الحانوتي
13-07-2004, 01:01 AM
بمناسبه التقديم هاليومين على الكليات العسكريه شوفوا ايش صار معي ..
في حلم قديم في حياتي يؤرقني على كثر ما حاولت أدّعي أني ما ابيه ولا أفكر الا أنه يظهر دائما على السطح ( مو سطح بيتنا بس يعني زي سطح المخ مدري شي فوق الجبهة المهم ) ..وهذا الحلم أني البس بدلة ( مو أي بدلة ) بدلة عسكرية أيا كانت ..مرقطة ..سادة .. ان شاء الله خيشه ..أي شي ..كذا عسكري و على كتفي نجوم ولا قمر قصدي تاج لو شمس مايهم ..ومعي سلاح أخوف الناس به ..وشديت حيلي في الثانوية علشان هالحلم الجميل .وجبت نسبة فوق التسعين << عاد لاتصدقون واجد نياهاهاهاهاهاهاهاهاها ماشاء الله علي ويحرسني من شرور خلقه (( عين الحسود فيها عود اسنان )) ..وانطلقت باقصى سرعتي لوزارة الدفاع مرة واحدة << صاير قوي .. من أجل خدمة الوطن ورفع رايته خفاقة ( كلمتين للتمويه نياهاهاهاهاهاهاها ) .,وأقدم ملفي ويحددون لي موعد للمقابلة ..وبعدها اللي بيقبلونه بيسوون له اختبار مدري فحص طبي ..وبعدها بينزلون أسامي المقبولين ...خذيت المواعيد ورجعت لبيت أهلي وصرت اسوي رياضة علشان أجتاز الفحص الطبي بكل نجاح ..صرت ألعب كرة طائرة ..وحبشة (( الحبشه لعبه قديمه ويسميها البعض الاستغمايه )) ..و نط الحبل وتعلمت رياضة مهمة بتفيدني في حياتي العسكرية اذا انشالله قبلوني الا وهي لعبة البلوت ..وبعد اسبوعين وحسب الموعد المحدد للمقابلة الساعة 5 ونص فجرا بعد صلاة العشاء..( عسكريين من أولها ) وعلى ما جا واحد يعبرنا ويدلنا وين نروح ووش نسوي كانت الساعة 11 الظهر واحنا في عز يوليو مدري اغسطس ..الواحد صارت تحته بركة من العرق والبعض استغل الفرصة وتعيجز يروح دورة المياة وأنتم بكرامة .ومشاها مع العرق ( ولا من متى خبرنا عرق أصفر .. انا اقصد يالي في بالي عرق الجسم لايروح فكركم بعيد ) و وزعونا على قاعات وصالات .. و حطوني في صالة 3 ج انتظر يجي دوري ..والا يجي واحد من البثرين ( اسمه حمود) اللي يطقون حنك يجلس جنبي ..طبعا أنا على أعصابي .وهو يبي يحكي ويتكلم معي
حمود البثر: يوووه يا أخي العسكرية هذي عجيبة ..لها هيبة ...
أنا: ايه طبعا لازم كذا ولا وشلون بيسوون منك عسكري محترم تقدر تدافع عن بلدك << بدينا بشغل المباحث .
حمود البثر: تصدق حتى المقابلة حقتهم تروع يا أخي قبل ما يقابلونك يكونون عارفين كل شي عنك كل صغيرة وكبيرة ..مرة تدري ليه .. أنا أقول لك الا وش اسمك بالخير ...
أنا: اسمي الحانوتي و يدلعوني ربعي فريد ...ثانيا هم ما يعرفون الا المعلومات اللي تكون أنت مغبيها في التقديم بس ..بس انت شكلك من اللي يهولون الأمور.
حمود البثر: لا يا فريد ( يمون بقوة .. أي فريد الحانوتي ) أنا أخوي ماشالله عليه أخلاق وتعليم وثقافة بس ما ضيعته الا المقابلة ما درى أنهم يعرفون عنه كل شي نصب عليهم نصبتين وكشفوه .الغبي ما كان يدري أنهم قارين ملفه من المخابرات .
أنا: اها أخوك موظف سابق ولا له ملف في المخابرات . يمكن علشان كذا يعني حالة استثنائية .
حمود البثر: لا والله بس أنت اللي على نياتك أنت ما تدري أن لكل مواطن ملف في المخابرات يسجلون فيه كل شي عنه ,, أي والله اني احكي معك صادق ..حتى الواحد لا منه سافر الظاهر والله أعلم انهم يلزقون فيه شي علشان يقوم القمر الصناعي يراقبه وما يضيعه ويسجلون كل تحركاته وهو برا الديرة << رحنا فيها .
أنا : يا أخوي شكلك نصاب وما عندك سالفة وش هالخرابيط وش كل مواطن له ملف ويسجلون كل تحركاته لا يكون بس أخوك راعي حبوب ولا من اللي يقضمون .ثانيا أنت مقدم على العسكرية يعني خلك انسان محترم مو تتكلم كلام في السياسه وبعدها السلام ما تعرف وش خطره.
حمود البثر: بكيفك لا تصدقني بس انا باقول لك أولا أخوي لا راعي حبوب ولا خرابيط بالعكس أجيد واحد في عايلتنا متخرج من الثانوية بنسبة 77 % و أدبي هذا شي ,,, ثانيا يوم راح وقابلوه سئلوه ..قد دخنت..وأخوي طبعاا قال لهم ما دخنت ..سئلوه مرة ثانية متأكد انك ما قد دخنت ..قال لهم والله العظيم أني ما عمري دخنت اذا ما أنتم مصدقين تعالوا شموا ريحة فمي ..قالوا له لا ما يحتاج بس..وش كنت تسوي يومك في مقهى حوش العنز لصاحبه ابو هيثم يوم الأحد الساعة 11 ونص قبل 3 سنين ..اوف ساعتها أخوي تكتم ..وقام يحلف لهم أنه ناسي وما يذكر وواحد من ربعه خلاه يجرب وأنه بس كان يجرب قالوا له اللي بيجرب ما يشرب زقارتين ..المهم مشو له هالسؤال ..ويصكونه بسؤال ثاني قد سافرت برا المملكة ..قال لهم ايه مرتين مرة لدبي ومرة للبحرين وكلهم مع الأهل يعني ما خربطت ..رد عليه النقيب قال تذكر يوم تسحّب أنت وأخوك دحيم _على فكرة أخوه دحيم أكبر منه في جامعة الأمام قسم مكتبات وفيزياء نوويه _ من شقتكم الساعة 2 الفجر وتروحون لمرقص الوزة العايمة في دبي ويوم تسألكم أمكم قلتوا لها جاكم أرق ورحنا نتمشى على البحر .هاه تبينا نذكرك وش أنت مسوي بعد, يوم تترقصون على أغنية تريد الهوى ..ساعتها حنك أخوي طاح على الطاولة ولا عرف وش يقول وما شافوا الا غبرته ...وتقول لي ما عندهم ملف من المخابرات على العموم نصيحة مني لك يا أبو سعود والله الشاهد أني لا أعرفك ولا تعرفني بس ارتحت لك اذا شفتهم مشددين معك في سؤال ..تراهم صايدينك مسوي شغلة وقتها لا تعاند ترى والله يشوتونك ولا تقول حمود ما قال لي وما نصحني.
ساعتها ..جتني حالة تتنيح وغباء مفرط كأني مفطر فول في مطعم هنود وصابتني حالة روعة و توني بادي أفكر بكلام حمود اللي وينادون على دوري في المقابلة.وأدخل على اثنين ما عرف وش رتبهم بالضبط .وقدامهم ملف يناظرون فيه أنا شفتهم ..ساعتها طاح قلبي زيادة فوق ما هو طايح ..و ما قعدت الا بقيت واقف من باب الهيبة لهم << جالس يتميح لهم ,,, أن واحد منهم يقول استرح ولا أجلس ابدا ما تقول مقدم على كلية عسكرية الا كني طرار في أول شهر رمضان .
الضابط الأول: أنت الحانوتي ....اللي اسمك هنا ولا لا؟
أنا: طال عمرك ( ما تقردنهم الا بطال عمرك والله يسلمك ويخليك ) أنا الحانوتيز تآمرني بشي اجيبه لكم من الدكان
الضابط : طيب بلا كثرة هرجة وتفلسف ماله داعي,, الا أنت سعودي أصلي يا الحانوتي .
أنا: أي نعم سعودي أصلي مواليد مستشفى الشميسي بالرياض وعلي ختم الجودة << كذبت عليهم في هذي انا مولود في راس طعس نفود على ظهر بعير اجرب ...
الضابط الثاني: أنت فاهم سؤالي زين يا الحانوتي ولا لا هل أنت سعودي أصلي وهل والديك سعوديين أصليين ..يعني أبوك سعودي أصلي ولا تعتقد هاااه قل الصدق .
أنا: والله يا طويل العمر انشالله أنه سعودي صورته في البطاقة بشماغ حتى في الجواز مصور بشماغ.
الضابط الأول: ركز يا نفر الضابط يسئلك أنت متأكد أنك سعودي أصلي ولا تعتقد هالشي ...
أنا: ( بيني وبين نفسي أفا شكل حمود البثر طلع صادق وعندهم معلومة مؤكدة في ملف المخابرات حقهم يا والله الورطة) أقول طال عمرك لحظة لو سمحتوا شوي بطني يوجعني باطلع دقيقتين وبارجع لكم.....وووزززز اطلع برا المكتب ..وأدق من جوالي على البيت ..وترد أمي ..وأقول لها يمّه نادي أبوي بسرعة أبي أكلمه ..
أبوي: هلا الحانوتي انت ماتتصل علي الى فيه مشكله عسا ما شر لا يكون صدمت بس ولا خربت سيارتك ..
أنا: لا أقول خلك من ذا الخرابيط ..وابعد شوي عن أمي وحريم أخواني ...وجاوبني بصراحة وضمير أنت ولا تلف وتدور علي ترا الربع يلقطون الاتصال انت سعودي أصلي ولا هيك وهيك ..
أبوي: اقطع واخص ( معناها افا يا ذا العلم وبمعنى اخر ولا كلمه وفي رواية اخرى متواتره وهي الاقرب للحقيقه .. على تبن ) وش تقول أنت ووجهك لعنة تلعنك وش رأيك أجل فيني لا أكون مصري ولا خواجة .ايه سعودي يا جعلك العما ..
أنا.. زين الله يبشرك بالخير ..اقول يالله باي بس لا تبعد خلك حول التليفون يمكن أحتاجك.....وارجع للمكتب ..وأنا مبسوط وأقول للضابط الأول الحمدلله الواحد كان تعبان وارتاح ..وش كنا نقول طال عمرك ايه متأكد أن الوالد سعودي أصلي مو تايوان ..
الضابط الثاني: تقول لي أجل متأكد ان أبوك سعودي أصلي ..شف يا الحانوتي ترى مو زين لك اذا كنت تخبي الحقيقة عننا ترى ما أحد يروح فيها الا أنت يمكن تنسجن .
أنا: ( شكلهم عندهم معلومات أكيدة) آآآيي يا بطني عن أذنكم ..بطني بطني تصدقون طال عمركم بطني كان زين بس من هيبتكم طال عمركم مدري وش صار له ..دقيقة بس الله لا يهينكم ووووززززز (( يعني طلعت اركض )) برا المكتب وادق على البيت ويرد علي أبوي وهالمرة اسئلة وأنا معصب ..الحين يابو الشباب لا تنكب عفشنا اذا أنت مو سعودي قل الصدق ترى ذولي ماتخفى عليهم خافية اللهم يا كافي .عادي اذا ما قبلوني اشتغل في مطابعهم بس لاتوهقني وبعدين انسجن
أبوي: وجع يوجعك وش شايفني قدامك سوري ولا مصري ولا انشالله زول .
أنا: تذكر يوم قبل سنة يوم على العشاء على بالك تستخف دمك وتقول بدي اتعشى جبنية وزطون وشوية كبة ..والله ما يندرى عنك أخاف ذاك اليوم رجعت لأصلك .
أبوي : جعلك العما كنت أمزح مع أمك وأنت صدقت على طول.
أنا: والله ما يندرى عنك بس ترى أن طردوني من العسكرية والله والله لاحملك وزري كاملا الى يوم القيامة وهذاني حذرتك على العموم باسكر ويمكن أدق عليكم مرة ثانية خلك قريب من التليفون. ووززز ارجع لمكتب المقابلة وأقول الحمدلله اللي لا يحمد على مكروه سواه أبشركم ..وش كنا نقول ايه متأكد أن الوالد سعودي اصلي 100 % وعليه ضمان الوكيل بعد مختوم بين عيونه ...
الضابط الثاني: طيب يا الحانوتي وبالنسبة للوالدة وشلون هي بعد سعودية اصلية ..يعني ما فيها عرق كذا ولا كذا.
أنا: والله يا حضرة الضابط هي بيضا بيضا الحمدلله البياض نعمة من الله بس آآآييي يا بطني ..لحظة طال عمركم ..ووززز واطلع برا المكتب وأدق على البيت ويرد علي أبوي وانزر في وجهه ما ابيك ابي أمي ..وتجي أمي تكلمني .
أمي : خير يا ولدي عساهم انشالله قبلوك وانا أمك قل لهم أن ولد خالتك عبدالرحمن ..ترى اذا قرايبك مانفوك هالوقت متى بينفعونك.
أنا: يمّه تراس ذبلتي كبدي بولد أختس عرفنا أنه كان الثاني على معهد المعلمين قسم الأحياء بس هذا وش دخله في العسكرية المهم تعالي يالبيضا ..انتي سعودية ولا فيك عرق لبناني ولا تركي.. اعترفي.
أمي: وجع يقطع نحرك وش تركية ولا لبنانية الا سعودية أصل وفصل ..لا يغرك أن جدك وائل وجدتك ميار بس لا ينفي اني سعودية اصلية نياهاهاهاهااهاهاهاهاهاهاه ...
أنا : يعني أعتمد طيب على مسئوليتك اسمعي يمّه أنا بسكر الان بس خلك قريبة من التليفون لا تروحين بعيد. ووززز وارجع للمكتب وكشرتي وصلت مترين واقول لهم بثقة أي نعم الوالدة سعودية أصليه حتى بالمارية جدي وائل ابو أمي كان أطلق قهوجي في الديرة وجدتي ميار كان تصلح له اطلق قرصان في الديرة ...
الضابط الأول: طيب يا الحانوتي اوكيه طلعت مسلم وسعودي اصلي .الحين بنسألك شوية اسئلة؟؟ انتا فين تشتغل؟
أنا : اشتغل وش اشتغل طال عمرك لو اشتغل كان قدمت عندكم ..انطقيت في شغلي ..أنا توني مخلص ثانوية تبي أقول لك كم كانت نسبتي .
الضابط الأول: لا مانبي نعرف كم نسبتك ..الا قول لي يا الحانوتي ليه تبي تدخل القطاع العسكري ليه مارحت الجامعة زي معظم الشباب .
أنا: والله طال عمرك من أجل خدمة هذا الوطن المعطاء ورفع رايته خفاقة وحمايته من كل الشرور والتصدي للأعداء والحاقدين ( موضوع تعبير كتبته أيام خامس ابتادئي خذيت عليه 9 من عشرة ) غير كذا طال عمرك العسكرية اذا تخرجت بكرة ما أحد يقول لك دور على وظيفة واقلب وجهك مو مثل التيس اجلس دور على أحد يضفك ..وتلقى خريج علوم أدارية مقضبينه استعلامات في شركة وطنية يالله سعودة ..حكي من ابو بلاش ..
الضابط الثاني: طيب يا الحانوتي راح نسألك شوية أسئلة ونبيك تجاوب بصراحة ؟؟ وش علاقتك بالسياسة وش الصحف اللي تحرص على أنك تقراها ؟
أنا: بصراحة طال عمرك أنا مع أن ثقافتي عالية بس بيني وبين القراية عداء يعني ..نادرا ما اقرى بس قسما بالله أني ماقرى الا الصفحات الرياضية وأحيانا الكاريكاتير ..بس في المناسبات الوطنية أقرى الصفحات الاولى العناوين بس ..
الضابط الأول: متأكد بس هذا اللي تقراه. قل الصدق لا تكذب .
أنا .. بصراحة بصراحة اقرى مجلة ماجد ومجلة باسم .....( بس ماش عيونهم تلاقط فيني ..) ..شوفوا عاد مدري وش مكتوب قدامكم في هالملف بس ..الله يلعنك يا ابليس كله من ولد عمتي الدلخ خالد اذا راح لبنان مع أهله يجيب لنا مجلات مدري وشلون ياخي الواحد يضعف بس من مطالع الغلاف بس هي مجلات محتشمة ( وعيونهم مازالت مبزرة فيني ) يلعن ابو الذل قريت مجلة بلاي بوي بس كم عدد مو كثير يعني من العدد 1411-1534 وبعدين من 2406 – 2600 والعدد السنوي الخاص بانتخاب ملكة جمال الشواطىء الأمريكية بس ..والله على ما اقول شهيد . واللي يرحم والدينكم لا تطالعوني كذا خلاص ..يمكن عدد أو عددين ناسي كم أرقامهم .هذا كل شي واذا عندكم شي ثاني في هالملف ترى مو صدق والله ..
الضابط الأول: يا الحانوتي أنت ماشالله عليك ولد كبير وناضج ..وعمرك الان حوالي 18 سنة <<< مصدقين نياهاهاهاهاهاهاهاهاهاهاه ... ما عمرك فكرت تقرا بعض الأفكار الهدامة اللي تجي مع النشرات الملوثة من برا سواءا في الانترنت ولا شي من هالقبيل .
أنا : طال عمرك ما فهمت يعني ياليت توضح قصدك ؟؟ يعني تتهمني اني معارض ليه مكتوب في الملف حقي كذا
الضابط الثاني: لا قصده مثلا مثلا ما أنت متأثر بأسامة بن لادن معجب ببعض أفكاره تقرا بعض نشراته.
أنا: أولا طال عمرك قل المذكور ولا تقل أسامة بن لادن ..ثانيا ما شفته ألا في قناة الجزيرة من زمان ..ثانيا الكذب خيبة الاحتكاك الوحيد بيني وبينه هو طريق الهدا (( الهدا طريق في الطائف عملته شركة مجموعة بن لادن )) ما كنت أدري ان ابن لادن هو اللي مسويه يوم انتصفناه قالت لي امي هالمعلومة ساعتها توهقت لا اقدر اديور وارجع ويعلم الله أني كملت الطريق على مضض وأني كنت متنكد والله .حتى لو تدور طال عمرك في الملف اللي قدامك بتلقى هالفقرة أني كنت متنكد بالحيل مرة .
الضابط الأول: يعني يا الحانوتي بيني وبينك انسى أننا في مقابلة ما عمرك جلست مع ناس قاموا يشتمون الدولة ولا ينتقدون بعض سياساتها قل الصدق لا تخبي؟
أنا : قسما بالله ما صار هالشي والله العظيم ...طال عمرك تأكد هذا ملفي او لا .. اخاف عطوكم ملف واحد غيري ..انا كل أهلي وطنين بالمارية اذا فاز المنتخب نطلع كلنا نشجع حتى الشغالة أي والله
الضابط الثاني: تذكر يا الحانوتي أحسن لك مانبي نقول لك شي ترى أحسن اذا انت من نفسك قلت.
أنا: طال عمرك مدري مرة كنت جالس مع خالي ..بجنب امي مدري كان الخال ذاك اليوم متحمس وقام يقول الكهرب غالي وأنهم سرقونا وقطعوا ظهورنا وأن الهاتف صار سرقة عيني عينك وأنهم ماصاروا يخافون الله.
الضابط الاول: ايوة من اللي قطعوا ظهوركم وسرقوكم وما يخافون الله مين اعترف ..
أنا : وشو مدري والله مهوب أنا ذاك خالي روحوا احبسوه ..صدقوني الله لا يوفقني أني كنت أهديه واقول له يا خالي الدنيا كلها غلا ..واننا الحمدلله بخير ونعمة كل شي رخيص البنزين رخيص والكهرب رخيص والهاتف رخيص حتى الموية الحمدلله بيشملها قانون الشرائح مدري الفئات يعني ناوين بكل عزيمة أنهم يرخصونها الحمدلله اللهم احفظها نعمة ..والله أننا ارخص من غيرنا تصدق طال عمرك جزيرة ماستوسشي عندهم دقيقة الجوال بريال وستين هللة وقت الذروة ..يلعن أم الرخص اللي في ديرتنا ..بس تعرفون طال عمركم يعني الشياب واجد يخذرفون ..
الضابط: الحانوتي كيفك وكيف الخرابيط معك ..تدخن تشرب راعي بنات ..اعترف << بدت ركبي ترجف .
أنا : لا راعي أولاد ..قصدي كل ربعي أولاد ولا أروح للبحرين إلا علشان اشوف سينما ,, بس رحت مره طال عمرك وكان الجو عندهم غيم ومطر.
الضابط الثاني: وش دخل المطر والغيم ..في روحتك للبحرين والسينما .
انا : يعني.... يكون قمركم الصناعي السري صايد واحد زوله زي زولي وطوله نفس طولي داخل أحد هالمراقص تقومون تحسبونه أنا ..تعرف شباب طايش ..الله يصلحهم بس ويهديهم J.
الضابطين : وش قمره ترى لك نص ساعة تخذرف الملف والقمر الصناعي وش أنت تحكي عنه؟
أنا : طال عمرك مدري والله الشباب اللي برا يقولون لا تكذب على اللجنة ترى قدامهم ملفك اللي عند المخابرات وانهم يعني المخابرات اذا الواحد سافر برا الديرة ..أنهم يصورونه بالقمر الصناعي ..مو ذا ملفي اللي عندكم..
الضابطين : وهم يضحكون ..الله يستر عليك وش تخربط هذا الملف اللي فيه اسامي المتقدمين وأوراق علشان تقييمهم ولا عندنا ملفات من المخابرات ولا من هالحكي ..ثانيا وش ذا القمر الصناعي اللي بيصور السعوديين في كل مكان .. يا الحانوتي رح بس انتهت المقابلة الآن و بكرة موعد الفحص الطبي والسبت الجاي نعلمك النتيجة النهائية .
نياهاهاهاهاهاهاهاهاهاهاها هاهاهاهاهاهاهاهاها
انتظروا الحلقه القادمه وفضايح الفحص الطبي ويالله لاتفشلنا ... والى الجزء الثاني
الحانوتي المتعسكراتي
في حلم قديم في حياتي يؤرقني على كثر ما حاولت أدّعي أني ما ابيه ولا أفكر الا أنه يظهر دائما على السطح ( مو سطح بيتنا بس يعني زي سطح المخ مدري شي فوق الجبهة المهم ) ..وهذا الحلم أني البس بدلة ( مو أي بدلة ) بدلة عسكرية أيا كانت ..مرقطة ..سادة .. ان شاء الله خيشه ..أي شي ..كذا عسكري و على كتفي نجوم ولا قمر قصدي تاج لو شمس مايهم ..ومعي سلاح أخوف الناس به ..وشديت حيلي في الثانوية علشان هالحلم الجميل .وجبت نسبة فوق التسعين << عاد لاتصدقون واجد نياهاهاهاهاهاهاهاهاها ماشاء الله علي ويحرسني من شرور خلقه (( عين الحسود فيها عود اسنان )) ..وانطلقت باقصى سرعتي لوزارة الدفاع مرة واحدة << صاير قوي .. من أجل خدمة الوطن ورفع رايته خفاقة ( كلمتين للتمويه نياهاهاهاهاهاهاها ) .,وأقدم ملفي ويحددون لي موعد للمقابلة ..وبعدها اللي بيقبلونه بيسوون له اختبار مدري فحص طبي ..وبعدها بينزلون أسامي المقبولين ...خذيت المواعيد ورجعت لبيت أهلي وصرت اسوي رياضة علشان أجتاز الفحص الطبي بكل نجاح ..صرت ألعب كرة طائرة ..وحبشة (( الحبشه لعبه قديمه ويسميها البعض الاستغمايه )) ..و نط الحبل وتعلمت رياضة مهمة بتفيدني في حياتي العسكرية اذا انشالله قبلوني الا وهي لعبة البلوت ..وبعد اسبوعين وحسب الموعد المحدد للمقابلة الساعة 5 ونص فجرا بعد صلاة العشاء..( عسكريين من أولها ) وعلى ما جا واحد يعبرنا ويدلنا وين نروح ووش نسوي كانت الساعة 11 الظهر واحنا في عز يوليو مدري اغسطس ..الواحد صارت تحته بركة من العرق والبعض استغل الفرصة وتعيجز يروح دورة المياة وأنتم بكرامة .ومشاها مع العرق ( ولا من متى خبرنا عرق أصفر .. انا اقصد يالي في بالي عرق الجسم لايروح فكركم بعيد ) و وزعونا على قاعات وصالات .. و حطوني في صالة 3 ج انتظر يجي دوري ..والا يجي واحد من البثرين ( اسمه حمود) اللي يطقون حنك يجلس جنبي ..طبعا أنا على أعصابي .وهو يبي يحكي ويتكلم معي
حمود البثر: يوووه يا أخي العسكرية هذي عجيبة ..لها هيبة ...
أنا: ايه طبعا لازم كذا ولا وشلون بيسوون منك عسكري محترم تقدر تدافع عن بلدك << بدينا بشغل المباحث .
حمود البثر: تصدق حتى المقابلة حقتهم تروع يا أخي قبل ما يقابلونك يكونون عارفين كل شي عنك كل صغيرة وكبيرة ..مرة تدري ليه .. أنا أقول لك الا وش اسمك بالخير ...
أنا: اسمي الحانوتي و يدلعوني ربعي فريد ...ثانيا هم ما يعرفون الا المعلومات اللي تكون أنت مغبيها في التقديم بس ..بس انت شكلك من اللي يهولون الأمور.
حمود البثر: لا يا فريد ( يمون بقوة .. أي فريد الحانوتي ) أنا أخوي ماشالله عليه أخلاق وتعليم وثقافة بس ما ضيعته الا المقابلة ما درى أنهم يعرفون عنه كل شي نصب عليهم نصبتين وكشفوه .الغبي ما كان يدري أنهم قارين ملفه من المخابرات .
أنا: اها أخوك موظف سابق ولا له ملف في المخابرات . يمكن علشان كذا يعني حالة استثنائية .
حمود البثر: لا والله بس أنت اللي على نياتك أنت ما تدري أن لكل مواطن ملف في المخابرات يسجلون فيه كل شي عنه ,, أي والله اني احكي معك صادق ..حتى الواحد لا منه سافر الظاهر والله أعلم انهم يلزقون فيه شي علشان يقوم القمر الصناعي يراقبه وما يضيعه ويسجلون كل تحركاته وهو برا الديرة << رحنا فيها .
أنا : يا أخوي شكلك نصاب وما عندك سالفة وش هالخرابيط وش كل مواطن له ملف ويسجلون كل تحركاته لا يكون بس أخوك راعي حبوب ولا من اللي يقضمون .ثانيا أنت مقدم على العسكرية يعني خلك انسان محترم مو تتكلم كلام في السياسه وبعدها السلام ما تعرف وش خطره.
حمود البثر: بكيفك لا تصدقني بس انا باقول لك أولا أخوي لا راعي حبوب ولا خرابيط بالعكس أجيد واحد في عايلتنا متخرج من الثانوية بنسبة 77 % و أدبي هذا شي ,,, ثانيا يوم راح وقابلوه سئلوه ..قد دخنت..وأخوي طبعاا قال لهم ما دخنت ..سئلوه مرة ثانية متأكد انك ما قد دخنت ..قال لهم والله العظيم أني ما عمري دخنت اذا ما أنتم مصدقين تعالوا شموا ريحة فمي ..قالوا له لا ما يحتاج بس..وش كنت تسوي يومك في مقهى حوش العنز لصاحبه ابو هيثم يوم الأحد الساعة 11 ونص قبل 3 سنين ..اوف ساعتها أخوي تكتم ..وقام يحلف لهم أنه ناسي وما يذكر وواحد من ربعه خلاه يجرب وأنه بس كان يجرب قالوا له اللي بيجرب ما يشرب زقارتين ..المهم مشو له هالسؤال ..ويصكونه بسؤال ثاني قد سافرت برا المملكة ..قال لهم ايه مرتين مرة لدبي ومرة للبحرين وكلهم مع الأهل يعني ما خربطت ..رد عليه النقيب قال تذكر يوم تسحّب أنت وأخوك دحيم _على فكرة أخوه دحيم أكبر منه في جامعة الأمام قسم مكتبات وفيزياء نوويه _ من شقتكم الساعة 2 الفجر وتروحون لمرقص الوزة العايمة في دبي ويوم تسألكم أمكم قلتوا لها جاكم أرق ورحنا نتمشى على البحر .هاه تبينا نذكرك وش أنت مسوي بعد, يوم تترقصون على أغنية تريد الهوى ..ساعتها حنك أخوي طاح على الطاولة ولا عرف وش يقول وما شافوا الا غبرته ...وتقول لي ما عندهم ملف من المخابرات على العموم نصيحة مني لك يا أبو سعود والله الشاهد أني لا أعرفك ولا تعرفني بس ارتحت لك اذا شفتهم مشددين معك في سؤال ..تراهم صايدينك مسوي شغلة وقتها لا تعاند ترى والله يشوتونك ولا تقول حمود ما قال لي وما نصحني.
ساعتها ..جتني حالة تتنيح وغباء مفرط كأني مفطر فول في مطعم هنود وصابتني حالة روعة و توني بادي أفكر بكلام حمود اللي وينادون على دوري في المقابلة.وأدخل على اثنين ما عرف وش رتبهم بالضبط .وقدامهم ملف يناظرون فيه أنا شفتهم ..ساعتها طاح قلبي زيادة فوق ما هو طايح ..و ما قعدت الا بقيت واقف من باب الهيبة لهم << جالس يتميح لهم ,,, أن واحد منهم يقول استرح ولا أجلس ابدا ما تقول مقدم على كلية عسكرية الا كني طرار في أول شهر رمضان .
الضابط الأول: أنت الحانوتي ....اللي اسمك هنا ولا لا؟
أنا: طال عمرك ( ما تقردنهم الا بطال عمرك والله يسلمك ويخليك ) أنا الحانوتيز تآمرني بشي اجيبه لكم من الدكان
الضابط : طيب بلا كثرة هرجة وتفلسف ماله داعي,, الا أنت سعودي أصلي يا الحانوتي .
أنا: أي نعم سعودي أصلي مواليد مستشفى الشميسي بالرياض وعلي ختم الجودة << كذبت عليهم في هذي انا مولود في راس طعس نفود على ظهر بعير اجرب ...
الضابط الثاني: أنت فاهم سؤالي زين يا الحانوتي ولا لا هل أنت سعودي أصلي وهل والديك سعوديين أصليين ..يعني أبوك سعودي أصلي ولا تعتقد هاااه قل الصدق .
أنا: والله يا طويل العمر انشالله أنه سعودي صورته في البطاقة بشماغ حتى في الجواز مصور بشماغ.
الضابط الأول: ركز يا نفر الضابط يسئلك أنت متأكد أنك سعودي أصلي ولا تعتقد هالشي ...
أنا: ( بيني وبين نفسي أفا شكل حمود البثر طلع صادق وعندهم معلومة مؤكدة في ملف المخابرات حقهم يا والله الورطة) أقول طال عمرك لحظة لو سمحتوا شوي بطني يوجعني باطلع دقيقتين وبارجع لكم.....وووزززز اطلع برا المكتب ..وأدق من جوالي على البيت ..وترد أمي ..وأقول لها يمّه نادي أبوي بسرعة أبي أكلمه ..
أبوي: هلا الحانوتي انت ماتتصل علي الى فيه مشكله عسا ما شر لا يكون صدمت بس ولا خربت سيارتك ..
أنا: لا أقول خلك من ذا الخرابيط ..وابعد شوي عن أمي وحريم أخواني ...وجاوبني بصراحة وضمير أنت ولا تلف وتدور علي ترا الربع يلقطون الاتصال انت سعودي أصلي ولا هيك وهيك ..
أبوي: اقطع واخص ( معناها افا يا ذا العلم وبمعنى اخر ولا كلمه وفي رواية اخرى متواتره وهي الاقرب للحقيقه .. على تبن ) وش تقول أنت ووجهك لعنة تلعنك وش رأيك أجل فيني لا أكون مصري ولا خواجة .ايه سعودي يا جعلك العما ..
أنا.. زين الله يبشرك بالخير ..اقول يالله باي بس لا تبعد خلك حول التليفون يمكن أحتاجك.....وارجع للمكتب ..وأنا مبسوط وأقول للضابط الأول الحمدلله الواحد كان تعبان وارتاح ..وش كنا نقول طال عمرك ايه متأكد أن الوالد سعودي أصلي مو تايوان ..
الضابط الثاني: تقول لي أجل متأكد ان أبوك سعودي أصلي ..شف يا الحانوتي ترى مو زين لك اذا كنت تخبي الحقيقة عننا ترى ما أحد يروح فيها الا أنت يمكن تنسجن .
أنا: ( شكلهم عندهم معلومات أكيدة) آآآيي يا بطني عن أذنكم ..بطني بطني تصدقون طال عمركم بطني كان زين بس من هيبتكم طال عمركم مدري وش صار له ..دقيقة بس الله لا يهينكم ووووززززز (( يعني طلعت اركض )) برا المكتب وادق على البيت ويرد علي أبوي وهالمرة اسئلة وأنا معصب ..الحين يابو الشباب لا تنكب عفشنا اذا أنت مو سعودي قل الصدق ترى ذولي ماتخفى عليهم خافية اللهم يا كافي .عادي اذا ما قبلوني اشتغل في مطابعهم بس لاتوهقني وبعدين انسجن
أبوي: وجع يوجعك وش شايفني قدامك سوري ولا مصري ولا انشالله زول .
أنا: تذكر يوم قبل سنة يوم على العشاء على بالك تستخف دمك وتقول بدي اتعشى جبنية وزطون وشوية كبة ..والله ما يندرى عنك أخاف ذاك اليوم رجعت لأصلك .
أبوي : جعلك العما كنت أمزح مع أمك وأنت صدقت على طول.
أنا: والله ما يندرى عنك بس ترى أن طردوني من العسكرية والله والله لاحملك وزري كاملا الى يوم القيامة وهذاني حذرتك على العموم باسكر ويمكن أدق عليكم مرة ثانية خلك قريب من التليفون. ووززز ارجع لمكتب المقابلة وأقول الحمدلله اللي لا يحمد على مكروه سواه أبشركم ..وش كنا نقول ايه متأكد أن الوالد سعودي اصلي 100 % وعليه ضمان الوكيل بعد مختوم بين عيونه ...
الضابط الثاني: طيب يا الحانوتي وبالنسبة للوالدة وشلون هي بعد سعودية اصلية ..يعني ما فيها عرق كذا ولا كذا.
أنا: والله يا حضرة الضابط هي بيضا بيضا الحمدلله البياض نعمة من الله بس آآآييي يا بطني ..لحظة طال عمركم ..ووززز واطلع برا المكتب وأدق على البيت ويرد علي أبوي وانزر في وجهه ما ابيك ابي أمي ..وتجي أمي تكلمني .
أمي : خير يا ولدي عساهم انشالله قبلوك وانا أمك قل لهم أن ولد خالتك عبدالرحمن ..ترى اذا قرايبك مانفوك هالوقت متى بينفعونك.
أنا: يمّه تراس ذبلتي كبدي بولد أختس عرفنا أنه كان الثاني على معهد المعلمين قسم الأحياء بس هذا وش دخله في العسكرية المهم تعالي يالبيضا ..انتي سعودية ولا فيك عرق لبناني ولا تركي.. اعترفي.
أمي: وجع يقطع نحرك وش تركية ولا لبنانية الا سعودية أصل وفصل ..لا يغرك أن جدك وائل وجدتك ميار بس لا ينفي اني سعودية اصلية نياهاهاهاهااهاهاهاهاهاهاه ...
أنا : يعني أعتمد طيب على مسئوليتك اسمعي يمّه أنا بسكر الان بس خلك قريبة من التليفون لا تروحين بعيد. ووززز وارجع للمكتب وكشرتي وصلت مترين واقول لهم بثقة أي نعم الوالدة سعودية أصليه حتى بالمارية جدي وائل ابو أمي كان أطلق قهوجي في الديرة وجدتي ميار كان تصلح له اطلق قرصان في الديرة ...
الضابط الأول: طيب يا الحانوتي اوكيه طلعت مسلم وسعودي اصلي .الحين بنسألك شوية اسئلة؟؟ انتا فين تشتغل؟
أنا : اشتغل وش اشتغل طال عمرك لو اشتغل كان قدمت عندكم ..انطقيت في شغلي ..أنا توني مخلص ثانوية تبي أقول لك كم كانت نسبتي .
الضابط الأول: لا مانبي نعرف كم نسبتك ..الا قول لي يا الحانوتي ليه تبي تدخل القطاع العسكري ليه مارحت الجامعة زي معظم الشباب .
أنا: والله طال عمرك من أجل خدمة هذا الوطن المعطاء ورفع رايته خفاقة وحمايته من كل الشرور والتصدي للأعداء والحاقدين ( موضوع تعبير كتبته أيام خامس ابتادئي خذيت عليه 9 من عشرة ) غير كذا طال عمرك العسكرية اذا تخرجت بكرة ما أحد يقول لك دور على وظيفة واقلب وجهك مو مثل التيس اجلس دور على أحد يضفك ..وتلقى خريج علوم أدارية مقضبينه استعلامات في شركة وطنية يالله سعودة ..حكي من ابو بلاش ..
الضابط الثاني: طيب يا الحانوتي راح نسألك شوية أسئلة ونبيك تجاوب بصراحة ؟؟ وش علاقتك بالسياسة وش الصحف اللي تحرص على أنك تقراها ؟
أنا: بصراحة طال عمرك أنا مع أن ثقافتي عالية بس بيني وبين القراية عداء يعني ..نادرا ما اقرى بس قسما بالله أني ماقرى الا الصفحات الرياضية وأحيانا الكاريكاتير ..بس في المناسبات الوطنية أقرى الصفحات الاولى العناوين بس ..
الضابط الأول: متأكد بس هذا اللي تقراه. قل الصدق لا تكذب .
أنا .. بصراحة بصراحة اقرى مجلة ماجد ومجلة باسم .....( بس ماش عيونهم تلاقط فيني ..) ..شوفوا عاد مدري وش مكتوب قدامكم في هالملف بس ..الله يلعنك يا ابليس كله من ولد عمتي الدلخ خالد اذا راح لبنان مع أهله يجيب لنا مجلات مدري وشلون ياخي الواحد يضعف بس من مطالع الغلاف بس هي مجلات محتشمة ( وعيونهم مازالت مبزرة فيني ) يلعن ابو الذل قريت مجلة بلاي بوي بس كم عدد مو كثير يعني من العدد 1411-1534 وبعدين من 2406 – 2600 والعدد السنوي الخاص بانتخاب ملكة جمال الشواطىء الأمريكية بس ..والله على ما اقول شهيد . واللي يرحم والدينكم لا تطالعوني كذا خلاص ..يمكن عدد أو عددين ناسي كم أرقامهم .هذا كل شي واذا عندكم شي ثاني في هالملف ترى مو صدق والله ..
الضابط الأول: يا الحانوتي أنت ماشالله عليك ولد كبير وناضج ..وعمرك الان حوالي 18 سنة <<< مصدقين نياهاهاهاهاهاهاهاهاهاهاه ... ما عمرك فكرت تقرا بعض الأفكار الهدامة اللي تجي مع النشرات الملوثة من برا سواءا في الانترنت ولا شي من هالقبيل .
أنا : طال عمرك ما فهمت يعني ياليت توضح قصدك ؟؟ يعني تتهمني اني معارض ليه مكتوب في الملف حقي كذا
الضابط الثاني: لا قصده مثلا مثلا ما أنت متأثر بأسامة بن لادن معجب ببعض أفكاره تقرا بعض نشراته.
أنا: أولا طال عمرك قل المذكور ولا تقل أسامة بن لادن ..ثانيا ما شفته ألا في قناة الجزيرة من زمان ..ثانيا الكذب خيبة الاحتكاك الوحيد بيني وبينه هو طريق الهدا (( الهدا طريق في الطائف عملته شركة مجموعة بن لادن )) ما كنت أدري ان ابن لادن هو اللي مسويه يوم انتصفناه قالت لي امي هالمعلومة ساعتها توهقت لا اقدر اديور وارجع ويعلم الله أني كملت الطريق على مضض وأني كنت متنكد والله .حتى لو تدور طال عمرك في الملف اللي قدامك بتلقى هالفقرة أني كنت متنكد بالحيل مرة .
الضابط الأول: يعني يا الحانوتي بيني وبينك انسى أننا في مقابلة ما عمرك جلست مع ناس قاموا يشتمون الدولة ولا ينتقدون بعض سياساتها قل الصدق لا تخبي؟
أنا : قسما بالله ما صار هالشي والله العظيم ...طال عمرك تأكد هذا ملفي او لا .. اخاف عطوكم ملف واحد غيري ..انا كل أهلي وطنين بالمارية اذا فاز المنتخب نطلع كلنا نشجع حتى الشغالة أي والله
الضابط الثاني: تذكر يا الحانوتي أحسن لك مانبي نقول لك شي ترى أحسن اذا انت من نفسك قلت.
أنا: طال عمرك مدري مرة كنت جالس مع خالي ..بجنب امي مدري كان الخال ذاك اليوم متحمس وقام يقول الكهرب غالي وأنهم سرقونا وقطعوا ظهورنا وأن الهاتف صار سرقة عيني عينك وأنهم ماصاروا يخافون الله.
الضابط الاول: ايوة من اللي قطعوا ظهوركم وسرقوكم وما يخافون الله مين اعترف ..
أنا : وشو مدري والله مهوب أنا ذاك خالي روحوا احبسوه ..صدقوني الله لا يوفقني أني كنت أهديه واقول له يا خالي الدنيا كلها غلا ..واننا الحمدلله بخير ونعمة كل شي رخيص البنزين رخيص والكهرب رخيص والهاتف رخيص حتى الموية الحمدلله بيشملها قانون الشرائح مدري الفئات يعني ناوين بكل عزيمة أنهم يرخصونها الحمدلله اللهم احفظها نعمة ..والله أننا ارخص من غيرنا تصدق طال عمرك جزيرة ماستوسشي عندهم دقيقة الجوال بريال وستين هللة وقت الذروة ..يلعن أم الرخص اللي في ديرتنا ..بس تعرفون طال عمركم يعني الشياب واجد يخذرفون ..
الضابط: الحانوتي كيفك وكيف الخرابيط معك ..تدخن تشرب راعي بنات ..اعترف << بدت ركبي ترجف .
أنا : لا راعي أولاد ..قصدي كل ربعي أولاد ولا أروح للبحرين إلا علشان اشوف سينما ,, بس رحت مره طال عمرك وكان الجو عندهم غيم ومطر.
الضابط الثاني: وش دخل المطر والغيم ..في روحتك للبحرين والسينما .
انا : يعني.... يكون قمركم الصناعي السري صايد واحد زوله زي زولي وطوله نفس طولي داخل أحد هالمراقص تقومون تحسبونه أنا ..تعرف شباب طايش ..الله يصلحهم بس ويهديهم J.
الضابطين : وش قمره ترى لك نص ساعة تخذرف الملف والقمر الصناعي وش أنت تحكي عنه؟
أنا : طال عمرك مدري والله الشباب اللي برا يقولون لا تكذب على اللجنة ترى قدامهم ملفك اللي عند المخابرات وانهم يعني المخابرات اذا الواحد سافر برا الديرة ..أنهم يصورونه بالقمر الصناعي ..مو ذا ملفي اللي عندكم..
الضابطين : وهم يضحكون ..الله يستر عليك وش تخربط هذا الملف اللي فيه اسامي المتقدمين وأوراق علشان تقييمهم ولا عندنا ملفات من المخابرات ولا من هالحكي ..ثانيا وش ذا القمر الصناعي اللي بيصور السعوديين في كل مكان .. يا الحانوتي رح بس انتهت المقابلة الآن و بكرة موعد الفحص الطبي والسبت الجاي نعلمك النتيجة النهائية .
نياهاهاهاهاهاهاهاهاهاهاها هاهاهاهاهاهاهاهاها
انتظروا الحلقه القادمه وفضايح الفحص الطبي ويالله لاتفشلنا ... والى الجزء الثاني
الحانوتي المتعسكراتي