شرطااان الليـــــــــــــــــــــ ــــــــــالي

[ناصر أحمد الخريش]

عيدي شرطان الليالي وفكري بالماضيات


علها تكشف حقايق عن عيونك خافيه


وعلها توقض حنينن في حنايا الصدر بات


بات مابين المحاني الباردات القاسيه


يرتجف من كثر خوفه لاتموت الذكريــات


وتصبح بتالي زمانه ذكريات وماضيه


مالـها قيـمة ومعنـى ومالـها حتى حـلات


غير تقليب المواجع والطعون الداميه


ليا تذكر وقت وصلك والليال الفايتات


يوم كان الحب صافي والمودة صافيه


عايشن في حلم وردي بين علمه والسبات


الوكـاد أنه متـهنـي بالحيــاة الجــاريه


يوم نورك يوم وصلك كانوا أغلى الأمنيات


والفضل لك ياإلاهي تحقق أغلى أمانيه


لكن الدنيا عجيبة ودايره بكل الجهات


وقـــد مامـنها عطتني احرمتـني ثـانيه


آه من هذي الحياه اللي تدور بلا ثبات


وصادق اللي في وصفها قال دنيا فانيه

[كاسب العز]

صح لسانك

وبيض الله وجهك

كتبت فـ ابدعت

لاهنت

[بندر النايف]

إي والله دنيا فانية

وكم سؤال حائر لم يجد له إجابة يا صديقي ,,


صح إلسانك مدد بلا عدد فأنت من الشعراء الذي تربعوا على قمة الأدب والشعر ,.

[صالح الروقي]

جزل يابو احمد

صح لسانك مليوووووووووون
ولايكفووووووووووووون

والله انك صادق الدنيا فانيه كفى الله شرها

لك ودي وتقديري

[سـامـيـه]

صح فكرك يا ناصر على هذه الجزله

بدعت وابدعت

دمت بكل خير

[سامي العطاوي]

استاذي القدير/ ناصر احمد الخريش

صح لساااانك وبيض الله وجهك
حضور مميز ياناصر وشاعر مبدع

الله لايهينك على هالرائعه

ماهو مستغرب عليك الابداع ياناصر فانت مبدع بكل حالاتك
تقبل اعجابي واحترامي وتقديري

دمت بخير

[دفنت قلبي ~]

صح لسانك

باانظار قلمك

تحيــــــــــــاتي

[ماجد بن بصيص]

لكن الدنيا عجيبة ودايره بكل الجهات


وقـــد مامـنها عطتني احرمتـني ثـانيه
،
،
وكأننا في دائره مفرغه

صح لسانك

[فهده]

ناصر

صح لساانك ملايين

سلمت يمناك

سلام..

[نااايف الناايف]

صح لسانك أخوي ناصر ومبدع
في كل حالاتك ونتطلع لجديدك
تقبل مروري

[محمد بن ضاوي]

لكن الدنيا عجيبة ودايره بكل الجهات
وقـــد مامـنها عطتني احرمتـني ثـانيه
،
,

هذي حال الدنيا ياناصر ,, عسى الله يزين حظنا دنيا واخره ويرزقنا الايمان بما قدر لنا

,
,

ناصر احمد الخريش ,,,


الف صح لسانك ولاهنت

عندي ملاحظه بسيطه :
البيت هذا ماتطابق معي على لحن القصيده وخصوصا صدر البيت

ااااااااااه من دنيا (ن) تدور بلا ثبات
وصادق اللي في وصفها قال دنيا فانيه

ومره ثانيه صح لسانك ولاهنت

[ساره البلوي]

ااااااااااه من دنيا (ن) تدور بلا ثبات

وصادق اللي في وصفها قال دنيا فانيه

صحً لسآنك...

[ناصر أحمد الخريش]

صح بدنك ياكاسب العز مرورك عطر الصفحة

[ناصر أحمد الخريش]

صح بدنك يابندر الناايف شهادة اعتز فيها من رجل بقامتك شاكر لك المرور الرائع

[ناصر أحمد الخريش]

صح بدنك ياصالح الروقي وبيض الله وجهك مرورك رائع بكل ماتحمله الكلمة..

[ناصر أحمد الخريش]

صح بدنك أختي سامية شاكر ومقدر لك المرور الرائع ودمتي بخير..

[ناصر أحمد الخريش]

صح بدنك اخوي سامي العطاوي ولاجديد انت والابداع في كل مكان متلازمين حتى في مرورك وتعليقك..

[ناصر أحمد الخريش]

أختي البااارونه صح بدنك شاكر وقدر لك المرور الله يعطيك العافية

[ناصر أحمد الخريش]

أخوي ماجد بن بصيص صح بدنك مرورك رائع وعطر الصفحة لاهنت..

[ناصر أحمد الخريش]

أختي فهده صح بدنك شاكر لك المرور الاكثر من رائع الله يعطيك العافية..

[ناصر أحمد الخريش]

ارررحب يالنااايف يامرحبا مرور عطر الصفحة الله يبيض وجهك ولايهينك..

[ناصر أحمد الخريش]

يامرحبا يامحمد ابن ضاوي صح بدنك انتقادك محل التقدير وانت صايب فيه الله لايهينك تعديل البيت هو
ااه من هذي الحياة اللي تدور بلا ثبات وصادق اللي وصفها قال دنيا فانيه

[ناصر أحمد الخريش]

أختي سارة البلوي صح بدنك الله لايهينك على المرور الرائع..

[ناصر أحمد الخريش]

عيدي شرطان الليالي وفكري بالماضيات




علها تكشف حقايق عن عيونك خافيه


وعلها توقض حنينن في حنايا الصدر بات


بات مابين المحاني الباردات القاسيه


يرتجف من كثر خوفه لاتموت الذكريــات


وتصبح بتالي زمانه ذكريات وماضيه


مالـها قيـمة ومعنـى ومالـها حتى حـلات


غير تقليب المواجع والطعون الداميه


ليا تذكر وقت وصلك والليال الفايتات


يوم كان الحب صافي والمودة صافيه


عايشن في حلم وردي بين علمه والسبات


الوكـاد أنه متـهنـي بالحيــاة الجــاريه


يوم نورك يوم وصلك كانوا أغلى الأمنيات


والفضل لك ياإلاهي تحقق أغلى أمانيه


لكن الدنيا عجيبة ودايره بكل الجهات


وقـــد مامـنها عطتني احرمتـني ثـانيه


ااه من هذي الحياة اللي تدور بلا ثبات


وصادق اللي في وصفها قال دنيا فانيه

بعد التعديل..

[فخر أهلها]

يرتجف من كثر خوفه لاتموت الذكريــات



وتصبح بتالي زمانه ذكريات وماضيه



مالـها قيـمة ومعنـى ومالـها حتى حـلات



غير تقليب المواجع والطعون الداميه



الشاعر العذب ناصر


صح لساانك ملايين ابيات رائعه واحساس جميل




ولكن


اتفق مع محمد بن ضاوي بخصوص البيت التالي


ااااااااااه من دنيا (ن) تدور بلا ثبات
وصادق اللي في وصفها قال دنيا فانيه


ارى انه لايتفق مع الابيات السابقه من ناحيه


ومن ناحيه اخرى


الدنيا فانيه < ليست مقوله من البشر حتى نشهد بصدقها


قال تعالى ( كل من عليها فان )


وعز سبحانه ان يشهد احد من خلقه بصدقه

ارى ان تغير الشطر الثاني كما عدلت ساببقه



كل هذا لاينفي جمال القصيده وجمال شاعريتك


تقبل تحيتي

[ناصر أحمد الخريش]

صح بدنك أختي فخر أهلها مرور رائع محل الثقة والتقدير في كل الاحوال مرور عطر الصفحة تقبلي تحياتي...