المستشار
01-07-2004, 08:59 AM
عاااادي عاااادي جدا
يعني واحد فحط فحط فحط فحط <<<< خلاص
فحط في اختبارات الوزاره ونغف وحك شسمها ذي في الكرسي الين داخ
واخرتها النسبه 72% لا ومدرسه أهليه الله ابوكم مصاريه قريح
جلست بالساعات على النت انتضر النتيجة ماخليت موقع مادورت فيه حتى بالساحه ادور يمكنهم لافزين نتيجتي جنب تصريح للقاعدة ولاش كنت مخطط على الطب يعني قلت الطب اجيب انشالله نسبة 99.9% وادخل الطب بدون مااكلم احد يتوسط لي ولا شي <<<<<<< ياابن الحلال ماوراك الاا الضعوي لا تقعد تهايط بس
طلعت النتيجه ومثل ماتفضلت وقلت لكم في بداية الموضوع ان نسبتي صارت 72% فقط لا غير <<<< خبرك متعود على الشيكات
اخذت الملف العلاق وحشرته اربعين صوره حسن سيره وسلوك ومطارد من جامعه لكليه ومن مكتب لمكتب وكلهم يصرفوني اقصد يطردوني رجعت الضهريه وقلت يا ولد خلني امر الشميسي اخذي كم فلم ومنها اقردن راعي المحل يمكن يطلع لي افلام من تحت الطاوله <<<< ( يقصد افلام ثقافيه تخبرون ورانا عطله وسهر لاازم الواحد يتثقف ) قررت اروح الشميسي واناضر الا مافيه بنزين يلعن ابو هالموتر ياهو يشرب البلا يا في الموتر او بهالبنزين نعنبوا بليسكم اعبي ب80 <<<< ( اكثر من نسبتي ) ومايجلس يومين المهم قلت ياولد طف المكيف لا يقعد يصرف وافتح الدرايش وامشي يالله من فضلك براد وخضره ودوار ام سليم وش خليت .
وانا في ربوع الشميسي وامر من عند محل تسبده وتخش الريحه في صميم خشمي واوقف واناضر والسعابيل تتقوطر والعقال طاح والحاله صعبه قلت يا ولد مابدهاش كبده كبده وادخل على المحل واطلب لك صحن تسبده كبير وحبه شكشوكه صغير وشاي بالحليب <<< ( الجمعه هاذي اذا يجي معها حبيتين شطه وتاكلهم وتنام تصير بلاوي يعني احتمال بوش يداهمك لانك نووي )
وانا الى ادبغ بهالصحون الين ماعااد شفت دربي واطلع الموتر واروح للباكستاني واقردنه يبيعني اشرطه يوم قالي تعال الشقة حقتي واعطيك الى تبي ؟ قلت في نفسي الاشرطه تجي وتروح بس الشرف لا راح ما يرجع قلت له لا خلاص قسم بالله والله ماعاد ابغي شئ
واطلع واركب موتري وانا معرق وخايف وبنفس الوقت شبعان وحران لا ومشغل خبيتي بعد وانصى البيت واروح للغرفه وانوم على بطني من قوي الشبعه .
قمت من النوم اتولي وبطني يمهصني وجاني سهال ومساك بنفس الوقت وودي اطرش وحراره واصوت لاامي وتجي والله وتدهني بزيت(ن) دافئ وتعطيني مره وحلتيته وشوربه فيه حبه سوده وثوم <<<<<<<<<< حشئ نفاسيه الله يهديتس
ماش الوجع لازال والله وادق على ابيي قلت له خل الليموزين ومطامرك بهالاسواق وتعال ودني
ويجي والله ويديني مستشفي وقالوا عندك تسمم وينوموني ويطلعون معدتي ويموصونها وينضفونها ويرجعونها << نصااب المهم سوو لي غسيل معده ومغذي وبربسه وفلبينيات وحده رايحه ووحده جايه وترززها بوجهك اذا جت تشيل الزباله الى تحت السرير المهم وانوم عندهم يومين ويجي هاك اليوم الى مدري وش صاير بالمستشفي خبصه وحوسه وناس تصيح وناس تهابد وعادي يعني سعودي واطلع اتلقف الى ويقولون ان فيه ارهابين متوزين بالمستشفي دخلوا المستشفي ونتفوا لهم تختور امريكي وتوهقوا ماعرفوا يطلعون وانا الى تزق معي نعنبوا بليسكم لولا ثم هالتكاتره ماتعالجنا هم الى يعالجون ويحطون ويزينون واخرتها تقتلهم ياهالسمرمدي .
واخذ بالطوا واحط فيه مقصات وسكاكين واخذ عصا كنسه وسرير ابو كفرات واجيك مشوت مع هالممرات وانصا هالارهابين واتوطاهم وامسككهم واتيتهم ( هم كثيرين بس مالكم بالطويله المهم مسكتهم ) كل هاذا وانا على السرير ومشوت ومااقدرت اوقف الا على كرشت عسكري كان واقف يحتري الارهابيين يطلعون <<< يا حبي لك بس
والله ويمسكون الارهابيين وياخذوني انا ويودوني عند نايف ويعطيني هاك الشيك الى من كثر الاصفار الى فيه ان تصفر وصورتي بالجريده والتلفزيون وكل يوم مرتز بقناة حتى من الفسقه قلت لهم ابي رزان تسوي معي مقابله
والله وتتغير احوالي واخذ الملف العلاق واعلقه في كل مكتب من مكاتب مؤساساتي واشتري للشايب شركه لوموزين ابيه يركد بس ماعقل مايخلي عنه الدوران حول سوق ريمان . وهذي كل السالفه
انا اموت واعرف ليش تحطون مايستفاد عالعموم غيري مب احسن مني
1- الشغل مهب عيب بس لاتقعد تبربس ببالدراسه همن تجي تقول مالقينا جامعات مالقينا وظايف
2- التسبده ترا طيبه لاجت نص استوا بس نصيحه لاتاكلها الى من عند القرموشي وبس
3- اقطعوا الاتصال ترا الموضوع طويل ؟؟؟؟؟؟؟؟
باااااااي
سامحونا عالقصور والزود ولا النقص وماجانا منك الا الطيب طيب الله فالك واغناك الله وقهوه عامره <<<<
يعني واحد فحط فحط فحط فحط <<<< خلاص
فحط في اختبارات الوزاره ونغف وحك شسمها ذي في الكرسي الين داخ
واخرتها النسبه 72% لا ومدرسه أهليه الله ابوكم مصاريه قريح
جلست بالساعات على النت انتضر النتيجة ماخليت موقع مادورت فيه حتى بالساحه ادور يمكنهم لافزين نتيجتي جنب تصريح للقاعدة ولاش كنت مخطط على الطب يعني قلت الطب اجيب انشالله نسبة 99.9% وادخل الطب بدون مااكلم احد يتوسط لي ولا شي <<<<<<< ياابن الحلال ماوراك الاا الضعوي لا تقعد تهايط بس
طلعت النتيجه ومثل ماتفضلت وقلت لكم في بداية الموضوع ان نسبتي صارت 72% فقط لا غير <<<< خبرك متعود على الشيكات
اخذت الملف العلاق وحشرته اربعين صوره حسن سيره وسلوك ومطارد من جامعه لكليه ومن مكتب لمكتب وكلهم يصرفوني اقصد يطردوني رجعت الضهريه وقلت يا ولد خلني امر الشميسي اخذي كم فلم ومنها اقردن راعي المحل يمكن يطلع لي افلام من تحت الطاوله <<<< ( يقصد افلام ثقافيه تخبرون ورانا عطله وسهر لاازم الواحد يتثقف ) قررت اروح الشميسي واناضر الا مافيه بنزين يلعن ابو هالموتر ياهو يشرب البلا يا في الموتر او بهالبنزين نعنبوا بليسكم اعبي ب80 <<<< ( اكثر من نسبتي ) ومايجلس يومين المهم قلت ياولد طف المكيف لا يقعد يصرف وافتح الدرايش وامشي يالله من فضلك براد وخضره ودوار ام سليم وش خليت .
وانا في ربوع الشميسي وامر من عند محل تسبده وتخش الريحه في صميم خشمي واوقف واناضر والسعابيل تتقوطر والعقال طاح والحاله صعبه قلت يا ولد مابدهاش كبده كبده وادخل على المحل واطلب لك صحن تسبده كبير وحبه شكشوكه صغير وشاي بالحليب <<< ( الجمعه هاذي اذا يجي معها حبيتين شطه وتاكلهم وتنام تصير بلاوي يعني احتمال بوش يداهمك لانك نووي )
وانا الى ادبغ بهالصحون الين ماعااد شفت دربي واطلع الموتر واروح للباكستاني واقردنه يبيعني اشرطه يوم قالي تعال الشقة حقتي واعطيك الى تبي ؟ قلت في نفسي الاشرطه تجي وتروح بس الشرف لا راح ما يرجع قلت له لا خلاص قسم بالله والله ماعاد ابغي شئ
واطلع واركب موتري وانا معرق وخايف وبنفس الوقت شبعان وحران لا ومشغل خبيتي بعد وانصى البيت واروح للغرفه وانوم على بطني من قوي الشبعه .
قمت من النوم اتولي وبطني يمهصني وجاني سهال ومساك بنفس الوقت وودي اطرش وحراره واصوت لاامي وتجي والله وتدهني بزيت(ن) دافئ وتعطيني مره وحلتيته وشوربه فيه حبه سوده وثوم <<<<<<<<<< حشئ نفاسيه الله يهديتس
ماش الوجع لازال والله وادق على ابيي قلت له خل الليموزين ومطامرك بهالاسواق وتعال ودني
ويجي والله ويديني مستشفي وقالوا عندك تسمم وينوموني ويطلعون معدتي ويموصونها وينضفونها ويرجعونها << نصااب المهم سوو لي غسيل معده ومغذي وبربسه وفلبينيات وحده رايحه ووحده جايه وترززها بوجهك اذا جت تشيل الزباله الى تحت السرير المهم وانوم عندهم يومين ويجي هاك اليوم الى مدري وش صاير بالمستشفي خبصه وحوسه وناس تصيح وناس تهابد وعادي يعني سعودي واطلع اتلقف الى ويقولون ان فيه ارهابين متوزين بالمستشفي دخلوا المستشفي ونتفوا لهم تختور امريكي وتوهقوا ماعرفوا يطلعون وانا الى تزق معي نعنبوا بليسكم لولا ثم هالتكاتره ماتعالجنا هم الى يعالجون ويحطون ويزينون واخرتها تقتلهم ياهالسمرمدي .
واخذ بالطوا واحط فيه مقصات وسكاكين واخذ عصا كنسه وسرير ابو كفرات واجيك مشوت مع هالممرات وانصا هالارهابين واتوطاهم وامسككهم واتيتهم ( هم كثيرين بس مالكم بالطويله المهم مسكتهم ) كل هاذا وانا على السرير ومشوت ومااقدرت اوقف الا على كرشت عسكري كان واقف يحتري الارهابيين يطلعون <<< يا حبي لك بس
والله ويمسكون الارهابيين وياخذوني انا ويودوني عند نايف ويعطيني هاك الشيك الى من كثر الاصفار الى فيه ان تصفر وصورتي بالجريده والتلفزيون وكل يوم مرتز بقناة حتى من الفسقه قلت لهم ابي رزان تسوي معي مقابله
والله وتتغير احوالي واخذ الملف العلاق واعلقه في كل مكتب من مكاتب مؤساساتي واشتري للشايب شركه لوموزين ابيه يركد بس ماعقل مايخلي عنه الدوران حول سوق ريمان . وهذي كل السالفه
انا اموت واعرف ليش تحطون مايستفاد عالعموم غيري مب احسن مني
1- الشغل مهب عيب بس لاتقعد تبربس ببالدراسه همن تجي تقول مالقينا جامعات مالقينا وظايف
2- التسبده ترا طيبه لاجت نص استوا بس نصيحه لاتاكلها الى من عند القرموشي وبس
3- اقطعوا الاتصال ترا الموضوع طويل ؟؟؟؟؟؟؟؟
باااااااي
سامحونا عالقصور والزود ولا النقص وماجانا منك الا الطيب طيب الله فالك واغناك الله وقهوه عامره <<<<