قصيدة غرابيل (3)

[فخر أهلها]

السلام عليكم ورحمة الله وبركاته

كيف حالكم إن شاء الله دائما بخير ؟

قبل فتره وضعنا موضوع لكتابة قصيدة جماعيه

على الرابط التالي

http://www.g111g.com/vb/t168293.html

واليوم هذا ناتج موضوعنا

المعذره تم حذف بعض الابيات حتى يكون هناك تسلسل في الابيات واستمرار للفكره

اترككم مع الابيات

وصح لسان كل من كتب حرف فيها





الدمعه اللي سيلها يجرح العين =شرهاتها دايم على من ذرفها
سبت بكاه مفارق احباب غاليين=ولاعاديهنا طرفها مع طرفها
النفس طابت والمعاني دواوين=والقـلب يكتب والحنايـا شـغـفـها
ياكـودها لاغـاب سيــد المـزايين=عــذب السجـايـا يابـقايـا ترفـها
جمالها غطّى بنات السلاطين=يا حظ منهوفي حياته عرفها
من حسنها تفتن عباد ٍ مصلين=صدّت ولكن غازلت من طرفها
احس في جوفي من الصد سكين=لاجيت ابخفي عبرتي قيل شفها
لو ضيع العاشق جميع العناوين=يرجع على وقفاته اللي وقفها
ما هي حسافه واعتبر دمعتي دين=ورده ويحمل وزرها من قطفها
ليـت الـغـلا نحصـيـه مابـيـن قوسـيـن=كــان الـذنــوب وحمـلـهـا مااقتـرفـهـا
بس الهوى يرمي على الهم والبين=كم ناس عـن درب المعالـي حرفهـا
دامك تياسرت.. بجفا ..باخذ يمين=ياعيب من له نيةٍ ماكشفها
بذكر هواك بخير من حين لي حين=. وامر اللقا ... الايام تجمع صدفها
مع السلامه يا وعود المحبين=وروحي على فرقاك تعلن اسفها



في حفظ الرحمن

:وردة:

[ريـمـانـاآ]

صح لساان اللي كتبها واللي رتبهآ ..

ماشاء الله كأنها قصيدة وحدة كااملة

واعجبني البيتين



مـــا هـــي حـسـافـه واعـتـبـر دمعـتـيـ ديـن

ورده ويــحــمــل وزرهــــــا مــــــن قـطــفــهــا

لـيــت الـغــلا نحـصـيـه مـابـيـن قـوسـيــن

كــــــان الـــذنــــوب وحـمــلــهــا مـااقـتـرفــهــا

والبيت الاخيير


مـــــع الـســلامــه يـــــا وعــــــود الـمـحـبـيــن

وروحـــي عـلــى فــرقــاك تـعـلــن اسـفـهــا


ولاتهوون باقي الابياات واللي كتبووها

مشكوورة يافخر اهلتس

سلمتي ودمتي

=)

[فخر أهلها]

^^^

اهلين ريمانا نورتي :)

تبين اقول لك لمن الابيات اللي اعجبتك ^_^

ولا تدرين روحي الموضوع الاصلي تلقينها < مافيها ترجع هههههه

هلابك ريمانا واسعدتني طلتك وتواجدك العطر

[سامي العطاوي]

لاهنتي يافخر على المجهود الرائع
سلمت يمينك

[ناصر أحمد الخريش]

لله درك يافخر على هالعمل الرائع الله يعطيك العافية وصح الله لسان كل شاعر وشاعرة اشتركوا في نظم القصيدة وتحياتي للجميع

[جرح الشوق]

ابيات رائعه وصح لسان من قالها

[ماجد نصار]

عوافي عليك يا فخر أهلها

إبداع وإمتاع ومشاركه حميمه

شكراً ووداً

[قيـس]

الله الله فعلاً طلعت قصيده محكمه وكأن اللي قايلها شاعر واحد

فخر أهلك الله يوفقك وين ماكنتي وييسر لك جميع أمورك ويحفظك ويفرج همومك ويسامحك ويغفر ذنوبك

دمتي بخير وصحه وسلامه

[سـامـيـه]

ماشاء الله حبك وسبك
قصديه كامله صحت قلوب الشعراء المشاركين فيها
فخر نفخر بك وبأفكارك الروعه
بس يوم كملت لو كتبتي معها اسماء الشعراء حفظ للحقوق الأدبيه
دمت بووووود

[ليــن القســا]

تسلسل رائع وعذوبة معان
لاعدمنا هذا العطاء عزيزتي ..

[بخيت محمد الدوسري]

[align=center]
ما هي حسافه واعتبر دمعتي ديـن



ورده ويحمل وزرها مـن قطفهـا


القصيده كلها رائعه لاكن ذا البيت لفت انتباهي ليتني اعرف من قاله


ويعطيك العافيه فخر اهلها ودمتي متألقه

[فخر أهلها]

تمت اضافة رابط الموضوع كي يتسنى للجميع معرفة اصحاب الابيات

[محمد بن ضاوي]

حقيقه قصيده قمه

صحت الالسن ولاهنتو يامبدعين غرابيل

تسلمين فخر على هالمجهود الرائع

[لذيــــــــــذ]

تنسيق رااائع ...
ومجهود اروع ...
يعطيك العافيه فخر اهلها ...
مع اني ما اعتبر نفسي شاعر ...
لكن مشاركة الطيبين تزيدني طيب ...
يسلمووووو ...

تحيتي ...

[مشعل الثبيتي]

الله الله الله الله الله الله الله الله الله


من جد رااااائعه





وتمنيت أني شاركت فيها



بس للأسف ماحالفني الحظ ..



أخوك


مشعل @@

[(شايع الشايع)]

شكرا على المجهود يا فخر اهلها والمنتدى

تحياتي

[كاسب العز]

ابدعتو مجهود رائع

صحت السنتكم وقلوبكم جميع

[غلا أبوها]

صح لسان كل من كتب فيها

وبيت عبد الله عجبني


مـــــع الـســلامــه يـــــا وعــــــود الـمـحـبـيــن

وروحـــي عـلــى فــرقــاك تـعـلــن اسـفـهــا



تسلمين فخر ع القصيده القطه بين شعراء غرابيل

<~~ ماتقصد شي

[مفرح بن مناحي]

الله الله

صحت لسان كل من شارك في هذه الرائعة

قرأتها وشعرت أن شاعرها واحد

عمل جميل

شكراً فخر أهلها

[النوري]

شكرا يافخر

شكرا لكل من ابدع وشارك

وانتبهوا لحفظ الحقوق فعلا تراني لقيت القصيدة الاولى فمنتدى القوافل مكتوب الشاعر مجهول

فسجلت وكتبت موضوع بان القصيدة لشعراء غرابيل وانا من ضمنهم وعدلواالجماعة ورحبوا

الابيات روعه وعجبني:.


النفس طابت والمعانـي دواويـن
والقلـب يكتـب والحنايـا شغفهـا
ياكودها لاغـاب سيـد المزاييـن
عــذب السجايــا يابقايــا ترفهـا


<<مغرورة هههههه


والله كلكم جزلين

[بدر]

صحت السنة الشعراء جميع

[صايب عريقات]

يعطيك

الف عافيه

[§ شيـ بس عسل ـنـه §]

صح لسان شعراء غرابيل

تحفه ادبية فاخرة و مشاعر صيغت بجمال

[محمد الجبريني]

صحة السن جميع الشعراء المشاركين في نظم وابداع النص السابق




وعنوان القصيده
واررروع ابياتها
:وردة:



لاهنتي اختي فخررر أهلها على النقل
والتنسيق والاخراج مشكوووره
تقبلي تقديررري

[أيمن]

يعطيك العااااااافيه

وصح لساااان قايلها

تحياتي

[وصل وجفا]

وعليكم السلام ورحمة الله وبركاته
بارك الله فيك مشرفتنا المتألقة فخر أهلها على هذا التنسيق الجميل
والفكرة الرائعة كما اشكر كل شعرائنا المساهمين في هذه القصيدة الجميلة
وصح لسان الجميع .
اعتذر عن تأخري بالحضور والعتب علي
تمنياتي للجميع بالتوفيق والنجاح

[محمد سالم الهاجري]

والله اشكركم جميعا

على ها القصيده ونااا والله فاتني القطار

بس موب مشكله

كفيتوووو ووفيتووو

[فخر أهلها]

شكرا لكل من مر من هنا

واللي فاتتهم هالمره الوعد قدام :)

تحيتي للجميع

[أبوعبدالرحمن]

صحت السنة الشعراء جميع

والله يعطيك الف عافية يافخر اهلها