لاح برق الشعر ياهل المعاني لاح لاح ،، بدون تحديد

[محمد بن دحيلان]

السلام عليكم

ياسلام الله عليكم والتحيه واحترامي
عد من زكا وحج ومن قضى شهر الصيامي
من تقدم مرحبابه عد وبال الغمامي
والنصيب يصيب والدنيا تجيب اللي تجيبه


لاح برق الشعر ياهل المعاني لاح لاح = والهجوس اراهيه راهين موالها
البدو ما تارد الا على عدن قراح=والخيول الطيبه ينعرف خيالها

[محمد السبيعي]

هلا وغلا يا بو مطلق

واستلم :

والبقا بك يا سمي الخير لك في الطيب عادة=طيب جدٍ نجتمع به عندي وعندك شهادة
وان لفانا الطيب مع راعيه نأمل بالزيادة=والنصيب يصيب والدنيا تجيب اللي تجيبـه

،،،،،،،،،،،،،،


لاح برق الشعر في ليلٍ يودع صباح=يا مساء الخير والقافلة بأحمالها
في زمان العولمة مع ظروف الانفتاح=عن خيول البدو بنشدك كيف احوالها

[أبوعبدالرحمن]

البدو ما تارد الا علـى عـدن قـراح
................ والخيـول الطيبـه ينعـرف خيالهـا

الله الله


في زمان العولمة مع ظروف الانفتاح
....................... عن خيول البدو بنشدك كيف احوالهـا

قمة الشعر في غرابيل مجتمعين هنا



استمروا فالجميع يتابعكم


تحيتي

[محمد السبيعي]

هلا وغلا بابو عبدالرحمن

وشهادة نعتز بها ومتابعتك تسعدنا

[فالح الشلوي]

ياسلام

البدو ما تارد الا علـى عـدن قـراح
...........................والخيـول الطيبـه ينعـرف خيالهـا

في زمان العولمة مع ظروف الانفتاح
......................عن خيول البدو بنشدك كيف احوالهـا

انا مبطي ماتابعت محاورة

والحين انا بين شعراء غرابيل الكبار متابع


لا هنتو واصلوا عساكم على القوه

[محمد الاسمري]

رائعين رائعين

جزلين يالشعار

واصلوووووووووو واصلووووووو

متابعين

[مشعل العتيبي]

هلا وغلا يابومطلق


حيه وحي ماجاب

هنا محمد يقوول

ياسـلام الله عليكـم والتحيـه واحترامـي =عد من زكا وحج ومن قضى شهر الصيامي


من تقدم مرحبابـه عـد وبـال الغمامـي = والنصيب يصيب والدنيا تجيب اللي تجيبـه

لاح برق الشعر ياهل المعاني لاح لاح=والهجوس اراهيـه راهيـن موالهـا

البدو ما تارد الا علـى عـدن قـراح= والخيـول الطيبـه ينعـرف خيالهـا

الله صح لسانك مليوووووووووووووون ولايكفووووووووووووون يابومطلق

محمد السبيعي هلا وغلا

هنا يرد محمد السبيعي

والبقا بك يا سمي الخير لك في الطيب عادة= طيب جدٍ نجتمـع بـه عنـدي وعنـدك شهـادة

وان لفانا الطيب مـع راعيـه نأمـل بالزيـادة=والنصيب يصيب والدنيا تجيب اللي تجيبه




،،،،،،،،،،،،،،




لاح برق الشعر في ليلٍ يودع صبـاح= يـا مـسـاء الخـيـر والقافـلـة بأحمالـهـا
في زمان العولمة مع ظروف الانفتاح= عن خيول البدو بنشدك كيف احوالهـا


صح لسانك مليوووووووووووون ولايكفوووووون يالسبيعي


متابع لقاء عمالقه

تقبلو منى ارق التحايا

[محمد بن دحيلان]

السلام عليكم

ياسلام ياسمي

الله الله

جزل يالجزل

استلم ولاتهون ومن حضر




للرجال اسلوم وانته تعرف اسلوم البداوه = واجب اترحّب تراحيب الصفاوه والنقاوه
لا تروّح سالفتنا طعم حالي يا حلاوه = والنصيب يصيب والدنيا تجيب اللي تجيبه



يا محمد لد عينك على علــط الرماح = ردّت العرجــا على القافله تبرالها
احسب ان اللي تعب فـ اول الوقت استراح = واثر دوبه يحسب اقصارها واطوالها

[مشعل العتيبي]

ابومطلق استاذ بكل ماتعنيه كلمة استااذ

صح لسانك ملييييييييييييييييييييييي يون ولايكفوووووووووووووووون

جزل جزل يابومطلق

يا محمد لد عينك علـى علـط الرمـاح
ردّت العرجـا علـى القافلـه تبرالـهـا
احسب ان اللي تعب فـاول الوقت استراح
واثر دوبه يحسب اقصارهـا واطوالهـا

متابع بحماس

[أبوعبدالرحمن]

احسب ان اللي تعب فـاول الوقت استراح
................. واثر دوبه يحسـب اقصارهـا واطوالهـا

الله الله


صحت قلوبكم ومستمتعين معكم

[محمد السبيعي]

عذب الأوهام
محمد الأسمري
مشعل العتيبي

لا هنتوا على الحضور والمتابعة ووجودكم يسعدنا

ولاهنت يا ابو مطلق ،، واعذرني على التأخير

واستلم


وش علام عيونك الحلوة تغشتها غشاوة=البس النظارة السوبر وتزداد الصفاوة
وفي كلا الحالات لاتزعل وتبشر بالرضاوة= والنصيب يصيب والدنيا تجيب اللي تجيبه

العرب تبغاك تنطح صياحٍ بالصياح=حكمةٍ مدري من اللي تجرا وقالها
،،،،،،،،،،،،،،

يوم جا الزلزال وارتجت هنوف وطنِّبت=بالصياح وشافت النور الحقيقي وِكْذِبت
قصةٍ مفتوحة البيبان والناس انشبت=والنصيب يصيب والدنيا تجيب اللي تجيبه



يا إله الكون سدد لنا درب الفلاح=واحمنا واحم البلد من غثا جهالها

[فالح الشلوي]

للرجال اسلوم وانته تعرف اسلوم البداوه
واجب اترحّب تراحيب الصفاوه والنقاوه
لا تروّح سالفتنا طعم حالي يـا حـلاوه
والنصيب يصيب والدنيا تجيب اللي تجيبه


يا محمد لد عينـك علـى علـط الرمـاح
........................................ردّت العرجـا علـى القافلـه تبرالـهـا
احسب ان اللي تعب فـاول الوقت استراح
....................................واثر دوبه يحسـب اقصارهـا واطوالهـا


صح الله قلبك وفكرك يابن دحيلان جزله من راس جزل

واصل الله يحييك

************************************************** ******************

وش علام عيونك الحلوة تغشتهـا غشـاوة
البس النظارة السوبـر وتـزداد الصفـاوة
وفي كلا الحالات لاتزعل وتبشر بالرضاوة
والنصيب يصيب والدنيا تجيب اللي تجيبه

العرب تبغاك تنطح صياحٍ بالصياح
...............................حكمةٍ مدري من اللـي تجـرا وقالهـا

،،،،،،،،،،،،،،
يوم جا الزلزال وارتجت هنوف وطنِّبت
بالصياح وشافت النور الحقيقي وِكْذِبـت
قصةٍ مفتوحة البيبـان والنـاس انشبـت
والنصيب يصيب والدنيا تجيب اللي تجيبه


يا إله الكون سدد لنا درب الفلاح
..................................واحمنا واحم البلد من غثا جهالها


صح الله لسانك يالسبيعي

عادتك كبير وحروفك جزله

وصل لا هنت متابعينكم

[طيف الوله]

محمدان السبيعي وبن دحيلااان جبلان والتقياااا

الف مليااار صحت قلوبكم

[محمد بن دحيلان]

السلام عليكم


طيب طيب

استلم




انت وش علمك طمرت الجرف قلّي يا سبيعي = هو طغى ولاّ محمّل فوق مالا تستطيعي
يالوداعه يخلف الله ما لقينا لك وديعي = والنصيب يصيب والدنيا تجيب اللي تجيب




السبيعي دوب سدّه مابين الناس باح = لا لقا له شجرةٍ ينسدح في جالها
البلا كله سبايبك يا حبوب اللقاح = ليت اهال المزرعه تستريح اشوالها











،،،
،،
،

[أبوعبدالرحمن]

صحت قلوبكم

ومازلنا نتابع ونستمتع

[محمد السبيعي]

الله .. الله
هلا وغلا

واستلم :

عملة جنيه الذهب وجهينها محدٍ جحدها = من عرفها ما جحدها لو جهل وجهة بلدها
وان جحدها من عرفها عودت في امر وادها= والنصيب يصيب والدنيا تجيب اللي تجيبه


البحر قدمك وخلك من اسلوب المزاح=وشجرةٍ فوقك وش انته بدون ظلالها


،،،،،،،،،،،،،،


من بحر وأغرف ولا اهتميت واقطرها قطر=والبحر دايم بحر ما يرجع رشاش وقطر
ومن جهل بعطيه وصفه تُوصِله دوحة قطر=والنصيب يصيب والدنيا تجيب اللي تجيبه


يا مراسيل البحر خبروه ان كان راح=موجة الارسال يحذر يعيد ارسالها

[محمد بن دحيلان]

ياسلام يامحمد

الله الله

صح الله السانك يامحمد ولاهنت



تقبل تحياتي وتقديري

[أبوعبدالرحمن]

:biggrin:


صراحة محاورة على مستوى راقي



مازلنا متابعين