحمادي]

الله الله

صح لسآآآآنكم ونعم فيكم انتو الاثنين


متابع للابداع

[نجم العتيبــــــي]

هههههههه استلم استلم

انت كما اليوم لامنه تعدئ مايعود= أخذ الكلام من صاحبك لامني قلته ينحسب
تتعب من كثر الجري ياضنتي مامنه فود= لاكن انا بنصحك مالك في الشقاوه والتعب

[نجم العتيبــــــي]

الله الله

صح لسآآآآنكم ونعم فيكم انتو الاثنين


متابع للابداع


صح بدنك يالحمادي وماعليك زود

[نجم العتيبــــــي]

الله اكبر الله اكبر الله اكبر الله اكبر ..


سلام يانجم .. ولايهون هداااج ..


أسر ياليل ....



ارحب يامشعل واشكرك بعنف علئ المتابعه لك مني اجمل تحيه

[هداج 88]

استلم يا نجم

إن الفتى لاجات حزّاتٍ بها اللين يكود
عيبٍ عليه يقول جدي شيخٍ لهاك العرب
وجري كما جري الذيابة يانجم وإلا الفهود
أنومس الأصحاب ويقولون عز الله كسب

[نجم العتيبــــــي]

البندقيه في يدي عان الهدف في راس عود= وهاذي منوة الرماي لامنه اجاد اصب
قول المثل صب احقنه لا مانقص ماجاء بزود= ياطش راسك ياعجب لله لله العجب

[هداج8 8]

الإخوة المشرفين حصل عندي مشكلة في معرفي اللي هو هداج 88 بشكل مفاجأ رفض تسجيل دخولي أرجو حل هذه المشكلة و استرجاع معرفي السابق وحذف هذا المعرف .

( استلم يا نجم )

الطرقة العدلة ترى قامت تعاني من شرود
وترى السبايب واضحة النجم فلًّا بالعنب
والظاهر إنك ذابلٍ ياصاحبي مثل الورود
مير استرح يا ذا النجم فوق الأريكة والكنب

الخاتمة عندك أخوي نجم العتيبي والحقيقة تشرفت باللعب معك وشكرا جزيلا لك .

[سامي العطاوي]

صحت السنتكم ولاهنتو
ابدعتوا وامتعتوا

[نجم العتيبــــــي]

صحت السنتكم ولاهنتو
ابدعتوا وامتعتوا


وألانت ياسامي وصح بدنكـ

[نجم العتيبــــــي]

الإخوة المشرفين حصل عندي مشكلة في معرفي اللي هو هداج 88 بشكل مفاجأ رفض تسجيل دخولي أرجو حل هذه المشكلة و استرجاع معرفي السابق وحذف هذا المعرف .

( استلم يا نجم )

الطرقة العدلة ترى قامت تعاني من شرود
وترى السبايب واضحة النجم فلًّا بالعنب
والظاهر إنك ذابلٍ ياصاحبي مثل الورود
مير استرح يا ذا النجم فوق الأريكة والكنب

الخاتمة عندك أخوي نجم العتيبي والحقيقة تشرفت باللعب معك وشكرا جزيلا لك .




هداج كفيت وفيت وماقصرت افضل واسعد الاوقات اني لعبت معك يعطيكـ العافيه واتمنئ لكـ الكثير والكثير في ايامكـ المقبله ولكـ مني خالص الشكر والعرفان ولايسعني ان اتقدم بالشكر الجزيل الئ اخواننا الذين شرفونا بتواجدهم معنا ومشاركتهم العطره وهذا يعتبر حافز وليس بغريب من اعضاء وادارة منتديات غرابيل اتمنئ للجميع التوفيق والسداد,,,,,,,,,,,,,,,




نجم العتيبي