,, على اللــه ،،

[شاعرة نجد]

السلام عليكم ورحمة الله وبركاته


إليكم جديدي..عسى أن ينال رضاكم


http://www.motir.net/vb/uploaded/107_1276992680.mp3



شكري وتقديري للشاعر والمنشد/هزاع المهلكي


الا ياوجودي وجد مـن لاعتـه دنيـاه=وهو فـي ربيعـه عايـشٍ ماتوقعهـا
مغفلته الدنيـا وعايـش علـى ليـلاه=حياتـه مدللتـه ونفـسـه مدلعـهـا
وصل للثريا وارتفع لين لحـق امنـاه=حظيظ وسعيـد وضحكتـه ماتصنعهـا
ودارت به الدنيا علـى غفلتـه عـزاه=وبارت وجارت وأسقته مـن مواجعهـا
تصوعه بلى رحمه من أدناه لين أقصاه=تحامت عليـه وماقـدر فـي زوابعهـا
تردّت عْزومه وانتهـى ماقـوى بلـواه=ولاعه زمانـه ليـن فاخـت مرابعهـا
على حاجةٍ في خاطري ذكرها م/أقـواهيتمتم بهـا لسانـي ولاهـوب ذايعهـا
أهوجس بها وأكتب هوى خاطري وأقراه=وأطفي شموعي في ضميري واولّعهـا
تمنيتها وبعض التمنـي علـى عميـاه=يثير النفوس اللي شقى الوقت لايعهـا
شكيت وبكيت وخاطـري فيـه ماكفـاه=لاني بشر واصل البشـر ذي طبايعهـا
تشكّى ولو ماينفـع الوجـد والمشكـاه=ولكن على الله بعض الاحيـان ينفعهـا
على الله يفيد الوجد لو ماظهـر معنـاه=وعلى الله فياحي نجد تنبـت مراتعهـا!

[كاسب العز]

شاعرة نجد

صح لسانك وصح قلبك

لله درك

[سـامـيـه]

شيله رائعه
وشعر أروع
تسلمين شاعرتنا
لاخلا ولاعدم
...

[صالح الروقي]

صح لسانك وعلى شانك

وسلم صوت المنشد
شله جميله وكلمات جزله

لاهنتي

وتقبلي مروري

ولك ودي وتقديري

[أبوعبدالرحمن]

شاعرة نجد

مبدعه دوما

صح قلبك وكلك


وسلمت اناملك

تحيتي لك

[عبدالرحمن الحميدي]

شاعرة نجد اسمك راسخ فبالي من اول قصيده قريتها لك
صدقيني بدون مجامله اقولك انتي شاعره تبدع
بوصف االواقع ومزج الخيال وتصويره باحسن صوره.
انتضر جديدك.
عبدالرحمن الحميدي

[سامي العطاوي]

شاعرة نجد

صح لسانك ولاهنتي

[محمد نايف العتيبي]

.


الله
الله


ياسلام عليك يالشاعره ..


ابطيتي وجبتي اللي شفعت لغيابك


صح لسانك مليون



ولاهنتي


دمتي بخير



م ح م د ..!!

[بندر النايف]

الله الله الله

يا سلاااااااام عليك


صوت شيلة رائع

والقصيدة جداً جميلة

صح ألسانك وحنجرة المنشد .

[ليــن القســا]

رائعة ..تختال بتميز ..وتسمو بتلقائية عذبة ..رغم الألم ..
لاعدمنا بوحك العذب عزيزتي ..

[عيسى بن سليم السحيمي]

شيله جميله والقصيده اجمل
لاعدمنا بوحك واحساسك

[مطلق الحمدي الجهني]

شاعرة نجد صح لسانك
قصيده رائعه
في معانيها وفي مبانيها
تقبلي مروري
تحياتي

[صهيل الصمت]

سلم قلبك وبنانك

نص جميل

ٌدمت بخير


صهيل

[فخر أهلها]

شاعرة نجد

صح لساانك الى رضاك

اسم تسعدني متابعته دوما

تحيتي لك

[محمد بن ضاوي]

على الله يفيد الوجد لو ماظهـر معنـاه

وعلى الله فياحي نجد تنبـت مراتعهـا



,

,



شاعرة نجد ,,,



صح لسانك ولاهنتي

[نـــادر]

صح لسانك وكلك

[زهرة الخزاما]

أهوجس بها وأكتب هوى خاطري وأقراه

وأطفي شموعي في ضميـري واولّعهـا

تمنيتها وبعض التمنـي علـى عميـاه

يثير النفوس اللي شقى الوقـت لايعهـا

شكيت وبكيت وخاطـري فيـه ماكفـاه

لاني بشر واصل البشـر ذي طبايعهـا

تشكّى ولو ماينفـع الوجـد والمشكـاه

ولكن على الله بعض الاحيـان ينفعهـا

على الله يفيد الوجد لو ماظهـر معنـاه

وعلى الله فياحي نجد تنبـت مراتعهـا!


شاااعرة نجد

دااائما وأبدا تتبختر الحروف بين أضلعك فتخرج وقد غشاها زهوا بما ساقها من المعاني
عزيزتي

شهاادتي فيك مجروحه

صح لساانك مدد بلا عدد


دمتي بكل ود