حياكم يالشعرا..~

[ابراهيم الحمادي]

يا مرحبا ياهل الوفى والشعر والقول السديد = ياهل المراجل بالفعايل لاحتمت في جدها
اريد انا وانت تريد وربي يفعل ما يريد = وارادة الله هي القويه ما قوينا ردها

[(رهف العتيبي)]

الله الله الله


شاعر مبدع


ننتظر قبيلك


للامتاع

[الاطلسي]

دام البقا والقلب ينبض دم في وسط الوريد=واللي وساع صدورها محدٍ يبيّح سدها
انكنت قنّاص المهامل لا تجيب الا الفريد=مير الخطوط الحمر حذرا لا تقرب حدها

[مشعل الثبيتي]

مبدأ راااائع طال عمرك ,,



ورد صااااعق من الاطلسي ولاهي غريبه ,,



صحة السنتكم ,,




أخوكم




مشعل @@

[ابومسواك]

صحت قلوبكم ياشعار
واصلووووووا

[الاطلسي]

ارحب يا مشعل
ارحب يا ابو مسواك


مروركم يضفي على الحاوره طابع طيب


لاهنتو على المتابعه

[ابراهيم الحمادي]

اسابق ظروف الزمن واصارع الحظ العنيد = ولو شحت الايام ضدي رحت ماشي ضدها
ما قلت عزومي وشفني ملوي ذراع الشديد = مير المراجل ما درينا وش سبايب صدها

[ابراهيم الحمادي]

طقم صحون

مشعل الثبيتي

ابومسواك


مرحبابكم وسهلا يالنشاما


منورين الصفحه بطلتكم


لا تحرمومنا منها

[الاطلسي]

طق الحديد اليا تتابع يكسر الحام الحديد=والعين يا مخاوي على بعض السوالف لدها
ان كان تبغى الفايده بعطيك علمي واستفيد=الكلمه اللي تستحي من قولها قم بدها

[مشعل الثبيتي]

الله الله يالاطلسي ..


وعز الله أنك اسم على مسمى ,,




واصلوا ليكتمل الابدااااااع ..

[الاطلسي]

ارحب يا مشعل


متابعتك شرف ولا عليك زود

[(رهف العتيبي)]

الاطلسي

و الله أنك مجرم شعـر


ومخاوي الذيب

ما يهرول عبث



:studyingqt54d4:

[سبع الغدراء]

ياسلام صحت السنتكم

[ابراهيم الحمادي]

انا اعتذر جدا عن سبب انقطاعي وغيابي

واتمنى من اخي الاطلسي ان يعذرني



طق الحديد ليا تتابع يكسر لحالمه اكيد = والي يدينه طين مدري يا ترا هل قدها
احذر تغرّك في خيالك نجمةٍ تسطع بعيد = لالا تجرك باليدين وتنصدم في مدها