صوتا كتمته ياعل الكل يوحونه ..!

[شـجن]

http://www.snnam.com/vb/imgcache/134.snnam.gif


جلست اهوجس واعيد الفكـر واكـره= واشوف فرق امس عن ذاليوم وشلونه
ولقيت دنياً تجـي بالعكـس مفتـره= ولقيت لي عالمٍ ما هيب ما مونـه
ما يسلم الواحد من النـاس بالمـره= لو كان يمشي الحالـه مـا يخلونـه
لا شافو المسلم اللي كـافٍ شـره= قامو يلفـون حولـه ليـن يوذونـه
لو سج من زر جيب الثـوب مـا زره= سوو هجومٍ على جيبـه يزرونـه
والله مـدري ورى ذالنـاس محتـره= كنه علـى روسهـم دايـم يشيلونـه
هم مكمن الضعف لاذمه ولا سره = بالضبط يعني ذممهم شبه مدفونه
ماتستوي الناس دام الناس مغتره = ذا منبع الطيب ولا ذاك من دونه
والنذل مهما حرصت وقلت بتبره= يضمر لك الكره وينوشك ردى خونه
ناسٍ تعلت وناس اصغر من البره = في نظرة اللي شكت لدار محزونه
من تجربة وقت من دنياي منجره= صوتا كتمته ياعل الكل يوحونه
وانا ادري الوقت مايصفى وله زره= واللي على قد حاله إتبلّوُنه

http://www.snnam.com/vb/imgcache/135.snnam.gif

[فخر أهلها]

حياك الله ياشجن

وصح لساانك مدد

عاد هم كذا وش تسوين مامعك الا تكتبين كم بيت غيرها مالك امل تغيرين شي :)

ابيات جميله وحقائق ابدا مو جميله ههههه

يعطيك العافيه ولاعدمنا تواجدك

[كاسب العز]

شجن

صح لسانك وقلبك

يعطيك الف عافية

[غـــربة الــروح]

والنذل مهما حرصـت وقلـت بتبـره
يضمر لك الكره وينوشك ردى خونـه


انشهد مهما سوينا له من خير
في النهاية يظل على طبعه النذل





من تجربة وقت من دنيـاي منجـره


صوتا كتمته ياعـل الكـل يوحونـه








يا حبيبة قلبي
صوت الطيب
غير مسموع اسألي مجربة
صوت القوة
له رنة عند المصفقين

صح لسانك مدد بلا عدد

[مالبـــورو]

شجن : وعزفك ... الشجن ..

//

من بين الاف الاعضاء هنا الذين رأوك سابقا أو استحليتي مكانة في قلوبهم أتيت أنا لأعانق الروح التي داخل جسد قصيدتك .. الممطره شجنا !!



لو سج من زر جيب الثـوب مـا زره

سوو هجـومٍ علـى جيبـه يزرونـه

والله مـدري ورى ذالنـاس محتـره

كنه علـى روسهـم دايـم يشيلونـه

هم مكمن الضعـف لاذمـه ولا سـره

بالضبط يعني ذممهم شبـه مدفونـه



بالضبط .. ألف مره وكره ..

//

شجن

لامستي الأفئده بهطولك ..

زرعتي أجمل الورود هنا وشممنا عبيرها ...


دمتي بروقان .. وشاي الربيع ..


مالبورو : مفيد للحكـــــمه !!

[بندر النايف]

إي والله ما تسلم من شرهم ,,

هذه الدنيا وهؤلااء هم الناس

وكل سنة هم أشر من السنة التي قبلها أو كما أخبر حبيبنا محمد صلى الله عليه وسلم ,,


أهلا بكِ يا شاعرتنا شجن وصح إلسانك بمدد من حج البيت الحرام وأعتمر ,.



ودمتي بود

[فرج الدهمشي]

السلام عليكم ورحمة الله وبركاته

الشاعره / شجن

قمه الأبداع والجزاله وبوح عذب ..

صح لسانك وبأنتظار ما يفيض به قلمك

دمتي بخير ..

[صالح الروقي]

الله عليك ياشجن
جبتيها على الجرح

وجعل صوتك ماينقطع يارب
لا زال الشعر النسائي بخير

مبدعه بحق

ولذا للصمت مع جمال حرفك حظور عزيزتي

دمتي ودام تميزك


ودي وتقديري

[ساره البلوي]

صحً لسآنك عزيزتٌي...

[بـنـت الايمان]

صح لسان شوجي خخخخخخخ اقصد شجن
ولاعدمنا تواجدك بهاالمنتدى المنبر الطيب

[سـامـيـه]

صح لسانك شاعرتنا وبيض الله وجهك
نص جزل 00
تقديري

[سامي العطاوي]

شجن

صح لسانك مدد
لا هنتي

[محمد بن ضاوي]

شجن ,,,

صح لسانك ولاهنتي على هالرائعه

حيل الله اقوى ياشجن ماباليد حيله


على فكره اعجبني تدليع حدا العضوات لك ههههههه (شوجي) :مزون:

[المغـيري]

صح لسانك ويعطيك الف عافيه
والله بصراااحه شهادتي بالقصيده مجروحه

والـنــذل مـهـمـا حــرصــت وقــلــت بـتـبــره

يضمـر لـك الـكـره وينـوشـك ردى خـونـه

والله عاد حيل الله اقوى ياشجن

[أبوعبدالرحمن]

مبدعه يا شجن


لله درك

وصح قلبك وكلك

تحيتي لك