لو العقارب تفقد السم .. تقرص ___ مصافحه أولى

[سالم الشلاقي]

السلام عليكم ورحمة الله وبركاته


تحيه معطّره بالورود لكل أعضاء المنتدى


أصافح قلوبكم بأول مشاركه لي , واتمنى أن تحوز على رضا الجميع
أترككم من الأبيات..


,,,


ياصاحبي كل ما بدالك سوّه=وماني على كل ماتسويه مختص
مايجاملك إلا جديد الخوّه=ومايعاتبك إلا رفيقً مخلص
الكبر مايمنحك عزم وقوّه=ومكانتك بعيون غيرك ترخص
خل التواضع فيك يشعل ضوّه=والإبتسامه تتسع ماتنقص
لاتجرح الناس بلفظ مفوّه=وعلى مشاعر من يودّك أحرص
شف هالبحر غدار رغم هدوّه=ولو العقارب تفقد السم تقرص
ياصاحبي وجه الزمان مشوّه=وأوقاتنا من باقي العمر تقتص
ماأعاتبك إلا من أجل الخوّه=وماينصحك إلا رفيق مخلص

[ابتسامة امل]

ماشاء الله عليك
يسلم راسك
قصيدة جميلة ونصيحة في محلها
اجمل مافي الشعر انه يكون معبر
وله دلالات سامية وهدف نبيل
وتوجيه فعال
اخلاقك وسمو روحك تتضح من خلال هذه المقطوعة البليغة
رعاك الله وسددك لكل خير

[محمد بن ضاوي]

سالم الشلاقي ,,,


صح لسانك ولاهنت وسعيدين بانظمامك لنا

ولكن اعذرني في نقل القصيده لكونها تحتاج الى مراجعة الوزن

بانتظار جديدك

[كاسب العز]

بارك الله فيك

لك مني أجمل تحية

تقبل مرورى

كاسب العز