يالله وين صرنا ...... معقول!!!!

[بسمة امل]

مساء الخير للجميع ................
الموضوع إللي حابه أتكلم فيه هو موضوع مهم بشكل كبير بس للأسف مالقينا إللي يهتم فيه
الإعجاب بين البنات ...........
ظاهره منتشره كثير وللأسف بما إني مازلت طالبه في المرحله الثانويه أشوف العجب أشوف أشياء كثيره عمري ماتوقعت إن في بنات بهالدنيا عقولهم صغيره لهالدرجه أعرف
إثنين يحبون بعض وحده ثالث متوسط والثانيه اولى ثانوي للأسف إللي في اولى ثانوي
ضيعت سنه من عمرها لجل .......؟ إللي اصغر منها كانت تداوم في الثانوي بس الكتب
ماتعرف على شو تحتوي وفعلا عادة السنه وكان خبر رسوبها يوم عيد بالنسبه لها والله
اتصور لو أمها أو أبوها تعبوا واحتاجوا إنها تتغيب عن المدرسه لمدة أسبوع مو أكثر
كان رفضت وقالت مستقبلي أهم وأولى .......
تجربه شخصيه .......
أنا والله ماأقولها لجل إني أشهّر فنفسي لا والله بس أبي أنال أجر كل من تكون غارقه في الحب والاعجاب وتصحى ........ حبيت معلمه في صف ثاني متوسط وهي كانت تبادلني
التقدير والاحترام بس سنه ثالث متوسط وفي يوم من الايام كانت عندنا حصة احتياط نادتني يافلانه تعالي عندي شوي رحت خرجنا عن الفصل قالت : أنا كنت خايفه من شيء بس للأسف صار سكت .. قالت كنت خايفه إني أتعلق فيك بس حبيتك وصرتي شاغله تفكيري
عاد انا يالله الدنيا لو وزعت عليها فرحتي ماوسعتني ........ المهم حبيتها وحبتني مكالمات
يوميا كنت أدق على جوالها وأتحمل أنا الفاتوره آخر الشهر كانوا أمي وأبوي وأخواتي
وخالاتي كلهم يعرفون أخواتي نصحوني ........ بس خلص صارت كل دنيتي كل الناس غلط هي الصح كنت أناديها (ميمه) ليت لساني انقطع قبل ماانطق هالكلمه لغير أمي ومسكينه أمي يوم أعرفت إن بنتها صار لها أم ثانيه ..........! مدري شبقول ؟؟؟؟؟؟
كانت هالمعلمه حريصه على مستواي إنه يكون عالي وفعلا أذاكر عشانها وطلعت من المتوسط بنسبة 99% ماشاء الله وطلعت الثانوي خفت العلاقه والترم الثاني اختفت من حياتي
ودمرتني وضعت وتعبت وجابت لي أمراض (الضغط . نقص السكر . حاله نفسيه)
تعبت بين المستشفيات والتحاليل آخر شيء قالوا عندها حالهنفسيه كل ماتضايقت ......
والحين آخر اخبارها مع وحده ثانيه ...........
أمي للحين مقدر أحط عينها بعيني رغم إنها مسكينه كل إللي ابيه والله بدون ماأطلب ألقاه عندي أول ما أزعل ألقى نفسي فحضنها ........آه يارب

تكفون ............ اتركوا الاعجاب واصحوا .شوفوا العراق وفلسطين والمسلمين

دعواتكم .......

[أبوعبدالرحمن]

صراحة ما عندي المعلومات الكافية لاناقش هذا الموضوع ,,


سمعت بالمثل " كل فتاة بأبيها مُعجبة "


ولكن لم اسمع عن اعجاب المعلمات بالطالبات ,,


وإن تطور الموضوع لما هو عليه الان من حب وعشق فهذه مصيبة نسأل الله السلامة وأن يهديهم إلى سراطه المستقيم ..


أختي دمعة المقهور ... يعطيك العافية

[منسدح وفاضي]

لاوالله صادقه الأخت دمعة المقهور

كثير الأعجاب وحالات كثيره انكشفت

والحين الكلام هذا ماهو مقتصر على الطالبات وبس:mad: إلا متزوجات وضبطت حالات أعرفها زين

بس نسال الله الهدايه لهم ونسال الله العافيه

تحياتي لكاتبة الموضوع على هذا الطرح الجريء

[نظـــرة أمـــل]

هلابك أختي دمعة المقهور وماذكرتيه في موضوعك من أمراض العصر الحديث وبصراحة هناك من يتحفظ عن ذكر تجاربه ولكن أنا أحيي فيك صراحتك في التحدث عن تجربتك مع هذا المرض الخطير ...

الأعجاب ظاهرة أنتشرت من وقت قريب فقط وخاصه بين المراهقات وحتى هناك من هم وصلوا الى الجامعة ومازالوا في غيهم وغفلتهم أختي الغالية قد نعذر المراهقة ونقول لديها أحتياجات نفسية وعاطفية قد لا يوفرها البيت فتبحث عنها في مدرستها أو صديقتها وبطبيعة الحال فأن الفتاة في سن المراهقة تفتقد المقدره على أستيعاب ماحولها وعلى أتخاذ القرار والتحكم في مايصدره عقلها من أفكار محموده وغير محموده فتصرف يصدر قبل التفكير وأيضاً قلت خبرتها ومعرفتها في أمور الحياة والمعنى الحقيقي لمايصدره قلبها من مشاعر وأحاسيس غامضة فبتالي لا تستطيع أن توجه هذه المشاعر بشكل صحيح فهي تحتاج لمن يوجهها ولكن المصاب في الفتاة التي بلغت سن الرشد وسن الفهم والوعي الذي يمكنها من كبت جماحها وميولها العاطفيه وصرف طاقتها العاطفية في أمور الخير ومع ذلك نجدها ترتمي في أحضان صديقاتها وتصل المسئلة للعشق والشذوذ والعياذ بالله...


موضوع رائع أختي وسأعود لأشاركك النقاش أن وجدتي فيني شخص يستحق مناقشته
بارك الله فيك ووفقك لمايحبه ويرضاه...