أكمل العجز

[سامي العطاوي]

السلام عليكم ورحمة الله وبركاته

اخواني / اخواتي إعضاء منتدى غرابيل

هذه فكره ليست بجديده ولكن لقمع الرتابه والروتين واشعال هذا القسم
وإظهار مواهب الشعراء المبدعين كما ارجو من الاخوه المشرفين تثبيت هذا الموضوع



الفكره كالاتي

يقوم العضو / العضوه / بتقديم 6 أشطر من صدر القصيده ويطلب من عضو آخر يقوم بتحديد اسمه ان يتمها اي يتم العجز لتخرج بقصيده كامله مترابطه بقدر الامكان

اتمنى ان تكون اتضحت الصوره لديكم




في انتظار اول من سيبدأ
اتمنى لكم التوفيق

[أبوعبدالرحمن]

الله يعطيك العافية ياسامي

وفكره اتمنى يكون لها تفاعل من قبل شعراء غرابيل

وننتظر البداية

[سامي العطاوي]

الله يعطيك العافية ياسامي

وفكره اتمنى يكون لها تفاعل من قبل شعراء غرابيل

وننتظر البداية
ابو عبد الرحمن
الله يعافيك ولا يهينك راعي واجب
الله يبيض وجهك
لكن نبغى مشاركتك معنا لاهنت

ترىا ماراح نعذر اي شاعر ولا شاعره في غرابيل

[ليــن القســا]

فكرة جميلة ..ومبادرة رائعة أخي ..وجهد مشكور ..
بإنتظار تفاعل الشعراء ..
دمت بخير أخي .

[عيد سمران]

موضوع جميل وفكره طيبه جداً

باذن الله معكم

وبالتوفيق

ننتظر البدايه

[محمد بن ضاوي]

فكره اكثر من رائعه ياسامي


ننتظر واتمنى مايطول الانتظار :مزون:

[فايز ماجد]

الله يعطيك العافية

ياسامي على الفكرة الجميلة

وانا ببدا واختار محمد ضاوي

وبعد مايتم القصيدة بحط الشطر المفقود واسوي مقارنة

هو قاري افكاري صح وصديق صح والا انا بوادي وهو بوادي ومو فاهمني ههههههههههه




ماجنيت من الهوى غير التجنّي

ياحبيبي انت مـــــاتــــــدري بأنّي

كيف اخونك والوفا مخلوق منّي

الأمـــاني في غيابك أتعــــــــبنّي

أعشقك واكتبك وانته ممـــتحنّي

ماجدا شــــاعرك ياكود التمــنّي




تحياتي لكم

[سامي العطاوي]

فكرة جميلة ..ومبادرة رائعة أخي ..وجهد مشكور ..
بإنتظار تفاعل الشعراء ..
دمت بخير أخي .

لين القسـا

شكرا على المرور الله لايهينك اختي
دمتي بخير

[سامي العطاوي]

موضوع جميل وفكره طيبه جداً

باذن الله معكم

وبالتوفيق

ننتظر البدايه


عيد سمران

يامرحبا ومسهلا

وحياك الله

وجهز نفسك

دمت بخير

[سامي العطاوي]

فكره اكثر من رائعه ياسامي


ننتظر واتمنى مايطول الانتظار :مزون:



يامرحبا يابو ضاوي

نورت المتصفح الله لايهينك

حضور مميز كالعاده

دمت بخير

[سامي العطاوي]

الله يعطيك العافية

ياسامي على الفكرة الجميلة

وانا ببدا واختار محمد ضاوي

وبعد مايتم القصيدة بحط الشطر المفقود واسوي مقارنة

هو قاري افكاري صح وصديق صح والا انا بوادي وهو بوادي ومو فاهمني ههههههههههه




ماجنيت من الهوى غير التجنّي

ياحبيبي انت مـــــاتــــــدري بأنّي

كيف اخونك والوفا مخلوق منّي

الأمـــاني في غيابك أتعــــــــبنّي

أعشقك واكتبك وانته ممـــتحنّي

ماجدا شــــاعرك ياكود التمــنّي




تحياتي لكم
فايز ماجد
يامرحبا ومسهلا وحياك الله
نورت المتصفح الله لايهينك

وصح لسانك

وعز الله انك عنزت لك على كفووو

وبإنتظار رد ابو ضاوي

[سامي العطاوي]

الغالي عيد بن سمران استلم لاهنت

حدّيتني على الغلط وانت غلطان


حاولت امشيها معك قدر الامكان


بلاش من قول الخطأ طبع الانسان


تخطي وانا اجازيك دايم بالاحسان


مهما وصل حبك ليا حد الادمان


انهيك من قلبي ولو عشت باحزان

[ناصر أحمد الخريش]

فكرة رائعه يااخوي سامي العطاوي وهذي عادتك دائم مصاحب للروعه والابداع انا مشارك في فقرة اكمل العجز
اببدع صدور القـصيدة على ال ام
وبترك فراغ العجز مبناه امي
وبقــلد اللي مبدع الفكــره وسام
وبعـين اسمه بين كـل الاسامي
الصدر مبني والوعـد دوم قـدام
والعجز واقف في انتظارك ياسامي

سهرت ليل الناس في هجعه نيام

من وحـدتي مليت روتين الأيـام

مليت أعيش بواقع أضغاث الأحلام

على الرجا ناطر فرجها من العام

إلين بان اللي خفا بحبر الاقلام

اثرك فنا محتوم مع مـر الأيـام

وحدة وليل وغم وهموم والام

[سامي العطاوي]

ناصر احمد الخريش

يامرحبا وياهلا حياك الله

حضورك مميز لاعدمتك

تقبل مني هذه التكمله المتواضعه


سهرت ليل الناس في هجعه نيام
عيني بعد ماغاب عافت منـامــي
من وحـدتي مليت روتين الأيـام
ولا عاد به حاجه تثير اهتمامي
مليت أعيش بواقع أضغاث الأحلام
واحلام عمري تنهدم من امامي
على الرجا ناطر فرجها من العام
واضحك واسولف لكن الجرح دامي
إلين بان اللي خفا بحبر الاقلام
وبانت معالم ضيقتي من كلامي
اثرك فنا محتوم مع مـر الأيـام
لــكن تــقبل ضيــقتي واحترامي
وحدة وليل وغم وهموم والام
وش عاد باقي ياليالي غرامي

[ناصر أحمد الخريش]

لله درك ياسامي العطاوي شاعر مبدع بكل ماتحمله الكلمة من معنى صح لسانك اجدت فابدعت في فصولها,,

[سامي العطاوي]

لله درك ياسامي العطاوي شاعر مبدع بكل ماتحمله الكلمة من معنى صح لسانك اجدت فابدعت في فصولها,,

الله لايهينك ياناصر

صح بدنك وصح لسانك

وابياتك تغري اي شاعر وتدفعه للابداع
لله درك

تقبل فائق احترامي وتقديري

[محمد بن ضاوي]

وبعد مايتم القصيدة بحط الشطر المفقود واسوي مقارنة
هو قاري افكاري صح وصديق صح والا انا بوادي وهو بوادي ومو فاهمني ههههههههههه


00000000000000000000=00000000000000000000

وش ذا يافايز ؟؟؟ وانا اقول ليش حاجب الشطر؟؟ غير صالح للنشر :مزون:
بس ماعليك كملته بطريقه احترافيه عشان محد يفهم هههههههه
<= واحد مافهم الجمله صح هههههههههه



طيب ياخي حط قافية الشطر الثاني هههههههه على الاقل اكون حول القده ههههه


المهم يافايز هذي الابيات وترى كتبتها باحساس على فكره :مزون:




ماجنيت من الهوى غير التجنّي=رغم هذا راضي ٍ باللي جنيته

ياحبيبي انت مـــــاتــــــدري بأنّي=مابقى بي شي الا لك عطيته

كيف اخونك والوفا مخلوق منّي=ياكثر من يلتفت لي ما رأيته

الأمـــاني في غيابك أتعــــــــبنّي=يا أمل لازال ياحلمن رجيته

أعشقك واكتبك وانته ممـــتحنّي=واعشقك واكتبك واردد ياليته

ماجدا شــــاعرك ياكود التمــنّي=طالبك..!! وش عاد باقي ماخذيته.؟


وسلامتك وسلامة الجميع واشكر لك اختيارك لي

[محمد بن ضاوي]

سهرت ليل الناس في هجعه نيام
عيني بعد ماغاب عافت منـامــي
من وحـدتي مليت روتين الأيـام
ولا عاد به حاجه تثير اهتمامي
مليت أعيش بواقع أضغاث الأحلام
واحلام عمري تنهدم من امامي
على الرجا ناطر فرجها من العام
واضحك واسولف لكن الجرح دامي
إلين بان اللي خفا بحبر الاقلام
وبانت معالم ضيقتي من كلامي
اثرك فنا محتوم مع مـر الأيـام
لــكن تــقبل ضيــقتي واحترامي
وحدة وليل وغم وهموم والام
وش عاد باقي ياليالي غرامي



ناصر احمد ,, سامي العطاوي

والله مبدعين وفوق مستوى الابداع

قصيده رااااااااقيه جدا

صحت الالسن ولا هنتو

[سامي العطاوي]

فايز ماجد & محمد بن ضاوي



ماجنيت من الهوى غيـر التجنّـي

رغم هذا راضـي ٍ باللـي جنيتـه

ياحبيبـي انـت ماتـدري بـأنّـي

مابقى بي شـي الا لـك عطيتـه

كيف اخونك والوفا مخلـوق منّـي

ياكثر من يلتفت لـي مـا رأيتـه

الأمانـي فـي غيابـك أتعبـنّـي

يـا أمـل لازال ياحلمـن رجيتـه

أعشقك واكتبـك وانتـه ممتحنّـي

واعشقـك واكتبـك واردد ياليتـه

ماجـدا شاعـرك ياكـود التمنّـي

طالبك..!! وش عاد باقي ماخذيته.؟


الله الله

لله دركم يامبدعين وربي ابداع ولا ذكرك بالاسم الا وانت كفو

بس برضو انتظر المزيد

[سامي العطاوي]

[quote=محمد بن ضاوي;250608



طيب ياخي حط قافية الشطر الثاني هههههههه على الاقل اكون حول القده ههههه

[/quote]

ههههههههههههههههههه ماهو بشرط يابو ضاوي

[سامي العطاوي]

الاخ القدير والشاعر المبدع / ناصر احمد الخريش مع التحيه < مقدم معروض الاخ

استلم الله لايهينك
لك الحريه في اختيار قافية العجز

الحب مثل البحر ياويل من طبه

لا تنبش الجرح ثمّ اتروح وتكبه

وش لون بتعالجه وانت اصلا السبه

مازالت اجروح قلبي منك مشتبه

مجنون اسلمك قلبي لجل تلعبه

ياويل بعض الاوادم صدق من ربه

[قيـس]

فكره طيبه وموضوع مميز

يعطيك العافيه ياسامي وجميع الأعضاء

[سامي العطاوي]

فكره طيبه وموضوع مميز

يعطيك العافيه ياسامي وجميع الأعضاء

الاخ القدير قيس

المميز حضورك لاهنت

دمت بخير

[كاسب العز]

فكره رائعه فيها ابداع كـ عادتكم

متابعين بشغف كل ابداع من اقلامكم

لاهنتم

[سامي العطاوي]

فكره رائعه فيها ابداع كـ عادتكم

متابعين بشغف كل ابداع من اقلامكم

لاهنتم

استاذي كاسب العز

الرائع حضورك لاهنت

ومتابعتك شرف الله لايهينك

دمت بخير

[أنـ الذكريات ـين]

مشكور ياسامي
موضوع رائع..


أبدعتوا.. لا هنتوا..


متابعين..


تحيتيـ

[فخر أهلها]

فكره رائعه ياساامي

بس وين الفكره اللي قبلها :)

ماشاء الله عليك مبدع وشاعر رائع وصاحب افكار جميله

وصح لسانك والسنة كل من اتحفنا باحساسه في هذا المتصفح للامانه جميع الابيات رائعه

والله يبيض وجه راعي الفكره :)

وعني انا اطالب المسئولين من هذا المنبر ان تنضم للمشرفين < وش دخلك انتي هههه

الله يعطيك العافيه ياسامي ولاهنت

[منتوقة العنق]

فكره رائعه

لاهنت ياسامي

وصحت السنة الجميع

[فايز ماجد]

00000000000000000000=00000000000000000000

وش ذا يافايز ؟؟؟ وانا اقول ليش حاجب الشطر؟؟ غير صالح للنشر :مزون:
بس ماعليك كملته بطريقه احترافيه عشان محد يفهم هههههههه
<= واحد مافهم الجمله صح هههههههههه



طيب ياخي حط قافية الشطر الثاني هههههههه على الاقل اكون حول القده ههههه


المهم يافايز هذي الابيات وترى كتبتها باحساس على فكره :مزون:




ماجنيت من الهوى غير التجنّي=رغم هذا راضي ٍ باللي جنيته

ياحبيبي انت مـــــاتــــــدري بأنّي=مابقى بي شي الا لك عطيته

كيف اخونك والوفا مخلوق منّي=ياكثر من يلتفت لي ما رأيته

الأمـــاني في غيابك أتعــــــــبنّي=يا أمل لازال ياحلمن رجيته

أعشقك واكتبك وانته ممـــتحنّي=واعشقك واكتبك واردد ياليته

ماجدا شــــاعرك ياكود التمــنّي=طالبك..!! وش عاد باقي ماخذيته.؟


وسلامتك وسلامة الجميع واشكر لك اختيارك لي



هههههههههههههه


سبحان الله

وش توارد هالخواطر

خصوصا في الشطر الثالث


وهذي الابيات كما كتبتها


============


ماجنيت من الهوى غير التجني = منك ياللي ماتخلي هالظـــــــنون

ياحبيبي انت مــــــــاتدري بأني = واصل بحبك ليا حـــــــــد الجــــــــنون

كيف اخونك والوفا مخلوق مني = وكيف اشوف الغير وانته لي عيون

الاماني في غيابك أتعبني = ساهرن يوم الخلايق يرقدووووووووووون

أعشقك واكتبك وانته ممتحني = بالملام اللي يجي من كل لوووووون

ماجدا شاعــــــــرك ياكود التمني = ليتني من قوم مــــالايفعلــــون

======

تحياتي لكم

[سامي العطاوي]

مشكور ياسامي
موضوع رائع..


أبدعتوا.. لا هنتوا..


متابعين..


تحيتيـ

أنــ الذكريات ـين

الرائع حضورك لاهنت

شاكر لك حضورك ومتابعتك

دمت بالف خير

[سامي العطاوي]

فكره رائعه ياساامي

بس وين الفكره اللي قبلها :)

ماشاء الله عليك مبدع وشاعر رائع وصاحب افكار جميله

وصح لسانك والسنة كل من اتحفنا باحساسه في هذا المتصفح للامانه جميع الابيات رائعه

والله يبيض وجه راعي الفكره :)


الله يعطيك العافيه ياسامي ولاهنت

الاخت فخر اهلها
الرائع حضورك لاهنتي
والفكره اللي قبلها وافكار غيرها جايه ان شاء الله فالطريق
وصح بدنك ولا هنتي

لكن حضورك فقط لايكفي لازم تشاركين

دمتي بخير

[سامي العطاوي]

فكره رائعه

لاهنت ياسامي

وصحت السنة الجميع


الاخت منتوقة العنق

شكرا على المرور الله لايهينك
وصح بدنك
وننتظر مشاركتك حضورك فقط لايكفي

دمتي بخير

[سامي العطاوي]

استاذي القدير / محمد بن ضاوي

ارجو ان تتكرم وتكمل العجز

كان تنشدني عن اللي حصل هاك العلوم

والله ان الصدر ضايق وفيه من الهموم

اشهد ان الصبر ماعاد يقضي للزوم

وقتي اللي قام يرسل علي من السهوم

والله انه صدق فالناس معطى وامحروم

الدوام لوجه ربي وغيره مايدوم

[سامي العطاوي]

الاخت والشاعره المبدعه / فخر اهلها

استلمي الله لايهينك

واخســارة من تخلا عن رفيقه

لامشى كلٍ وروّح في طريقه

تذكر الله صار معكم بالدقيقه

الصديق اللي لياحسيت ضيقه

الحقيقه . والحقيقه . والحقيقه

الحياه بلاصداقه في حريقه

[ناصر أحمد الخريش]

الأخ سامي العطاوي مشكور على اتاحة الفرصة لتكمل العجز واااسف على التاخير...
والان استلم القصيدة بعد اكمالها المتواضع...
الحب مثل البحر ياويل من طبه
أسمع علوم الذي يون من مابه
لاتنبش الجرح ثم اتروح وتكبه
خله مغطى تحت مستور بثيابه
لاتقــول ابعـالجه مـدامي السبه
ولو كان يعنيك ماكنت الذي عابه
مازالت اجروح قلبي منك مشتبه
والله حسيبك مدامك كنت باسبابه
مجنون اسلمك قلبك لاجل تلعبه
والقلب فالوصل تاب وأعلن غيابه
ياويل بعض الاوادم صدق من ربه
في الموقف اللي يسلم كلن كتابه

[سامي العطاوي]

الأخ سامي العطاوي مشكور على اتاحة الفرصة لتكمل العجز واااسف على التاخير...
والان استلم القصيدة بعد اكمالها المتواضع...
الحب مثل البحر ياويل من طبه
أسمع علوم الذي يون من مابه
لاتنبش الجرح ثم اتروح وتكبه
خله مغطى تحت مستور بثيابه
لاتقــول ابعـالجه مـدامي السبه
ولو كان يعنيك ماكنت الذي عابه
مازالت اجروح قلبي منك مشتبه
والله حسيبك مدامك كنت باسبابه
مجنون اسلمك قلبك لاجل تلعبه
والقلب فالوصل تاب وأعلن غيابه
ياويل بعض الاوادم صدق من ربه
في الموقف اللي يسلم كلن كتابه


صح لسانك وبيض الله وجهك
والله انك شاعر وكفو لاعدمتك
ولو كملتها انا ماراح تطلع بهذا الجمال
لله درك
دمت بخير

[سامي العطاوي]

تعديل بسيط لكلمه سقطت سهوا

واخســارة من تخلا عن رفيقه

لامشى كلٍ وروّح في طريقه

تذكر اللي صار معكم بالدقيقه

الصديق اللي لياحسيت ضيقه

الحقيقه . والحقيقه . والحقيقه

الحياه بلاصداقه في حريقه

[فخر أهلها]

صح لسانك سامي وشاكره ثقتك واستلم

واخســارة من تخلا عن رفيقه
باع كل الصدق وايام الرفاقه

لامشى كلٍ وروّح في طريقه
قام يلعب به حنينه واشتياقه

تذكر اللي صار معكم بالدقيقه
ضحكه ودمعه مع شوية طفاقه

الصديق اللي لياحسيت ضيقه
اشعر بضيقه وهمه واحتراقه

الحقيقه . والحقيقه . والحقيقه
مانـسيته لويطــول في فراقــه

الحــياه بلاصداقـــه في حريقـــه
قالها من جرب احساس الصداقه

وسلامتك

[ناصر أحمد الخريش]

فخر أهلهااا..
صح لسانك أبدعتي باختيار قافية العجز وعدتي بابداع متناهي في مجاراة نسق القصيدة لاغرابه وأنت المتالقة دومااا بجانب الأخ العزيز المبدع بكل حالاته (سامي العطاوي)..

[سامي العطاوي]

صح لسانك سامي وشاكره ثقتك واستلم

واخســارة من تخلا عن رفيقه
باع كل الصدق وايام الرفاقه

لامشى كلٍ وروّح في طريقه
قام يلعب به حنينه واشتياقه

تذكر اللي صار معكم بالدقيقه
ضحكه ودمعه مع شوية طفاقه

الصديق اللي لياحسيت ضيقه
اشعر بضيقه وهمه واحتراقه

الحقيقه . والحقيقه . والحقيقه
مانـسيته لويطــول في فراقــه

الحــياه بلاصداقـــه في حريقـــه
قالها من جرب احساس الصداقه

وسلامتك

فخر اهلها
اشهد انك فخر لكل مكان تتواجدين فيه

صح لسانك ملايين
لله درك

وبيض الله وجهك ولا هنتي

ولايستغرب عليك الابداع

دمتي ودام وابداعك

[محمد بن ضاوي]

استاذي القدير / محمد بن ضاوي

ارجو ان تتكرم وتكمل العجز

حقيقه شرفتني ياسامي باسنادك هالمهمه لي وعساني اقدر بس اكمل هالصورة الجميله


استلم طال عمركـ ,,,

,

,

,


كان تنشدني عن اللي حصل هاك العلوم=لو ملامح وجهي تكفيك عن كثر الكلام

والله ان الصدر ضايق وفيه من الهموم=مالله العالم بما فيه لو وضعي تمام

اشهد ان الصبر ماعاد يقضي للزوم=خص لاصار السبب مايجينا بالنظام

وقتي اللي قام يرسل علي من السهوم=أتدرّا بالرضا منه يالله السلام

والله انه صدق فالناس معطى وامحروم=ربي بفضلك اجرنا من افضال الانام

الدوام لوجه ربي وغيره مايدوم=والسعيد اللي اكتفا بالحلال اعْن الحرام



وسلامتكم

[محمد بن ضاوي]

الحب مثل البحر ياويل من طبه
أسمع علوم الذي يون من مابه
لاتنبش الجرح ثم اتروح وتكبه
خله مغطى تحت مستور بثيابه
لاتقــول ابعـالجه مـدامي السبه
ولو كان يعنيك ماكنت الذي عابه
مازالت اجروح قلبي منك مشتبه
والله حسيبك مدامك كنت باسبابه
مجنون اسلمك قلبك لاجل تلعبه
والقلب فالوصل تاب وأعلن غيابه
ياويل بعض الاوادم صدق من ربه
في الموقف اللي يسلم كلن كتابه

ناصر احمد ,,, سامي العطاوي

مبدعين الله لايضركم ,, حقيقه ثنائي جدا رائع
تجربه ثانيه واثبتت نجاحها باحساس شعراءها



,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,,,,,,,,,,,,,,,


واخســارة من تخلا عن رفيقه
باع كل الصدق وايام الرفاقه

لامشى كلٍ وروّح في طريقه
قام يلعب به حنينه واشتياقه

تذكر اللي صار معكم بالدقيقه
ضحكه ودمعه مع شوية طفاقه

الصديق اللي لياحسيت ضيقه
اشعر بضيقه وهمه واحتراقه

الحقيقه . والحقيقه . والحقيقه
مانـسيته لويطــول في فراقــه

الحــياه بلاصداقـــه في حريقـــه
قالها من جرب احساس الصداقه

,,,

سامي العطاوي ,,, فخر اهلها


صحت الالسن ولاهنتو


حقيقه ابدعتو وامتعتو



,,,,,,,,,,,,,,,,,,,,,,,,,,,,,,,,,,,,,,,,,,,,,,,,,, ,,,,,


شكرا ياسامي على هالفكره اللي خلتنا نمرن القريحه شوي هههههه وبانتظار ابداع ثاني وثالث انشالله

ايضا فيه مشاركة اخوي فايز كانت جيده بطرحه لقصيدته الاصليه ومقارنتها بالقصيده الجديده

اجد الشي هذا فيه شي من التشويق ومعرفة مدى تطابق الافكار ورؤية كل شاعر للقصيده

[سامي العطاوي]

حقيقه شرفتني ياسامي باسنادك هالمهمه لي وعساني اقدر بس اكمل هالصورة الجميله


استلم طال عمركـ ,,,

,

,

,


كان تنشدني عن اللي حصل هاك العلوم=لو ملامح وجهي تكفيك عن كثر الكلام

والله ان الصدر ضايق وفيه من الهموم=مالله العالم بما فيه لو وضعي تمام

اشهد ان الصبر ماعاد يقضي للزوم=خص لاصار السبب مايجينا بالنظام

وقتي اللي قام يرسل علي من السهوم=أتدرّا بالرضا منه يالله السلام

والله انه صدق فالناس معطى وامحروم=ربي بفضلك اجرنا من افضال الانام

الدوام لوجه ربي وغيره مايدوم=والسعيد اللي اكتفا بالحلال اعْن الحرام



وسلامتكم
وانت سالم وغانم

صح لسانك وبيض الله وجهك
والشرف لي طال عمرك
وانت مبدع ولا يستغرب عليك
ولو كملتها انا ماجت بهالجمال
لله درك وبيض الله وجهك مره ثانيه


واشهد بالله ان الحي يحييك والميت يزيدك غبن

[فخر أهلها]

سامي صح بدنك ويعطيك العافيه تراك نفخت راسي الحين معاد اكلم احد :)

شاكره لك رقة عباراتك وتواجدك الاكثر رقه


واستلم لاهنت اذا وقتك يسمح كملها واذا مايسمح بكملها انا لانها جازت لي :)


وش جاك مني ياهوى البال قلي
لو يبتعد قلبك انا عاد من لي
ماجاك بعضي بس انا جيت كلي
كنت اقرب من الناس لاكنت ظلي
ماصنت عهدي يوم اناديك خلي
واليوم تكفى روح فارق محلي
ماعاد لك فالقلب لو ربع ملي

[ناصر أحمد الخريش]

ساااامي العطاوي ماشاء الله عليك امتحنت اعضاء المنتدى بكثرة الاستلامات بس ياليبك يالزااام...
صح لسانك ولسان محمد بن ضاوي
ابدعتواااااااااا
المهم متى بتسلم زامك ترانا ننتظر بفارغ الصبر تكميل العجز الموجه لك...

[سامي العطاوي]

الاخت فخر اهلها

استلمي واعذريني على القصور

وش جاك مني ياهوى البال قلي
عشان تهجرني وتنوي فراقي
لو يبتعد قلبك انا عاد من لي
الكون من غيرك ترىا مايطاقي
ماجاك بعضي بس انا جيت كلي
جيتك وانا كلي وله واشتياقي
كنت اقرب من الناس لاكنت ظلي
وكنت الك عن همك والاحزان واقي
ماصنت عهدي يوم اناديك خلي
كنت احسب انك شخص فاهم وراقي
واليوم تكفى روح فارق محلي
بعد الالم والحزن وش عاد باقي
ماعاد لك فالقلب لو ربع ملي
مير الوعد قدام يوم التلاقي

ومره ثانيه اعذريني على القصور

[قبلان الخمسان]

يعطيكم العافيه فكره حلووووه وانتم احلى

العجز ياليت يكون على اخه

قال اللذي فكره للمثال ينسخ

لادارهاجوس القصايد وله ضخ

ابي شجاع(ن)بالمثايل مشيخ

اخواني انتم وابوساهر لكم اخ

والحر ماصدوه بالقاع بالفخ

[سامي العطاوي]

يامرحبا يابو ساهر حياك الله

اعذرنا على التاخير والقصور

قال اللذي فكره للمثال ينسخ
من زود مافالراس طيب وطناخه
لادارهاجوس القصايد وله ضخ
جنبتها هرج الردى والمصاخه
ابي شجاع(ن)بالمثايل مشيخ
مناخ شعري ينطبق مع مناخه
اخواني انتم وابوساهر لكم اخ
جاكم بصدر ووقفة العجز اخه
والحر ماصدوه بالقاع بالفخ
والمرجله ماتجتمع بالدلاخه

واعذرني على القصور

[نايف العطياني]

الله اكبر الله اكبر

بيض الله وجهكـ يا سامي وكل من ابدع هنا عز الله شعار وجزاله فوق مستوى النقد

لاهنتو

احترامي للجميع

[ناصر أحمد الخريش]

صح لسانك أخوي سامي والآن مع التحية استلم مشكوراا هذا الصدر بكل ود..
فضلا لا امرا اعتمد القافية كما هي في البيت الاخير
ياحليلك من أول وأنا ياحلـيلي

ياللي سهرتك في الدجى طول ليلي

هديت حيل الحب هديت حيلي

اليوم بان في ناظرك جور ميلي
ياويل ويلي منك ياويل ويلي
يالعنبوك ارفق ترى جبت بي العيد

[سامي العطاوي]

الله اكبر الله اكبر

بيض الله وجهكـ يا سامي وكل من ابدع هنا عز الله شعار وجزاله فوق مستوى النقد

لاهنتو

احترامي للجميع
يامرحبا يانايف

وجهك ابيض الله لايهينك

[سامي العطاوي]

استاذي / ناصر احمد الخريش
صح بدنك والله لايهينك

وصح لسانك واعذرني على التاخير والقصور

وشرفتني باختيارك لاهنت

ياحليلك من أول وأنا ياحلـيلي
ياما على شان الغلا نقطع البيد
ياللي سهرتك في الدجى طول ليلي
لاعاد تطر الحب وتعيد وتزيد
هديت حيل الحب هديت حيلي
وش فايدة كثر السهر والتناهيد
اليوم بان في ناظرك جور ميلي
والحقتني بعد المحبه مناقيد
ياويل ويلي منك ياويل ويلي
يالعنبوك ارفق ترى جبت بي العيد

[ناصر أحمد الخريش]

صح لسانك ياسامي وبيض الله وجهك مبدع بكل حالاتك جبتها على الوتر وعزالله انك وافي من غير قصور في باقي الاعضاء أبدعت..

[قبلان الخمسان]

المبدع سامي الله لايضرك جزل ومتمكن

صح قلبك ولسانك مدى الحياة

ابوساهر

[سامي العطاوي]

صح لسانك ياسامي وبيض الله وجهك مبدع بكل حالاتك جبتها على الوتر وعزالله انك وافي من غير قصور في باقي الاعضاء أبدعت..
استاذي القدير / ناصر احمد الخريش
صح بدنك والله يبيض وجهك ولا هنت
لاعدمتك يابو احمد

[سامي العطاوي]

المبدع سامي الله لايضرك جزل ومتمكن

صح قلبك ولسانك مدى الحياة

ابوساهر
الغالي ابو ساهر
صح بدنك يالغالي والله لايهينك
شرفتنا بحضورك لاعدمتك

[فخر أهلها]

الاخت فخر اهلها

استلمي واعذريني على القصور

وش جاك مني ياهوى البال قلي
عشان تهجرني وتنوي فراقي
لو يبتعد قلبك انا عاد من لي
الكون من غيرك ترىا مايطاقي
ماجاك بعضي بس انا جيت كلي
جيتك وانا كلي وله واشتياقي
كنت اقرب من الناس لاكنت ظلي
وكنت الك عن همك والاحزان واقي
ماصنت عهدي يوم اناديك خلي
كنت احسب انك شخص فاهم وراقي
واليوم تكفى روح فارق محلي
بعد الالم والحزن وش عاد باقي
ماعاد لك فالقلب لو ربع ملي
مير الوعد قدام يوم التلاقي

ومره ثانيه اعذريني على القصور


الله الله ياسامي

صح قلبك وكلك وقبلهم كلهم لسانك وشاعريتك

اتوقع لو كملتها انا مابتطلع بهالجمال

شاعر اكثر من رائع وتجبر الجميع على متابعة ماتخطة اناملك وينسجه شعورك الراقي

احترامي ومتابعتي

[فخر أهلها]

استاذي / ناصر احمد الخريش
صح بدنك والله لايهينك

وصح لسانك واعذرني على التاخير والقصور

وشرفتني باختيارك لاهنت

ياحليلك من أول وأنا ياحلـيلي
ياما على شان الغلا نقطع البيد
ياللي سهرتك في الدجى طول ليلي
لاعاد تطر الحب وتعيد وتزيد
هديت حيل الحب هديت حيلي
وش فايدة كثر السهر والتناهيد
اليوم بان في ناظرك جور ميلي
والحقتني بعد المحبه مناقيد
ياويل ويلي منك ياويل ويلي
يالعنبوك ارفق ترى جبت بي العيد

ناصر الخريش وسامي صحت السنتكم ملايين

مبدعين للامانه

بس ماتلاحظون انكم مكوشين عالموضوع :)

فكره جميله ياسامي وتجاوب اجمل ياناصر

يعطيكم العافيه




قال اللذي فكره للمثال ينسخ
من زود مافالراس طيب وطناخه
لادارهاجوس القصايد وله ضخ
جنبتها هرج الردى والمصاخه
ابي شجاع(ن)بالمثايل مشيخ
مناخ شعري ينطبق مع مناخه
اخواني انتم وابوساهر لكم اخ
جاكم بصدر ووقفة العجز اخه
والحر ماصدوه بالقاع بالفخ
والمرجله ماتجتمع بالدلاخه


ابو ساهر وسامي ابدعتو وامتعتو صحت السنتكم

[فخر أهلها]

كني حنيت للموضوع

لذلك استلم ياسامي الظاهر مافي غيرنا متواجد بالقسم :)

ماباقي الا شوي والجرح يبرى
لو بعت قلبي روح لكنّ (حـذرا)
اصبرت لين القلب ماطاق صبرا
هجرك يهين الحب والحال خطـرا
بعيش وادري لازم الشوق يطرا
وان كان حن القلب لابد يضرا
زرعت حبك في حناياي بذرا
سريتني في ليل مافيه مســرى


وبس

[سامي العطاوي]

كني حنيت للموضوع

لذلك استلم ياسامي الظاهر مافي غيرنا متواجد بالقسم :)

ماباقي الا شوي والجرح يبرى
لو بعت قلبي روح لكنّ (حـذرا)
اصبرت لين القلب ماطاق صبرا
هجرك يهين الحب والحال خطـرا
بعيش وادري لازم الشوق يطرا
وان كان حن القلب لابد يضرا
زرعت حبك في حناياي بذرا
سريتني في ليل مافيه مســرى


وبس
هههههههههههههههههههههه
وش اللي وبس منزلتها وانتي معصبه ؟

[سامي العطاوي]

صح لسانك يافخر على هالكلمات الرائعه اللي تغري اي شاعر لتكملتها
واستلمي لاهنتي
,,,,
ماباقي الا شوي والجرح يبرى
ياللي جرحت القلب حاول تداويه
لو بعت قلبي روح لكنّ (حـذرا)
حذرا تجيني بعد بعته بتشريه
اصبرت لين القلب ماطاق صبرا
والصبر مر ونفسنا ماتدانيه
هجرك يهين الحب والحال خطـرا
حالي نحل باسباب حبك وماضيه
بعيش وادري لازم الشوق يطرا
لاكن بقطع كل حاجه تطرّيه
وان كان حن القلب لابد يضرا
لازم يعيش العمر من غير غاليه
زرعت حبك في حناياي بذرا
وزرعت فيني جرح واليومه اجنيه
سريتني في ليل مافيه مســرى
مافيه غير الهم واللي يعانيه


وسلامتك واعذريني على القصور

[فخر أهلها]

هههههههههههههههههههههه
وش اللي وبس منزلتها وانتي معصبه ؟

عز الله معصبه وطالعه الصدور من قلب بس قلت اخليك تكملها ههههههههه






صح لسانك يافخر على هالكلمات الرائعه اللي تغري اي شاعر لتكملتها


صح بدنك ويسعدني انها اعجبتك عشان تظهر الخافي
:smile:

واستلمي لاهنتي
,,,,
ماباقي الا شوي والجرح يبرى
ياللي جرحت القلب حاول تداويه
لو بعت قلبي روح لكنّ (حـذرا)
حذرا تجيني بعد بعته بتشريه
اصبرت لين القلب ماطاق صبرا
والصبر مر ونفسنا ماتدانيه
هجرك يهين الحب والحال خطـرا
حالي نحل باسباب حبك وماضيه
بعيش وادري لازم الشوق يطرا
لاكن بقطع كل حاجه تطرّيه
وان كان حن القلب لابد يضرا
لازم يعيش العمر من غير غاليه
زرعت حبك في حناياي بذرا
وزرعت فيني جرح واليومه اجنيه
سريتني في ليل مافيه مســرى
مافيه غير الهم واللي يعانيه


وسلامتك واعذريني على القصور


:احبكم:

اي قصور ياسامي اي قصور

صح لسسااااانك من اليوم الى يوم الدين

ابدعت وكنك عارف وش التكمله اللي ابيها

لله درك لامست شعوري وبقوه

يعطيك الف عافيه

[محمد بن ضاوي]

هههههههههههههههههههههه
وش اللي وبس منزلتها وانتي معصبه ؟


ياعيني بس على دقة الملاحظه ههههههههههههههه




هجرك يهين الحب والحال خطـرا
حالي نحل باسباب حبك وماضيه
,
,
فخر أهلها .. سامي العطاوي

حقيقه روووووووووووووووعه


صحت الالسن ولاهنتو على هالابداع

[محمد القنيّاوي]

صحت السنتكم لاهنتو