قصيدة الجرح

[-@أميرالأحساس@-]

قصيدة الجرح


اللي بقى لـي مـع الأيـام .. وفّيتـه
والضيق لو ينهمـر تشربْـه وديانـي
ماهي كبيـره علـي والحـزن غنيتـه
وْلاهـي غريبـه إذا وقتـي تحـدانـي
الخوف -يا من نبشت القلـب وادميتـه
-لاعشت زهرة شبابك وانت وحدانـي!!
كم جرح خذْته من الأحبـاب.. ضمّيتـه
وجـروح قلبـي زكـاة لْحُـبّّ خِلاّنـي
مطعون؟ عاااادي ،، جفا الأقراب؟ داويته
تعبان؟ مبطي ،، ردى هالحظ؟ خاوانـي
صدمه؟ بسيطه ،، هَوان الحال؟ مرّيتـه
مقرود؟ أدري ،، وإذا حرمـان؟ عدّانـي
ما فـاح هـمّ ٍ لـك الله مـا تقهويتـه
ما مـرّ حـزن ٍ بغيـري مـا تبلاّنـي!
ياما ويامـا مـن الخـذلان .. عديتـه
إلا بصاحبْ .. بعد عِشـره تناسانـي!!
أزريـت لأنسـى غيابـه ليـن ناديتـه
والمـوت لامـن تجاهلنـي وجافانـي
وينه يجينـي .. وكـل عْتـاب كنّيتـه
ياليت يدري بعد فرقـاه وش جانـي!!
من كنت طفل ٍ وانا أرجـاه فـي بيتـه
شيّبت.. واثره على هالحـال خلانـي!
حتـى جنـاح العَتَـب لرضـاه ذليتـه
ماطِرْت بعده فـرح مـن ذلّ جنحانـي
يا قلب صبرك .. ترى كل شيّ سويتـه
ما كان أفضل من اللي كـان بإمكانـي
لو بيّ قـوه علـى الهجـران؟ خليتـه
لو بـيّ ذره مـن النكـران؟ يفدااانـي
الجرح أرحم .. إذا يرجع مـن أغليتـه
مجروح؟ فِدوه .. ولكن صعب وحداني!

[دفنت قلبي ~]

الجرح أرحم .. إذا يرجع مـن أغليتـه
مجروح؟ فِدوه .. ولكن صعب وحداني


اثاار الجروح باقية ...

سوف تلتئم الجروح .. باذن الله بعودة الحبيب الى حبيبة..


مشكور اخوي على كلمات الاكثر من رائعة

[كاسب العز]

امير الاحساس وكلك احساس

اختيار رائع

[بـنـت الايمان]

لاعدمنا احساسك وذوقك قصيده جميله جدا ومعبره باحاسيسها
شكرا لك امير الاحساس

[-@أميرالأحساس@-]

الجرح أرحم .. إذا يرجع مـن أغليتـه
مجروح؟ فِدوه .. ولكن صعب وحداني


اثاار الجروح باقية ...

سوف تلتئم الجروح .. باذن الله بعودة الحبيب الى حبيبة..


مشكور اخوي على كلمات الاكثر من رائعة

اتمنى أن تلتئم جراحك وتلتقي بمن تحبين
تقبلي اجمل تحياتي

[-@أميرالأحساس@-]

امير الاحساس وكلك احساس

اختيار رائع

اشكرك أخي الكريم على تواصلك
تقبل اجمل تحياتي

[-@أميرالأحساس@-]

لاعدمنا احساسك وذوقك قصيده جميله جدا ومعبره باحاسيسها
شكرا لك امير الاحساس

اشكرك على جميل تواصلك
تقبلي اجمل تحياتي