حليمه حياك ..

[جنوبي نجد]

مرحبا بك ياحليمه يامروضة المعاني * عند شاعر مايحب الظلم في البنت اليتيمه
فيه دربٍ للعذاب وفيه درب للجناني* وأنتي أختاري وش الي ترغبينه ياحليمة

[حليمه بولند@]

البقا بالشاعر اللي مايجيب الا السماني = يوم شفت الجندي اللي ناوين يكفل زعيمه

ان بغيت الاوله مالك سوى الرمح السناني=وان بغيت الثانيه تبشر على عزن وقيمه

[قيـس]

الله الله

صحت الألسن

متابعين لأخر قطره

[جنوبي نجد]

الله أكبر يازمن صاير علينا قلباني * كيف صار الوضع عكس الحق بعيون الجريمه
ماعلينا منك يالي ترجع العشر بثماني * وأدري أنك ياحليمة شاعره منتي غشيمه

[حليمه بولند@]

يالجنووبي خلك الليله مع الحق البياني=ومن يعكس الحق يبشر بالعواقيب الوخيمه
والشهاده ماهو سرن تدفنه وسط المحاني= لاطلبك الشرع تفصل كل خصمن عن خصيمه

[سامي العطاوي]

جنوبي نجد ,, حليمه

صحت السنتكم واصلو متابعين

[جنوبي نجد]

قامت العالم تنشد منهو الشاعر فلاني * والحقيقة غامضه لاكن نيتنا سليمه
أنت يانجم الثرياء وأنت ياسهيل اليماني * لاتبين في سمانا دام في نورك حشيمه

[حليمه بولند@]

لونشدت المهره اللي جابها ظهر الحصاني=تزعل ا لمطران دون المهره في يوم الصريمه
وانته مادري من سيوف الهند والا من عماني =السيوف اللي مضاربها على المخطي عظيمه

[بداح العازمي]

لاهنتم

وصحت السنتكم

[ابوجساس العتيبي]

صح لسانك ياحليمه وصح لسانك ياجنوبي

[جنوبي نجد]

ويش أبا فالمهره الي مابها فود وظماني * عاش راس جابها والستر ياربي تديمة
والله إني من رجال الدين والسبع المثاني * مانعرف الخوف والتضليل وسلوب الهزيمه

[جنوبي نجد]

العازمي

أبو جساس

لاهنتم على المتابعه

[قيـس]

والحساني ردهالي بالمعرفه والحساني=اوتقول الناس هاذي قصة (غليص)ونديمه


بيت طيب...

[حليمه بولند@]

والفقر بابن ترى مايفتحه غير التواني=واصدق الاصحاب من تجمعكم ايامن قديمه

والحساني ردهالي بالمعرفه والحساني=اوتقول الناس هاذي قصة (غليص)ونديمه

[حليمه بولند@]

شكرا لجميع الاخوان اللذين شرفونا بمرورهم

[مشعل الثبيتي]

مبدعين كالعاااااده




صحة السنتكم .. ’’ ,,




تقبل مروري



أخوكم




مشعل @@

[جنوبي نجد]

مشعل الثبيتي الأروع مرورك وحسن ذاتك

[جنوبي نجد]

حليمه يعطيك العافية وإلى الملتقى

[سـامـيـه]

ما شاء الله عليكم
ما قصرتوا
ننتظر محاوره اخرى جميله
تقديري

[(رهف العتيبي)]

جنوبي.............و ..............حليمة

مبدعين دائما شكراً لكم على الأبداع

[مفرح بن مناحي]

اسمتعت بالمحاورة

صحت ألسنتكم