بعض العرب

[فخر أهلها]

من روائع الشاعر


عبدالله باتل الرشيدي


بعـض العـرب ماينعـطـى وجــه بالحـيـل


وإلـيا عطيـتـه وجــه صـار آلــك عـله


وبعـض العـرب مالـه سنـع لـكـن حلـيـل


بـالـضـبـط كــأنــك لا تـمـعـنــت ظــلـــه


وبعض العرب شقراء وشقراء مع الخيل


ماينـفـعـك لــــولا الــرمــوش الـمـظـلـه


وبعـض العـرب لا يعجبـك ثـرثـرت لـيـل


وبــاكـــر تـــــرى مـاقــالــك شـــــي لله


وبعض العـرب مرسـال مـدري مريسيـل


يـسـايـر الـعـالـم وهــــو حــاصــل لــــه


وبعض العرب يصلخ وينفـخ وهـو ريـل


وفــي زعـمـه انــه يفـهـم الـكـون كـلــه


وبعـض العـرب ماغيـر بـنـدق ودربـيـل


ومـنـيــن مــاهــب الــهــواء جـايــزلــه


وبعض العـرب يطلـع كمـا طلعـت سهيـل


ويـغـيـب نـجـمـه قــبــل دربــــه تــدلــه


وبـعـض الـعـرب يـذيـك بالـقـال والقـيـل


تجـلـس مـعـه سـاعـه والأخــرى تـمـلـه


نـذل وخسيـس يفصـل الـهـرج تفصـيـل


وإلــيـــا لـقــالــه طــيـــب" يـسـتـغـلــه


وبعـض العـرب منظـر وكشخـه وتحليـل


شـبـح بـحـال وحـــال" أخـــرى كـرلــه


لاشـفـت زولــه مــن خـيـار الرجـاجـيـل


وإلــيـــا عـرفــتــه مـاتـجـيــه بـمـحـلــه


وبعض العـرب ماضيـه ليـل" علـى ليـل


قــــد بـصــمــوه وصـــــوروه الادلـــــه


وبـعــض الـعــرب لا والله الا تـهـاويــل


مـهـمــا عــقــدت الـحـبــل لازم يـحـلــه


قــــد دربـــــوه ولـكــعــوه الـرجـاجـيــل


مــن قـبـل لا يصـيـر الـحــدث جـاهـزلـه


وكانـك شجـاع" روح حـارب أسرائـيـل


قــبــل الـيـهــود الــقــدس لا تسـتـحـلـه


وكـلـش يـهــون الا الـثــلاث الغـرابـيـل


الـمـهــزلــه والـمـسـكــنــه والــمــذلـــه


اعجبتني ونقلتها لكم

[صالح الروقي]

سلمت الايادي يافخر

انتقاء رائع

وشاعر جزل

صح لسان الرشيدي


تحياتي

[كاسب العز]

وبعض العـرب ماضيـه ليـل" علـى ليـل



قــــد بـصــمــوه وصـــــوروه الادلـــــه



وبـعــض الـعــرب لا والله الا تـهـاويــل



مـهـمــا عــقــدت الـحـبــل لازم يـحـلــه



قــــد دربـــــوه ولـكــعــوه الـرجـاجـيــل



مــن قـبـل لا يصـيـر الـحــدث جـاهـزلـه


فخر


اختيار رائع


من شاعره رائعه

تقبلي مرورى

[فرج الدهمشي]

وبعض العرب يصلخ وينفـخ وهـو ريـل


وفــي زعـمـه انــه يفـهـم الـكـون كـلــه

أنتقاء رائع وراق لي كثيرا

لك الشكر ..

[سامي العطاوي]

تسلم يدينك يافخر على النقل الرائع
اختيار جميل لشاعر مبدع

دمتي بخير

[نورهـ]

أختيار رائع ..يعطيكي العافية

[نواف الغلا]

مسآء // صبآح الخير يافخر أهلها . ...

أسعد الله أوقآتك بكــل خير . . اول مره اشوف الموضوع صراحه واعجبني . .

ولي مداخلااات . .اقصد مداخله . . على موضوعك الراائع والقصيده الـــ اجتماعيه التي تصنف الناس
وعندي بويتاااات كنت احفظها . . لأنها لابد نرددها كل يوم . . .كل يوم ...

يقولـــــ

:
:

يقول الشآعر :-

بعض البشر ودك على القلب ياطا
وبعض البشر ودك على الرأس تاطاه

:
:

ويقول آخر :-

بعض العرب ودك ترصه على القلب
وبعض العرب ودك ترصه بمشعاب

:
:

ويقول ثآلث :-

بعض العرب ودك تحطه بمخباك
وتظهر خشيمه كل ساع وتحبـه
وبعض العرب ودك تلخـّـه بمسحاك
وترجع عليه .. وكل ساع ٍ تلخه

:
:

بالمختصر الفيد :-

فخر أهلها : هل يمكنك التحكم في شعوركم تجاه الآخرين ؟

:
:

عذرا ًع الإطآله

:
:

دمتم بخير .

[فخر أهلها]

صالح هلا بك ومرحبا

يسعدني انها اعجبتك

ويسعدني مرورك الرقيق

[فخر أهلها]

كاسب هلا ومسهلا

حياك الله وشاكره تواجدك الرائع

[فخر أهلها]

فرج

حياك الله

يسعدني انه راق لك

ارق تحيه

[فخر أهلها]

سامي

مرحبتين حياك الله

تواجدك زاد من روعة الاختيار

تحيتي لك

[فخر أهلها]

نوره

حياك الله ونورتي

شاكره مرورك العبق

[فخر أهلها]

نواف الغلا

خلاص تعبت ههههههه

يبيلك رد لحالك انت وطويل *_^

لي عوده :)