تراك جمهوري

[صالح الازوري]

عقب الهوايل جيت تبغى الخراجي=عساك يا الحوثي بعشرين عبرود
من يوم ضلى في سماك العجاجي=ولا بقى شجره تضلك ولا عود
بالله وش حدك عليها يا .... ناجي=وبيني وما بينك مواثيق وعهود
يا ما على شانك هدمت المحاجي=ومن الثقه ما بيني وبينك حدود
واليوم يا مرضان هاك العلاجي=هاك الدوا كانك على الكبد ملهود
من دولة اللي مطلقين الحجاجي=وان ثارت الهيجا لهم عدّ مارود
آل السعود معكرين المزاجي=قوم(ن) لهم فالوقت نيره وبارود
يا عنك ما نوحيك وانته تناجي=تراك جمهوري ... وانا جدي سعود

[سامي العطاوي]

صالح الازوري

صح لسانك وبيض الله وجهك والله لايهينك

قصيده جزله من شاعر جزل

دمت ودام ابداعك

[ليــن القســا]

مقطوعة شامخة ..
كيف لا ؟؟
وهي تسمو بشجاعة قائلها ..
سلمت ودمت للرائع شاعرنا .

[ناصر أحمد الخريش]

صح لسانك وبيض الله وجهك قصيدة وطنية تسمو باحساس مبدعها للاعلى..

[خــــالـــــد]

صـح لســـانك ..!
وتسلم يمينك

كتبت فـ أبدعت

لاهنت

[محمد بن ضاوي]

صالح الازوري ,,,

صح لسانك ولاهنت ياصالح وبانتظار جديدك

[أبوعبدالرحمن]

جزل يا صالح

صح قلبك وكلك

وسلمت اناملك


تحيتي لك

[عبدالرحمن الحميدي]

كفوا على هالقصيده الله يوفقك

[كاسب العز]

صح لسانك وبيض الله وجهك

ابدعت