ناشــــــــــبات

[بدر]

إن العيون التي في طرفها حور... قتلننـا ثم
لم يحـيين قتلانـا
يصرعن ذا اللب حتى لا حراك به... وهن أضعف
خلق الله أركانا


هذا بيت قاله الاخ جرير في وقت مضى ..

ومن دلاخته قاله .. لانه مامرن عليه بنات مثل ذالوقت ..

اجل اضعف خلق الله اركانا .. من وين يابو الشباب ..

بلى والله البنات من اول غير الحين ..


ومن هذا المنطلق حبيت اضع مقارنه غير مقبولة بتاتاً بين بنات من اول

وبنات الوقت هذا ..

بنات مبطي : تناقز مع الغنم وتحوشها في كل زاوية من زوايا البران :Lopez...clap1:ولو طلع عليها ذيب يقعد يشاور نفسه انه يهجم وإلا يهون :11one:

بنات الحين : ماعندها إلا قوة نوم .. ولو يطلع عليها صرصور من نوع فل كاامل (البني غامق) انصفرت ( وبمعنى اخر انصرعت ) وقالت عيونها تسذا :yikes44id2:

بنات مبطي : ماتعرف الغنج والتغنوج .. مافيه جاء ضيف تطمر ماتشوف إلا غبارها رايحه للغنم وشوي إلا راجعه بالراعي تسحبه مع كراعه من زود الحماس :dance3: تقوم ترجعه وتدور اسمن خروف ولو طلع بيدها فيل جابته وتقول به وتجمع المصران والكرش والتسلى والتسبد .. وشوي إلا اهي رايحه جنب البيت وقايلتن به بالقدر .

بنات الحين : لو تجيب لها دجاجة .. لا ايش دجاجة :lopez45a: لو تجيب لها صوص . اول شي تحوم تبسدها عشان الريحه . يااي .. وبأدين ريحه البسل تسبغ بايديها .. وريحه الكشنه تمسك بشعرها .. وازافرها تويله تتكسر.:girl_mad:... لا وياليت تطلع طبخه زينه .. لا تطلع لك طبخه يروح لك نص ساعة تشاور نفسك وش ذالطبخه .. لاهي كبسة ولا خلطة سمنت لياسة .. ؟


بنات مبطي : ماتشتري ملابس .. ترى يلعبون عليها ذاللي فـ المسلسلات يجي البنغالي على حمار يلبق بين البيوت و يبيع عليه .. ترى خرطي مافيه ذالحكي .. تلبس ثوبها لين ييبس ويتكسر .. لدرجة أنها تنام به وإذا شدت حيلها وبغت تتسبح تفصخه يبقى واقف بجنبها مايتسفط كانها وحده من خواتها :Lopez...yu:

بنات الحين : سببوا برفع الإقتصاد ببعض الدول . صارت الاسواق بدل ماهي اسواق لجميع فئات المجتمع .. لا صارت اسواق مخصصه للبنات .. يعني الجينز محلات خاصة .. والجزم محلات خاصة .. والاكسسوارات .. لا حتى الشباصات لهن محل خاص .. :Lopez...girl:. لا والمصيبة تلقاها تشتري طرحه مثلا .. ماتحطها إلا على طرف خشمها .. طيب والباقي ؟؟؟ :jumpon:


بنات مبطي : لابغت تتغزل بزوجها وإلا حبيبها .. تصكه ببيتين يقعدون عشرين سنة يرددونه بعدهم .. لا وإلا تجي تناظر له من ورى المحرم ( قالها زي المسلسلات :eshtat:) وتقعد تتغنفج له شوي بس بينهم المحرم ( برضوا قلتها زي المسلسلات بس ذاللي قلتها الحين الممثل سوري مبـ اردني :a7meeed4456: )

بنات الحين : لازم اول شي تبرهن إنك تبيها .. او بمعنى آخر خاق .. كيف يكون ذلك .. طبعا إذا كان جوالها سوا (( بالشحن )) وإذا كان فاتورة (( بالفاتورة )) < == قل قسم :give_heart:
وبعدين تقدم تنازلات .. منها ماتدخل نت .. ولا يكون عندك انتظار .. وتكون شاعر ورسام وعندك ذوق وراعي كشخه وتحب أليسا لانها تسنها اهي :Lopez...clap1:.. وبعدين لازم تكون تعرف جميع الكوفي شوبز والمطاعم الصينية والإيطالية والهندية والمكسيكية والفرنسية وكل شي عشان كل مره تعبي جنوبها منها ..


بنات مبطي : الشكل السهل الممتنع .. إذا شدت حيلها حطت لك كحل من المكاحل القديمة النحاس اللي راسها كانها فراشة .. وحلق كانه واحد من الشباب متدلي من اذنها . بس .. لاغير ..تخيل :Lopez...ops:

بنات الحين : اول شي الشكل بوجه عام تحس انه ضرس فيه وجه .. انواع الضروس والخشة .. ولازم تكون مركبة تقويم عشان الخشة على الاقل تزين شوي .. وإلا ضروسها بعد سن 18 كل واحد يقول للثاني وخر هذا مكاني :Lopez...crazy:.. الحاجب كانه ( فحطه سيكل ) خط مافيه إلا شعرتين والباقي يامنتوف وإلا مشقر .. وإذا منتوف يطلع حاجبها بعد يومين كانه خد باكستاني توه محلق عكس .. يعني قوة شعر .. والعين ..العين ذي حكاية .. تحس انها تفكها وتحطها بصحن فيه عدسات وكحل .. :Lopez...woot:

بنات مبطي : ماتآكل إلا تمر وخبز ( لاحظ اهي مسويته ) وإذا فلوها مررره اكلوا رز ولحم

بنات الحين : يووووو .. من اي مطعم ؟ برقر كنج تربل وابر . وتقوم تآكل كانها ماقد شافت عيشة بعمرها .. قبل كل شي لازم يكون فيه كرسي مقاسها طال عمرها .. ولايكون ابو تكايات على الجنب لانه انس انها تدخل فيه :burla2yu714d7:.. بعدين شفها واهي تآكل .. تحس لو تغلط وتحك الكيس على يدها .. احتمال كبير تآكلها :girl_wink:


بنات مبطي : قل لها لا .. ......... .. خلاص لا :huh:

بنات الحين : إذا في ام ام ام خير قل لا :boxing232:


هذي بعض ماقرقع في قريحتي على هالعصرية عسى ان يكون باااارد مثل موية المنهل وإلا موية اروى ام ريال خخخخخخخخخ

الموووووهم اخباركم انتم طيبين:Lopez...yahoo:

بدر :eshtat:

[ابتسامة امل]

ماشاء الله عليك استاذ بدر ثقافتك قديمة لكنها قد مرت علي
والمقارنة صحيحة ودقيقة مائه في المائة لكنها للاسف لصالح بنات مبطي
نقدك جميل وبناء وانا اقدره ويارب البنات يتعدلون وليس بالضرورة يرجعون مثل بنات مبطي لكن على الاقل يكونون احسن منهم
جزاك الله خير النقد احيانا يرتقي بالجتمع اذا كان هادف وبناء وفيه صدق

[وجن محمد]

استاذ بندر
ماقرقع في قريحتك على هالعصرية راق لي كثير
واكيد مافيه وجه مقارنة بين بنات اول وبنات اليوم
بنات اليوم (يالله السلامة ماتعرف تدبر شي )
بنات مبطي : تناقز مع الغنم وتحوشها في كل زاوية من زوايا البران :Lopez...clap1: (http://www.g111g.com/vb/t173125.html)ولو طلع عليها ذيب يقعد يشاور نفسه انه يهجم وإلا يهون :11one: (http://www.g111g.com/vb/t173125.html)
ههههههه ياسلام ايه هنا القوة مو اذا شافت صرصور حامت كبدها ويمكن يغمى عليها
يعطيك العافية

[النااايفة]

يالبى القرقعه بس والقريحة اللي جادت ....

قل قصم هذا اللي قدرك عليه ربي


طيب وش رايك فيه بنات تسحب السودانين وراها:russian_roulette:طبعا تحسبهم ذبيحه والا السعوديين باصبعها تجرهم :cupidarrow:



ههههههههههههههههههههههههه ه




بنات الحين : لازم اول شي تبرهن إنك تبيها .. او بمعنى آخر خاق .. كيف يكون ذلك .. طبعا إذا كان جوالها سوا (( بالشحن )) وإذا كان فاتورة (( بالفاتورة )) < == قل قسم :give_heart:
وبعدين تقدم تنازلات .. منها ماتدخل نت .. ولا يكون عندك انتظار .. وتكون شاعر ورسام وعندك ذوق وراعي كشخه وتحب أليسا لانها تسنها اهي :Lopez...clap1:.. وبعدين لازم تكون تعرف جميع الكوفي شوبز والمطاعم الصينية والإيطالية والهندية والمكسيكية والفرنسية وكل شي عشان كل مره تعبي جنوبها منها ..




:girl_nails:

طبعا هذا الكلام اعلاه سببه انتم
وطبخك يالرفلا كوليه :wall: >>>> مافيه مثلي اقول امثال بعد :Lopez...winking:


خيو ..
لاتتعود عالمواضيع الغير منصفه لبنات هالوقت والماضي بعد :11bomb:فهن امهاتنا وجداتنا قصم ياجدتي الله يحفظها تقول ماعندها الا ثوبين واحد للصيف وواحد للشتاء وان جاء العيد اعطت امها ثوبها ولبست جديد :)
:Lopez...girl_angry:


والا باصككم بموضوع يجيب آخرتكم يا شباب هالزمن :gun_finger::36_1_28[1

[مشجعة الهلال]

ههههههههههههههههههههههه

والله فرق بين الحين ومبطي

يعطيك العافية

[كاسب العز]

راق لي طرحك بدر بارك الله فيك

لك مني أجمل تحية

تقبل مرورى

كاسب العز

[غلا أبوها]

•••

آقول بدر لا يكثر عااااااد جات علينا
التغيير شمل المجتمع كله موبس بنات آجل تبينا نرعى غنم :Lopez...girl_angry: مع انه آصرف من حياااااااة المدنيه ولوو دريت مادرست بالجامعة كان جلست بالبر عند جداني وسوق الونيتات وكل سنه وانا مشاركه في مزايين ام رقيبه
ويصير عندي منقيه << واسميها منقية غلا ..http://www.moeforum.net/vb1/images/smilies/biggrin.gifhttp://www.moeforum.net/vb1/images/smilies/biggrin.gif <<< وبلا هم وبلا وظائف ... ويازين حياة البر موب زحمة المدن وهياطها ..

والبر يامحلى على البال طاريه******** عقب المطر يازين شوفه وممشاه
يرتاح بال اللي المشاكل تباريه******* والبر يجعل شايل الهم ينســــــاه
في صحبة لاشافت الصيد ترميه******* نصفه غداء والنصف لاخر تعشاه
والجمر شب وفوقه الصيد نشويه****** هاذي طرات العمر وهاذي حلاياه

وشاكره موضوعك قال بنات مبطي قال آول تسنعوو انتووو وبعدين تكلمووو ع بنات :girl_mad:

•••

[تــآج]

بنات مبطي : تناقز مع الغنم وتحوشها في كل زاوية من زوايا البران





,
,,
,


تذكرت هاايدي ههههههههههههههه


البنت ما شفتها تحوش الغنم الا من هاايدي حتى المسلسلآت البدوية ما شفت :)


ولآ تخلونا نقارن بين بنت اليوووم وشباب اليوم


ترااانا احسن منكم بكثيررر <~ جدتي وأمي تقووول :)

بــدر سلمت وبارك الله فيك

آعذب المنى

[عزوز]

ههههههههههههههههههههههههه ههههه

الله يرج ابلسيك يابدر

من شفت اسمك دريت ان الموضوع ضحك ههههههههههههه

لاتحرمنا جديد آبو جود

القنآص

[دفنت قلبي ~]

ومن هذا المنطلق حبيت اضع مقارنه غير مقبولة بتاتاً بين بنات من اول


وبنات الوقت هذا ..


بنات مبطي : تناقز مع الغنم وتحوشها في كل زاوية من زوايا البران :lopez...clap1:ولو طلع عليها ذيب يقعد يشاور نفسه انه يهجم وإلا يهون :11one:

بديت اشك انك جدي دايما يقولي تعاالى معاي للغنم











متشكر على الموضوع

تحيااتي

[شمــوخ الأصآآيــل]

هههههههههههههههههههههه

يعطيك العافيه ..~

[فهده]

ويصير عندي منقيه << واسميها منقية غلا ..http://www.moeforum.net/vb1/images/smilies/biggrin.gifhttp://www.moeforum.net/vb1/images/smilies/biggrin.gif <<< وبلا هم وبلا وظائف ... ويازين حياة البر موب زحمة المدن وهياطها ..

والبر يامحلى على البال طاريه******** عقب المطر يازين شوفه وممشاه
يرتاح بال اللي المشاكل تباريه******* والبر يجعل شايل الهم ينســــــاه
في صحبة لاشافت الصيد ترميه******* نصفه غداء والنصف لاخر تعشاه
والجمر شب وفوقه الصيد نشويه****** هاذي طرات العمر وهاذي حلاياه

وشاكره موضوعك قال بنات مبطي قال آول تسنعوو انتووو وبعدين تكلمووو ع بنات

روعه كلامك ياغلا من جد حسيتك ذ1 هههههههه

انا معاك احب النياق وكذ1 بس مررره ما احب ركوبها لمن تنزل وتقوم تخووووف

تخيلي ياغلا احنا في البر ونلبس ثياب ومانلبس عبايه << وحده تبا الفكه هع
ترا جداتنا كانو داشرات هههههههه لا عبايه ولا حتى صلاه
والله جده تقول يعفون عننا الي ترعى ماتصلي وكمان فاليها ع الجبال مع عيال عمهم وهرج ومرج :وردي:

يعطيك العافيه ع الموضوع ياوخيي بدر

سلام..

[غلا أبوها]

&&&

آيه مانلبس عبايات آجل عمرك شفتي وحده بالبران ولابسه عبايه :وردي:

[فهده]

^
^
ايوا اكييد انا مستحيل اتخلى عن حجابي في اي مكان << طيب طيب :وردي:

[sweetsoul]

هههههههههههههههه ليش كذا يا بدر كل ذا شايله على البنات
لا مبطي ولا اللحين مو عاجبينك البنات

تسلم على الموضوع ضحكنا كثير تقبل مروري

[أبوعبدالرحمن]

على قولة فهده

لامبطي ولا ذالحين عاجبينك

لازم نستورد لك يابدر

[محمد بن ضاوي]

تلبس ثوبها لين ييبس ويتكسر .. لدرجة أنها تنام به وإذا شدت حيلها وبغت تتسبح تفصخه يبقى واقف بجنبها مايتسفط كانها وحده من خواتها


هم البنات بس ههههههههههههههههههههه


والله مدري كيف كنا عايشين بس يالله فتره وعدت


مرسي مسيو بدر على هالموضوع الاكثر من رائع