فتاه تقدم 60 ألف ريال للجنة تكافل بحثاً عن عريس [الأرشيف]

صالح الروقي

21-03-2010, 12:39 PM

http://www.slaati.com/inf/newsm/11045.jpg الدمام (صدى) :

في سابقة هي الاولى من نوعها، قدمت فتاة مبلغ 60 ألف ريال للجنة التكافل الاسرية بإمارة المنطقة الشرقية صباح امس تطلب من خلاله تزويجها لعريس ذي دين وخلق بعد أن رفض والدها تزويجها.

أوضح ذلك رئيس اللجنة الدكتور غازي الشمري وقال: إن الفتاه أوضحت انها من قبيلة معروفة وتتمتع بمواصفات الزوجة المثالية ولا ينقصها الا العريس.

مشيراً إلى أن هذا دليل عفة وطهارة الفتاة في طلب الستر في تقديم مهرها محذرا الآباء من التحجير وعضل بناتهن وأخذ العبرة من الخليفة الراشد عمر بن الخطاب رضي الله عنه عندما عرض ابنته على بعض صحابته. مبيناً أن اللجنة ستتعامل بشكل سريع مع طلب الفتاة.

....................

الله يرزقها بالزوج الصالح
ويرزقها العفاف

غـــربة الــروح

21-03-2010, 01:33 PM

طيب يالله شدو الهمة يا شباب غرابيل

الحين تسابقوا عليها لعلكم تاخذون اجرها

الله يرزقها الزوج الصالح العزابي عشان ما اضر الزوجات بضراير

دوسرية

21-03-2010, 02:11 PM

الله يرزقها ويرزق الجميع يارب

لكن حكاية انها تدفع 60 ألف قهر

الله يهدي أبوها بس..

يعطيك العافية أخوي ولاهنت على الخبر..

محمد بن ضاوي

21-03-2010, 02:47 PM

الله يرزقها الزوج الصالح ويسترها دنيا واخره هي وجميع بنات المسلمين

كثير اشياء مافيها شي ولاتتعارض مع الشرع ولكن زينة المرأه حيائها ولو انها فكرت من ناحية المستقبل ورغبتها بوجود ابن يقوم بها اذا كبرت وتوفي وليها الحالي فيمكن يكون معها ... والله خير ولي

مرسي صالح على هالخبر ولا اوصيك ان كان لك قدرة اكسب الاجر دامك حي ترى الدنيا فانيه ومالك الا ماقدمت

الله يرزقها الزوج الصالح العزابي عشان ما اضر الزوجات بضراير

لا يسهر الليل الا من به ألم
,,,,,,,,,,,,,,, ولا تحرق النار الا رجل واطيها

ماشالله عليك ياغربه ههههههه على طول حسيتي باحساس المجتمع

<= مقهور عشان ماله نصيب من الدعوه ههههه

بـيـبـرس

21-03-2010, 02:57 PM

طيب يالله شدو الهمة يا شباب غرابيل

الحين تسابقوا عليها لعلكم تاخذون اجرها

الله يرزقها الزوج الصالح العزابي عشان ما اضر الزوجات بضراير
دحين ... انتي مالك ومال المتزوجين
طيب يمكن البنت توريدوو زوجا صالحا متزوجا ...
ويمكن تكون مخططه بالزواج .. من أخونا الجميلو جميل ...
لكن ايش نقول .. غير
صدق الشيخ مشلح بن بشت ... حـيـن قـال موجه كلاااموهوو الينا نحن معشر الرجالووو الطيبييين ...
احذروا من شيخة الحريم .. فقلبها دايما من صخرون وحديد ...
أسأل الله عز وجل أن يـرزقـهـا الـبـعـل الـصـالـح الذي تـنـجـب مـنـه ذريـة صـالـحـة مـن ذكـر وأنـثـى .. شـكـرا لـك يـا صـالـح
ولـك تـحـيـاتـي .

غـــربة الــروح

21-03-2010, 04:46 PM

لا يسهر الليل الا من به ألم
,,,,,,,,,,,,,,, ولا تحرق النار الا رجل واطيها

ماشالله عليك ياغربه ههههههه على طول حسيتي باحساس المجتمع

<= مقهور عشان ماله نصيب من الدعوه ههههه

رجل واطيها

صدقت يا بن ضاوي

انا مجرد كانت فكرة وكادت تنفذ لولا الله ثم ذكاء غربة الروح

ومع ذلك احرقتني حرق

اجل كيف اللي انحرق بنارها

الله لا يجعلني اشوفها لا في عدو ولا حبيب

كاسب العز

21-03-2010, 04:49 PM

الله يرزقها الزوج الصالح

صالح الروقي

21-03-2010, 04:52 PM

مرسي صالح على هالخبر ولا اوصيك ان كان لك قدرة اكسب الاجر دامك حي ترى الدنيا فانيه ومالك الا ماقدمت

هلا ابو ضاوي
مرسي على المرور
هههههه
وش رايك انت يابو ضاوي تقدم وتجرب

وبعدين انا وراك :)

تبي الصراحه الضاهر مالي قدره :) مير عندك انت يابوضاوي
ويمكن اتشجع بعدك بس لا توهقنا :)

نورت يابو ضاوي

تــآج

21-03-2010, 04:57 PM

غـــربة الــروح

21-03-2010, 05:23 PM

انا مجرد كانت فكرة وكادت تنفذ لولا الله ثم ذكاء غربة الروح

ممكن نعرف يا غربة وش سوويتي ومنكم نستفيد :11ab: :cool:

مع اني وآثقه انها ما راح تصير معي <~ أبو هثقه الي تبي تقطك بحر هههههههه

..

........

..

الله يرزقهاااا ويهدي والدهااا

سلمت صالح وحماك ربي من كل مكرووة

آعذب المنى

هلا وغلا بملكتنا

هذي يبي لها قعدة

ولا يمكن اقولها قدام الرجال عشان ما ينتبهون لها

لا تقولين لخصمك كيف بتهزمينه

ووقت زواج الرجل من وحدة ثانية اعتبرها حرب قامت بينهم

صراع بين الاثنين كلا يبحث عن طريقة لاسترجاع الآخر له

وكلا وذكاء الطرفين والحمدلله انا اللي انتصرت في النهاية

ولا تفكرين انها محاربة بمعنى محاربة

ولكنها طرق افهمك عليها بعدين عشان اكبر منك بيوم افهم منك بسنة

عشان كل بناتي دااخل وخارج المنتدى ينتبهون لها وينفذونها ان شاءالله

تــآج

21-03-2010, 05:51 PM

هلا وغلا بك يا مرقبتنا الحبيبة

شكلك يا غربة خطيرة هههههههه <~ وعسااك ياارب دووووووووم منتصرهـ

الله يزيدك يااارب و يسسسعدك مع تمنياتي لك حياة مستقرة آمنة

آحترامي وتقديري لك

صالح الروقي

21-03-2010, 06:14 PM

جدتي غربة الرووح

لا تحرضين البنات على رياجيلهم

ترى التعدد زين في هالوقت يقضي على العنوسه

:)

غـــربة الــروح

21-03-2010, 06:40 PM

جدتي غربة الرووح

لا تحرضين البنات على رياجيلهم

ترى التعدد زين في هالوقت يقضي على العنوسه

:)

ما اكون غربة ان ما علمت كل بنت كيف الطريقة

عشان ما يكون فيه تعدد

وخاصة بدون سبب مجرد تغيير

صالح الروقي

21-03-2010, 06:47 PM

:)

ترى فيه بنات يبون الزواج لاتقطعين رزقهم

سعود

21-03-2010, 07:01 PM

لو ساكنه بالرياض كان تقدمت لها

صالح تراها عندك بالشرقيه البنت لا تطير من يديك

ترى الفرصه ماتجي بالعمر إلا مره واحده فقط

وإذا مالك مزاااج

علم عمك ابو دااااااااااااب

الله يرزقها بالزوج الصالح الطيب اللي يحطها بعيونه ويسكر عليها

هذي تبحث عن العفاف حتى لو دفعت تحويشه عمرها

مشكور صالح على هيك خبريه غريبه أربكتني وان شااااب

تحية عطرة

صالح الروقي

21-03-2010, 07:44 PM

هلا ياسعود

حي هالطله

اول ماقريت الخبر على عمي
وقلت يالله ياعمي شد حيلك

قال اقول لك ياصويلح كل واحد يمسك مقروده لا يجيه اقرد منه :)

سعود ماهو عذر البعد
كان انت صامل ابد مالك غير من يوديك لهم
اركب على الباب الايمن محفول مكفول بس انت تقدم
حتى القصر ازهله عندي :)

بالفعل ياسعود ماعملت هالسواه غير تبي الستر والعفاف

الله يرزقها يارب ويوفقها

تحياتي لك ياسعود

وجن محمد

21-03-2010, 08:32 PM

الله يوفقها ويرزقها بالزوج الصالح

يعطيك العافية استاذ صالح

غلا أبوها

22-03-2010, 12:28 AM

الله يهدي آبوهااااا آصعب شي موقفها

وآهنيها ع شجاعتها

والله يرزقها بالزوج الصالح

غربة الروح يالبى قلبك و ماشاء الله عليك حافظتي ع زوجك ومنعتيه
آما آنا لو يقولي بس فكره بعافه بس ماراح آطلق بجننه هو وحرمته
ويبيلي آحافظ ع الي عندي ووخصوصآ
ان بنات يخطبوونه

يسلموو صالح ع هيك خبريه

سديم الفجر

22-03-2010, 12:45 AM

الله يرزقها الزوج الصالح

والستر والعفاف

يعطيك العافية

حسن1981

22-03-2010, 04:28 AM

الله يرزقها بالزوج الصالح اللي يدفع لها مو هي تدفع له
شـــــــكـــــــ وبارك الله فيك ــــــــــــرا لك

فهده

22-03-2010, 11:43 AM

الله يرزقها ذكر بالغ عاقل صالح ممشوق القوام

صالح الروقي

22-03-2010, 12:02 PM

فهده ولك بالمثل

بالعلم اني ماادري هي صح ممشوق ولا مرشوق :)

لؤلؤة الفرح

22-03-2010, 01:37 PM

الله يرزقها ذكر بالغ عاقل صالح ممشوق القوام

ههههههه ترا فهده :فوشي:
قالت: صالح :يعني افهم وخذهاااا

الله يرزقها الزوج المتدين ويلين قلب ابوها

محمد بن ضاوي

22-03-2010, 04:11 PM

ههههههه ترا فهده :فوشي:
قالت: صالح :يعني افهم وخذهاااا

يعجبوني الناس الذكيه ههههههههههههه

وحنا ياغافلين لك الله

صحيح الحريم يفهمون لبعضهم :مزون:

عونتكم مني انشالله الخبر ماينزله الا انا ويثبت شهر قابل للزياده ههههههههههه

صالح الروقي

23-03-2010, 11:52 AM

ههههههه ترا فهده :فوشي:
قالت: صالح :يعني افهم وخذهاااا

الله يرزقها الزوج المتدين ويلين قلب ابوها
هلابك اختي زارعة الريحان
انا كنت فاهم انها تقصدني :) لين قالت ممشوق بعدين حسيت انها سبه هههههههه ماهي مدحه هههههههههه

نورتي اخيه

صالح الروقي

23-03-2010, 11:52 AM

يعجبوني الناس الذكيه ههههههههههههه

وحنا ياغافلين لك الله

صحيح الحريم يفهمون لبعضهم :مزون:

عونتكم مني انشالله الخبر ماينزله الا انا ويثبت شهر قابل للزياده ههههههههههه
هلا ابو ضاوي
ان كيدهن عظيم ههههههههههههههههه
مدري وش اسم المثل مير اضن انه يقول ولد بطني يعرف رطني هههههههههههه
يعني هم بعضهم يفهم بعض سبحان الله
اقول ابو ضاوي لاتحرض انا مخلي لك المجال
انت جرب وانا وراك على طول :)
سلمت ابو ضاوي
مير السعه زينه وانا اخووووك هههههههههههههههه