نبذه عن مدينة الخرج..

[بدر]

السلام عليكم ورحمة الله وبركاته..

في الموضوع هذا حبيت اني اتطرق إلى مدينتي مدينة الخرج . مع اني الحين مااجيها إلا نهاية الأسبوع لظروف العمل .. بس انا ماهو اول واحد يكتشف إنها مدينة اللي يسكن فيه ويغيب عنها ولو يوم .. .يشتاق لها .

الموقع

تقع مدينة الخرج جنوب شرق العاصمة الرياض على بعد 80 كلم

المساحة

تقدر المساحة الاجمالية باكثر من 1,500,000 هكتار

الزراعة

تعتبر مدينة الخرج وبكل فخر اكبر مجمع للصناعات الغذائية كانتاج الالبان واللحوم والخضروات وغيرها من الكثير من المنتجات الزراعية .
وكثرة المزارع تؤدي إلى لطافة الجو وبرودته وخصوصا في ساعات الليل.

هبوط اول طائرة

تعد الخرج اول منطقة تهبط بها طائرة تصل الى المملكة على ارض السهباء عام 1362هـ

قصر الملك عبد العزيز رحمه الله

يوجد في الخرج قصر جميل للملك عبد العزيز رحمه الله يعد من النوذج الرائع للبناء القديم وهو الان تعمل له ترميمات ليعود له شكله الجميل

عدد السكان

يقدر عدد سكان الخرج في الاحصاءات الاخيرة باكثر من نصف مليون

المصانع الحربية.

يوجد في مدينة الخرج المصانع الحربية .. وهي من اكبر المصانع في الخليج حيث تهتم بجميع الصناعات الحربيه ..وشهدت صناعة اول دبابة سعوديه بايادي سعوديه .إضافة إلى تواجد اكبر قاعده جويه في الشرق الأوسط على ارض مدينة الخرج ..


وهذا الموقع يتكلم عن المدينه بشكل اوسع..

http://www.kharj.net/




واللي عنده زياده .. مايمنع..









اخوكم

بدر

[بدر]

الله لنا ...........بس

يعني ماحد رد .. شكلي قايل حاجة غلط....وإلا شئ.؟؟؟



ماعلينا ....



بدر

[][*+عجــايب+*][]

مجنـــــــــــونهــــــــ ـا

ألف ألف شكر لطرحك لهالموضوع واللي يتكلم عن مدينتي الغالية

بس للأسف اني ما أسكنها ,,,

والموقع هذا اللي عن الخرج مرة حلو الله يعطيك العافية

وعلى قولة المثل : الخرج خرجك ولا يكثر هرجك


بس لفت انتباهي خبر من الأخبارواللي هو..


فتحت الجهات الأمنية تحقيقاً واسعاً في محافظة الخرج صباح أمس بعد أن اقتحم مجهول أحد مطاعم «ماكدونالدز» وأشهر السلاح في وجه العامل ثم إحرق المطعم. وطوقت شرطة منطقة الرياض وشرطة الخرج موقع الحادث أمس، ونشرت سياجاً أمنياً حوله، ولم يسفر الوضع عن حدوث اصابات بشرية.


تدري أنا أشك بأحد الأعضاء انه يكون هو المجهول

ألا وهو













































عشق ليل






7
7
7
7
صيدوووووووووووه





وتحياتي لك أخوي بدر

اختك ,,,, عجوووووووووبة

[المفكر]

مشكوراخوى بدر مدينة الخرج مدينه جميله بسكانه ومزارعها

لى فيه اصدقاء واخوه

ومشكور مره ثانيه على هذا الموقع الجميل

[أبوعبدالرحمن]

ههههههههههههههههههههههههه ههههههههههههه

ههههههههههههههههههههههههه هههههههههههههههههههههه


ياحبي لك يامجنونها

لا ماقلت شئ غلط

بالعكس كل كلامك حلو

ومشكور على هالموضوع


وبعدين عجايب هذي قديمه

الحين الله يصلحك الخبر ذا من رمضان وتوك تدرين

لا ومسويه فيها خرجاوية :)


<< خرجاوي يجرح ويداوي

[بدر]

][*+عجــايب+*][
الله يعطيكي الف الف عافية على ردك الأكثر من رائع..بس عجووووبه المطعم اللي احترق هذا من زمان .. عاد تصدقين بعد مااحرقوه الإرهابيين .. شفت الدوريات عنده والمباحث وانواع التصوير قاعدين يصورونه . عاد انا من باب لقافتي وفضولي قلت ياولد خلني اوقف وماامداني اوقف إلا والعسكري ناقز بحلقي .. وش عند يالله حرك يالله طس لا توقف ممنووووووووووووووع .. والله واروح للبيت ويوم شفتها بقناة بالأخبار .. قلت هلا والله بغينا نروح فيها .. وإلا كان الحين تلقوني بجوانتيمالا..




المفكر
مشكور على ردك السلس .. ولباقته .. وتفاعلك معي ..




عشق ليل
العفو اخوي الغالي......... بس لازم تتقهوى عندي في البيت.....لازم ..




اخوك

بدر

[][*+عجــايب+*][]

طيب يا جماعة الخير أنا أدري ان الخبر قديم وشايفة تاريخة

بس لفت انتباهي بقوة وقلت يابنت الناس لازم تحطين بهارات خرجية على الموضوع

وما تحلى المواضيع إلا إذا تصافقوا الخرجيين





وأحلى تحية خرجية لكل من يقرا هالموضوع الحلو

اختكم الخرجية



عجــــــــايب

[مفرح بن مناحي]

أخي الغالي / مجنـ انا ـونها

مشكور على المعلومات الرائعة في مدينتا الغالية الخرج ,,

وكما ذكرت فهي مدينة عسكرية مهمة ,,,

وبدأت في النمو في السنوات الأخيرة ,,,,

ولعل من المعروف أنها منطقة زراعية ,, وتزخر بأصناف الخضروات وهي من

المصادر المهمة للإنتاج الزراعي ,,,

على العموم أخوي العزيز ,,, أنت وأخوي عشق ليل معزومين عندي ,,, وإذا تبون في

مطعم النافورة ما عندي مانع بس واحد منكم يحاسب :)

أشكرك لطرحك هذا الموضوع ,,, فجميع مناطق المملكة غالية على قلوبنا ,,

تحياتي لك

أخوك / سهم المنايا

[بدر]

مشكوووووووووورين جميعا على تفاعلكم معي ..........









وابيكم تتقهوون عندنا يوم ......... قولوا تم ..

عليكم الله ان تقولوا تم ........

تم





تم









ونطلع استراحه بالعفجة ........ وعقبها نروح نطعس ...........


وبعدين اعزمكم على عشاء في مطعم..................

7
7
7
7
7
http://www.kharj.net/khpic/0011.JPG





اخوكم


بدر الطويلعي ...