انا شـــاعر مني عضو نشيط

[محمد الجبريني]

صباح مساء الخيرر
كم بيت متواضعه وبسيطه
افضل ان تكون هنا لخصوصيتها الخاااصه.



مالي على اهل الجود فرض ومشاريط=لو حبهم انهك لحالي وسمه
لاشك (انا شاعر مني عضو نشيط) =واكتب جزيل الشعر ماشلت همه
الله مصلطني على الشعر تسليط =واقف بجزل الشعر لأكبر مهمه
ادعس على روس الحيايا المراقيط=واكسر لناب الداب ماخفت سمه
عندي ترى المخيط باشعري مع الخيط =واللي ماهو عاجبه شعري يذمه
ياكثر من بالشعر يبغون تربيط =أخبول محداً يستحي فوق دمه
جميع شعار الحداثه مهابيط =وكلٍ يقول الشعر في وسط كمه
والشعر لهل الشعر ماهو خرابيط =ومامنكم اللي سار صوبه ويمه
ماتكتبون الشعر ياهل الشخاميط =وش لون جزل الشعر يكسر بضمه
وماعندكم بالشعر فكراً وتخطيط =واشوف انا بخشومكم فيه زمه
وانا اكتب الجزلات من غير تنقيط =هذا كلام الحق والصدق ذمه
بكره تراكم عن يساري مصافيط=وهرج الرجال العاقله في متمه
وانا ترى بشعري طويل المشاحيط =ومن هو تعرض في طريقي بطمه
لايالضعوف تحسبون اني ابسيط =وانا اغرف اقوى الشعر من غزر جمه
ياملقطين الشعر وارداه تلقيط = زي من نوي بفعل الردى بنت عمه
تلحسو في غيبتي للمصاويط =وجزل القصيد انا زبونه وعمه
ان جيت كتفت القصايد مرابيط =يالله عذب الشعر فيني تتمه
احيان لا عصبت بالشعر ماحيط = ورميي بجزل الشعرماعليه غمه
اصقطه على اللي اريد تصقيط =وارقى بشعري في على كل قمه
وشعل به اكبود البنات الفطافيط =وجنبه صدر الردى مايضمه
واليا بغيت اظبط الشعر تظبيط =واحفضه قبل القيه لحداً وصمه
وهف الرشا من لابغاني مع امقيط =والدلو مع كامل سواني مجمه