ثلاث سنيـــــــن 000

[فخر أهلها]

صباحكم رضا وسعاده

مشاعر بدون ترتيب ولاتنقيح ولا صور جماليه اظهرتها لكم ذكرى اليمه في مثل هذا اليوم

تقبلوها كما هي



YouTube - ‫ظˆط§ظ„ظ„ظ‡ ظ…ط§ ظٹط³ظˆظ‰ ط§ط¹ظٹط´ ط§ظ„ط¯ظ†ظٹط§ ط¯ظˆظ†ظƒ‬‎ (http://www.youtube.com/watch?v=yd2oeqkiWwY)



ثلاث سنين مرت ياحبيبي والحياة اقدار=ثلاث سنين مرت من غيابك جرحنا دامي
ثلاث سنين ياسرع الليالي والفلك دوار=ثلاث سنين واتخيل اشوفك يوم قدامي
ثلاث سنين واحزاني تعانق اصدق الاشعار=ثلاث سنين واحساسي يصارع موجه الطامي
رحلت ومابقى غير الهموم ورحلة التذكار=وصورة داخل الجوال ورقم بوسط ارقامي
عجزت اكنسل ارقامك ولو بتعذّب الانظار=بوسط القائمه لاجيت ابمسح ( ياقف ابهامي)
عسى الله يجبر قليبي وقلب الشايب اللي صار=يدور اخر اشعارك تبلل شوقه الضامي
وعسى الله يجبرك (يمّـه) يقوي قلبك المحتار=ويمسح دمعة بعينك لخدك سيلها حامي
ثلاث سنين تتردد ( ياعمّـه طالت الاسفار)=ولا ادري ويش ارد لها سوى ( يالغاليه نامي)
وذاك اللي ورث زولك يطرّي للسما مشوار=يقول (اشتقت له بابا) ابي جنحان باقدامي
ثلاث سنين مرت من وفاتك ياحلاة الدار=ثلاث سنين 00! ماصدق 00 ياليته بس باحلامي
عسى الله بس يجمعنا بجناته مع الاخيار=بظل الله معك نبقى ( نعيم وعز ) مترامي



ارق تحيه لكل من يمر من هنا

[سامي العطاوي]

اللهم آمين الله يجمعكم في جنة الفردوس الاعلى
فخر اهلها

صح لسانك ملايين ولا يكفوون
مبدعه بكل ماتعنيه الكلمه من معنى ولا هو شي جديد عليك
لله درك ولو انك دخلتيني جو حزن شوي
,

و يشرفني ان اكون اول من صافح هذه الدره

دمتي ودام ابداعك

[حلا ناسي]

الله يجمعكم في جنة الفردوس الاعلى
آميييييييييييين
الله يسعدك على السطور المنسابه تحمل بين طياتها
احاسيس وآهاتـ ... حنينـ

[قـيـسـ]

وجعتي قلوبنا مع هالصبح الله يهديك


مع ذلك والله معك حق الأخ ماينتعوض بس الواحد وش يسوي لازم يرضى بقضاء ربه ويحمد الله على كل حال

الله يرحمه ويرحم موات المسلمين

[بـنـت الايمان]

الله يجمعك باحبابك دنيا واخره ويوفقك يارب
صح لسانك شاعرتنا ابيات معبره بااحاسيك
المرهفه دمتي لنا يارب

[فهده]

رروعه روعه

فخر اهلك

صح لساااااانك مليوووون

سلمت يمناك

سلام..

[كنق المشاعر]

الله يلهمكم الصبر ويرحم موووووت المسلمين
مكتوب ومقدر

عشنا رووووعت الابيات
وحزن القاف
في قمت الرووووعه

الله يرحمه و موووتا المسلمين
اجمعين

[بندر النايف]

لقد شككت بأني فقدت الدموع وحاسة التأثر مما أسمع أو أقرأ ,,

واليوم أقرأ قصيدتك وكأن المفقود أعرفه ,,

أقشعر البدن وسآلت المدامع ,,

اللهم يا ودود يا ودود يا ودود يا ذا العرش المجيد يا فعال لما تريد أسكنه الجنة وتجاوز عنه
وأجعل قبرة روضة يرتاح بها ,,

وأجمع ذويه ومحبه في دار كرامتك يا حي يا قيوم ,,


,,,

,,,

,,,

فخر أهلها

أقسم برب البيت وليست محاباة أو مجاملة أنتي شاعرة متمكنة لأنكِ عيشتي القاريء مع أحاسيسك ,

أحسنتي وصح إلسانك بعدد ما صلى مسلم وكبر وحج البيت وأعتمر ,,

وجعلها الله آخر الأحزان عليكم ,.

دمتي بود

[ناصر أحمد الخريش]

الله يرحم امواتكم وامواتنا واموات المسلين ويجبر عزاكم والذكر الطيب يبقى صح لسانك يالمبدعة بكل حالاتك..

[نااايف الناايف]

غفر الله لجميع أموات المؤمنين والمؤمنات وصح لسانك فخر أهلها
قصيدة في غاية الروعة ولو أنها أدخلتنا في جو الحزن وهذا دليل على قوة ملكة شاعرتنا كتبتي فأبدعتي فالله درك

[أبوعبدالرحمن]

امين يارب

صح لسانك

ورحم الله اخوك والهمك نعمة الصبر والسلوان

[ساره البلوي]

اللهم آمين رحمه الله رحمه وآسعه...صح لسآنك عزٌيزتي..

[عبدالرحمن الحميدي]

فخر اهلها
الله يعوضكم خير وهذي حال الدنيا
تقبلي مروري

[صالح الشلوي]

الله يرحمه ويرحم اموات المسلمين اجمعين
شكرا فخر اهلها على الوفاء

[كاسب العز]

امين

صح لسلنك وقلبك

[سـامـيـه]

قمة الروعه والأبداع
صح قلبك ودام نبضك
..

[محمد بن ضاوي]

فخر اهلها ,,,,


الف صح لسانك ولاهنتي


قصيده غير ومشاعر غير

عسى الله يرحمنا ويتجاوز عنا ويرزقنا رضاه والجنه

[صالح الروقي]

اختي فخر اهلها

الله يرحم اخيك ويسكنه فسيح جناته

ويجمعكم به في جنات النعيم

انه عفوا غفور


بوح جميل وقصيده رائعه

صح لسانك مدد بلا عدد

اللمتي بها قلوبنا
ولكن جميل اننا نشاركك بها ماتعانين

مودتي وتقديري

[نواف الغلا]

الله يجمعنا بأحبابنا وبمن فارقونا . . هم السابقون ونحن لاحقون . . وقصيده عذبه . .

وتذكرت لي كم بيت حفظتها . . وكنت ارددها على فرااق من عز علي فراقه . .

يقول :


يارجم عديتك وعدابي البين = والقلب في راسك تبيح كنينه
الله لا يسقي مفاليك عاميين = ذكرتني راعي الطبوع الحسينه
وياونتي ياشين فرقا المحبين = وياعيني اللي من فراقه حزينه
وجدي عليها وجد راعي البعارين = امسى خلاوي والسرق حايفينه
او وجد من لحقوه طلابة الدين = صكة عميا القايله مقتفينه

http://www.alriyadh.com/img_s/d7/d7cdcc2e5b73dd1653f9e2ef1eefb528_w120_h100.jpg

[فرج الدهمشي]

صـح لسانك ... مبدعه دائما بحرفك

دمتي ودام نزف قلمك

[نورهـ]

الله يرحم أمواتنا وأمواتكم وأموات المسلمين ...

فخر أهلها ..صح لسانك على هذه الرائعه ..أبدعتي ..

[مفرح بن مناحي]

الله الله يا فخر أهلها

قصيدة حزينة .. ولكنّ الإبداع متواجد بها .. لأنك كتبتيها بصدق

بانتظار غيثك القادم

[فخر أهلها]

هلا سامي

صح بدنك كثر ملايينك ولاهنت

شهاده اعتز فيها

واعذرنا على الحزن اللي دخلته

تسلم على مرورك الراقي

[فخر أهلها]

الله يجمعكم في جنة الفردوس الاعلى
آميييييييييييين
الله يسعدك على السطور المنسابه تحمل بين طياتها
احاسيس وآهاتـ ... حنينـ



امين

هلابك حلا ناسك

والله يسعدكك انتي بعد

وشاكره تواجدك ويسعدني ان ماعندك مشاركه غير ردك ذا هذا دليل انها اثارت احساسك وخلتك تردين :)

تحيتي لك

[فخر أهلها]

قيسـ

اللهم امين الله يقبل منك

وشاكره تواجدك

[سالم الشلاقي]

فخر أهلها




الله يرحم ميّتكم ويبقي حيّكم
ومثل ماأنتي فخر لأهلك , أنتي فخر للمنتدى بأضمامك له
سلمت أناملك ودام إحساسك
اتمنى لكِ التوفيق وبإنتظار جديدك



تقبّلي
مروري

[فخر أهلها]

تغريد
آمين

صح بدنك ولاهنتي

اسعدني تواجدك

[(شايع الشايع)]

عسى الله بس يجمعنـا بجناتـه مـع الاخيـار

بظل الله معك نبقى ( نعيـم وعـز ) مترامـي

اميييين
صح لسانك
وعظم الله اجرك

[بعيد المراميس]

رحم الله موتاكم وموتى المسلمين واسكنهم فسيح جناته

فخر اهلها

انتي والابداع وجهان لعمله واحده ...فعلآ قصيده من ذهب

قرأتها عدة مرات ..

قصيده لاتمل بالرغم من وجود الحزن بين طياتها

الف صح لسانك

ومازال الشعر النسائي بخير بوجود امثالك


دمتي بخير

[فخر أهلها]

فهده

هلا بك وصح بدنك كثرها

شاكره مرورك

[مبارك الشلوي]

فخر اهلها

الله يجمعكم في جنة الخلد والفردووووس الاعلى

امين

مرثيه جميله ورااااايعه ابدعتي فيها
اسجل اعجابي
ودمتي كما تحبين

[ليما]

قصيدة كتبت بمداد من دم , ليقرأها القارئ وقد تجسد مشاعرها , وعاش أحزانها..
بالرغم من ملامح الحزن عليها ؛ إلا أنها حملت في طياتها إبداع الشاعرة ..

أختي الفاضلة فخر أهلها .. رحم الله ميتكم , وجمعكم به في جنة الفردوس (آمين)

[وليد بن محمد]

اللــه يرحمه ويغفر له
صــح لسانكـ يا فخر ولا اراكم الله مكروهاً
دمتِ بخير

[معدي اليامي]

الشاعره القديره

فخر ابوها

صح لسانك

اتت من القلب لتلامس القلوب

الله يرحمه ويرحم جميع اموات المسلمين

تحياتي وتقديري

[حسن1981]

لا هنت
وصح لسااااااااااانك
تقبل مروري ؛؛؛؛

[فخر أهلها]

كنق المشاعر

الله يقبل منك

وشاكره تواجدك العذب

[أريج الرياض]

ياوِيل قلبِي يآفخَرْ
كِل حَرْف خنجَرْ حزِنْ ..،
ادمِيتِي قلبِي
الله يسكّن غَاليكُم فسِيح جنّاته ويغفِر له ويرحمَه
ويصبّركُم علَى فرقَاهـ..
وتكُون آخر الاحزَان بإذن وآحد احد
لاهنتِي..؛

[نايفة شمر]

صح لسانك مليون ولا يكفون


اختك

نايفة شمر

[فخر أهلها]

بندر

يعطيك العافيه على مرورك الرائع وكلامك العذب ودعواتك تقبل الله منك

وشهادة اعتز بها

تحيتي لك

[اللؤلؤة]

يا سلااااااااااااااااام يا فخر قرات النص ثلاث مرات متفاوتات

وفي كل مره اعيش لحظات الحزن والأسى والذكريات الأليمه


صح صح صح صح لسانك ياغااااااااااااليه

والله يصبرك ويرحم ميتكم وموتى المسلمين


ودي وتقديري اللؤلؤة