ســلــمـان الامـل

[خلف الروقي]

السلام عليكم ورحمة الله وبركاته
قبل ساعتين بثت قناة العربيه
ضمن فقراتها الاخباريه خبر عن مواطن مؤمن
تعرض لحادث مروري قبل سنوات
وعاش في دولة التشيك عدة سنوات
لغرض العلاج الطبيعي حيث يعاني من اعاقه حركيه تامه
ثم تحسنت بعد ذلك حالته ورجع الى الوطن وافتتح المركز التشيكي
للعلاج الطبيعي والتاهيل..
انه المواطن سلمان الدعجاني الذي استفز مشاعري
لكي اكتب له هذه الابيات الكيبورديه التي لن توفيه حقه..



من يستفز الشعر بالعرض والـطول=فـي داخلي يلقى الـشكر والاشاده
يوم انهمر غيث الفكر باصدق القول=دمعي كتـبته فوق خـدي شهاده
من مانـظرته صرت تـايه ومذهول=ايمان فكر وقـلب سـاس العباده
سليم ياسلمان ما انته بمشلول=لانك صنعـــت من الاعاقه سـعـــاده
في داخلك صحيت لـك شخص مسئوول=من واقعك نال الفخر والرياده
في عتمة الغربه وفي ظرف كم حول=النور شعشع بالعمل والاراده
اعدت امل في شخص يأس ومقتول=على قوايم جسمه اعلن حداده
وامٍ طرفها بازرق الدمع مـكحول=جت تنتخيبك والطفل في مهاده
ورجلٍ شجاعٍ كان طيب ومفــتول=دارت حياته من سقط عن جواده
في بحر ياس العمر رسّـيت الاسطول=انقذت عالم بافتتاح العياده
تعيش ياسلمان ما انـته بمجهـول=شـخصن عظيم وتفتخربه بـــلاده
على سـريرالامس صابر ومحمول=واليوم امل للي موثق قـــياده

[ليــن القســا]

صح لسانك شاعرنا ..
شخص فعلا يستحق الإشادة ..
ولكم نحتاج لمثل هذا العزيمة والإصرار والطموح والعطاء
دمت بخير أخي ..

[بندر النايف]

أرحب أرحب شاعرنا

وهذا والله من طيبك يا طيب

وبيض الله وجهك على ذكرك لفعول الطيبين والناس الذين عندهم عزمية وحب لوطنهم

وشكرا لك

صح إلسانك مدد بلا عدد

[أبوعبدالرحمن]

لله درك

وصح قلبك وكلك

جزله ومن شاعر جزل


تحيتي لك

[سـامـيـه]

الشاعر خلف الروقي
ابدعت وامتعت
صح لسانك مدد
تقديري

[كاسب العز]

صح لسانك وقلبك

بيض الله وجهك

لاهنت

[قـيـسـ]

صح لسانك

[سامي العطاوي]

وعليكم السلام ورحمة الله وبركاته

خلف الروقي
صح لسانك ملايين وبيض الله وجهك
شاعر جميل ومواضيعك دائما هادفه
وانا من المتابعين لما تكتبه اناملك وتجود به قريحتك
دمت بهذا التميز لا عدمناك
تقبل اعجابي وتقديري

[محمد بن ضاوي]

في داخلك صحيت لك شخص مسئوول
من واقعـك نـال الفخـر والريـاده
,
,
,
الله ,, الله


وانت ايضا ياخلف شخص مسؤول وواعي وكتبت قصيده ساميه جدا

الف صح لسانك ولاهنت على هالرقي

[صالح الروقي]

صح لسانك يابو حمدان

بوح شعري جميل


مودتي وتقديري

[فهده]

خلف الرووقي

صح لسااانك مليون

سلام..

[خلف الروقي]

صح لسانك شاعرنا ..
شخص فعلا يستحق الإشادة ..
ولكم نحتاج لمثل هذا العزيمة والإصرار والطموح والعطاء
دمت بخير أخي ..


لين القسا مرور مشرف
اضاءه جميله
الف شكر
دمتي بكل خير

[ناصر أحمد الخريش]

صح لسانك وبيض الله وجهك شعور غير مستغرب من رجل باحساسك المرهف ايها الشاعر الصادق بكل احساس تقبل مروري بكل ود..

[فخر أهلها]

صح الله لسانك ولاهنت

ابيات اكثر من رائعه

هؤلاء الاشخاص هم فعلا من يستحقون ان تنحني لهم القوافي اجلالا

يعطيك العافيه انت وسلمان

بانتظار بوحك المقبل