~¤®§( لغز وينكم ياهل اللألغاز)§®¤~

[منيف الشلهوب]

السلام عليكم ورحمة الله وبركاته

حبيت اضيف فكره جديده مع المحاورات وهي اللألغاز لتغيير الجو

واللغز هذا سهل للغايه

طبعا اللغز مو لي بس اعرف حله

واللغز يقول :

أنشدك عن ورع ٍ على قلب رجال

- - - - - - - - - - ويسبق ظهور الورع صيحة بنيه

البنت صاحت من خطأ عايل ٍ عال

- - - - - - - - - - والورع من لونه تبين الجزيه

تقبلوا تحياتي

[سلوى]

لحظه بسأل جدتي وارجع

[منيف الشلهوب]

ههههههههههههههههههههههههه

ماهقوتي تلاقينها صاحيه هالحزه

لوووووووووووول

دامها جدتك عز الله ماحلت اللغز وانا اضمن لك هالشئ

واذا عرفتي الحل راح تعرفين ليش قلت لك جدتك ماراح تحل اللغز

مشكوره سلوى دوت كوم على حسن حضورك وروعة تواصلك

تحياتي

[طيف الوله]

امممممممممممم اعتقد المسدس والرصاص

لا تقول غلط يامنيف

[منيف الشلهوب]

افا والله طيف ماهي الهقوه

اولا اذا بغيتي تردين ردي بشعر لانك شاعره مانتي بسيطه

الشئ الثاني


0

0

0

0

0

0 للأسف خطأ ولانتي بحوله

طيف تراه سهلللللللللل مره فكري شوي وابصم راح تحلينه

تحياتي

[منيف الشلهوب]

طيف نسيت اقولك طبقي الحل على الابيات انا بصراحه فكرت بحلك مقارب لكن مو كل الابيات يطبق عليها

شوفي معي

أنشدك عن ورع ٍ على قلب رجال

كلامك صح لان المسدس يكون على صدر الرجال معلق

- - - - - - - - - - ويسبق ظهور الورع صيحة بنيه

هنا ممكن يكون صوت الرصاص هو صيحة البنيه بس مستحيل يكون الصوت قبل ظهور المسدس

البنت صاحت من خطأ عايل ٍ عال

هنا ممكن لانه وقت مشكله

- - - - - - - - - - والورع من لونه تبين الجزيه

هنا عاد وش تفسرين لون المسدس بلون الخجزيه والخطأ


انتظر عودتك محملت ٍٍ بالحل وهذه هقوتي فيك

[محمد الاسمري]

أمممممممم

:بفكر:

ما كنها صعبه وانا اخوك ..

لكن تراني وراك وراك لين أعرف الحل .. والله قلبت دماغي ..

وطيف صابت الهدف الا شي ..


سلمت يالقرم .. أعدك بالمحاولة ..

موضوع متميز يالغالي

تقبل كل التقدير والاحترام

[منيف الشلهوب]

هلا اخوي محمد الاسمري

مافيه شئ يصعب على شاعر بحجمك

انا اراهن ان الحل قريب منك

انتظر عودتك لاعدمتك

[طيف الوله]

شوف بجرب للمره الثانيه ولا تقول غلط<<<تبيها صح بالغصب


الورع كرت بجيب رجال ينقال

.........................إنه حكم في اللعب والبنت هيّه


الصافره وان كنت غلطان بالحال

.......................هات الجواب النفس طابت شويّه :تصفير: :تصفير:

:biggrin:

[منيف الشلهوب]

طيف الوله والحل بيديك مامال

- - - - - - - - - - حلك صحيح وصاب ميه بميه

ماخابت الهقوه على كل الاحوال

- - - - - - - - - - تدللي ثم أطلبي لك هديه

صح لسانك شاعرتنا طيف الوله

بس عاد ترى الهديه طقم شباصات من محل ابو ريالين :biggrin:

[طيف الوله]

ههههههههههههههههههه وليش الخساير مابي غير سلامتك يا مشرفنا

والشباصات اعتبرها وصلت

[محمد الاسمري]

ههههههههههههههههههههههه

سلمت يالذيب .. والله أنك صادق أنها سهله .. لكن انا رحت لبعيد

الاخت طيف .. :برافو::برافو::برافو: .. جبتيها .. يعطيك الف عافيه .. ومبروك طقم الشباصات <---- ماركة لازوردي:تصفير:

[منيف الشلهوب]

اعتذرت الاخت طيف الوله عن طرح لغز جديد لانها هي اللي حلت اللغز الاول

اللغز يقـــول


أنشدك عن عدة بنات تقافن

- - - - - - - - - - مكانهن في منزل ٍ بيناتي

لا جاهن الرجال لازم يروحن

- - - - - - - - - - خلن أماكنهن وهن راضياتي

وإن طالت الأيام لازم يعودن

- - - - - - - - - يبقن مع الرجال متجاوراتي

[طيف الوله]

يثبت الموضوع لاعطاء فرصه للشعراء للمشاركه

[أبوعبدالرحمن]

يمكن نجوم الثريا وقصدك بالرجال " الشمس "

[منيف الشلهوب]

هلا اخوي عشق ليل ياهلا بهالطله

مالك لواء وننتظر عودتك

تقبل تحياتي

[منيف الشلهوب]

بس مهب لازم يامنيف يمكن يفصلونه ويمكن يقاعدونه قبل ترجع النجوم مع التاج

هههههههههههههه الله يرجك بالامبراطور نتفت الرجال

بصراحه اجابه مذهله وبالصميم حتى ماخليت لي مجال اشرح اللغز للتوضيح

بيض الله وجهك ولاهنت

[طيف الوله]

منيف وين هدية الامبراطور هاه؟؟؟

ماشا الله عليك يالامبراطور صووووووووح<<<يقال انها عارفه الحل ايه هين

[منيف الشلهوب]

ههههههههههههه

طيف الوله على مين تلعبيها

اللغز كان المفروظ من عندك يعني الهديه من عندك http://www.sfsaleh.com/vb/images/smilies/biggrin.gif

ننتظر اللغز الجديد

تحياتي

[طيف الوله]

منيف

لا تتهرب من الهديه وترى الامبراطور موصيني استلمها عنه


وهذا اللغز ان حليتوه ابشرو بهديه من منيف


انشدك عن ضيفٍ بدار المعازيب

................الضيف يكرههم وهم يكرهونه


وإذا قلط يقلط على غير ترحيب

.................ضيفٍ من الزلات ما يأمنونه


يحتاج له في بعض الاحيان تأديب

.............وإن جا يغادر دارهم يمنعونه

[منيف الشلهوب]

ههههههههههههههههههههههه

طيف الوله وش السالفه كني صرت امكم ماغير الهدايا من عندي

ههههههههههه راح احل اللغز عشان اهدي نفسي

طيب وش رايك (( بالشيطان )) مع اني شاك انه خطأ لكن محاوله ماراح نخسر

[منيف الشلهوب]

الامبراطوووووووووووووووور

اقسم بالله انك فلته

تصدق عاد يوم قريت حلك عرفت اني ضايع بحلي

ما شاء الله

بصراحه الله يستر عليك من العين بس

من شفت اسمك بالموضوع قلت جابها الذيب

<<<< يهايط ما يندرى عن الوله يمكن يطلع خطأ

تحياتي لكم جميعا وفي انتظار حضور الطيف

[طيف الوله]

هههههههههههههههههههههه منيف

ياحظي حظاااه جاوبت غلت واحده بواحده


الامبراطور ماشا الله علاااك صووووووح واطلب هديتك من منيف وطلبتك ما تتردد وش نفسك فيه اطلبه انت تستاهل ومنيف يقدر



والحين دورك برطم هات لنا لغزون جديدون وانا بحاول احله عشان تجيب لي شباصات مثل منيف

[منيف الشلهوب]

هلا اخوي امبراطور اللالغاز

وش رايك بالدله


=====

طيف الله يرجك شفتي وش طلب الامبراطور كلها من تحت راسك

لو أكد عمري ماجبت ربع ماطلب

هههههههههههههههههههههه

[شيخ اااالشباب]

انا مادري الحق حل لغز امبرو ولا لا
فكرت فيه بس اللغز بالعربيه الفصحى وانتوا خابرين

مانهوى الأ الاغاز الشعبيه


بس عندي لغز بعد ماتخلصون انشاء الله اقوله لكم




شيخ الشباب

[أبوعبدالرحمن]

صفرا :بفكر:

وينشرب دمها :بفكر:

ونصفها معناه قمر ( مون ) :بفكر:



يمكن يكون الجواب هو الليمون


والله يستر لا يطيح وجهي مرة ثانية

[أبوعبدالرحمن]

:ياي: :ياي: :ياي:


والله وهقني بالماسنجر وقال لي صح :mad: :mad:

[طيف الوله]

:biggrin: كلكم غلت الحمد لله اجل انا بجاوب


القمح .....اعتقد صح برطم :احم:

[منيف الشلهوب]

بصراحه اخوي الامبراطور اللي عقدني

(( دمها في كل مله ))

مله المقصود فيها مله النار يعني الجمر او المقصود مله يعني ديانه

انتظر توضيحك وراح اعطي رمعه (( حبى القهوه )) البن

تحياتي

[مفرح بن مناحي]

الإمبراطور

حل اللغز يمكن يكون البرتقالة

لأن لو قسمنها نصفين يطلع شكلها مثل البدر

ولو قسمناها أجزاء يكون كل قسم منها على شكل هلال

عسى الحل صححححححححح

عاد تخبر الأيام هذي الناس طايرين بالبردقان خخخخخخخخ

[منيف الشلهوب]

دمها خلال في كل مله

بصراحه جت في بالي الكبد هي اللي حلال اكلها وهي نيه

هي اللي تعتليها المراره

رمعه وش حنا خسرانين

الله يرجك يالدب لا وتقول حله سهلد

واللي مجنني كل لغز نحطه تحله ما شاء الله عليك

لووووووووول :biggrin:

[طـيـف نـجـد]

مراحب

نقوووووووووول

الشماااااااااام

[مفرح بن مناحي]

الحل سلمى خخخخخخخخخخ

[مفرح بن مناحي]

نسيت اقول لك التفصيل اللي عن طريقه توصلت للحل ..

ما اسم لأنثى من بنات البشر ----- منبتها من يعرب من مضر ؟
حروفها أربعة قد كونت --------- فيها الأمان واضح للنظر

سلام

ونصفها داء عضال قاتل -------- وعكس نصفا مزيل الكدر

نصفها ( سل )

وعكس نصفها ( ام )

و إن قطعت ذيلها قد ترتقي ------- حتى تنال ما علا من وطر

الظاهر ان حنا نرقى على ( سلم )

وطبعها ناعمة في أصلها --------- تزدان بالطهر كذا بالخفر
ناعمة كذاك إن عكستها ---------- لطيفة الملمس مثل المرمر

عكسها ( أملس ) يعني ناعمة خخخخخخخخ

تحياتي

[نايفة شمر]

بشارك معكم


تفضلو اللغز :

ابنشدك عن بنت تحمل بنت وللبنت رجال يحملها
ورجالها مصدره من البنت والبنت من بنت مصدرها