يا مرحبا بأحلى "حليمه"

[(رهف العتيبي)]

يامرحبا بأحلى حليمه عسى تحلب لنا نوق = تشرب حليب البل مدري تبا ترجع تموجه
حظ و طنا فحلامها ما بناء و الثوب مفتوق = فتق و بدأ فالثوب ما ظنتي تقدر فجوجه

[افتكرني]

طيب طيب


متابعين وفي انتظار حليمة لاكتمال الابداع

[مشعل الثبيتي]

ههههههههههههههه الله أكبر الله أكبر .. .. ..


صح عليك يالقطم ..




ننتظر المبدعه ليكتمل الأبداع ,,





تحياتي لكم



أخوكم



مشعل @@

[قيـس]

أبك أبك أثر طقم صحون بنت!!

ورى ماعلمتوني أشخص ههههههههه

صح لسانك ياطقم صحون وننتظر حليمه


طبعاً نظرني تجاهك ماراح تختلف سواء كنتي بنت أو ولد أهم حاجه عندنا الأخلاق وحسن التعامل وهذا واظح وملموس في شخصك الكريم حفظك الله

أتمنى لكم حظ طيب

[(رهف العتيبي)]

أفتكرني>>>>>>>> مرورك يثري الموضوع


مشعل>>>>>>>>> مرورك دعم لي و تشجيع


قيس>>>> ليش أسمك صار مطفي>>>> الأكيد أنك مضي دائماً و مرورك يسعدني



هنا في ساحة الشعر لا يهم اذا كنت أنا إمرأة أم رجل بل المهم أن أكون شِعراً في المنتدى

[سبع الغدراء]

طقم صح السانك مبدعة دائما
وينك حليمه ... بانتضارك ليكتمل الابداع

[حليمه بولند@]

ابك البقااايالطقم واهلا عددمالاحت بروق=والبل سوقه ماندله ولانعرف خروجه
انا الذي ماتلبس الثوب لابانت به شقوق=والدرب يابنت الاجاويد ماودي تعوجه

[كاسب العز]

طاروق كايف متابعين لكم صح لسان الجميع

[(رهف العتيبي)]

بصبوحنا فالصبح و لــّلا مساء نشربه بغبوق = ذود البدو عزّ و تعلى على عالي بروجه
شفت القناة اللي تبثك لنا و البث موثوق = أسمع صدى وسط الندى مابقى شي(ن) تروجه

[حليمه بولند@]

الاخت الطقم انا لي اسببوع ابدخل النت وماقدرت الظاهر ان المنتدى كان تحت الصيانه او فيه مشكله مااار استلمي :

انتي بكيفك يالحبيبه ترى بالطعم والذوق=وانا الذي لاشفت مكتب ترى مافتش دروجه
ياطيب قلبك يافتات العرب لوفيه منطوق=لوالبنادم يحسن الظن تبى تضبط نهوجه

[(رهف العتيبي)]

حنا ترى وضح النقا و الوفاء من منبعه روق = ننسج فخرلأهل العرب و العرب جات معلوجه
شين القناة اللي تحط الدلع و الروج و الطوق = اشوفها و اشوف اللي مات من موتت علوجه

[(رهف العتيبي)]

هلابك يا حليمه

صح كلامك المنتدى مقفل من اسبوع و اكثر

و صراحه عتبنا على الاداره كبير

و مشعل مطنش الموضوع :whist:

[مشعل الثبيتي]

هلابك يا حليمه

صح كلامك المنتدى مقفل من اسبوع و اكثر

و صراحه عتبنا على الاداره كبير

و مشعل مطنش الموضوع :whist:


هههههه طقم جعلني ماخلا منك ..


انا وش دخلني ؟؟


حتى أنا ماقدرت أدخل .. يعني مالي شغل :Lopez...yu::Lopez...yu:


المنتدى مقفل للصيانه ومافتح الا امس ,,



عـ العموم كملوا يامبدعين



أخوكم



مشعل @@

[نغـــ الحياة ــــم]

متااااابعة من خلف الكوااااليس يا مبدعين ^.^

[حليمه بولند@]

والنعم فيكم ياعتبيه ترى و الاسم مرموق= ياغاليه والبيض مخلوقه من ضلع امعووجه
وشفيك يالغالي تعود حدر وانا ارفعك فوق= علامكم صحنك تفره بعد مع كل موجه

[(رهف العتيبي)]

و النعم حالك و أنا لو قلتها فالطعم محروق = تبطي ترى بعض القبايل ولا تاصل هدوجه
كل السلاسل يا حليمه ترى للعبد معتوق = تبت يدا عبده تحبه و لا تعرف هروجه

[(رهف العتيبي)]

الاخت الشاعر / حليمه بولند@


بصراحه انتي شاعره مميزة و لعبي معك وسيلة لكسب المزيد من فن المحاورة انتي دائما مبدعه و تنثرين الإبداع بشعرك لمن هم حولك


فشكراً لكي على منحي فرصة اللعب معك


ولكي مني فائق الإحترام و التقدير،،