سلامي على الأعضاء بصفحة غرابيل

[الأسد44]

أيها الأعضاء الأعزاء السلام عليكم ورحمة الله

يسعدني أن أتشرف باللعب مع أحد الأعضاء وإليكم الأبيات : __


سلامي على الأعضاء بصفحة غرابيل = سلامي عليهم قبل مايعرفوني

ومن يلعب القيفان قدم الرياجيل = أبا قابله لو ماتشوفه عيوني

[حرب حرابة الدول]

صح لسانك

وين الشعار

الصفوف جاهزه

[مشعل الثبيتي]

صح لسانك يا الاسد



ننتظر قبيلك ..



تقبل مروري




أخوك




مشعل @@

[(رهف العتيبي)]

صح لسانك

يا اسد

[بن مانع]

استلم يالشاعر وعسى الله يجملنا

هلا مرحبا ترحيبة الناس بالسيل **** على الشاعر اللي قال زين اللحوني
تحيزم تحيزم لا غشتك المصاقيل **** وأبا العب معك يالذيب وش ما تكوني

[سـامـيـه]

الأسد / ابن مانع
صحت قلوبكم
تابعوا...... نحن متابعين

[الأسد44]

مرحبا يابن مانع حياك ربي


واستلم البيت :


بعد جيتنا نزلت كل المعاميل = أبا جهز الفنجال للي لفوني

تريح وخل الخيل والحط والشيل = أبا علمك خل العرب يسمعوني

[بن مانع]

أنا حالفٍ اني لعتلي صهوة الخيل *** واخلي كثير الهرج للاهل الظنوني
وأنا راحتي لاطوحن الهلاهيل *** واخليك تونس وسط كبدك غبوني

[(رهف العتيبي)]

الله الله الله

عنيف يا بن مانع


متااااااااااااااااااااااا ابع

[جنوبي نجد]

متابع واصلوووو

[مشعل الثبيتي]

الله الله الله الله الله الله الله الله الله الله الله الله الله الله




واصلووووا




لاتحرمونا من الابدااااااع






صحة السنتكم ياشعاااار ,,’’




متااااااابع لكم وبقوه ..





تقبلوا مروري





>>>>> واتمنى منكم تشاركون معنا بالمسابقه وتمتعونا بالجزاله ..





أخوكم





مشعل @@

[الأسد44]

استلم ياصاحبي


أثر صاحبي يونس بكبده ولاويل = لكن الرجال لهقوته يخلفوني

ومن قدم المده نوفي له الكيل = ويرجع من الهيه يعض السنوني

[الأسد44]

حيا الله جميع المتابعين

والمشاركين

ومشكورين على التفاعل

وشكرا للجميع ،،،،

[حرب حرابة الدول]

الصفوف تعبوا

بنتضار رد بن مانع

ومتابعينكم واصلو

[بن مانع]

نشكر جميع المتابعين والله يعطيك العافية يالأسد . استلم .

ابشرك شربي من قراح الهماليل *** رضيتوا بها والا عسى تزعلوني
وابنشدك يالصحاف راع الاقاويل *** علامك تلاعب سحبتك بالسجوني

[جنوبي نجد]

الله الله

سرى اليل ياأهل الخيل

[الأسد44]

خلووووها

وحنا سبحنا غبة تشبه الليل = ومن قال أنا غطاس مايسبحوني

وخل العلوم الي بليا محاصيل = أنا في بلاد العز تثبت ركوني

[بن مانع]

خلووووووووووووووووووووها


قصير النظر راحت علومه مشاويل *** ولو يلعب العرضة وكل الفنوني
أجل ليش تشرب ياصحيبي من النيل *** وتستفزع اللي ودهم يدهلوني

[الأسد44]

أسمع يابن مطلق ::

أنا صاحب الفزعات يا بارد الحيل = ليا صار بالموضوع دحم المتوني

من بلاد أخو نوره عزاوي وتهليل = نرد العداء من قبل لاياصلوني

[بن مانع]

خلووووووووووووووها

تقوله تقوله تحسبنا جهاهيل *** ونور القمر مايحجبنه غيومي
هروج السعة ماتعدل الميل بالميل *** ولا سدت الضحكة كبار الديوني

[الأسد44]

أستلم يا بن مطلق الأ بيات :

كلامي عليه ثبوت ماهي تهاويل = ورا صاحبي غير من القاف نوني

وهذا الزمن يخلف وتلقح به الحيل = ترى الوعل ماهز الجبل بالقروني

[جنوبي نجد]

وهذا الزمن يخلف وتلقح به الحيل = ترى الوعل ماهز الجبل بالقروني

ياسلام ياسلام بيت عن قصيدة

أبداع من الشاعرين

[بن مانع]

استلم أخوي النمر .

حلالك بوسط السوق دايم مباهيل *** وعينك تغطيها بكم الردونــي
حقايق حقايق من نبا زود تمثيل *** ترى الطير ماحرك كبار الغصوني

[بن مانع]

وأحب أن أتمثل هذا البيت في نهاية لعبنا .ولك جزيل الشكر أخوي الأسد ولك مني كل التقدير والاحترام . يقول الشاعر فيصل الرياحي رحمه الله .

ليش ازعل عليك وليش تزعل عليه *** الملاعب مطالي جرب خذها وذقها

[بن مانع]

وهذا الزمن يخلف وتلقح به الحيل = ترى الوعل ماهز الجبل بالقروني

ياسلام ياسلام بيت عن قصيدة

أبداع من الشاعرين




فعلا بيت معناه رائع وأحس ان كلمة ( الوعل ) سببت كسر في البيت والله أعلم والحقيقة وجودك ومتابعتك ونقدك الرائع أضفى على الإبداع أبداع شكرا لك .

[حرب حرابة الدول]

صراحه إبداع من كل الشاعرين

وأنا لحنت جميع الأبيات صراحه أبيات موزونه ومعاني غامضه

وتشكرون على المحاوره الأكثر من رائعه وأمتعتونا

[الأسد44]

أستلم يابن مانع :

ويا مشرف القنه تدفك مهابيل = على الظن لو ماشفت حدر الجفوني

ولو طالت الطرقه تصيدك محابيل = خصيمي وغيره عندنا مايهوني

[نجم العتيبــــــي]

صحت السنتكم مبدعين

[الأسد44]

الأخ االشاعر ابن مانع أختلاف الراي لايفسد للود قضية

تشرفت باللعب معك وإذا أر دت أن تختم فعلى كيفك

وتقبل تحياتي ،،،،،،،،

[نـــادر]

والله ماقصرتووووا يااااربع

الله يعطيكم العافية


تحياتي

نادر