حـــــوى..

[ناصر أحمد الخريش]

السلام عليكم ورحمة الله وبركاته


هذة القصيدة كانت لاختبار الشاعرية قبل حوالي سبع سنوات فهي رد على ابيات ثلاثة اتذكر منها البيتين اللي تقول:
وفعلا لبست حزام ناسف ورشاش
ونويت من قلبي انفذ قراري


حلمن حلمته بليل ثم طاش ماطاش
وأصبحت ماعندي من الشر طاري
أقوول:ـ


القرم يالجادل يكرم عن اللاش
ومابينهم واضح وضوح النهاري


هذا مديح الناس له كفون وعاش
وهذاك فدوة للرجال الضواري


وأنتي عريبة وكلمتك تازن الكاش
وقدام قافك خايف أبدي انكساري


حوى وعمري لاجلها يباع ببلاش
اقولها وأكشف بها لك شعاري


قدام حوى تصيبني حالة ارعاش
مااقدر اقاوم سحرها والمغاري


وتتبلد أطرافي ويتهيض الجاش
واسترجع قوايه وأغير مساري


وأبدي أصوغ القاف وأقول ذا ماش
ماأظنه يوفي ويرد اعتباري


أبي بيوتن وقعها وقع رشاش
تبري بي العلة وتاخذ بثاري


حتى تأكد عظمتي مابها اعراش
ألا لمن بيديه ختم احتكاري


ويامن تمنى خطفي بليل وتنحاش
اسمع ردود الفعل واسمع قراري


مدام سهم الحلم قد طاش ماطاش
جايز سهوم العلم تنبي بطاري...

[مفرح بن مناحي]

الله الله يا أبو أحمد

راااااااااااائع

أبيات جميلة وقافية أجمل

لله درّك

وبانتظار غيثك القادم

[كاسب العز]

صح لسانك وقلبك

لاهنت

[سامي العطاوي]

ابو احمــد
صح لسانك وبيض الله وجهك

مبدع بكل حالاتك
لاهنت

وتراني ضايق عليك ( ايقونه ملقيه ورا )

[سـامـيـه]

صح لسانك مدد
رائعه ومن شاعر رئع
دمت ودام نبضك

[ساره البلوي]

مـبدعٌ كآلعآده صحً لسآنك...

[أبوعبدالرحمن]

جزل يا ناصر


صح قلبك وكلك

وسلمت اناملك

تحيتي لك

[مشعل الثبيتي]

صح لساانك




رااائعه أعجبتني ..





أخوك




مشعل @@

[بخيت محمد الدوسري]

صح لسانك وبيض الله وجهك يابو احمد كفيت ووفيت يالذيب ابيات رائعه جدا

[ناصر أحمد الخريش]

يامرحبا ياابو عبدالله نورت الصفحة بوجودك وشرفتني بإشادتك وهي من شاعر كبير بحجم مفرح مناحي لاهنت..

[ناصر أحمد الخريش]

صح بدنك أخوي كاسب العز وبيض الله وجهك والله لايهينك على المرور..

[ناصر أحمد الخريش]

يامرحبا ياسامي العطاوي صح الله بدنك وبعدين أفااا وش في ابو رغد زعلان علينا عسى خير..

[ناصر أحمد الخريش]

يامرحبا أختي سامية صح الله بدنك واشكرك على مرورك الرائع والدائم لاهنتي..

[ناصر أحمد الخريش]

صح بدنك أختي سارة البلوي وشكرك على مرورك الرائع..

[ناصر أحمد الخريش]

يامرحبا ياابو عبدالرحمن وصح بدنك وقلبك يالغالي وشكرا على المرور الرائع..

[ناصر أحمد الخريش]

يامرحبا ياأخوي مشعل الثبيتي وصح الله بدنك واشكرك على المرور الرائع ولاهنت

[ناصر أحمد الخريش]

ارحب يابخيت يالله حيه وصح الله بدنك وبيض الله وجهك ولاهنت..

[بـنـت الايمان]

صح لسااااااااااااااااانك ناصر لاهنت روعه من شلال ابداعك الشعري المتدفق
تبارك الرحمن قلم مميز تنهال منه الجزاله يعجبني مايسكب هذالقلم من ابداع
واكون سعيده جدا بقراتي مما سكب
لله درك

[اللؤلؤة]

صح لسانك والله لا يهينك ابيات جزله


ودي اللؤلؤة

[ناصر أحمد الخريش]

يامرحبا أختي تغريد حياك الله وصح الله بدنك وأنا أتشرف بهذة الشهادة وأعتز فيها ولي الفخر بمتابعة قصائدي من أخت متذوقة بقامة الأخت تغريد..

[ناصر أحمد الخريش]

يامرحبا أختى اللؤلؤة صح الله بدنك ولاهنت على المرور اللي دائما مايعطر صفحتي ودمتي بخير..

[محمد بن فراج]

ناصر

صح السانك وعتلا شانك

تقبل مروري

تحياتي لك

[ناصر أحمد الخريش]

ارحب وصح بدنك ياابو فيصل مرورك زادني شرفا الله يبض وجهك ولاهنت ودمت بخير

[شـجن]

سطورك فاخرة كـ نبضك
ممتع هذا الحرف .. وراقي يلامس الاحاسيس
شكراً لك على هذا الجمال وهذا الإبداع .

[صهيل الصمت]

ناصر ,,

صح السانك واعتلا شانك


اطيب تحية


ودي,,

[ناصر أحمد الخريش]

هلا وغلا اختي شجن مرور رائع زادني شرفا دمت بود ..

[ناصر أحمد الخريش]

ياهلابك أختي صهيل الصمت وعودتي والعود احمد والحمد لله على السلامة وصح بدنك ولاهنت على المرور الذي عطر الصفحة..