المساعد الشخصي الرقمي

مشاهدة النسخة كاملة : بساطة أسمي لها خير عنوان



محمد الجبريني
20-06-2010, 10:18 PM
سلام عليكم

دعوها تسير الى ان تقف
فمن يعترضها وربي لجيه

دعوها تسير
حتا تقف
فأنها ماموره
حياكم الله وقفت
وبركت وحطية عنها
اقلطو يامرحبا حياكم الله



يامرحبا ترحيبةٍ شانها شان =من هاجسٍ بالشعر من روس صلفين
تفتح قفول مغلقت كل بيبان=وتسكن بوسط قلوب الاف المليين
من عذبها تطرب هوى كل عشقان =ومن حلوها تسحر عيون المحبين
من خاطرٍ من عذب الاشعار طربان= ينظم حروف ابداعها حين في حين
متداخلٍ بحروفها كل اللوان= ومتعليه بوصافها أقوي العناوين
والهاجس اللي صاغها شعر سمنان =وغلافها به وسم شعر الجبارين
رغمٍ بساط اسمي لها خير عنوان=واسمي بلاها مايجمل ولا يزين
متسيده بسمي على كل ميدان=ومتزينه باسحر مديل الفساتين
ماينوجد لحروفها وصف حليان=ادروس للي بالشعر مستجدين
عنوانها سبحان علام الكوان =يسبه قلوب الصايمين الحميمين
وارقام صفحتها على الرب سبحان =محيي وخالق صنع الانسان من طين
شوفو تسلسل نضمها بين وزان=وحروف نظمه من خيار المضامين
تسحر من اهل الطيب سمحين الاحسان =أهل الكرم وهل الوجيه السميحين
فيني قصيد غيرها يذيب سحران=ويهلك بدنيا الحب عالم كثيرين
وانا بجزل الغزل مادور اجنان =الله يكافينا شرور المعادين
خبري بحب أحلا الرعابيب فقدان =وياشين في بعض الغلا سكرت التين
ما ينفع الولهان بالشوق دلهان =لو القمر بيسار.. والشمس.. بيمين
واللي عشق بنت الكريمين ربحان =ماهو بخسرانٍ بشرع الشريفين
واللي هوى بنت الرديين رديان =وسم الافاعي في سنون الثعابين
وانا ماني من بخل الانذال شرهان=وماشره على اللي بالوصل دوم بخصين
ياديلكو فكري ماتحتاج ميزان =ترجح حروفك فوق ثقل الموازين
وبواجي افكاري جزيلات وارزان = وبكهربتها شبت النار بنزين
لاتحسبون النار من حب نسوان = هذي وهاذي فرق بين النساوين
يامشعل فيني من الشوق غلطان =انا حبيبي تذرف دموعه اسنين
واليا بتسم بحلا الشفايف والسنان = اروح من بسمته من (جــ) في (سـ)
واللي يمر يشوفني قال سكران =وبغيت من زود الغلا اصبح قطاعين
ينعل ابو شرع الهوى مابه أمان= ابنقسم فيها من الشوق نصفين
ماهي بلاف أبها ولاهي بجيزان =ولاهي من العارض ولا صوب يبرين
ولاهي بالاحساء لا ولابقيق ياخوان =ولو تسكن الدمام يازينها زين
حبيبتي تسكن بدررررة ذا الاكوان=أهل الوجيه اللي من الله قبيلين
انا اعتبرها ياعرب خير الاوطان=ياليت لي فيها ربوع وقريبين
دارٍ سقاها الغيث من غر الامزان=حكامها أل الصباح الفليحين
أل الصباح وغيرهم دون حقران =حرام حرم أحلا الوجيه الصبيحين
تحيا الكويت وعاشو اطوال الايمان=يهبون عنها اردى العباد الرديين
سلام تسليم على قصر دسمان =اسم على اسم اهل الوجيه الدسيمين
وانا بن عبدالله ومن دار سلطان = وان كان بالامجاد دار السلاطين
وحبيبتي مسكانها دار خيطان=وانا لها بالشوق فى العسر واللين
ياجعل ما يبقى على الارض خربان = ياصاحبي والد المناعير ياحسين
من حلوها فاقت على خوخ لبنان= والطايف مع ابها وكل البساتين
وأبكا جفاها من حلا الشوق ذهبان= وناحت بها اسراب الحمام العذيبين
واهتزت ألها اجبال صنعا واوردان =وتحررت منها قضية فلسطين
وجزل المثايل في هجوسي لها زان = أيعالج الضغط وتصلب شرايين
ويلين أقوى قلب ماقبل قد لان =بعذب حروف أشكالها بالتمارين
وانا بعد ذالك ترى هيك بصطان=واعيش في شعري مع اللي بسيطين
لاتقنت صوغتها كما صنع اللمان =قوم بعيب الصنع دايم قليلين
متقين زين الصنع اللماني أتقان = لو انهم لله ماهم تقيين
تقول ما فيهم مهبل وخبلان =ياليت منا مثلهم لو ثلاثين
وانا بهم ماني بغاوي وغلطان=ولالاذعٍ من فكر شعري بليتين
اعسف صعيبات القوافي واللحان=لين اجزل حروف القصايد لي تلين
لني وجزل الشعر سرنا كالخوان=حتى بوضع النوم نوب متخاوين
نسري على طاروق الاحباب عدوان=وحنا بعين مشاهد الزين وافين
وشعري على عجاب المحبين ولهان =يطرب على ضحكت حجاج الجميلين
واديتر اشعاري من الفوح صليان = أكن مابي سد عوج الضلاعين
ولاني ببوح الشعر عاجز وبلشان=ابيع روحي لدعج الغيد لو دين
ياللي تبين بوسط صدري لمسكان=ان ضاق صدري فيك مسكانك العين
اخاف وسط الصدر تكتمك الاشجان=وانتي بعيني تعرفين اش تساوين
اقولها يابنت لك سر وأعلان =تدللي بي وسكني حيث تبغين
ماني بحبك خايف افلان وفلان =وانتي على زولي وقولي تمونين
يفداك حلو الشعر جزلٍ وصفطان =ويهون لعيونك وبه ماتهونين
ياوردة النرجس وياشمعت الدان=تعالي اضمك من الشوق يومين
وانكان ماتحسين بشعورك أنسان=يهواك من بد البنات المزايين
إذا اينعت لك روسٍ اقطافها حان =انا بن حجاج الشعر روسهم وين
بالبر دجت وصدت ارانب وغزلان=يلي عليه في وصالك تغلين
وبالبحر غصت وجبت لؤلؤ ومرجان =وان كان قلتي منت صادق تعقبين
وانا عتمادي على الولي خير تكلان = مرجي ثواب من العباد المساكين
حرٍ ولاني من هوى الحب حران =وابيات شعره من حرار الشياهين
ماني على خف العقول اصل شرهان =ماحط عقلي في عقول البزارين
وأفكار شعر ي من سلايل كحيلان =اللي هجوسه مثل ثور البراكين
ابوي راع الطيب والجود به بان =من سابق الايام والبين يبين
يوم فرسي حره من سلالت أحصان = والشعر فيني مثل قبس الكباسين
لوشانت اوضاع البشر بي ماشان = له في خفوق الفكر وزن وقوانين
كلي بجزل الشعر فولٍ ومليان = ماشلت هم مقرقعين الجوالين
اسقي ضما بالشعر جميع ضميان = وافكك بشعري قفول الكوالين
وختامها ذكر الولي عالي الشان =صلو علا محمد شفيع المصلين

سـامـيـه
20-06-2010, 10:35 PM
صح قلبك يا محمد
قصيده شامخه بشموخ شاعرها
ابدعت وامتعت
كل التقدير

ليــن القســا
21-06-2010, 12:15 AM
صح لسانك شاعرنا
رائعة تنهال بسلاسة وعذوبة حس
وشموخ معاني ..
سلمت ودمت للجزل المميز دوما أخي ..

أبوعبدالرحمن
21-06-2010, 04:54 AM
جزل يا محمد


صح قلبك وكلك


وسلمت اناملك


تحيتي لك

بندر النايف
21-06-2010, 06:05 AM
يا هلا والله وغلا بك

وصح إلسانك يا شاعر يا جزل ...

قصيدة رائعه جداً ,.

محمد الجبريني
21-06-2010, 01:29 PM
صح قلبك يا محمد
قصيده شامخه بشموخ شاعرها
ابدعت وامتعت
كل التقدير



صح قلبك وكلك ياختي ساميه
........................ اشكرك لين انك من الشكر ترضين


لاهنتي
وصح بدنك
وقلبك تقبلي تقديرري

كاسب العز
21-06-2010, 07:46 PM
صح لسانك وقلبك

لاهنت

محمد نايف العتيبي
23-06-2010, 04:43 AM
وان كـان قلـتـي مـنـت صــادق تعقبـيـن



مر تحبها وتمدحها ومر تقول تعقبين





رغم بساطاسمي لها خير عنوان ..... واسمي بلاها مايجمل ولا يزين



المفروض اسمك يجملها موب هي تجمل اسمك ..؟





للامانه يامحمد



تشتت فكري وبيني وبينك الى الان ماعرفت موضوع القصيده



لانك رحبت واثنيت ع قوة شعرك , بعدين بديت فالغموض وديرة معشوقتك , وبدين وصفتها وانها جميله ,

وقلت تحررت منها قضية فلسطين ..؟ محمد وش دعوه



وبعدين رجعت واثنيت مره ثانيه ع شعرك , ورجعت لموضوع المعشوقه

ورجعت وانثيت للمره الثالثه ,

وبرضوا رجعت وقمت تمدحها بس فالاخير قلت تعقبين



وبيني وبينك يمكن طول القصيده هو سبب ضعفها ..

طول القصيده ليس يدل على جزالة الشاعر او مقدرته ,



الشاعر الجزل سلطان الهاجري قصايده ماتتعدى 10 الى 15 بيت

وكل بيت عن قصيده ..

افضل من مثلاً 60 بيت ومافي هالستين الا بيتين زينه ..



وجهة نظر يالغالي واتمنى تقبلها ..

ولي تحفظ على بعض المفردات والبيوت ..





محمد



لاهنت, والله يعطيك العافيه







دمت بخير





م ح م د ..!!

محمد الجبريني
23-06-2010, 06:29 AM
صح لسانك شاعرنا
رائعة تنهال بسلاسة وعذوبة حس
وشموخ معاني ..
سلمت ودمت للجزل المميز دوما أخي ..


صح بدنك
لين القسا وفكررك
تقبلي جزيل شكري وتقديري

وفـيـه
07-09-2010, 11:48 PM
يسلموو كلك ذووق