عجايب تطرح موضوع خاص جداً بالشباب.. رجاءً ولا بنت تدخل للمطبخ,,

[][*+عجــايب+*][]

حصرياً على قناة المطبخ الشبابية,,,

هذا موضوع للمناقشة يتعلق بالشباب .. الرجاء منعا للإحراج عدم دخولكم يالبنات

البنت اللي بتدخل بتنشااااااااات,,,

هذا الله يسلمكم بما أن البرد بدأ بالإنقشااااااااع , وقد بدأت حرارة الشمس بالتسلل إلى بواطن الأرض , والأعشاب الربيعية بدأت البحث عن مكان لتنبت فيه وتزهر, وأهم شي الحيوانات ومنها الزواحف خاصة بدأت تطلطل برويساتهالقياس درجة الصيف وكم بقي على مواسمها للخروج,,,,

>>>>>>> ندخل في لب الموضوع وزبدته

انتم يالشباب في حالة تأهب واستعداد لاستقبال هذا الموسم بتجهيز الخيام والدداسن والصقور والعدة والعتاد للكشتات = ( يعني الطلعات البرية والتي يحصل فيها الصيد خاصة)

وموضوع مطبخنا اليوم هو عن أحب الحيوانات الزاحفة على قلوب الشباب

ألا وهو



الضــب

http://www.eqla3.net/Majallah1/majall3.jpg

في البداية أخي الشاب بعد ما قريت هالمقدمة اللي توسع الصدر ياريت تفصل خط النت لأن موضوعي طويل شوي ويحتاج للتفكير العميق منك وما يمنع تسجل حضورك وترجع بعدين ترد بمشاركة حلوة منك ,,

بس على الأقل ودي أحس إنكم معاي والله على طول الخط ، لأن مشاركاتكم هي اللي بتدعم موضوعي وتعطيه التميز ,,,

وعلى قولة الشاعرة أم عجيبان :
الصيف قرب والصيد حان طاريه *** ويا حلاة ضبن بالشكمان جنيته
لو جبت لي سداح طاش مابيه *** يضيع الفرصة عليك قد ما عطيته
تلعب علي وتعطيني ضب شاريه *** ياشيخ روح صيد ولاّ رميته

وسلامتكم
>>>بيوت ضبانية عالماشي

http://www.eqla3.net/Majallah1/majall3.jpg
نرجع لمحور حديثنا >>>>>>>>> ما بغينا

المهم .. ودي يالحبايب انكم تشاركوني في موضوعي هذا وتتفاعلون معاه مثل تفاعل المواد الكيماوية مع المواد النووية..
يعني أبغى منكم وبكل بساطة تتكلمون لي عن الضبان بالطريقة الآتية:

أولا : توضح أخي الشاب (البنات لأ ) مدى حبك وشغفك للضب بشكل عام أو خاص

ثانيا : توضح طريقة صيده بشكل عام على حسب ما تسمع من الناس والطريقة المفضلة لديك بشكل خاص.

ثالثا : وأهم نقطة انك عزيزي الصياد تعطينا طريقتك في طبخه طبعا أول توضح لنا شلون ذبحته وقشرته ..

http://www.abuharon.com/dobang7.JPG
رابعا : تعطينا أجمل ما قلته أو قاله غيرك في الضب من شعر أو نثر أو خاطرة .... إلخ...

خامسا : ما أعتقد ما مر عليك موقف مضحك أو مبكي ، محرج أو مفشل أو موهق في طلعتك مع الشباب للضبان,,, وما يمنع تحط كم صورة مرفقة لموضوعك ,,

وطبعا لي الشكر والتحية على أفكاري العجيبة ,,,

[انسان صريح]

بطنيييييييييييييييييييييي ييييييييييييي

بطنيييييييييييييييييييييي ييييييي

اروووووووح فيها لما اشوف ضب يطبخ

امسكه عاااااااادي ... بس اكله والله لو على مماتي

عجااااااااااااايب عز الله لحوستي بطوونا بالضب .. عاد انا الحين توي متسحر عشان اصوووم بكرة

والبطن مليااااااااااااان يعني لو بس اكل لي حبة رز بس ارووووووح فيها

وجيتي انتي كملتيها بطبخة الضبااان

الله يرجك .. ياختي والله ماشالله عليك ماخليتي شيء الا وكتبتي عنه بمجال الطبخ

ههههههههههههههههههههههههه هههههههههه

حلوة وصفة رائعة رغم اني ماقريتها بس مجاملة ابي اهرب ههههههههههههههه

قبل لااروح فيها من جد

تقبلي تحياتي

اخوك

انسان صريح

[][*+عجــايب+*][]

أقول نسنوووووس هذا تسجيلك للحضور واثباتك للإطلاع

فياريت تدخل للموضوع وتتعمق فيه وتقراه عدل لأني هالمرة ما شرحت الطبخة

الشرح عليك وعلى الشباب يللا شد الهمة

[الجروح العظيمة]

اولا : انا ماحب الضب اشوف عجايب ولا اشوفه :)
ثانيا : حدي اسوي بيض وشاي بس
ثالثا : طريقه تصيد الضب مره وحده طلعت فيها اصيد ضب لقيته ابو الشباب حاط النظارات الشمسيه لا بعد ماركة كاريرا والله وانا اقرب منه ابغاها ينحاش ولا همك ابو الشباب ولا كاني موجود وش العمل قلت ابعد عنده واضربه بالحجر يمكن ينتبه لي والله اضرب وانا اضرب ولا كاني حركه شعره منه قلت اجي مسرع وادعسه خربانه خربانه السالفه مافيه والله اجي مسرع ماشوف الطبلون كله ماشي لدرجه القير شلت منه الريوس على شان ماترجع وتخاف المهم ايه واجي مسرع وفجأة

تحرك تصدقي تحرك

ولا ولا





طلع خووي

متبطح على الارض كانه ضب لا واخذ منه ضرب جعلك ماتخذينها انشالله

تعرف ليش ضربني لاني طلعت براسه اهرمات من كثر الضرب بالحجر

هههههههه

تحياتي لك

جروح

[][*+عجــايب+*][]

ههههههههههههههههههههههههه ههههههههههههههههههههههههه ههههههههه
ههههههههههههههههههههههههه ههههههههههههههههههههههههه ههههههههه
ههههههههههههههههههههههههه ههههههههههههههههههههههههه ههههههههه
ههههههههههههههههههههههههه ههههههههههههههههههههههههه ههههههههه
ههههههههههههههههههههههههه ههههههههههههههههههههههههه ههههههههه
ههههههههههههههههههههههههه ههههههههههههههههههههههههه ههههههههه


الله يقطع سواااالف ,,,, والله ضحكتني لين قلت بس

تقطع بطني حسبي الله على شيطااانك على هيك موقف

وبعدين تعاااال هناااااا

ألحين تشوف وجهي ولا تشوف الضب ليه؟؟؟؟؟ اش قالو لك ؟؟؟؟

جربوع على غفلة ؟؟؟؟؟؟

لو سمحت لا تتكلم على بنات الحمايل ... احم احم ..



وألف شكر على هالطلة الحلوة والمشاركة المميزة

عجوووووووبة

[الجروح العظيمة]

ههههههههههههههههههههههه



لا شدعوه اختي .. اخت عزيزه وغاليه على الجميع

والله يذكرك بالشهاده شوف لنا موضوع عن الجرابيع حتى تكمل مره وحده

جروح

[الأميرة الناعمة]

<<<<<<<<<< مرررررررة ملقوووووووووفة


بس جيت اشوف ايش فيكم

و بتلع

بس

عن

خاطري

بضحك

ههههههههههههههههههههههههه ههههههههههههاي


بايووووووووو


حسووووووووسة

[الجروح العظيمة]

انزين لا تخرعينا كذا

واحلى طله


تحياتي
جروح

[][*+عجــايب+*][]

حس حس >>>>>>>> وش هاللقافة ؟؟؟؟؟؟؟

ما تعرفين يعني ايش البنات لأ ما يدخلووووووووون؟؟؟؟


*****

حسحوسة والله نورتي قرية الضبان وعقبال ما نشوف لك صورة مع الضب

تحياتي ,,

[إعصار نار]

.
.
جزاك الله خير على هالدعوة ... أنا جاي غاسل يدي ... وألحس براطمي ..

أو مادخلت ... طحت في النشرة الجويه .... قلت يووو ... أجل أنا غلطان

رجعت من تالي ... ورديت ... ونفس الموضوع .... قلت أواصل ... يمكن المطبح

والصحون جدامي ... بالفعل لقيت المطبخ ... ولقيت الصحن جدامي ... فرحته وسعٌت

اسرشي .... لكن يااااااااااااااااافرحة ماتمت ... طلع صورة عتيجه ... وايد وايد ..

المهم .. مالك في طويل فايده ...

الضب أحبه وأموت فيه من قبل ...

لكن مرة جيت أذبحه ... ويوم هميت .. فحط يده على حلقه ... يوووووووووو

كنها يد رجال ...وكنه يقول تكفى يامعود ... إتركني ... الله يسد نفسك ... رحه مراح

جدي ...

كنت أصيده بالشكمان ... والماء ... او طردي اذا كان بعيد عن جحره ... أما طبخه .. طبخ أعزوبيه ...

شكرا تعبانا والتعب راحه .... معاك ياضبان ...

الزياره هذي ترى ماهي محسوبه ... لأنا طلعنا بلوووووووووشيييييي

[JAWAD]

عجيبكووووووووووو فاوندايشن صاحبة الكنديشن

ودي اقول وازيد واعيد في الموضوع بس حنااااااااااااااااااا شباب الغربية
حدنا سمك وربيان ولا جينا اطبطرنا كلينا كفته القرش ......عجييييييييب

الضب حبيبتي نشوفة في التلفزيون ونسمع اخبارة على الام بي سييييي

طريقة الطبخ اعتقد انها مثل الحلى بعني تحطين علية كريم شانطية وترمية بالثلاجة

مواقف طريفة الله لا يبلانا ... وععععععععععع ... شكلة زي الديناصور يخرععععع

بيوت شعرية .... ما تتلاقى مع البيوت السمكية ..... اعتذر بشبكة


على العموم عجيبكو انا والشباب طالعين بكرة للمخيم وبنذبح حاجه يقولن عليها هرفي
والله اني بهتم بالموضوع عشان اجيبلك الوصفه اذا خاطريك فيها

في امان الله

سلملم جوادي

[ازد]

اولا : مافيه احجام عن مطبخك المحترم والدليل اليوم كل عنلوين المواضيع طبخ وطبيخ
ثانيا : احلى وجبه اكلتها من باب الفضول والمتعه (( هي وجبة ضب في الفرن) واحد من الاخوان جزاه الله خير تولى المهمه وانا ما علي الا الاكل واعجبكم
ثالثا : والمهم ان مثلك شيف ما هو شيفه لا تفهمي غلط اكيد يعرف كيف يجيب لنا طبخه محترمه واقترح فقط غيري اسم الضب الى سمك او دجاج او خروف وجميع الطبخات اللي تنطبق عليها والمقادير اكيد تنطبق على الضب المسكين

واقول للشباب خافوا الله في الثروه الحيوانيه حتى لا تنقرض وتصبح اثر بعد عين حالها حال الدينصور وتتعب بعدين تشرح لاولادك ما هو الضب وكيف انقرض

ويسلم المطبخ عامر بالعجايب يا عجججججججججججججججججججوبه

[البرنس]

الحمد لله ما تغيبين الى تجين سالمه يا نور ها المطبخ انا من زمان ادور على طباختنا الماهره بس اقسم بالله اني اتمنا فعلا اني اذوق لحم الضب يقولون انه مع الكبسه شي خيال وان الى ياكله وهو في شارع الملك فهد بالرياض يشوف الى قاعدين على الهاف مون بالشرقيه احم احم يابعدهم كلهم

نرجع لصلب الموظوع الضب يقولون انه شي لزيز رايق وانا بصراحه من مطبخك الفاخر احي هذا الموظوع واحييك انتي اخت عجوبه واحسن شي سويتيه فينا ان ابعدتي العنصر الانثوي عشانهم ما يحبون سيرة الضببه وخصوصاً هاذي الى دخلت علينا عرض عطيها كرت اصفر والمره الجايه اطرديها بكشتها


اخوك البرنس

[][*+عجــايب+*][]

لا يا عسيــــــــــــــــــــب ما طلعت بلوووووشي

احنا كسبنا ردك المميز وضبك هذا حاجة ثانية

ومسكين هالضب أكيد كان يقول : الحياة حلوة ويا حلاة الروح


وإذا تبغى الكبسات والأكلة الحلوة عن الضب ولا يهمك

الشباب بيجيبون معهم طرق عجيــــــــبة

ويمكن يرفقون الصور بعد

اصبر شوي عليهم ,,

[}{}{ سيـ العشق ــف }{}{]

][*+عجــايب+*][


اولا" احب ان اعطي نبذة مختصرة عن هذا الكائن الغريب (الضب )
بعد الدراسات الغربوليه المكثفة والعميقه من قبل فريق العلماء الغربولي اتضح ان الضب هو ناتج عن تهجين بين دينصورة وتمساح ..!!!؟؟؟؟.
وهو من الزواحف الصحراويه ومن المقلين لشرب الماء ويعتبر نباتي . كما انه كريما" جدا" حيث لايحب ان يعيش بمفردة في شقته الفاخرة ولانه مضياف فانه يستضيف احد الكائنات السامه لتعيش معه في شقته وهؤلا الضيوف يكونون من احد انواع العقارب اوالثعابين حيث تجدينهم مع بعض في الشقة ونازلين حش في العالم او يلعبون بلوت ويصير بينهم تحديات في اللعب ...
اما بالنسبه لحبي للضب فلست من محبيه ولكن (( جدي بيك باشا ))كان يحكينا عنه حيث كان يمتلك ضب ذو مواصفات غريبه عجيبه ومواصفاته هي ضب لموزين أي شاص طويل ومغير الواجه واجهت( BMW) ومركب انوار زنون والرجول عريضة وبجنوط كروم والبودي مرشوش بويه مطفي ...
اما طريقة الصيد :
فقد كان جدي يمتطي الجمل الي موقفة قدام قصرة الي في العليا وهو اخر موديل نزل في الاسواق حيث كان كشف والرجول مركب لها جنوط كروم والخفوف عريضة عشان مايغرز في الرمال ومركب له كشافات وحنايا انقلاب ...
وكان ياخذ معاه جارة الزير سالم عشان يصيدون الضبان مع بعض ويطلعون لــ ( الصمان ) وهناك يبداء الصيد حيث يضعون الماء داخل شقة الضب او بوضع شكمان الذي يدفع الهواء الحار الى داخل شقة الضب لاجباره على الخروج من شقته او بمطاردته الى ان ينهد حيل الضب ويستسلم للامر الواقع ويدعهم يمسكون به ...
ثم ياتي دور الذبح ويقوم الزير سالم بسن سيفه ويقول لجدي احضر الضب وسدحة قدامي عشان اطير راسه مثل ماطيرت رؤوس البكريين وحينما سدح جدي الضب امام الزير فاذا به يضع يده على رقبته ويترجى جدي ان لايدع الزير سالم يطير راسه ولكن لاحيات لمن تنادي فقد ضربه ضربتا" واحدة اطارت راسه وتم تقطيعة الى وصلات صغيرة ثم وضع في قدر الضغط الي جايبه جدي من المانيا واضيف اليه البصل والطماطم والزيت ليتم قليه ونظر الزير سالم الى القدر فراى اللحم لازال يتحرك داخل القدر ويتناقز ويتحرك يريد ان يخرج من القدر فانشد هذا البيت من الشعر في الضب :
مرحوم ياضب في قدر الضغط مطبوخ
................................تناقز والا تناقز اليوم مأكول مأكول
ثم بعد ذلك يتم اضافت قليل من الماء والرز ويقفل عليه ويترك لمدة ساعتين او ثلاث يا الله انه ينضج وبعدة يوضع على الصحن حيث ان جدي والزير سالم قامو يتضاربون على عكرة الضب لانها اطعم واحسن لحمة في الضب ولكنهم اتفقوا على ان يقتسموها بالنص وقد مسحو الصحن مسح من شدة روعت وجمال هذة الطبخة ( كبسه بالضب ) ... بالهناء والعافيه ...
ارجوا ان لا اكون قد اطلت عليكم ولكن هذا ماكان يقوله جدي وماكان يحكيه لنا ...
اشكرك جدا على اهتماماتك الامتناهيه وعلى ان نكون متميزين في طرح المواضيع فلكي كل الشكر والتقدير على كل ماتبذلينه من مجهود لانجاح هذا المنتدى ...

تحياتي لكم ...
اخوكم // }{}{ سيـ العشق ــف }{}{

[الواثق]

ضب مره وحده
ماني مصدق
اقول لايكثر بس وين فنجال القهوة ترى وراي شغل
<<<هذا غثه ماصدق على الله احد يعزمه

الواثق

[الأميرة الناعمة]

<<<<<<<<<<< برضووووو لقافيشن

واثق


تبغى قهوة :confused:


روح اقرب كافيه و اطلب لك :D

<<<<<<< ما تترك اللقافيشن

تحياتي


حثوووووووووثة يمي يمي

[الواثق]

لا حوووول
هذي وش طلعها لنا
اقول انا ماحب الا القهوة اللي مسويتها بنت
يعني هنود وبنقلا مانبي
اذا عندك قهوه قهوينا ماعندك رجاء لا تخربين علينا
الواثق

[البتــــال]

أخوي الواثق

في قهوة مسويتها عجايب في رأس المنتدى المطبخي

امش خلنا نتقهوى فيها

>>>>>> وخل عنك الملاقيف

[الواثق]

بعدي والله

بس ياخوي نفسي اجرب قهوه بنكهة الضب
بس لايهمك نطلع فوق وش ورانا
اهم شئ نفتك من الملاقيف
<<<صدق نفسه

الواثق

[الأميرة الناعمة]

:eek:

:eek:

:eek:

:confused:

:confused:

:confused:

:confused:


ليه التحطميشن هذا :confused:


خليتني احس اني قلقيشن


مع اني عسليشن :rolleyes:


<<<<<<<<<< اوووووووس بس انكتمي و لا يكثر


تفززل يور قهوة



اند سوري فور قلقيشن


http://zizooo.ws/gallery/25/001.jpg

[الواثق]

شكرا شكرا

حساسوووه

ولو اني مدري وش اكثر كلامك

لكن فهمنا القهوه هي وعكرة الضب اللي معاها
<<<على باله مايفهم

تحياتي

الواثق

[البتــــال]

ههههههههههههههههه
هههههههههههههههه
هههههههههههههه

خلك من العكرة

امش معي على القهوة

فيها هوت شوكليت آند كيكة التراميسو

مو كوروسان الله يخلف على الضيافة بس

[الأميرة الناعمة]

بتااااااال

تبغى كيكة

اجيب لك اطعم كيكة


<<<<<< ما تحب احد ينافسها

[البتــــال]

لالالالالالالالالالالالال الالالالالالا

مشكورة ألف

توي قاضي من عكرة الضب

بالموت أكلتها مع الواثق

أخاف تطلع كيكة جرابيع

تسلميييييييييييييييييين

وبالغصب خليته يشرب القهوة

الله يعطيك العافية
ماتقصرين ما أبي كيك

[هـمس المـشاعر]

عجايب ما لقيتي غير الضبان يا تسبديه، وعععععع،

الله لا يحدنا له، صحيح إن صيده متعة، لكن أكله والله من الغرائب،

أتذكر فيه جار لنا حاطٍ له فريزر خاص بالضبان، وقت الصيف كل يوم يضبب في حرض، ويدحى الفريزر ضبان، قسم للضبان وقسم للبيض، أقول له وش اللي حادك على الضبان، يقول الضبان مسامير الشيبان، وأحياناً يقول: الضب الصغير فياقرا الفقير، ويخربط علي وأنا أومي برأسي يعني إني فاهم،

تصدقون عاد إن الضبان مأثرة فيه حتى بريحته، ما بقي إلا يفح زي الضبان، وتطلع له عكرة.... ما بقي إلا هي.

لكن أصدقكم القول والله ما أطيق شوفة الضب، وهم يذبحونه، شيء عجيب، تحط السكين على رقبته يحط يده بين السكين ورقبته، ما أدري كيف تجي لهم نفس يأكلونه، وهو يطامر بالقدر عقب ذبحه بوقت طويل، تقطعه حتت( ياعيني) ومع ذلك تبقى فيه الروح، ما تطلع إلا بعد ما تصلاه النار.

أتذكر عن الضبان إني رافقت أبو نسب في رحلة تضبيب، قسم بالله لو يدرون عنه هيأة حماية الحياة الفطرية إن يسجنونه، ما ينزل من الموتر إلا وهو صايد له ضب، ومرة صاد له ضبين مع بعض في جحر واحد، شكل عندهم عزيمة، ومرة يوريني العقرب فوق ظهر الضب، شفناها بالمراية على سطعة الشمس( امش)،

على العموم كتبت بعض الأبيات الخربوطية الخالية من الوزن والريحة والطعم، بغية التمليح عساها تعجبكم:



الله يــازمــان فـي ربـيــع الصــمّان **** الضـبِّ داعـس وحــنّا وراه طـــردي
مـا لحـقـناه إلا متـجـرحة الكــرعـان **** وقّـف ونــاظـــرنا نظــرة معــتدي
كــنه يقــول قـربوا يمـي يالـورعان **** تغـافــلـنا وإلا هــو فـي المـــرقدِ
قـلـنا ما بــدّهــاش لــزوم الشكــمان **** لكـــن يـــاكـــبر حـظـــنا الـــردي
طلــع لابـــسٍ كــمامــة وعليه حـذيان **** أخــذنا الخـــوف وقـــمنا نـعـدي
طلـع سـكـنـي* والشـوكـة لُه نيشان **** بغـيـنا نــروح مـلح ويقـدمنا فدي
علـى طــول أعلنا التوبة عن الضبان **** وعـن أكلته غسلت براطمي ويدي
مـدري ويـش قــاردنا نطــامر بالبـرّان**** هــذاك اليـوم أعتـبره يوم مولدي
يازين التيوس والدجاج طويلة الجنحان**** وخــل الضـــبان لأهلــها يابعـدي

*: بسم الله الرحمن الرحيم.


عسى هالقصيدة فيها تخويف للي يضببون ترى الدجاج أبرك وأزين طعم، وعليكم بمرقة الديك( هذا وش يبي)، الزبدة إني أخذت موقف من الضبان، وحلفت يمين إني ما أفكر بذوقه، بالله شوفوا معي هالمناظر الجميلة عساها تسد نفوسكم( المرجع: موقع أبو هارون= حياته كلها ضبان).

http://members.lycos.co.uk/manar01/1/1/dobang1.jpg

http://members.lycos.co.uk/manar01/1/1/dobang2%20.jpg

http://members.lycos.co.uk/manar01/1/1/dobang3%20.jpg

http://members.lycos.co.uk/manar01/1/1/dobang6.jpg

http://members.lycos.co.uk/manar01/1/1/salig.jpg


أنا ما أخفيكم إن الضب فيه شوي عزة، وفخار وتحس إن عنده مرجلة، خصوصاً إذا شفته فوق تلة( أتشقق عند تلة هذي) ورافع هامته يستنشق رائحة الطعوس.
http://members.lycos.co.uk/manar01/1/1/adll3.jpg

ولعلمكم ترى الضب حيلي( يحتال) يسوي نفسه ميت، وهو نصاب وتلقاه كاتم النفس، علشان تقول إنه ميت، مالك في هالحالة إلا إنك تلعب عليه، اربط عكرته في صدام الموتر الوراني، وفحط فيه، إذا شفت إنه إلى هالحين يسوي نفسه ميت، افصخ الزبيرية وعلى علباه.
http://members.lycos.co.uk/manar01/1/1/zobaireeah.jpg
أكيد بينكشف ساعتها.

ولصيد الضبان طرق كثيرة من ضمنها:
1- إذا لقيته معاكر( مطلع عكرته برى الجحر) فوقف الموتر بشويش، وانزل وأنت حافي وانتبه من الشوك، وشوي شوي قرّب منه، وامسك عكرته، إذا مسكته، حاول تسحبه، أكيد لحظتها بيرفع رأسه ويلزقه بسقف الجحر، وابن أمه يجره، في هالحالة ما لك إلا طريقتين:
1- تربط عكرته بالصدمة وتسحبه بالموتر، ويمكن تنقطع عكرته، وهذا الأكثر.
2- تحفر من فوق رأسه لين تهد التراب عليه، ثم تسحبه بكل هدوء، وهذي أسلم وأحسن.

2- تلعب عليه، يعني تأخذ لك إشاعة- حق المستشفى- وتريك، وجركل ماء، هذا إذا كان داخل الجحر وتبيه يطلع، تسوي جو كأن السماء تمطر، تحرك الإشاعة( رعد) وتشغل التريك ثم تطفيه( برق) وتصب شوية موية قدام الجحر وتدفع الموية عليه مع التراب، أنت استعد لطلعته، لأنه أكيد بينخم ويصدق إن فيه مطر، وهو الرجال شاعري يدور المطر دورة علشان يكتب قصايد.

3- الطريقة العقيمة الشكمان، ومالها أية داعي، لأن الضبان صاروا يعرفون لهالطريقة، وكل واحد منهم حاط له كمامة داخل الجحر لمثل هالظروف.
http://members.lycos.co.uk/manar01/1/1/dahb.jpg

4- دخل عليه ضب ثاني أنت صايده من قبل، وامسك عكرة ضبك، لين يحس فيه هذاك، ولما تحس بحركتهن اسحب ضبك أكيد الثاني بيتبعه خصوصاً إذا كانت أنثى( مكون) :D

هذا مالدي، وآسف على الإطالة لكن الموضوع ذو شجون، ويحرك الرغبات في تقيء السحور.

لي عودة لإضافة المزيد- إن شاء الله-.

فهد.

[][*+عجــايب+*][]

يـا الواثق ,, البتال ,, حساسه >>>> ما كأنكم تطلعون عن السالفة وتطقون شات في موضوعي بطريقة دبلوماسية ؟؟؟؟

اركدوااااااا شوي

[][*+عجــايب+*][]

جـــــــواد


ياهلا فيك والله يعني تبغى تفهمني انك ما قد طلعت مع الشباب لصيد بطلنا الضب؟؟؟؟

طيب وتبغى تفهمني ان عندك أبيات سمكية بس ما تنفع للضبان ؟؟؟

ياخي حاول تألف لنا بيتين على الماشي ولو طلعوا بالسمك اقلبهم بالضبااان



بنتظر ردك علي

وبالنسبة لموضوع الهرفي مافي مانع تجيب لنا سالفته مرفق الصور معها

عشان نفهم الوضع أكثر

أحلى تحية لك,,,

[مخاوف قلب]

احم




:rolleyes:



<<<< ملقوفه نمبر توووو



:D






ودام اني دخلت ابي منكم ضب حليل ماعمري شفت ضبان على الطبيعه بس شفتهن بافلام كلاتون للاطفال شديد وهمام



كركركركركركركركر



شديد = ضب خبل ماهو طالع للضبان ابدا بذكائهن

:p

همام = جربوع مملوح ذكي بس فيه شوي دلاخه ويكفي انه صديق شديد

;)

المهم انهم بعد يتكلمون قصيمي من زود السناعه وعليهم مواقف شي


انتم عطوني ضب مطبوخ ابي اذوقه وانا اعطيكم شريط هديه


خخخخخخخخخخخخخخخخخخخخخخ




<<<< تحس ان عجايب ماسكه الملعقه عليها



:rolleyes:





تيب تيب لاتدفين



بطلع




:confused:




صي يووووووو ولاتنسون الضب


|4|

[][*+عجــايب+*][]

أزد

أقول شرايك تسوي لنا اقتراحك وتجيب لنا طبخة وتحط فيها ضب بدل اللحم

ومن ناحية الانقرااااض لا تحاتي الكمية في تزايد ملحوظ

تحياتي لك وشكرا لقدومك

http://www.animationcity.net/images/thankyou.gif


البرنس

هلا والله

يعني أفهم من كذا ان المنتدى كان مظلم بدوني؟؟؟؟ >>> ثقة طالعة من قلب

شكرا أخي البرنس لسؤالك عني ,, ولسؤال الكثيرين أيضا حول غيبتي
وان شالله أكون جبت بعد هالغيبة الغنايم والضبان

والغيبة كانت لظروف خاصة وانشالله ما تطول هالظروف

وبالنسبة لكبسة الضبان راح أخلي واحد من الشباب يرسل لك إياها ولا يهمك

تحياااتي,,,

http://www.animationcity.net/images/thankyou.gif

[أمل عبدالعزيز]

ياسيف بصراحة أول مرة أكتشف أنك رهيب ومصرقع نمبر ون

يعنى لو ماطلعت بنتيجة من هالموضوع الخايس<== تبى تقهر شييفوه عجيبووه:p

نرجع لمحور حديثنا :

لومارجعت من هالموضوع غير بك وبأسلوبك المميز بحق وحقيقة لكفاني هذا فايدة من الضبان00

أمَّا حول ماتحدثت به الشيفة عجووووووبة فنقول التالى:

الضب وما أدراك مالضب ....

شي شين شين ولاينحب.......

هذا ماقلته من شعر فى هجاء الضب.

أما من يأكله فقد قلت فيه :

ياماكل الضب شاربك ماطال...

وإن طال شاربك بالسكينة يحلقونه...

عذراً قد يكون البيت قاسي ولكن لزوم السالفة ....

وقد روي عن صلبوخ المُزني أنه قال: لقد كان الضب فى الأصل تمساح, ولكنه شرب له جرعة "دواء" من الذى شرِب منه المحقق كونان :D فصار أللى تشوفونه00

ولازال البحث جارى عن المتسبب فى شربه لتلك الجغمة الخبيثة ,,,

وبالنسبة لكيفية طبخ الضب , فهذا شرحه العلماء الفسيولوجين اللى سبقونى بالرد

هذا والله أعلم

تحيااتى ياشيفة وقسمن أنتس عجيبة من جد

سلاااااااااااااااااااام مربع تترتررترترترتررررتترررررر ررريم

[][*+عجــايب+*][]

أخوي العزيز }{}{ سيـ العشق ــف }{}{

أسعد الله صباحك بكل خير مثل ما أسعدت صباحي

فقد كان شرحك له في منتهى الروعة وهو من الردود التي أتمنى أن تحصل على وسام التميز

مرحوم ياضب في قدر الضغط مطبوخ
................................تناقز والا تناقز اليوم مأكول مأكول

وصح لسانك على هالبيت

والشكر قليل في حقك على اهتمامك وردك على موضوعي المتواضع

وأتمنى أن لا تكون هذه أول وآخر دخلاتك لمطبخي

أحلى تحية لك عزيزي

وهذي صورة معبرة تعبير قوي

http://zizooo.ws/gallery/14/02/013.jpg

ياحبيبي لا تغرك نظرتين من العيون *** كلها حكي زايف متبرقع بأقنعة*

*للشاعرة أم عجيبان

[][*+عجــايب+*][]

الواثق

أخوي أنا بانتظار حديثك عن الضبااااان

وبعتبر هذا الشات اللي مسويه مع حساسة والبتال مجرد توقيع بالحضور

ودامك طلبت القهوة تحرا لها لين تجيب موضوع الضب ولا ترى مافي قهوة

>>>>> أمزح ,, تقهوى وتعال اكتب

تحياتي لك,,

http://www.animationcity.net/images/thankyou.gif
**

حساسة
ما تخلين عنك اللقافيشن؟؟؟؟

شوفي ضريبة دخولك انك تكتبين لنا رايك بموضوع الضبان وشرط تحطين كلمتين معبرتين عنه من شعر أوخاطرة وإذا كانت غرامية يكون أحسن بعد
هههههههههههههههههههه

http://www.animationcity.net/images/thankyou.gif
**

البتال


مشكور على هالطلة اللي أعتبرها توقيع حضور بس ,, مثل الواثق

خلك من دقدقة السوالف ورح جيب لي عن الضبان من مخك ولا من طبلون سيارتك
أهم شي تكتب بموضوعي شي مفيد أكثر من دليل التائهين

وخل عنك الملاقيف ههههههههههههههههه
>>>>>>>>> ما أقصد أحد أبدن

http://www.animationcity.net/images/thankyou.gif

[أبوعبدالرحمن]

أولا : توضح أخي الشاب (البنات لأ ) مدى حبك وشغفك للضب بشكل عام أو خاص


ومن فينا ما يحب الضب

أنا اعتبرة الغذا الوحيد الباقي لنا اذا وقعنا في حصار زي العراق


ثانيا : توضح طريقة صيده بشكل عام على حسب ما تسمع من الناس والطريقة المفضلة لديك بشكل خاص.


صراحة اختلف العلماء في طرق صيده ,,

وأن كنت افضل النبيطة ,, لأن الرصاص والشكامين تلعب في طعم العكرة


ثالثا : وأهم نقطة انك عزيزي الصياد تعطينا طريقتك في طبخه طبعا أول توضح لنا شلون ذبحته وقشرته ..

طبعاً احلى طريقه في طبخه هي أنك تقطعه ريش وتتبله باسمنت وتوديه لأقرب

محل برست وتقول لصاحب المحل (( ممكن تسويه لي برست ,, وأنا بغسل لك مكينة البرست بنفسي اذا انتهيت ))

او يشوى على طريقة ضب طاؤوق


رابعا : تعطينا أجمل ما قلته أو قاله غيرك في الضب من شعر أو نثر أو خاطرة .... إلخ...


أنا افكر حالياً بكتابة معلقة ,, وبإذن الله أول ماتنتهي بنزلها هنا

خامسا : ما أعتقد ما مر عليك موقف مضحك أو مبكي ، محرج أو مفشل أو موهق في طلعتك مع الشباب للضبان,,, وما يمنع تحط كم صورة مرفقة لموضوعك ,,


ههههههههههههههههههههههههه ههههههههه

بقول لكم موقف حقيقي

كنا مرة مجموعة مسوين فيها ابطال

ونلحق لنا ضب

لين انقطع نفسه

ويوم وقف الضب

وقفنا جنبه نتفرج عليه ولا فينا واحد قدر يمسكه

والله طاحت وجيهنا كلنا ههههههههههههههههههههههههه هه

مشكورة عجوبة على هيك مواضيع خلت المواهب الدفينة تطلع

واوعدك بقصص وطرق حديثه قريباً

[}{}{ سيـ العشق ــف }{}{]

@.الرهيبة.@

اشكرك جزيل الشكر على هذة المشاعر الطيبه ...
فالصرقعة موجودة داخل كل شخص ولكن لا تطلع هذة الموهبه الا اذا كان هناك شئ يدفعها الى الظهور ...
وهذا الموضوع عن الضبان ربما هو من استخرج هذة الموهبه ....

اشكرك مرة اخر ولكي مني فائق التقدير والاحترام ...

اخوك // }{}{ سيـ العشق ــف }{}{

[}{}{ سيـ العشق ــف }{}{]

][*+عجــايب+*][

لكم اسعدني ان ردي حاز على رضاكم واتمني ان تسعدي كل صباح ...
فقد كانت هذة تجربتي الاولا بالرد بهذة الطريقة لانني احببت ان اخرج عن الطريقه التقليديه في الرد او المشاركة في المواضيع ...
حيث ان موضوعك قد اثارني واثار غريزتي في الكتابه بهذه الطريقة...
فقد كانت فكرتكي الرائعه في ان يشارك كل شخص بما لديه من افكار في عالم الطبخ وما خاضه من تجارب ومواقف قد تحصل له اثناء مغامراته المطبخيه ....
فلكي كل الشكر والتقدير على هذا المجهود الذي تقومين به من اجل ان نكون مميزين ...
واشكرك على كلماتك الرائعه التي اثلجت صدري ...

تحياتي لك ...

اخوك // }{}{ سيـ العشق ــف }{}{

[][*+عجــايب+*][]

الله يــازمــان فـي ربـيــع الصــمّان **** الضـبِّ داعـس وحــنّا وراه طـــردي
مـا لحـقـناه إلا متـجـرحة الكــرعـان **** وقّـف ونــاظـــرنا نظــرة معــتدي
كــنه يقــول قـربوا يمـي يالـورعان **** تغـافــلـنا وإلا هــو فـي المـــرقدِ
قـلـنا ما بــدّهــاش لــزوم الشكــمان **** لكـــن يـــاكـــبر حـظـــنا الـــردي
طلــع لابـــسٍ كــمامــة وعليه حـذيان **** أخــذنا الخـــوف وقـــمنا نـعـدي
طلـع سـكـنـي* والشـوكـة لُه نيشان **** بغـيـنا نــروح مـلح ويقـدمنا فدي
علـى طــول أعلنا التوبة عن الضبان **** وعـن أكلته غسلت براطمي ويدي
مـدري ويـش قــاردنا نطــامر بالبـرّان**** هــذاك اليـوم أعتـبره يوم مولدي
يازين التيوس والدجاج طويلة الجنحان**** وخــل الضـــبان لأهلــها يابعـدي


همس المشاعر

بصراااااااااااااحة قليل فيك كلمات الشكر على ما كتبته

فلم أجد من الحروف ما يوفي حق مشاركتك الرهيبة

وقد زاد المطبخ شرفا هو حضورك المتميز فيه

تقبل تحياتي,,,,

[][*+عجــايب+*][]

مخاوف قلب


أقول لو سمحتي برررررررررررة ولا ترى



:mad:


:mad:

بالملاااااااااس على راستس

ما قلت لكم البناااات لأ؟؟؟


>>>> وإذا عندتس شي تقولينه سنع عن الضبان هاتيه وبسسسسس

طحيااااطي:cool:

[][*+عجــايب+*][]

ألا يا دنيتي شوفي ** جزى طيبي ومعروفي
كتبت للمطبخ بكفوفي ** تجي رهيبة تزيد خوفي
وبالضبان تناشد حروفي ** عساه ما يطب بجوفي


بما انك حاولتي الاحباط في البداية إلا أنني عرفت بأن وراتس شي رهيب ينقال

وفعلا ما خاب ظني فيك ولا بمشاركتك الأكثر من رائعة

اختي الرهيبة ,,, شكرا لهذه المشاركو البنوتية الحلوةةةة والعجيبة


تحياتي المقرررررررررمششششششششة

[عاشق الحب]

والله إنك عجيبة بصدق . . في طرح ذا الموضوع .

لكن يالله خذي ماجاد به قلمي . .

الضب هذا ما أبيه .
ولااحبه . . ولا أشتهيه .
حتى شوفته ممحيه .
فكيف ألحقه . . وأمسكه .
لا وتبغوني بعد آكله .
أموت جوع . . ولا ألمسه .

يعني بكل صراحة ما أواااااااااااااااااااااطن ه .

تحياتي

عااااااااااشق الحب

[}{}{ سيـ العشق ــف }{}{]

احد المواقف التي حدثت لجدي عندما كان يصيد احد الضبان الراهية ...

جمعت عدة الصيد واخذت توصيلة الشكمان فقد قررت ان اذهب بمفردي اصيد ضبان .. وصلت للصمان وقمت ادور بالهايلوكس ابحث عن صيد ثمين
نظرت الى جحر ضب كبير ويبدو انه من اعيان ضبان الصمان .. فوقفت الهايلكس واخرجت المسحاة والعتله ولي الشكمان فقد قررت ان اصيد هذا الضب بأي ثمن .. فضب هذا جحره اكيد إنه ولد نعمة يستاهل التعب .. وبدأت في الحفر .. وعندما بدات في الحفر اذا بعكرة كانها ذنب تمساح تضرب في رجلي من الخلف فالتفت مخبوصاً فاذا بضب طوله مترين ( قووووووووووووية ).. ودار معه هذا الحوار :
الضب / خير وش فيك على بيتي بتهده .. هو فيه احد من عيالي مسوي تفجير عندكم في الرياض .. وجيت تنتقم
جدي باشا / لا والله بس هوايه عندي .
الضب / عجيب .. يعني هوايتك تخريب بيوت خلق الله
جدي باشا / لا هوايتي صيد الضبان طال عمرك .. مشكلتكم يا الضبان ان عكرتكم حلوة
الضب / طيب ممكن تتفضل معي داخل .. وافرجك على ها لجحر اللي ناوي تخربه ,,
جدي باشا / بصراحه انا مستعجل ( دقته أم الركب ) انا ابروح وخلاص ما عاد ابي ضبان هونت
الضب / اجل علي الطلاق من ضبتي ان تتفضل عندي .
( ولقطني مع علباي .. كأنه لاقط قطوووو )
جدي باشا / طيب كيف ادخل ؟
الضب / انبطح وادخل .. حياك الله ..
وبعدين دخل قدامي وقام يلفلف بي لين دار بي راسي .. وقلت له ليش تلفلفون بجحركم كذا .. قال : حتى نقلب راس الملاقيف اللي مثلك .. (أخخخخ أخخخ ) <- ضحكت الضب .. بدا يمون
وصلنا آخر الجحر وقال قبل ما تجلس . ودي افرجك على محتويات الجحر
واخذني الى غرفه صغيره فيها عشب يابس وكمامات وقال : طبعا .. هذا المستودع .. وها الكمامات نستعملها للي يستعملون الشكمان
واخذني الى كبينه فيها خنفسانه .. وقال اعرفك على الاستخبارات
واخذني الى صندقه فيها عقربين / وقال اعرفك على الحرس .
وشفت مدخل صغير جانبي قلت وش هذا ؟ قال : هذا مخرج طواريء
وقال تعال اوريك غرفة النوم / قلت بخجل : ما يحتاج . قال : على الحرام من ضبّتي ان تشوفها ودخل بي على غرفته وفيها ذيك الضبّه الصفراء ,, اللي تتمنى اذا شفتها انك ضب .. وطقتني بذيك الابتسامه اللي خلتني اشهق لين صقع راسي سقف الجحر .
قالت ( بكل نعومة ودلع ) : هلا يا باشا .. لا تستغرب كيف عرفت اسمك ,, الخنفسانه علمتني .
قلت : هلا والله .. هلا والله يا احلى ضبّه في الصمان
قالت تفضلو في المجلس وابجيب لكم الشراب .
و رحنا للمجلس / وجابت لي الضبه كاس فاضي وقالت تفضل اشرب.
قلت وش هذا .. هذا فاضي
قال الضب / لا مهوب فاضي هذا مليان هواء .. اشرب هواء مثلنا. ترا الضب يشرب هواء
ضحكت من كل قلبي .. وبصراحه ما ذقت احلى من ها الهواء اللي شربته عندهم .. وبعدين طلعت من الجحر مبسوط لكن ما لقيت الهايلوكس .. ولقيت مكتوب على الارض ( اشرب هواء يا باشا)

............. منقول من ايميل وصلني وحبيت اشارك فيه ...................

تحياتي ....
اخوكم // }{}{ سيـ العشق ــف }{}{

[هتان]

اقول عجايب .. اللقافه واجبه ..


اقول .. وش سالفة الضب ؟؟

[][*+عجــايب+*][]

تحياتي لك يا عااااااااااااشق الضب

قصدي

يا عاااااشق الحب

بصراحة عليك كلمات تنبع من خاطر رايق

وعليك خفة بالاسلوب يا سلاااااام وخاصة في ذكر الضبان

سلم لسانك وصح بدنك وقلبك أخي العاشق

وأهلا وسهلا بك في أي وقت وفي أي موضوع للطبخ

تحيااااااات المقررررمشة برياااااااا

عجيبكووووووو

[][*+عجــايب+*][]

ههههههههههههههههههههههههه هههههههههههههه
ههههههههههههههههههههههههه هههههههههههههه
ههههههههههههههههههههههههه هههههههههههههه
يازين الهوا اللي شربه هالباشا
يكفي انه شاف الضبه الصفراء وعطته ذيك الابتسامة ..!!!
هههههههههه

}{}{ سيـ العشق ــف }{}{

بصراحة أحرجتني بمشاركاتك الأكثر من رائعة

أحرجتني بتواصلك المميز ..

وهذا دليل على حرصك على التميز
وبأن طريقتي في طرح الموضوع قد أعجبتك ,,

أخي الفاضل ..
يعجز قلمي عن شكرك وثناءك على كل ما قدمته للمشاركة معي ..
أتمنى أن لا يكون دخولك هذا الأول والأخير
فأنت من الأعضاء المتميزين والذين يملكون أقلاما عجيبة ,,
فلا تحرمنا من طلتك المميزة في مطبخي ,,
وأرجو أن لا أكون قد أحرجتك بطلبي هذا ...
ولكن سعادتي لا توصف بما شاهدته ,.,

تقبل خالص تحيااااااتي
اختك ,,
عجـــــــايب "عجيبكو اللي تتمنى انها تعجبكو "

[][*+عجــايب+*][]

http://www.arabscafe.com/cards/attachment.php?id=76&file=file.jpg

[السيف]

اما انتي صراحه فتحتي نفسي بهالموضوع

يا الله عليك اقول ما ابي ارد بكتفي بشوفة صور الضبان و أتأمل الأيام الخوالي

اخوك / الموقع ادناه <============ جوعاااااااااااااااااااان :(

[][*+عجــايب+*][]

هلا بك والله ومرحبااااا

ويكفيني مرورك وجوعك اللي ان شاء الله يشبعه مطبخنا

ويا ريت تكون نفسك مفتوحة داااايما

عشان نشوف مثل هالمشاركاااات

[{كـــــونــان}]

مشكووووره على اهتمامك
احــــــب
الضب ولكن ما اكل
ووووع
اسف
مستحيل اكل الضب

[رســ الكلام ــم]

شكرآ للأهتمام


وسلملم



اخوكم اللي يحبكم


((( رســـ الكلام ــــم )))

[عزوز]

انا اول مرة اصيد بها ضب كان عام 1411هـ وانا توني باخر سنة بالمتوسطة بمكان يقال له المنسف على طريق حوطة بني تميم وجلست انا وخويي 3 ساعات حتى نخرجه لااااااااااااوالماء صبينا عليه وانا بصندوق الدتسن من الخوف على وقت الدداسن وحاطين له تكايه علشان تتك على رقبته مانقدر نمسكه وانا في الصندوق ومعنا عصا طويلة ننزل التكاية عليه ياللـــــــــــــــــــــ ـــــــــــــــــــــــــ ــــه ويوم طلع لانه مايشوف احد من كثر الماء اللي امتلا به بطنه متى طلع الا عقب الشق والبعج يالله وبعدها صرنا خبره بصيد الضبان حتى مرة صدنا من الفجر الى المغرب بتمير على طريق القصيم 39 ضب اييييييييييييييييييييييه والحين بردنا

[][*+عجــايب+*][]

الرسالة الأصلية كتبت بواسطة {كـــــونــان}
مشكووووره على اهتمامك
احــــــب
الضب ولكن ما اكل
ووووع
اسف
مستحيل اكل الضب

حدد لو سمحت .... تحبه ولا ما تحبه ؟؟؟؟؟

تحب تشوفه يعني ؟؟؟

طيب ما صار لك أي موقف معاه ؟؟؟؟

وولكمووووو على هالطلة ...

[][*+عجــايب+*][]

رسم الكلام .... أخوي ودنا برأيك شوي ..

يا ريت نشوف منك كلمتين حلوين في هالموضوع ..

وخاصة ان في مثل هالمواضيع انتو أبخص ...

تحياتي ...|1|

[][*+عجــايب+*][]

وينك قلبي ...

ألف شكر أخوي على هالإضافة الحلوة لموضوعي ...

بس والله أكيد كانت أيام حلوة ... حلو ان الواحد يرجع يعيدها ...|1|

تقبل تحياتي ...

[البرنس]

بسم الله

واحد داخل عرض بجلنط

عجايب لا تعبين نفسك خلى الموظوع على

اقول يا كونان انت فيه معلوم هاذي ضب صغير هاذا سمسم ديناصور كبير هاذا صغير انت فيه معلون انت فيه كلام هبي انا ضب بس مافيه نفر اكل انت لازم فيه معلوم اكل كويس ضب هاذا على طول فيه يجي عافيه كثير بس انتا ايش فيه كلام هاذا كفيل مدام عجايب انتا فيه قرقر كثير لازم كلو نفر انتا كلم هاذا ضب كويس كثير ولازم كل نفر اكل هاذا ضب سوا سوا مع تميس اوكيه شكريا بيا بيا

معالى السفير والمترجم الخاص لعجايب

د / البرنس

|4||4||4|

[][*+عجــايب+*][]

ههههههههههههههههه الله يرجك يالبرنس رجا مبرحا قول آمين ..

[طلال التريباني]

الشيف طلال يضع يده على الموضوع ومن ثم يضع النقاط على الحروف سنحاول ان نوفي الموضوع حقه ....!

الضب هو الكائن المهضوم حقه سابقا والنجم الساطع حاليا لدرجة ان المخكره ( عذرا ) قامت تصيده .

انثى الضب تسمى ( المكون ) وتكون غالبا اكبر جسد من الضب بقليل وتتكاثر الضبان بالبيض وللمعلوميه تضع المكون البيض في جحرها وتقوم بدفنه ومن ثم تضبط الساعه على يوم الفقس لتحفر الجحر والغريب في الأمر ان المكون تقوم بأكل صغارها ولكن لكثرتهم يهرب العديد من صغارها ليكونوا حياة واسر ( ام قشرا ) .

يسمى ولد الضب الصغير ( السحل ) ويقال ( الحليسي ) ويكون مأواه تحت الصخور
حتى يشتد عوده ومن ثم يقوم بحفر الجحر الخاص به .

الضب
المملكه :- الحيوانيه
الشعبة :- التمساحيه
الطائفة :- ذوات الأربع
الرتبة :- آكلة الأعشاب
الفصيله :- الصحراويه
الجنس :- ذات الحراشف
النوع :- زاحف

زميلتي العزيزه عجججججججوبه انا مشغول حاليا لكن اعدك بالتفصيل الممل للضب وجميع
ما يتعلق بهذا الحيوان من موسوعتي الخاصه ( مغرور صح ) في القريب العاجل
اما الآن اكتفي بهذه المعلومات التي اتمنى ان تكون مفيده للجميع عن سيرة الضب .



وتقبلوا تحياتي اخوكم

اسير العنى

الشيف المبدع

[كلي ذوق وذبحني الشوق]

وع وع وع اكل ضب مستحيل
موضوعك مروووووووه يضحك وربي
بطني يعورني ههههههههههههههههههه