تكفون ساعدوني طلبتكم عندي تربيه عملي وماني عارفه اسوي شيء

[×صخب الآنوثه×]

تكفون ساعدوني عندي شرح يوم الاثنين درس صفات النبي الجسميه والخلقيه (تاريخ)
ابغى تقولون لي مقدمه تكون فكرتها حلوه ادخل بها للدرس
والتحضير كيف احضر طبعاً ع الطريقه الجديده
و ورقة العمل كيف
والشرح كيف اشرح الله يخليكم علموني اول مره اطلع تربيه عملي والاستاذه اللي مشرفه علينا نفسها حقت المدرسه والله ماتراعينا شرحت جغرافيا سادس ع البوربونيت ودخلت لي في نص الدرس وماقيمتني زين بس هذي المره بأقول لها تدخل لي اول الحصه بس ابغى اشرح عادي بدون بوربونيت وابغى افكار الله يساعدكم ساعدوني هالاستاذه تركيزها كله ع الاشياء الابداعيه الله يسامحها بس المفروض تراعينا خصوصاً انها يوم ندخل لها مشاهده ماتسوي هالاشياء تسرد لهم الدرس بخمس دقايق وخلاص يوم خلصت بدري زعلت تقول خلصتي بدري ماتشوف نفسها حسبي الله بس
انا فكرت اوزع على كل بنت مسواك لان فيه بالدرس انه صلى الله عليه وسلم اسنانه كالبرد وبأقول لهم زمان ماكان فيه فرشه ومعجون وكذا يعني وش رايكم الله يخليكم ساعدوني ولاتنسون التحضير

الله يخليكم لاتردوني خايبه

[عاشق الحزن]

اختي يا ليت تضعين عنوان الدرس
واسم المااااده وكذلك الصف

انتظرك

[×صخب الآنوثه×]

اخوي الماده تاريخ الصف الرابع

موضوع الدرس صفات النبي صلى الله عليه وسلم الجسميه والخُلقيه

[×صخب الآنوثه×]

تكفون اخواني ساعدوني والله اني مره شايله هم

[ريـمـانـاآ]

بسم الله الرحمن الرحيم

السلام عليكم ورحمة الله وبركاته


هلا بك اختي صخب ,,

شوفي بحكم اني مريت بهالمرحلة(التربية العملي) بقولك على اشياء مهمة لازم تحطينها في بالك ,,

1- بما انها المرة الاولى بتشرحين فيها اكيد بتحسين برهبة وانك مراقبة من قبل المشرفة وتقولين اني

بغلط او بنسى و..و.. بس صدقيني انا كذا كنت نفسك ومحتاسة بس والله مع الاتكال على الله اولا واجعلي

هدفك الاخلاص لله بالشرح وان البنات اهم شي يفهمون ولاتحطين فبالك الدرجآآت ..والثقة

بنفسك وبقدارتك ثانيا .. بيصير كل شي سهل عليك ,,

2- بعدين احمدي ربك انك 4 وابتدائي بعد يعني بتحسين باستمتاع اكثر بالشرح والتفاعل من البنوتات

انا ىكنت اعطي ثانوي و الحمدلله ربي وفقنا ويسر علينا ,, وصدقيني بتصير احلى تجربة لك بحياتك

لاتفوتينها

فحاولي قد ماتقدرين تكون حصتك ممتعة بتوزيع الهدايا العينية بالتطبيق عشان تحببينهم بالمادة وتجيبين

لهم صور تخص الدرس تدور عليهم يشوفونها او بالعرض علشان تكون اقرب للواقعية

(وتسوين حركة ونشاط ) ومايفهّون عليك بالحصة =)

3- من ناحية المشرفة في الغالب ..المشرفاات يكثروون لك من السلبيات علشان تعدلينها بالحصة المقبلة

يعني لاتنطرينها تمدحك << مثلي :)

برووح ادور لك افكار وراجعة

brb

[كاسب العز]

بارك الله فيك

لك مني أجمل تحية

تقبل مرورى

كاسب العز

[ريـمـانـاآ]

هذا عرض


تحميل الملف f24t5045cck2kz55d3uvbs451733.rar من هنا (http://www.m5zn.com/files-050610150504o68mz7mt0hjcazift7x-f24t5045cck2kz55d3uvbs451733.rar)



دورت ع افكاار بقوقل ماالقيت :(

انا اقترح عليك انك ترتبين افكارك بقصاصة خارجية وتلصقينها ع كتابك عشان ماتنسين

والتطبيق سوي اوراق مربعة كل صفة للرسول اكتبيها وهم يفرقون بين الصفات الجسمية والخلقية

الع ـــذر منك هذا اللي عندي ان شاء الله اكون افدتك بشئ

دع ــواتك الحلوة تكفيني ًً

[عاشق الحزن]

تفضلي اختي المطلوب واعتذر على التأخير

ستجدين التحضير
وكذلك اوراق العمل
وكذلك عرض بور بوينت
مع حل اسئلة الكتاب
تفضلي

http://www.nekaal.com/up//./extension/rar.gif (http://www.nekaal.com/up//uploads/files/nekaal-2efd14dcd0.rar)

http://www.nekaal.com/up//./extension/rar.gif (http://www.nekaal.com/up//uploads/files/nekaal-d33ca7a561.rar)

http://www.nekaal.com/up//./extension/rar.gif (http://www.nekaal.com/up//uploads/files/nekaal-9bf3df94ff.rar)

http://www.nekaal.com/up//./extension/rar.gif (http://www.nekaal.com/up//uploads/files/nekaal-1a190aedbf.rar)



لك تحياتي وفائق احترامي وتقديري

[×صخب الآنوثه×]

يعطيكم العافيه ماقصرتوا بس تكفون اعطوني مقدمه تكون ابداعيه يستنتجون منها الطالبات الدرس